Ўзбекистон Болалар спортини ривожлантириш жамғармаси Ҳомийлик кенгашининг спорт объектларини, шу жумладан болалар спорти объектларини қуриш ва реконструкция қилишнинг манзилли дастурларини шакллантириш жараёнини такомиллаштириш, улардан самарали фойдаланиш, болаларнинг ҳар томонлама ривожланишини таъминлаш, ёшларни спортга кенг жалб этиш, профессионал спортчиларни тарбиялаш, шунингдек юқори малакали спортчиларни тайёрлаш юзасидан 2015 йил 25 февралдаги топшириқларини амалга ошириш мақсадида Вазирлар Маҳкамаси қарор қилади:
1. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳузурида Спорт объектларидан фойдаланишни янада такомиллаштиришга доир тавсиялар ишлаб чиқиш бўйича эксперт гуруҳлар (кейинги ўринларда Эксперт гуруҳлар деб аталади) ташкил этилсин.
2. Белгилансинки, Эксперт гуруҳлар спорт объектларини қуриш жойларини танлаш тартиботларига, шунингдек қурилиши ва реконструкция қилиниши тугалланган спорт объектларини, шу жумладан болалар спорти объектларини фойдаланишга қабул қилишга мажбурий тартибда жалб этилади.
спорт иншоотларига уларнинг типлари бўйича реал эҳтиёжни, тегишли ҳудудда муҳандислик-коммуникация ва ижтимоий инфратузилмани ривожлантиришнинг ҳолатини ҳисобга олган ҳолда қурилиш учун энг қулай ва гавжум жойларни танлаш, хусусан, спорт объектларини қуриш ва реконструкция қилишнинг манзилли дастурларини шакллантиришга доир таклифлар ҳамда хулосалар ишлаб чиқиш ва маҳаллий давлат ҳокимияти органларига тақдим этиш;
қурилиши тугалланган спорт объектларининг, шу жумладан болалар спорти объектларининг давлат қабули жараёнида иштирок этиш;
фуқароларни, нодавлат нотижорат ташкилотларини, ташкилотларни, фуқароларнинг ўзини ўзи бошқариш органларини спорт объектларини, шу жумладан болалар спорти объектларини қуриш соҳасидаги масалаларни муҳокама қилишга жалб этиш.
4. Спорт объектларидан фойдаланишни янада такомиллаштиришга доир тавсиялар ишлаб чиқиш бўйича эксперт гуруҳ тўғрисидаги низом ҳамда унинг Намунавий таркиби 1 ва 2-иловаларга мувофиқ тасдиқлансин.
Олдинги таҳрирга қаранг.
Ўзбекистон Республикаси Жисмоний тарбия ва спорт вазирлиги — Эксперт гуруҳларнинг мувофиқлаштирувчи органи;
(5-банднинг иккинчи хатбошиси Ўзбекистон Республикаси Вазирлар Маҳкамасининг 2018 йил 5 июлдаги 508-сонли қарори таҳририда — Қонун ҳужжатлари маълумотлари миллий базаси, 09.07.2018 й., 09/18/508/1477-сон)
Олдинги таҳрирга қаранг.
Ўзбекистон Республикаси Жисмоний тарбия ва спорт вазирлигининг ҳудудий бўлинмалари — Эксперт гуруҳларнинг ишчи органи этиб белгилансин.
(5-банднинг учинчи хатбошиси Ўзбекистон Республикаси Вазирлар Маҳкамасининг 2020 йил 12 августдаги 481-сонли қарори таҳририда — Қонун ҳужжатлари маълумотлари миллий базаси, 13.08.2020 й., 09/20/481/1169-сон)
6. Ўзбекистон Республикаси Маданият ва спорт ишлари вазирлиги, Халқ таълими вазирлиги бир ой муддатда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан келишган ҳолда Эксперт гуруҳларнинг шахсий таркибини тасдиқласинлар.
7. Белгилаб қўйилсинки, стадионлар ва балансда сақловчиси бюджет ташкилотлари ва давлат корхоналари бўлган йирик спорт объектларининг директорлари лавозимга Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари билан келишган ҳолда тайинланади.
