Ўзбекистон Республикаси Қуролли Кучлари ҳарбий хизматчиларини ва ҳарбий хизматга мажбурларни ҳарбий ҳисобга олиш тизимини такомиллаштириш ҳамда Ўзбекистон Республикаси Президентининг «Ўзбекистон Республикасида паспорт тизимини такомиллаштириш тўғрисида» 1999 йил 26 февралдаги ПФ-2240-сон Фармонига мувофиқ Вазирлар Маҳкамаси қарор қилади:
1. Ўзбекистон Республикаси Қуролли Кучлари офицери шахсий гувоҳномаси, битимга биноан ҳарбий хизматчи шахсий гувоҳномаси, захирадаги офицернинг гувоҳномаси ва ҳарбий гувоҳномасининг янги намуналари 1—4-иловаларга* мувофиқ тасдиқлансин ва 2002 йил 1 июндан бошлаб амалга киритилсин.
Қуролли Кучлар офицерлари шахсий гувоҳномаси ва ҳақиқий ҳарбий хизматдаги битимга биноан ҳарбий хизматчиларнинг шахсий гувоҳномаси 2002 йил 1 сентябргача;
Белгилансинки, Ўзбекистон Республикаси Қуролли Кучлари ҳарбий хизматчилари ва ҳарбий хизматга мажбурларнинг гувоҳномалари мавжуд намуналари уларни янги намунадаги ҳужжатларга алмаштириш учун белгиланган давр мобайнида ҳақиқий ҳисобланади.
Ўзбекистон Республикаси Қуролли Кучлари офицерининг, битимга биноан ҳарбий хизматчининг шахсий гувоҳномалари ва захирадаги офицернинг гувоҳномаси тўғрисидаги Низом 5-иловага мувофиқ;
3. Ўзбекистон Республикаси Мудофаа вазирлиги (Қ.Ғ. Ғуломов), Ички ишлар вазирлиги (З.А. Алматов), Фавқулодда вазиятлар вазирлиги (Р.Ҳ. Ҳайдаров), Миллий хавфсизлик хизмати (Р.Р. Иноятов) ва Давлат чегараларини ҳимоя қилувчи қўмита (М.И. Ўтаганов):
гувоҳномаларни алмаштириш даврида ҳарбий хизматчиларга шахсий гувоҳномалар ташкилий берилиши мақсадида марказий аппаратларда вазирликлар ва идораларнинг кадрлар органлари, МХХ махсус бўлимлари ва Ўзбекистон Республикаси Ички ишлар вазирлигининг, кириш, чиқиш ва фуқаролик бошқармаси вакилларидан иборат таркибда икки ҳафта муддатда тегишли ишчи гуруҳлар тузсинлар;
гувоҳномалар бланклари сақланиши, ҳисобга олиниши, тўлдирилиши ва берилишини таъминлаш учун марказий аппаратлар кадрлар тузилмасида вазирликлар ва идораларнинг белгиланган штатдаги ходимлари сони доирасида тегишли бўлинмалар ташкил этсинлар.
Олдинги таҳрирга қаранг.
4. Ўзбекистон Республикаси Мудофаа вазирлиги (Қ.Ғ. Ғуломов) Мудофаа вазирлигининг белгиланган штатдаги ходимлари сони доирасида Қорақалпоғистон Республикаси, вилоятлар ва Тошкент шаҳар мудофаа ишлари бошқармаларида ёки туман (шаҳар) мудофаа ишлари бўлинмаларида захирадаги офицер гувоҳномалари ва ҳарбий гувоҳномалар ҳисобга олиниши, сақланиши, расмийлаштирилиши ва берилиши бўйича бўлинмалар ташкил этсин.
(4-банд Ўзбекистон Республикаси Вазирлар Маҳкамасининг 2019 йил 5 июлдаги 562-сонли қарори таҳририда — Қонун ҳужжатлари маълумотлари миллий базаси, 08.07.2019 й., 09/19/562/3387-сон)
5. Ўзбекистон Республикаси Марказий банки ҳузуридаги «Давлат белгиси» давлат ишлаб чиқариш бирлашмаси (С.Х. Худойқулов) уч ой муддатда Мудофаа вазирлигининг буюртманомаси бўйича офицер шахсий гувоҳномаси, битимга биноан ҳарбий хизматчи гувоҳномаси, захирадаги офицернинг гувоҳномаси ва ҳарбий гувоҳнома бланкларини зарур миқдорда тайёрласин.
