Ўзбекистон Республикаси «Давлат божхона хизмати тўғрисида»ги Қонунининг (Ўзбекистон Республикаси Олий Мажлисининг Ахборотномаси, 1997 й., 9-сон, 230-модда) 6 ва 7-моддалари, Ўзбекистон Республикаси Президентининг 2009 йил 1 июндаги ПҚ-1118-сон «Жисмоний шахслар томонидан истеъмол товарларини олиб киришни тартибга солиш чора-тадбирлари тўғрисида»ги (Ўзбекистон Республикаси қонун ҳужжатлари тўплами, 2009 й., 23-сон, 262-модда) қарори ва «Жисмоний шахслар томонидан Ўзбекистон Республикаси ҳудудига товарлар олиб келинганлиги учун йиғим ундиришни жорий этиш тўғрисида»ги (Ўзбекистон Республикаси Ҳукумати қарорлари тўплами, 1996 й., № 8, 22-модда) қарорига мувофиқ Ўзбекистон Республикаси Молия вазирлиги ва Давлат божхона қўмитаси қарор қиладилар:

1. Ўзбекистон Республикаси Молия вазирлиги ва Бош божхона бошқармаси томонидан 1996 йил 7 сентябрдаги 55, 1200-сон билан тасдиқланган Ўзбекистон Республикаси ҳудудига жисмоний шахслар томонидан товарларни божсиз олиб киришнинг нормаларига (рўйхат рақами 279, 1996 йил 10 сентябрь) иловага* мувофиқ ўзгартиришлар киритилсин.

2. Мазкур қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киради.