8. Ўзбекистон Республикаси Маданият ва спорт ишлари вазирлиги, Халқ таълими вазирлиги Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда бир ой муддатда спорт объектларининг фаолият кўрсатиши ҳолатини пухта ва синчиклаб таҳлил қилиш асосида спорт объектларидан, шу жумладан болалар спорти объектларидан фойдаланиш самарадорлигини ошириш чора-тадбирлари дастурини ишлаб чиқсинлар, бунда қуйидаги масалаларнинг ҳал этилишига асосий эътибор қаратилсин:
умумтаълим мактаблари, касб-ҳунар коллежлари ва академик лицейлар ўқувчиларининг спорт билан оммавий равишда шуғулланишларини таъминлаш;
спорт иншоотларини, белгиланган нормативлардан келиб чиққан ҳолда, замонавий спорт асбоб-ускуналари ва инвентарлари билан жиҳозлаш;
спорт иншоотларини юқори малакали, касбий жиҳатдан тайёрланган тренер кадрлар, шу жумладан аёл тренерлар билан таъминлаш;
спорт ва спорт тадбирларининг ҳар хил турлари бўйича ўтказиладиган мунтазам машғулотлар сонини кўпайтириш йўли билан спорт объектларининг бандлигини таъминлаш;
болалар ва ёш спортчилардан, шунингдек Ўзбекистон терма жамоалари ва уларнинг резервдаги аъзоларидан республика ва халқаро мусобақаларда совриндорлар тайёрлаш ҳисобига спорт билан шуғулланиш натижадорлигини ошириш;
маҳаллий ижро этувчи ҳокимият органлари раҳбарларининг ўз ҳудудида ташкил этилган спорт объектларининг, шу жумладан болалар спорти объектларининг белгиланган мақсаддан ташқари ва паст самарали ишлари юзасидан шахсий жавобгарлигини кучайтириш.
9. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.И. Икрамов зиммасига юклансин.
1. Ушбу Низом спорт объектларидан фойдаланишни янада такомиллаштиришга доир тавсияларни ишлаб чиқиш бўйича Эксперт гуруҳ (кейинги ўринларда Эксперт гуруҳ деб аталади) фаолияти тартибини белгилайди.
3. Эксперт гуруҳ ўз фаолиятида Ўзбекистон Республикаси Конституцияси ва қонунларига, бошқа қонун ҳужжатларига, шунингдек ушбу Низомга амал қилади.
4. Эксперт гуруҳ фаолиятини ташкилий-техник жиҳатдан таъминлаш белгиланган тартибда маҳаллий давлат ҳокимияти органларининг маблағлари ҳисобига амалга оширилади.
6. Фуқаролар, нодавлат нотижорат ташкилотлари ва фуқароларнинг ўзини ўзи бошқариш органларининг эҳтиёжларини ҳамда жисмоний тарбия ва спортни ривожлантиришдан манфаатдорлигини ҳисобга олган ҳолда спорт объектларидан, шу жумладан болалар спорти объектларидан мақсадли ва самарали фойдаланиш учун шарт-шароитлар яратиш бўйича таклифларни ишлаб чиқиш ва тақдим этиш Эксперт гуруҳ фаолиятининг асосий мақсади ҳисобланади.
спорт иншоотларига уларнинг типлари бўйича реал эҳтиёжни, тегишли ҳудудда муҳандислик-коммуникация ва ижтимоий инфратузилмани ривожлантиришнинг ҳолатини ҳисобга олган ҳолда қурилиш учун энг қулай ва гавжум жойларни танлаш, хусусан, спорт объектларини қуриш ва реконструкция қилишнинг манзилли дастурларини шакллантиришга доир таклифлар ҳамда хулосалар ишлаб чиқиш ва маҳаллий давлат ҳокимияти органларига тақдим этиш;
қурилиши тугалланган спорт объектларининг, шу жумладан болалар спорти объектларининг давлат қабули жараёнида иштирок этиш;
фуқароларни, нодавлат нотижорат ташкилотларини, ташкилотларни, фуқароларнинг ўзини ўзи бошқариш органларини спорт объектларини, шу жумладан болалар спорти объектларини қуриш соҳасидаги масалаларни муҳокама қилишга жалб этиш.
