LexUZ шарҳи
Мазкур Фармон Ўзбекистон Республикаси Президентининг 2019 йил 14 январдаги ПФ-5630-сонли «Давлат активларини бошқариш, монополияга қарши курашишни тартибга солиш тизимини ва капитал бозорини тубдан такомиллаштириш чора-тадбирлари тўғрисида»ги Фармонига асосан ўз кучини йўқотган.
Қимматли қоғозлар бозорининг ишлаш самарадорлигини ошириш ва уни давлат йўли билан тартибга солиш, унинг қатнашчилари фаолиятини мувофиқлаштириш, сармоядорларнинг ҳуқуқ ва манфаатлари ишончли ҳимоя қилинишини таъминлаш мақсадида:
Олдинги таҳрирга қаранг.
(1-банднинг биринчи хатбошиси Ўзбекистон Республикаси Президентининг 2013 йил 28 августдаги ПФ-4561-сонли Фармонига асосан чиқарилган — ЎР ҚҲТ, 2013 й., 36-сон, 477-модда)
1. Ўзбекистон Республикаси Давлат рақобат қўмитаси ҳузуридаги қимматли қоғозлар бозорини ривожлантириш Маркази қимматли қоғозлар бозорини тартибга солиш бўйича ваколатли давлат органи этиб белгилансин.
(1-банднинг иккинчи хатбошиси Ўзбекистон Республикаси Президентининг 2013 йил 28 августдаги ПФ-4561-сонли Фармони таҳририда — ЎР ҚҲТ, 2013 й., 36-сон, 477-модда)
2. Белгилансинки, Ўзбекистон Республикаси Давлат рақобат қўмитаси ҳузуридаги қимматли қоғозлар бозорини ривожлантириш Маркази:
(2-банднинг биринчи хатбошиси Ўзбекистон Республикаси Президентининг 2013 йил 28 августдаги ПФ-4561-сонли Фармони таҳририда — ЎР ҚҲТ, 2013 й., 36-сон, 477-модда)
қимматли қоғозлар бозорини шакллантириш, ривожлантириш, назорат қилиш ва тартибга солиш соҳасида давлат сиёсатини амалга оширади;
инвесторларнинг ҳамда қимматли қоғозлар эгаларининг ҳуқуқлари ва қонуний манфаатлари ҳимоя қилинишини таъминлайди;
қимматли қоғозлар бозорини ва унинг иштирокчилари фаолиятини шакллантириш ҳамда тартибга солиш соҳасида норматив-ҳуқуқий ҳужжатларни ишлаб чиқади;
қимматли қоғозлар бозорида касб фаолиятини амалга оширишга бўлган талабларни, қимматли қоғозлар бозори профессионал иштирокчилари мутахассисларига нисбатан малакавий талабларни белгилайди, уларни аттестациядан ўтказади ва малака аттестатларини беради;
эмиссион қимматли қоғозларни (давлатникидан ташқари) муомалага чиқариш қоидаларини, қимматли қоғозлар билан бўладиган битишувларни рўйхатга олиш қоидаларини, қимматли қоғозлар билан ўтказиладиган операцияларни ҳисобга олиш ва ҳисобот стандартларини, қимматли қоғозлар эгаларининг реестрларини ва қимматли қоғозлар билан бўладиган битишувларнинг ҳисоб регистрини юритиш тартибини тасдиқлайди;
давлат бошқаруви органлари, қимматли қоғозлар бозори қатнашчилари томонидан қимматли қоғозлар бозори тўғрисидаги қонун ҳужжатлари бажарилиши устидан назоратни амалга оширади ва қимматли қоғозлар бозори тўғрисидаги қонун ҳужжатларини бузиш ҳоллари аниқланганда улар юзасидан хулосалар чиқаради ҳамда бажарилиши мажбурий бўлган кўрсатмалар беради, қоидабузарларга нисбатан қонун ҳужжатларига мувофиқ санкциялар қўллайди;
қимматли қоғозлар билан ўтказиладиган операциялар хатарини чекловчи шахсий маблағлар етарлилиги ва бошқа кўрсаткичларнинг мажбурий нормативларини, шунингдек давлатникидан ташқари қимматли қоғозлар операциялари бўйича ҳужжатларни сақлаш муддатларини белгилайди.
