|
|
|
|
|
|
|
|
Ўзбекистон Республикаси Ижтимоий таъминот вазирлигининг, Ўзбекистон Республикаси Меҳнат вазирлигининг, Ўзбекистон Республикаси Молия вазирлигининг Тартиби, 16.06.1999 йилда рўйхатдан ўтган, рўйхат рақами 748
Кучга кириш санаси
16.06.1999
Рус
Ўзб
O’zb
Ўзб|Рус
Ҳужжат кучини йўқотган 27.07.2015
|
LexUZ шарҳи
Мазкур Тартиб Ўзбекистон Республикаси Меҳнат ва аҳолини ижтимоий муҳофаза қилиш вазирлиги, Молия вазирлигининг 2015 йил 15 июлдаги 26-қ/қ, 66-сонли «Ёшга доир пенсияга чиққандан кейин ишлаётган аёлларга пенсияларни тўлиқ миқдорда тўлаш тартибини ўз кучини йўқотган деб топиш тўғрисида»ги қарорига (рўйхат рақами 748-1, 22.07.2015 й.) асосан ўз кучини йўқотган.
1. Ушбу Тартиб Ўзбекистон Республикаси Президентининг 1999 йил 17 мартдаги «Хотин-қизларнинг ижтимоий муҳофазасини кучайтиришга оид қўшимча чора-тадбирлар тўғрисида»ги Фармонига мувофиқ ишлаб чиқилди.
Фармонда ёшга доир пенсияга чиққандан кейин ўрта ва кичик тиббиёт ходимлари, провизорлар, ногирон болаларнинг интернат уйларида, «Меҳрибонлик» уйларидаги тарбиячилар шунингдек кутубхоначилар сифатида ишни давом эттираётган ва пенсияга чиқиш олдидан мазкур мутахассисликлар бўйича камида ўн йил стажга эга бўлган аёлларнинг 1999 йил 1 июлдан пенсияларни тўлиқ миқдорда олиш ҳуқуқи сақланиб қолиши белгиланган.
2. Кўрсатилган мутахассисликлар меҳнат фаолиятининг қуйидаги лавозимларда ишлаганда амалга оширилишини кўзда тутади:
3. Кўрсатилган мутахассислиги бўйича талаб қилинган иш стажининг давомийлиги ушбу Тартибнинг 2-бандида келтирилган барча лавозимлардаги иш даврларини ҳисобга олиб аниқланади.
Бунда, аёл пенсияга чиқиш олдидан Фармонда кўзда тутилмаган ишларда ишлаган бўлиб, аммо ушбу Тартибнинг 2-бандида келтирилган лавозимлардаги талаб қилинган 10 йиллик иш стажига эга бўлса ва Фармонда кўзда тутилган мутахассисликлардан бири бўйича ишни давом эттираётган бўлса, унга пенсия тўлиқ миқдорда тўланади.
Мисол. Аёл 30 йиллик иш стажига эга. Пенсияга чиқиш олдидан Фармонда кўзда тутилмаган болалар боғчасининг тарбиячиси мутахассислиги бўйича ишлаган.
Бунда аёлнинг ёшга доир пенсияга чиқиш олдидан талаб қилинган иш стажи қуйидаги даврларни қўшган ҳолда аниқланади:
Боғча тарбиячиси сифатидаги қолган иш даврлари 10 йиллик муддатда инобатга олинмайди, чунки улар фармонда кўзда тутилмаган.
Шундай қилиб, пенсияга чиқиш кунига талаб қилинган стажнинг давомийлиги 17 йилни ташкил этади. Бу аёл пенсионер бўлиб санитарка сифатида ишлаётганлиги учун, унга пенсия тўлиқ миқдорда тўланиши лозим.
4. Пенсия чиққандан кейин Фармонда кўзда тутилмаган мутахассисликлари бўйича ишни давом эттираётган аёлларга, пенсия умумий асосларда тўланади.
Мисол. Пенсияга чиқишдан олдин аёл 22 йил мобайнида касалхонада ҳамшира лавозимида ишлаб келган. Пенсияга чиққандан кейин у шу касалхонанинг ошхонасида ишчи вазифасида ишни давом эттирмоқда. Бу ҳолда пенсия тўлиқ миқдорда тўланмайди, чунки у Фармонда кўзда тутилган мутахассислик бўйича ишни давом эттирмаяпти. Агар у ишни санитарка сифатида давом эттирса, пенсия тўлиқ миқдорда тўланади.
5. Аёл, Фармонда кўзда тутилмаган мутахассислик бўйича бошқа ишга ўтган ҳолатда, корхона маъмурияти бу ҳақда ижтимоий таъминот бўлимига хабар бериши лозим.
6. Ушбу Тартиб имтиёзли шартларда, яъни «Фуқароларнинг давлат пенсия таъминоти тўғрисида»ги Қонуннинг 7-моддасида белгиланган ёшдан олдин пенсияга чиққан аёлларга ҳам қўлланилади.
7. «Фуқароларнинг давлат пенсия таъминоти тўғрисида»ги Қонуннинг 14-моддасига асосан, муддатдан олдин пенсияга чиққан аёлларга, пенсияни тўлиқ миқдорда олиш ҳуқуқи, улар Қонуннинг 7 ва 121-моддалари билан белгиланган ёшга етганларидан кейин худди шу тартиб бўйича аниқланади.