спорт объектлари қуриш учун жойларни тайёрлаш жараёнида, жумладан қуриш ва реконструкция қилишнинг манзилли дастурлари лойиҳаларини, ўртача муддатли, узоқ муддатли ривожлантириш дастурларини, концепцияларни ҳамда ҳудудларнинг жисмоний тарбия ва спорт инфратузилмасини ривожлантириш соҳасига тааллуқли бошқа ҳужжатларни ишлаб чиқишда қатнашади;
қурилган спорт объектларини, шу жумладан болалар спорти объектларининг давлат қабули жараёнида маҳаллий давлат ҳокимияти органларига таклифларни ва эксперт хулосани тақдим этади;
спорт объектлари, шу жумладан болалар спорти объектлари инфратузилмасини ривожлантиришнинг устувор йўналишлари таҳлили ва мониторингини олиб боради;
спорт объектлари, шу жумладан болалар спорти объектлари инфратузилмасини ривожлантириш соҳасида Ўзбекистон Республикаси фуқаролари, нодавлат нотижорат ташкилотларининг жамоатчилик ташаббусларини, давлат ҳокимияти органларининг таклифларини кўриб чиқади ва экспертизадан ўтказади;
спорт объектлари, шу жумладан болалар спорти объектлари инфратузилмасидан фойдаланиш самарадорлигини ошириш ва ривожлантиришга йўналтирилган таҳлилий ва ахборот материаллари, лойиҳалар ва бошқа ҳужжатлар шаклидаги таклифлар ва тавсияларни ишлаб чиқади ҳамда кўриб чиқиш учун маҳаллий давлат ҳокимияти органларига киритади;
Эксперт гуруҳ мажлисларида муҳокама қилинадиган масалаларни ёритиш юзасидан оммавий ахборот воситалари билан ўзаро ҳамкорлик қилади.
9. Эксперт гуруҳнинг маҳаллий давлат ҳокимияти органларига тақдим этилган таклифлари ва хулосаларини кўриб чиқиш мажбурийдир.
спорт объектларини қуриш, реконструкция қилиш ва улардан фойдаланиш масалаларини кўриб чиқишда ижро этувчи ҳокимият органлари, давлат муассасалари ва ташкилотлари раҳбарларини, шунингдек нодавлат нотижорат ташкилотлари вакилларини Эксперт гуруҳ мажлисига таклиф этиш;
Эксперт гуруҳ ваколатига тегишли бўлган масалалар бўйича ишчи гуруҳлар ташкил этиш, уларнинг таркибига самарали ишлаш учун нодавлат нотижорат ташкилотлари вакиллари киритилиши мумкин;
Эксперт гуруҳларнинг сифатли ишлаши учун зарур бўлган уларнинг ваколатига кирадиган ахборотни маҳаллий давлат ҳокимияти органларидан ҳамда бошқа давлат ташкилотлари ва нодавлат нотижорат ташкилотларидан, тадбиркорлик субъектларидан сўраб олиш.
11. Эксперт гуруҳ таркиби маҳаллий ижро этувчи ҳокимият органлари, фуқароларнинг ўзини ўзи бошқариш органлари вакилларидан, спорт тренерлари ҳамда жисмоний тарбия ва спорт ходимларидан, давлат ташкилотлари ва нодавлат нотижорат ташкилотлари вакилларидан шакллантирилади.
Олдинги таҳрирга қаранг.
Эксперт гуруҳ раиси — Ўзбекистон Республикаси Жисмоний тарбия ва спорт вазирлигининг ҳудудий бўлинмаси раҳбари;
(14-банднинг иккинчи хатбошиси Ўзбекистон Республикаси Вазирлар Маҳкамасининг 2018 йил 5 июлдаги 508-сонли қарори таҳририда — Қонун ҳужжатлари маълумотлари миллий базаси, 09.07.2018 й., 09/18/508/1477-сон)
Олдинги таҳрирга қаранг.
Эксперт гуруҳ раисининг ўринбосарлари — Ўзбекистон Республикаси Жисмоний тарбия ва спорт вазирлигининг ҳудудий бўлинмаси раҳбари ўринбосари ва Ўзбекистон Миллий олимпия қўмитасининг ҳудудий вакиллари;
(14-банднинг учинчи хатбошиси Ўзбекистон Республикаси Вазирлар Маҳкамасининг 2020 йил 12 августдаги 481-сонли қарори таҳририда — Қонун ҳужжатлари маълумотлари миллий базаси, 13.08.2020 й., 09/20/481/1169-сон)
Эксперт гуруҳ аъзолари — фуқароларнинг ўзини ўзи бошқариш органлари вакиллари, спорт тренерлари ҳамда жисмоний тарбия ва спортнинг бошқа мутахассислари, давлат ташкилотлари ва нодавлат нотижорат ташкилотларининг вакиллари;
Олдинги таҳрирга қаранг.
Эксперт гуруҳ котиби — Ўзбекистон Республикаси Жисмоний тарбия ва спорт вазирлигининг ҳудудий бўлинмаси мутахассиси.
(14-банднинг бешинчи хатбошиси Ўзбекистон Республикаси Вазирлар Маҳкамасининг 2020 йил 12 августдаги 481-сонли қарори таҳририда — Қонун ҳужжатлари маълумотлари миллий базаси, 13.08.2020 й., 09/20/481/1169-сон)
15. Эксперт гуруҳ раиси бўлмаган тақдирда унинг вазифаларини бажариш раиснинг ўринбосарларидан бирига юкланади.