6. Ўзбекистон Республикаси Молия вазирлиги (М.Б. Нурмуродов) Қуролли Кучлар ҳарбий хизматчилари ва ҳарбий хизматга мажбурлар гувоҳномалари бланкларини тайёрлашга, уларни автоматлаштирилган тарзда ҳисобга олиш ва тўлдириш учун махсус асбоб-ускуналар ва техника сотиб олишга Ўзбекистон Республикаси Мудофаа вазирлигининг асосланган ҳисоб-китоблари бўйича 2002 йилдан бошлаб босқичма-босқич бюджет маблағлари ажратишни назарда тутсин.
7. Адлия вазирлиги (А.А. Полвон-зода) Мудофаа вазирлиги (Қ.Ғ. Ғуломов) ва Ички ишлар вазирлиги (З.А. Алматов) билан биргаликда бир ой муддатда амалдаги норматив ҳужжатларга мазкур қарордан келиб чиқувчи ўзгартириш ва қўшимчалар тўғрисида таклифлар киритсин.
8. Мазкур қарорнинг бажарилишини назорат қилиш Ўзбекистон Республикаси Президенти ҳузуридаги Миллий хавфсизлик Кенгаши Котиби М.Х. Раҳмонқулов ва Ўзбекистон Республикаси Президентининг Давлат маслаҳатчиси Т.А. Худойберганов зиммасига юклансин.
1. Ўзбекистон Республикаси Қуролли Кучлари офицерининг, битимга биноан ҳарбий хизматчининг шахсий гувоҳномалари (кейинги ўринларда — «ҳарбий хизматчининг шахсий гувоҳномаси» деб юритилади) ва захирадаги офицернинг гувоҳномаси тўғрисидаги Низом гувоҳномаларни бериш, алмаштириш, ҳисобга олиш, тўлдириш, улардан фойдаланиш, шунингдек улар яроқсиз ҳолга келтирилганлиги, йўқотилганлиги ва эҳтиётсизлик билан сақланганлиги учун жавобгарлик тартибини белгилайди.
2. Ҳарбий хизматчининг шахсий гувоҳномаси амалдаги қонун ҳужжатларига мувофиқ ҳарбий хизмат назарда тутилган Ўзбекистон Республикасининг вазирликлари ва идоралари ҳарбий тузилмаларида офицер ва битимга биноан ҳарбий хизматчи сифатида ҳақиқий ҳарбий хизматни ўтаётган Ўзбекистон Республикаси фуқароларига берилади.
Кейинги таҳрирга қаранг.
3. Ўзбекистон Республикаси Қуролли Кучлари ҳарбий хизматчисининг шахсий гувоҳномаси офицер ва битимга биноан ҳарбий хизматчининг шахсини ва хизмат мавқеини тасдиқловчи ҳужжат ҳисобланади.
Ҳарбий хизматчининг шахсий гувоҳномаси офицерга ва битимга биноан ҳарбий хизматчига ҳарбий хизматчининг ҳақиқий ҳарбий хизматда бўлиш бутун даврида Ўзбекистон Республикаси фуқаросининг паспорти ўрнини босади ва Ўзбекистон Республикасининг бутун ҳудудида ҳақиқийдир.
Қуролли Кучларнинг ҳарбий хизматчилари Ўзбекистон Республикасида паспорт тизими тўғрисидаги Низомга мувофиқ Ўзбекистон Республикаси фуқаросининг паспортини олиш ҳуқуқига эгадир.
4. Захирадаги офицернинг гувоҳномаси фуқаронинг Ўзбекистон Республикаси Қуролли Кучларига мансублигини тасдиқловчи ҳужжат ҳисобланади.
Олдинги таҳрирга қаранг.