(2-банд Ўзбекистон Республикаси Президентининг 2008 йил 24 октябрдаги ПФ-4045-сонли Фармони таҳририда — ЎР ҚҲТ, 2008 й., 44-45-сон, 440-модда)
Ўзбекистон Республикаси Давлат рақобат қўмитаси ҳузуридаги қимматли қоғозлар бозорини ривожлантириш Марказининг ўз ваколатлари доирасида қабул қилинган қарорлари давлат ва маҳаллий бошқарув органлари, хўжалик юритувчи субъектлар, қимматли қоғозлар бозорининг профессионал ва нопрофессионал қатнашчилари, уларнинг бирлашмалари (уюшмалари), шунингдек Ўзбекистон Республикаси ва хорижий давлатларнинг фуқаролари ижро этишлари учун мажбурий ҳисобланади;
(3-банднинг иккинчи хатбошиси Ўзбекистон Республикаси Президентининг 2013 йил 28 августдаги ПФ-4561-сонли Фармони таҳририда — ЎР ҚҲТ, 2013 й., 36-сон, 477-модда)
қимматли қоғозлар бозори ишлашини мувофиқлаштириш ва назорат қилиш Марказининг бошлиғи қонун ҳужжатларида белгиланган тартибда тайинланади.
(3-банднинг учинчи хатбошиси Ўзбекистон Республикаси Президентининг 2013 йил 28 августдаги ПФ-4561-сонли Фармони таҳририда — ЎР ҚҲТ, 2013 й., 36-сон, 477-модда)
Олдинги таҳрирга қаранг.
(3-банднинг тўртинчи хатбоши Ўзбекистон Республикаси Президентининг 2008 йил 24 октябрдаги ПФ-4045-сонли Фармони билан чиқарилган — ЎР ҚҲТ, 2008 й., 44-45-сон, 440-модда)
4. Ўзбекистон Республикаси Давлат мулки қўмитасининг, Республика «Тошкент» фонд биржасининг қимматли қоғозлар бозори қатнашчиларига маслаҳат-аудиторлик ва ахборот хизматларини кўрсатувчи ноҳукумат Агентлигини ташкил қилиш тўғрисидаги таклифи маъқуллансин.
Ўзбекистон Республикаси Давлат мулки қўмитаси қимматли қоғозлар бозори қатнашчиларига маслаҳат-аудиторлик ва ахборот хизматларини кўрсатувчи Агентликка хусусийлаштиришдан тушаётган маблағлар ҳисобидан 20 миллион сўм миқдорида қайтариб олинмайдиган бир йўла молиявий ёрдам берсин.
Ўзбекистон Республикаси Давлат мулки қўмитаси, Молия вазирлиги, Адлия вазирлиги манфаатдор ташкилотлар билан биргаликда бир ой муддат ичида мазкур Агентликни тузиш тўғрисидаги зарур таклифларни киритсинлар.
LexUZ шарҳи
Қаранг: Ўзбекистон Республикаси Вазирлар Маҳкамасининг 1996 йил 25 апрелдаги 161-сонли «Ўзбекистон Республикасида қимматли қоғозлар бозори қатнашчиларига маслаҳат-аудиторлик ва ахборот хизматлари кўрсатиш Агентлигини ташкил этиш ва унинг фаолияти масалалари тўғрисида»ги қарори.
5. Ўзбекистон Республикасининг Вазирлар Маҳкамаси Ўзбекистон Республикаси Давлат мулки қўмитаси ҳузуридаги қимматли қоғозлар бозори ишлашини мувофиқлаштириш ва назорат қилиш Марказининг фаолиятини ташкил этиш тўғрисида бир ҳафта муддат ичида қарор қабул қилиб, Марказнинг структурасини ва унинг тўғрисидаги Низомни тасдиқласин.
Олдинги таҳрирга қаранг.
(6-банд Ўзбекистон Республикаси Президентининг 2008 йил 24 октябрдаги ПФ-4045-сонли Фармони билан чиқарилган — ЎР ҚҲТ, 2008 й., 44-45-сон, 440-модда)