Ahdlashuvchi tomonlar,

Birlashgan Millatlar Tashkiloti Nizomida eʼlon qilingan erkaklar va ayollar oʻrtasida tenglik tamoyilini amalga oshirishni istagan holda, Birlashgan Millatlar Tashkiloti Nizomi va Inson huquqlari umumjahon deklaratsiyasiga muvofiq ayollar va erkaklarning siyosiy huquqlardan foydalanishdagi maqomini tenglashtirishni istagan holda,

Shu maqsadda Konvensiya tuzishga qaror qilib,

Quyidagilarga kelishib oldilar:

Ayollar barcha saylovlarda, hech qanday kamsitishlarsiz, erkaklar bilan teng sharoitlarda ovoz berish huquqiga ega.

Ayollar milliy qonunchilikda belgilangan tartibda, hech qanday kamsitishlarsiz, erkaklar bilan teng sharoitlarda saylanish huquqiga ega.

Ayollar erkaklar bilan teng sharoitlarda, hech qanday kamsitishlarsiz, milliy qonunchilikda belgilangan tartibda barcha davlat va jamoat xizmati lavozimlarini egallash va ularni amalga oshirish huquqiga ega.

1. Ushbu Konvensiya Birlashgan Millatlar Tashkilotining har qanday aʼzolari, shuningdek Bosh Assambleyadan taklifnoma olgan boshqa davlatlar tomonidan imzolanishi uchun ochiqdir.

2. Ushbu Konvensiya ratifikatsiya qilinishi va ratifikatsiya hujjatlari Birlashgan Millatlar Tashkilotining Bosh kotibiga topshirilishi kerak.

1. Ushbu Konvensiya IV moddaning 1-bandida koʻrsatilgan barcha davlatlarning qoʻshilishi uchun ochiqdir.

2. Konvensiyaga qoʻshilish Birlashgan Millatlar Tashkilotining Bosh kotibiga qoʻshilish toʻgʻrisidagi deklaratsiyani topshirish orqali amalga oshiriladi.

1. Ushbu Konvensiya oltinchi ratifikatsiya hujjati yoki qoʻshilish deklaratsiyasi topshirilishining toʻqsoninchi kunidan kuchga kiradi.

2. Ushbu Konvensiyaning ratifikatsiya hujjati yoki qoʻshilish deklaratsiyasi uni ratifikatsiya qiluvchi yoki unga qoʻshiluvchi har bir davlat uchun oltinchi ratifikatsiya hujjatini yoki qoʻshilish deklaratsiyasini topshirgandan keyingi toʻqsoninchi kuni kuchga kiradi.

Davlat imzolash, ratifikatsiya qilish yoki qoʻshilish paytida ushbu Konvensiyaning moddasiga qoʻshimcha shart kiritgan taqdirda, Bosh kotib ushbu qoʻshimcha shart matnini ushbu Konvensiyaning ishtirokchisi boʻlgan yoki ishtirok etishi mumkin boʻlgan barcha davlatlarga yetkazadi. Ushbu qoʻshimcha shartga qarshi boʻlgan har qanday davlat, ushbu xabar yuborilgan kundan boshlab toʻqson kun ichida (yoki u Konvensiya ishtirokchisi boʻlgan kundan boshlab) Bosh kotibga buni qabul qilmasligi toʻgʻrisida xabar berishi mumkin. Bunday holatda Konvensiya ushbu davlat va qoʻshimcha shart kiritgan davlat oʻrtasida kuchga kirmaydi.

1. Har qanday davlat Birlashgan Millatlar Tashkilotining Bosh kotibiga yozma ravishda xabar berish orqali ushbu Konvensiyani bekor qilishi mumkin. Denonsatsiya Bosh kotib ushbu bildirishnomani olgan kundan bir yil oʻtgandan keyin kuchga kiradi.

2. Ushbu Konvensiya ishtirokchilari soni oltitadan kam boʻlib qolgan taqdirda denonsatsiya kuchga kirgan kundan toʻxtaydi, oʻz kuchini yoʻqotadi.

Ushbu Konvensiyani talqin qilish yoki qoʻllash boʻyicha har qanday ikki yoki undan ortiq Ahdlashuvchi davlatlar oʻrtasida kelib chiqadigan, muzokaralar yoʻli bilan hal qilinmaydigan har qanday nizo, ushbu nizo tomonlaridan birining iltimosiga binoan, agar ular yarashuvning boshqa biror tartibi toʻgʻrisida kelishmasa, Xalqaro sud tomonidan hal qilinadi.

Birlashgan Millatlar Tashkilotining Bosh kotibi Birlashgan Millatlar Tashkilotining barcha aʼzolarini va ushbu Konvensiyaning IV moddasi 1-bandida koʻrsatilgan aʼzo boʻlmagan davlatlarni quyidagilardan xabardor qilishi lozim:

a) IV moddaga muvofiq olingan imzolar va ratifikatsiya hujjatlari;

b) V moddaga muvofiq qabul qilingan qoʻshilish toʻgʻrisidagi deklaratsiyalar;

c) VI moddaga muvofiq ushbu Konvensiya kuchga kiradigan kun;

d) VII moddaga muvofiq olingan muloqotlar va bildirishnomalar;

e) VIII moddaning 1-bandiga muvofiq olingan denonsatsiya toʻgʻrisida bildirishnomalar;

f) VIII moddaning 2-bandiga muvofiq Konvensiyaning oʻz kuchini yoʻqotishi.

1. Xitoy, ingliz, fransuz, rus va ispan tilidagi matnlari bir xil kuchga ega boʻlgan ushbu Konvensiya Birlashgan Millatlar Tashkilotining arxivida saqlanadi.

2. Birlashgan Millatlar Tashkilotining Bosh kotibi tasdiqlangan nusxalarini Birlashgan Millatlar Tashkilotining barcha aʼzolariga va IV moddaning 1-bandida nazarda tutilgan tashkilotga aʼzo boʻlmagan davlatlarga yuborishi lozim.