Ўзбекистон Республикаси Президентининг «Ўзбекистон Республикасининг 2019 йилга мўлжалланган Инвестиция дастурини амалга ошириш чора-тадбирлари тўғрисида» 2018 йил 19 декабрдаги ПҚ-4067-сон қарорини ижро этиш юзасидан ва суюлтирилган газ ишлаб чиқаришни кўпайтиришга ва экспорт ҳажмларини оширишга йўналтирилган суюлтирилган газ ишлаб чиқаришнинг ишлаб турган қувватларини модернизация қилишни таъминлаш мақсадида Вазирлар Маҳкамаси қарор қилади:

1. Ўзбекистон Республикаси Президентининг «2018-2019 йилларда инвестициявий ва инфратузилмавий лойиҳаларни амалга оширишни жадаллаштиришга оид қўшимча чора-тадбирлар тўғрисида» 2018 йил 19 июлдаги ПҚ-3874-сон қарорига мувофиқ «Ўзбекнефтгаз» АЖ томонидан 2019 йил декабрда ишга туширилиши назарда тутилган, умумий қиймати 48,99 млн АҚШ долларига тенг бўлган ««Шўртаннефтгаз» МЧЖда мавжуд пропан-бутан аралашмасини олиш қурилмасини (УППБС-3/1,2,5) модернизация қилиш» инвестиция лойиҳасининг техник-иқтисодий асосланиши ишлаб чиқилганлиги маълумот учун қабул қилинсин.

2. ««Шўртаннефтгаз» МЧЖда мавжуд пропан-бутан аралашмасини олиш қурилмасини (УППБС-3/1,2,5) модернизация қилиш» инвестиция лойиҳаси техник-иқтисодий асосланишининг асосий техник-иқтисодий параметрлари иловага* мувофиқ тасдиқлансин.

3. Мазкур қарорнинг бажарилишини назорат қилиш Ўзбекистон Республикаси энергетика вазири А.С. Султанов ва «Ўзбекнефтгаз» АЖ бошқаруви раиси Б.Б. Сидиқов зиммасига юклансин.