5. Ҳарбий хизматчининг шахсий гувоҳномаси Ўзбекистон Республикасининг Давлат чегарасидан ўтиш ҳуқуқини берувчи ҳужжат ҳисобланмайди. Чет элга чиқаётган Ўзбекистон Республикаси ҳарбий хизматчиларига Паспорт тизими тўғрисидаги Низомга ҳамда Ўзбекистон Республикасининг амалдаги қонун ҳужжатларига мувофиқ Ўзбекистон Республикаси фуқаросининг хорижга чиқиш учун биометрик паспорти берилади.
(5-банд Ўзбекистон Республикаси Вазирлар Маҳкамасининг 2019 йил 5 июлдаги 562-сонли қарори таҳририда — Қонун ҳужжатлари маълумотлари миллий базаси, 08.07.2019 й., 09/19/562/3387-сон)
Кейинги таҳрирга қаранг.
6. Ҳарбий хизматчининг шахсий гувоҳномаси тегишли вазирликлар ва идораларнинг кадрлар хизматлари томонидан берилади.
Олдинги таҳрирга қаранг.
Ўзбекистон Республикаси Қуролли Кучлари захирадаги офицерининг гувоҳномаси Қорақалпоғистон Республикаси, вилоятлар ва Тошкент шаҳар мудофаа ишлари бошқармалари ёки туман (шаҳар) мудофаа ишлари бўлимлари томонидан берилади.
(6-банднинг иккинчи хатбошиси Ўзбекистон Республикаси Вазирлар Маҳкамасининг 2019 йил 5 июлдаги 562-сонли қарори таҳририда — Қонун ҳужжатлари маълумотлари миллий базаси, 08.07.2019 й., 09/19/562/3387-сон)
7. Ҳарбий хизматчи шахсий гувоҳномаси ва Ўзбекистон Республикаси Қуролли Кучлари захирадаги офицерининг гувоҳномаси бланклари барча вазирликлар ва идоралар учун ягона намунада ўзбек (лотин ҳарфларида) ва рус (кириллица ҳарфларида) тилларида тайёрланади.
8. Ҳарбий хизматчи ва ҳарбий хизматга мажбур унга берилган гувоҳнома сақланиши учун шахсан жавоб беради. Гувоҳнома яроқсиз ҳолга келтирилганлиги, йўқотилганлиги, эҳтиётсизлик билан сақланганлиги ва бошқа шахсларга берилганлиги учун айбдорлар маъмурий жавобгарликка тортилади.
9. Офицер ва битимга биноан ҳарбий хизматчи ҳарбий хизматдан бўшатилган тақдирда ҳарбий қисм штаби (кадрлар органи) ҳарбий хизматчи шахсий гувоҳномасининг «Хизмат мавқеидаги ўзгаришлар» устунига шахсий таркиб бўйича буйруқнинг тартиб рақамига ва санасига ҳавола қилган ҳолда ҳарбий хизматдан бўшатиш тўғрисидаги ёзувни қайд этади, ушбу ёзув ҳарбий қисм штаби бошлиғи (кадрлар органи бошлиғи)нинг имзоси билан тасдиқланади ва унга гербли муҳр босилади. Бунда «тайинланган» сўзининг устидан чизилади.
10. Ҳарбий хизматдан бўшатилган ҳарбий хизматчининг шахсий гувоҳномаси у ҳарбий ҳисобга қўйилганда мудофаа ишлари бўлимида олиб қўйилади. Ҳарбий хизматчининг олиб қўйилган шахсий гувоҳномаси ўрнига захирадаги офицернинг гувоҳномаси ёки ҳарбий гувоҳнома берилади.
Ҳарбий хизматчидан олиб қўйилган шахсий гувоҳнома мудофаа ишлари бўлимида далолатнома асосида белгиланган тартибда йўқ қилинади.
