Mamlakatimizning xalqaro obro‘si va nufuzini oshirish, ijtimoiy-iqtisodiy va ma’naviy salohiyatini, mudofaa qudratini yuksaltirish, sarhadlarimizning tinchligi va xavfsizligini ta’minlash, millatlararo do‘stlik va totuvlikni qaror toptirish, jamoat tartibini va huquq-tartibotni mustahkamlash, islohotlarni amalga oshirish, yosh avlodni milliy istiqlol g‘oyalari ruhida tarbiyalash borasida fidokorlik namunalarini ko‘rsatayotgan vatandoshlarimizning mehnatlarini munosib taqdirlash maqsadida hamda O‘zbekiston Respublikasi mustaqilligining 10 yilligi munosabati bilan:
2. “O‘zbekiston mustaqilligining 10 yilligi” esdalik nishonining Nizomi va tavsifi tasdiqlansin (“O‘zbekiston mustaqilligining 10 yilligi” esdalik nishoni to‘g‘risidagi Nizom va uning tavsifi ilova qilinadi).
1. “O‘zbekiston mustaqilligining 10 yilligi” esdalik nishoni bilan mamlakatimizning xalqaro obro‘si va nufuzini oshirish, ijtimoiy-iqtisodiy va ma’naviy salohiyatini, mudofaa qudratini yuksaltirish, sarhadlarimizning tinchligi va xavfsizligini ta’minlash, millatlararo do‘stlik va totuvlikni qaror toptirish, jamoat tartibini va huquq-tartibotni mustahkamlash, islohotlarni amalga oshirish, yosh avlodni milliy istiqlol g‘oyalari ruhida tarbiyalash borasida fidokorlik namunalarini ko‘rsatayotgan ziyolilar, fan va madaniyat namoyondalari, ishchi va xizmatchilar, jamoa xo‘jaliklari a’zolari, tadbirkorlar, mehnat faxriylari, harbiy xizmatchilar, huquqni muhofaza qiluvchi organlar xodimlari va boshqalar taqdirlanadilar.
2. O‘zbekiston Respublikasi fuqarosi bo‘lmagan shaxslar “O‘zbekiston mustaqilligining 10 yilligi” esdalik nishoni bilan ushbu Nizomning birinchi bandida ko‘rsatilgan xizmatlari uchun taqdirlanishi mumkin.
3. “O‘zbekiston mustaqilligining 10 yilligi” esdalik nishoni bilan taqdirlash O‘zbekiston Respublikasi Prezidenti nomidan vazirliklar, idoralar va jamoat birlashmalarining respublika organlari rahbarlari, Qoraqalpog‘iston Respublikasi Jo‘qorg‘i Kengesi raisi, Toshkent shahri va viloyatlar hokimlari tomonidan amalga oshiriladi.
4. “O‘zbekiston mustaqilligining 10 yilligi” esdalik nishoni va taqdirlash to‘g‘risidagi hujjat taqdirlanganlarga tantanali vaziyatda vazirliklar, idoralar va jamoat birlashmalarining respublika organlari rahbarlari, Qoraqalpog‘iston Respublikasi Jo‘qorg‘i Kengesi raisi, Toshkent shahri, viloyatlar, tuman va shahar hokimlari tomonidan topshiriladi.
5. “O‘zbekiston mustaqilligining 10 yilligi” esdalik nishoni qo‘krakning chap tomoniga davlat mukofotlaridan keyin taqiladi.
“O‘zbekiston mustaqilligining 10 yilligi” esdalik nishoni 0,25 mikron qalinlikdagi oltin bilan qoplangan mis qotishmasidan tayyorlanib, diametri 34 millimetrli doira shakliga ega bo‘ladi.
Esdalik nishonining kumush rang bilan hoshiyalangan old tomonida O‘zbekiston Respublikasi Prezidentining “OQ SAROY” qarorgohi binosi fonida Amir Temur haykali tasvirlangan.
Esdalik nishoni yuqori qismiga doira bo‘ylab “O’ZBEKISTON MUSTAQILLIGINING 10 YILLIGI” so‘zlari yozilgan.
Esdalik nishoni halqacha va ilgakcha yordamida, ko‘k rangdagi muhayar lenta bilan o‘ralgan kolodka bilan tutashtiriladi.