LexUZ шарҳи
Мазкур Фармон Ўзбекистон Республикаси Президентининг 2009 йил 17 июндаги ПФ-4116-сонли «Солиқ имтиёзлари тартибга солиниши муносабати билан Ўзбекистон Республикаси Президентининг айрим қарорларига ўзгартишлар киритиш ҳамда баъзиларини ўз кучини йўқотган деб ҳисоблаш тўғрисида»ги Фармонига асосан ўз кучини йўқотган.
«Ўзбекистон Республикасининг 2001 йилги давлат бюджети тўғрисида» Ўзбекистон Республикаси Олий Мажлисининг 2000 йил 14 декабрдаги 157-II-сон қарорига мувофиқ ҳамда меҳнатни рағбатлантиришни янада кучайтириш, жисмоний шахслар даромадларини солиққа тортиш тизимини соддалаштириш ва бир хил қилиш мақсадида:
1. 2001 йилнинг 1 январидан бошлаб жисмоний шахслар даромад солиғининг энг кам ставкаси 15 фоиздан 12 фоизга ва энг кўп ставкаси 40 фоиздан 36 фоизгача пасайтирилсин.
2. Белгилаб қўйилсинки, 2001 йилнинг 1 январидан бошлаб жисмоний шахсларнинг даромад солиғи иловага мувофиқ ставкалар бўйича уларнинг жами даромадидан ундириб олинади.
Ўзбекистон Республикасининг Солиқ кодексига тегишли қўшимча ва ўзгартишлар тўғрисида таклифлар киритсин;
4. Ушбу Фармоннинг ижросини назорат қилиш Ўзбекистон Республикаси Бош вазири Ў.Т. Султонов зиммасига юклансин.
Жами даромад миқдори (Битта энг кам иш хақини чиқариб ташламаган ҳолда) | Солиқ суммаси |
Энг кам иш ҳақининг тўрт карра миқдоригача | Даромад суммасининг 12 фоизи |
Энг кам иш ҳақининг тўрт карраси (+1 сўм)дан саккиз карра миқдоригача | Тўрт каррасидан солиқ + энг кам иш хақининг тўрт карра миқдоридан ошадиган суммадан 25 фоиз |
Энг кам иш ҳақининг саккиз карраси (+1 сўм)дан ва ундан юқори | Саккиз каррасидан + энг кам иш хақининг тўрт карра миқдоридан ошадиган суммадан 36 фоиз |