11. Вафот этиши (ҳалок бўлиши) муносабати билан ёки бошқа сабабларга кўра Қуролли Кучлар шахсий таркиби рўйхатидан чиқарилган ҳарбий хизматчининг шахсий гувоҳномаси ҳарбий қисм штаби томонидан гувоҳномани берган кадрлар органига юборилади ва у ерда далолатнома асосида йўқ қилинади. Далолатномада ҳарбий хизматчининг фамилияси, исми ва отасининг исми, йўқ қилинган шахсий гувоҳноманинг серияси ва тартиб рақами кўрсатилади. Далолатнома кадрлар органининг шахсий гувоҳномалар бўйича ёзишмалар йиғма жилдига тикиб қўйилади.
ҳарбий хизматчига биринчи офицерлик унвони берилганда ва у Ўзбекистон Республикаси Қуролли Кучларининг офицер кадрлар таркибига ўтказилганда;
ихтиёрий тартибда ёки чақириқ бўйича захирадаги офицер Ўзбекистон Республикаси Қуролли Кучларига ҳақиқий ҳарбий хизматга жалб этилганда берилади.
Олдинги таҳрирга қаранг.
13. Битимга биноан ҳарбий хизматчининг шахсий гувоҳномаси ҳарбий хизматчига ёки ҳарбий хизматга мажбурга у битимга биноан ҳарбий хизматга қабул қилингандан ва лавозимга тайинлангандан кейин (кичик мутахассислар тайёрлаш марказига қабул қилингандан кейин) берилади.
(13-банд Ўзбекистон Республикаси Вазирлар Маҳкамасининг 2019 йил 5 июлдаги 562-сонли қарори таҳририда — Қонун ҳужжатлари маълумотлари миллий базаси, 08.07.2019 й., 09/19/562/3387-сон)
офицерлар таркиби ҳарбий унвонига эга бўлган, ҳақиқий ҳарбий хизматдан бўшатилган ва захирага ўтказилган ҳарбий хизматчига;
аттестацияга кўра офицерлар таркибига ўтказилган битимга биноан ҳарбий хизматчига у ҳарбий хизматдан бўшатилганда ва захирага чиқарилганда;
захирадаги офицерлар тайёрлаш дастури бўйича таълим олган Ўзбекистон Республикаси фуқаросига захира бўйича биринчи офицерлик унвони берилганда берилади.
ҳарбий хизматчи ҳарбий хизмат назарда тутилган бошқа вазирлик ёки идорага хизматни давом эттириш учун сафарбар қилинганда;
Ўзбекистон Республикаси Қуролли Кучларида 10 ва 20 календарь йил хизмат қилган битимга биноан ҳарбий хизматчига;
16. Ҳарбий хизматчиларнинг шахсий гувоҳномалари вазирликлар ва идораларнинг номлари ўзгарган, вазирликлар ва идоралар таркибида мустақил ҳарбий тузилмалар ташкил этилган ёки тугатилган тақдирда вазирлик ва идора раҳбарининг кўрсатмаси бўйича қайта рўйхатдан ўтказилади.
17. Шахсий гувоҳномани тўлдириш ва уни ҳарбий хизматчига бериш вазирлик (идора)нинг кадрлар органи томонидан белгиланган тартибда амалга оширилади.
18. Уруш даврида ҳарбий хизматчининг шахсий гувоҳномаси ҳарбий округнинг кадрлар органи томонидан тўлдирилади ва берилади.
19. Даволанишда, узоқ муддатли хизмат сафарида, шунингдек штатдаги лавозимдан озод этилмаган ҳолда ўқишда бўлган ҳарбий хизматчига шахсий гувоҳнома хизмат жойида берилади, алмаштирилади ва қайта рўйхатдан ўтказилади. Агар гувоҳномани бериш, алмаштириш ёки қайта рўйхатдан ўтказиш муайян муддатлар билан чекланган бўлса, бундай ҳолларда шахсий гувоҳнома ҳарбий хизматчи бўлган жойга юборилади ва тилхат билан унга топширилади. Янги шахсий гувоҳнома олинганлиги тўғрисидаги тилхат ва эски шахсий гувоҳнома ҳарбий хизматчи хизмат қилган жойдаги қисмга юборилади.
