LexUZ шарҳи
Мазкур қарор Ўзбекистон Республикаси Вазирлар Маҳкамасининг 2012 йил 23 ноябрдаги 327-сонли «Ўзбекистон Республикаси Ҳукуматининг айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Вазирлар Маҳкамасининг «Олий таълим муассасалари педагог кадрларини қайта тайёрлаш ва уларнинг малакасини ошириш тизимини янада такомиллаштириш чора-тадбирлари тўғрисида»2012 йил 26 сентябрдаги 278-сон қарори)» қарорига асосан ўз кучини йўқотган
«Таълим тўғрисида» Ўзбекистон Республикаси Қонунига мувофиқ ҳамда вазирликлар ва идоралар ходимларининг малакасини ошириш институтлари фаолиятини тартибга солиш мақсадида Вазирлар Маҳкамаси қарор қилади:
1. Вазирликлар (Халқ таълими вазирлиги ва Соғлиқни сақлаш вазирлигидан ташқари) ва идоралар, концернлар, уюшмалар 1993 йил 1 январга қадар тармоқ малака ошириш институтлари ва факультетларини 1-иловага мувофиқ тугатсинлар.
2. Тугатилаётган кадрлар малакасини ошириш ва уларни қайта тайёрлаш институтлари ва факультетларининг асосий фондлари ва моддий негизидан самарали фойдаланиш бўйича комиссия таркиби 2-иловага мувофиқ тасдиқлансин.
3. Олий ва ўрта махсус таълим вазирлиги ўзига қарашли олий ўқув юртларида кадрларни қайта тайёрлаш тизимини тартибга солсин ва зарур ҳолларда шартнома асосида янги мутахассислар малакасини ошириш факультетлари очсин.
4. Белгилаб қўйилсинки, вазирликлар ва идоралар, концернлар ва уюшмалар, йирик корхоналар ва хўжаликларнинг раҳбарлар бўғинини қайта тайёрлаш ва уларнинг малакасини ошириш фақат Жаҳон иқтисодиёти ва дипломатия университети ҳузуридаги Бошқарув институти негизида, ўрта бўғинга мансуб ва корхоналар раҳбарлари малакаси — Тошкент давлат иқтисодиёт университети ҳузуридаги Малака ошириш институтида амалга оширилади.
5. Ўзбекистон Ёшлар Иттифоқи раҳбарияти бир ой муддат ичида Идоравий ёшлар институтининг ишлаши мақсадга мувофиқлиги ҳақидаги масалани кўриб чиқсин.
6. Молия вазирлиги ва Истиқболни белгилаш ва статистика давлат қўмитаси бюджетга ва статистика ҳисоботига тегишли ўзгартиришлар киритсинлар.
7. Мазкур қарорнинг бажарилишини назорат қилиш Ижтимоий масалалар, фан ва таълим мажмуи зиммасига юклатилсин.
1. Ўзбекистон Республикаси Автомобиль транспорти вазирлигининг раҳбар ходимлар ва мутахассислар малакасини ошириш Бош институти.
2. Ўзбекистон Республикаси Давлат қурилиш ишлари қўмитасининг қурилиш мажмуи раҳбар ходимлари ва мутахассисларини қайта тайёрлаш ва уларнинг малакасини ошириш тармоқлараро институти.
3. «Ўзсувқурилиш» давлат концернининг раҳбар ходимлари ва мутахассислари малакасини ошириш институти.
7. Ўзбекистон Республикаси Президенти ҳузуридаги Вазирлар Маҳкамасининг Истиқболни белгилаш ва статистика давлат қўмитасининг ҳисоб-китоб, иқтисодиёт ва бошқарув соҳаси раҳбар ходимлари ва мутахассислари малакасини ошириш институти.
9. Ўзбекистон Республикаси Маданият ишлари вазирлигини маданият ходимлари малакасини ошириш институти.