Ўзбекистон Республикаси Президентининг «Ўзбекистон Миллий телерадиокомпанияси тизимида юқори технологияли телерадиоускуналардан фойдаланиш самарадорлигини янада ошириш чора-тадбирлари тўғрисида» 2009 йил 1 апрелдаги ПҚ-1088-сон қарорига мувофиқ:
1. Ўзбекистон Республикаси Президентининг 2005 йил 8 ноябрдаги ПФ-3678-сон Фармони билан тасдиқланган Ўзбекистон Миллий телерадиокомпанияси тўғрисидаги низомга иловага мувофиқ ўзгартишлар киритилсин.
2. Мазкур Фармоннинг ижросини назорат қилиш Ўзбекистон Республикаси Президентининг Мамлакатни ислоҳ қилиш ва янгилашнинг ҳуқуқий базасини такомиллаштириш масалалари бўйича Давлат маслаҳатчиси хизмати (Ш.Х. Файзиев) зиммасига юклансин.
1. 15-банднинг иккинчи хатбошидаги «бир нафар биринчи» сўзлари «икки нафар биринчи» сўзлари билан алмаштирилсин.
«Компания раиси мавқеи жиҳатидан вазирга, биринчи ўринбосарлари ва ўринбосарлари — тегишли равишда вазирнинг биринчи ўринбосарлари ҳамда ўринбосарларига тенглаштирилади».