Олдинги таҳрирга қаранг.
16. Эксперт гуруҳнинг шахсий таркиби Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан келишган ҳолда Ўзбекистон Республикаси Жисмоний тарбия ва спорт вазирлиги томонидан тасдиқланади.
(16-банд Ўзбекистон Республикаси Вазирлар Маҳкамасининг 2018 йил 5 июлдаги 508-сонли қарори таҳририда — Қонун ҳужжатлари маълумотлари миллий базаси, 09.07.2018 й., 09/18/508/1477-сон)
раиснинг ўринбосарлари ва Эксперт гуруҳ аъзолари ўртасида вазифаларни тақсимлайди, Эксперт гуруҳ фаолияти доирасида уларга топшириқлар беради;
Эксперт гуруҳ фаолияти масалалари бўйича маҳаллий давлат ҳокимияти органлари билан ўзаро ҳамкорлик қилади.
Олдинги таҳрирга қаранг.
18. Ўзбекистон Республикаси Жисмоний тарбия ва спорт вазирлигининг тегишли ҳудудий бўлинмаси Эксперт гуруҳнинг ишчи органи (кейинги ўринларда ишчи орган деб аталади) ҳисобланади.
(18-банд Ўзбекистон Республикаси Вазирлар Маҳкамасининг 2020 йил 12 августдаги 481-сонли қарори таҳририда — Қонун ҳужжатлари маълумотлари миллий базаси, 13.08.2020 й., 09/20/481/1169-сон)
Эксперт гуруҳ мажлисларини ўтказишга барча зарур материалларнинг ўз вақтида тайёрланишини таъминлайди ҳамда унга давлат органлари ва бошқа ташкилотлардан, шунингдек Эксперт гуруҳ аъзоларидан зарур материаллар ва эксперт хулосаларини олиш ҳуқуқи берилади;
Эксперт гуруҳ мажлислари ўтказилишини ва кун тартибидаги масалалар бўйича таҳлилий материаллар тайёрланишини ташкил этади;
Эксперт гуруҳ аъзоларини ва таклиф этилган шахсларни, тегишли материалларни юборган ҳолда, мажлис ўтказиладиган сана, жой ва вақт тўғрисида хабардор қилади.
20. Эксперт гуруҳнинг қарори билан ишчи органга унинг фаолияти самарадорлигини ошириш ва аттестация ўтказиш мақсадида бошқа функциялар ҳам юкланиши мумкин.
қонун ҳужжатларига мувофиқ у ҳуқуқий лаёқатсиз, сабабсиз ҳозир бўлмаган ёки вафот этган деб эътироф этилганда.
22. Эксперт гуруҳ аъзоси унинг таркибига киришига тўсқинлик қилувчи ҳолатлар юз берган тақдирда, у тегишли ҳолатлар юзага келган кундан бошлаб беш иш куни мобайнида Эксперт гуруҳ раиси номига Эксперт гуруҳ таркибидан чиқиш тўғрисида ёзма ариза юбориши шарт.
23. Эксперт гуруҳнинг шахсий таркиби ва фаолияти тўғрисидаги маълумотлар маҳаллий давлат ҳокимияти органининг расмий сайтида жойлаштирилади.
Олдинги таҳрирга қаранг.
Раис | ― | Ўзбекистон Республикаси Жисмоний тарбия ва спорт вазирлигининг ҳудудий бўлинмаси раҳбари |
Раис ўринбосари | ― | Ўзбекистон Республикаси Жисмоний тарбия ва спорт вазирлигининг ҳудудий бўлинмаси раҳбари ўринбосари |
Раис ўринбосари | ― | Ўзбекистон Миллий олимпия қўмитасининг ҳудудий вакили |
гуруҳ аъзолари | ― | фуқароларнинг ўзини ўзи бошқариш органлари вакиллари, спорт тренерлари ҳамда жисмоний тарбия ва спортнинг бошқа мутахассислари, давлат ва нодавлат нотижорат ташкилотлари вакиллари |
гуруҳ котиби | ― | Ўзбекистон Республикаси Жисмоний тарбия ва спорт вазирлигининг ҳудудий бўлинмасининг мутахассиси». |
(2-илованинг матни Ўзбекистон Республикаси Вазирлар Маҳкамасининг 2020 йил 12 августдаги 481-сонли қарори таҳририда — Қонун ҳужжатлари маълумотлари миллий базаси, 13.08.2020 й., 09/20/481/1169-сон)