Битимга биноан ҳарбий хизматчига шахсий гувоҳнома беришда ҳарбий гувоҳнома ундан олиб қўйилади ва унинг шахсий ҳужжатлар йиғма жилдида сақланади. Бу ҳақда шахсий ҳужжатлар йиғма жилдининг қўшимча материалларидаги рўйхатга белги қўйилади.
20. Ҳарбий хизматчи томонидан шахсий гувоҳнома, ҳарбий хизматга мажбурлар томонидан — захирадаги офицернинг гувоҳномаси йўқотилган (яроқсиз ҳолга келган) тақдирда, йўқотишнинг барча ҳолатлари аниқлангандан кейин, йўқотишда (яроқсиз ҳолга келишда) ҳарбий хизматчининг айби бўлган тақдирда унга янги гувоҳнома интизомий жазо берилгандан кейин берилади.
Ҳарбий хизматчининг янги гувоҳномаси ва захирадаги офицернинг гувоҳномаси ҳарбий хизматчилар гувоҳнома бланки қийматини тўлаган ҳолда биринчи беришдаги сингари асосларда ва тартибда берилади.
21. Ҳарбий хизматчининг гувоҳномаси ва захирадаги офицернинг гувоҳномаси ушбу мақсадлар учун махсус белгиланган мансабдор шахслар томонидан ҳарбий хизматчининг шахсий ҳужжатлар йиғма жилди (захирадаги офицернинг қисқартирилган шахсий ҳужжатлар йиғма жилди) асосида тўлдирилади.
Олдинги таҳрирга қаранг.
22. Ҳарбий хизматчининг шахсий гувоҳномаси биринчи – учинчи саҳифалари махсус босма ёзув ускуналари қўлланган ҳолда гувоҳномани берадиган вазирлик (идора)нинг кадрлар органи томонидан тўлдирилади. Захирадаги офицернинг гувоҳномаси биринчи ва иккинчи саҳифаларини тўлдириш ва уни бериш Қорақалпоғистон Республикаси, вилоятлар ва Тошкент шаҳар мудофаа ишлари бошқармалари ёки туман (шаҳар) мудофаа ишлари бўлимлари томонидан амалга оширилади. Гувоҳноманинг биринчи саҳифаси барча зарур маълумотлар киритилгандан, фотосурат ёпиштирилгандан, вазирлик (идора) кадрлар органи гербли муҳри билан тасдиқлангандан кейин ўзи елимланадиган шаффоф пластик плёнка билан муҳофазаланади.
(22-банд Ўзбекистон Республикаси Вазирлар Маҳкамасининг 2019 йил 5 июлдаги 562-сонли қарори таҳририда — Қонун ҳужжатлари маълумотлари миллий базаси, 08.07.2019 й., 09/19/562/3387-сон)
23. Фотосуратлар (бюст, анфас) 3х4 см ўлчамда тайёрланади. Ҳарбий хизматчи кундалик ҳарбий кийим-бошда (шинель, пальто ва бош кийимисиз), захирадаги офицерлар фуқаро кийимида суратга тушадилар. Фотосуратлардаги фарқлаш белгилари ҳарбий хизматчининг гувоҳнома тўлдирилган кундаги ҳарбий унвонига мувофиқ бўлиши керак.
24. Шахсий гувоҳномага киритиладиган барча кейинги ёзувлар, гувоҳнома эгасининг шахсий имзоси ва гувоҳномага ёзувларни қайд этган мансабдор шахсларнинг имзолари ўчириб ёзилмасдан ва тузатилмасдан аниқ, тушунарли хуснихат билан қора рангдаги тушда ёзилади. Шахсий гувоҳномалар бошқа рангдаги туш ва сиёҳлар, шарикли ручкалар билан ёзилишига, шунингдек штамплар қўлланилишига (ФҲДЁ органлари штамплари ва қоннинг гуруҳи ва резус-фактори тўғрисидаги штамплардан ташқари) йўл қўйилмайди.
25. «Оилавий аҳволи ва оиласининг таркиби» устунида никоҳдан ўтганлик ёки унинг бекор қилинганлиги, вояга етмаган болалар борлиги тўғрисида белги қўйилади.
Оилавий аҳволи тўғрисидаги ёзувлар (гувоҳнома тўлдирилган кунда болаларнинг борлиги, кейинчалик болалар туғилиши ҳақида) ФҲДЁ органлари томонидан бериладиган ҳужжатлар асосида ёзилади.
«Алоҳида қайдлар» устунида қоннинг гуруҳи ва резус-фактори тўғрисида штамп қўйилади. Бу устунга вазирлик (идора) раҳбарининг кўрсатмаси бўйича бошқа қайдлар ҳам киритилиши мумкин.
«Гувоҳномани янгидан қайд қилиш белгилари» устунида янгидан қайд қилиш санаси тўғрисида ёзув ёзилади (йил, кун, ой кўрсатилади) ва у гувоҳномани имзолаш ҳуқуқи берилган тегишли командир (бошлиқ)нинг имзоси билан тасдиқланади ва гербли муҳр босилади.
Олдинги таҳрирга қаранг.
26. Ҳарбий хизматчининг шахсий гувоҳномаси, захирадаги офицернинг гувоҳномаси бланклари қатъий ҳисобда турадиган ҳужжат ҳисобланади ва Ўзбекистон Республикаси Марказий банки ҳузуридаги «Давлат белгиси» давлат ишлаб чиқариш бирлашмаси томонидан қалбакилаштиришдан ҳимоя қилиш элементларига эга бўлган махсус қоғозда тайёрланади ҳамда Ўзбекистон Республикаси Мудофаа вазирлиги томонидан вазирликларга (идораларга) ва Қорақалпоғистон Республикаси, вилоятлар ва Тошкент шаҳар мудофаа ишлари бошқармаларига, улар орқали эса туман (шаҳар) мудофаа ишлари бўлимларига жўнатилади.
(26-банд Ўзбекистон Республикаси Вазирлар Маҳкамасининг 2019 йил 5 июлдаги 562-сонли қарори таҳририда — Қонун ҳужжатлари маълумотлари миллий базаси, 08.07.2019 й., 09/19/562/3387-сон)
Олдинги таҳрирга қаранг.
27. Олинган ҳарбий гувоҳномаларнинг ҳисоби вазирликлар ва идораларнинг кадрлар органларида, мудофаа ишлари бошқармаларида ва туман (шаҳар) мудофаа ишлари бўлимларида қатъий ҳисобда турадиган бланклар дафтарида олиб борилади.
(27-банднинг биринчи хатбошиси Ўзбекистон Республикаси Вазирлар Маҳкамасининг 2019 йил 5 июлдаги 562-сонли қарори таҳририда — Қонун ҳужжатлари маълумотлари миллий базаси, 08.07.2019 й., 09/19/562/3387-сон)
Ҳарбий гувоҳномаларни ҳисобга олиш учун зарур бўлган дафтарлар ва бланклар вазирликлар, идоралар ва мудофаа ишлари бошқармалари томонидан тайёрланади.
28. Накладнойлар ва бланкларни бериш ведомостлари, зарур ҳолларда эса олинган бланклар мавжудлигини текширувчи комиссиялар далолатномалари бланкларни ҳисобга олиш ва ҳисобдан чиқариш учун асос ҳисобланади.
29. Ҳарбий гувоҳномаларни юбориш, ҳисобга олиш ва сақлаш расмий давлат ҳужжатларига нисбатан қўлланиладиган амалдаги қоидаларга мувофиқ ташкил этилади.
30. Гувоҳномалар камомади аниқланган, улар йўқотилган ва ўғирланган ҳолларда текшириш ўтказилади ҳамда айбдор шахслар амалдаги қонун ҳужжатларига мувофиқ жавобгарликка тортилади.
Кейинги таҳрирга қаранг.
Олдинги таҳрирга қаранг.
31. Вазирликлар, идоралар ва мудофаа ишлари бошқармаларида ва туман (шаҳар) мудофаа ишлари бўлимларида гувоҳномалар сақланиши ва ҳисобга олиниши учун офицерларни, битимга биноан ҳарбий хизматчиларни ва захирадаги офицерларни ҳарбий ҳисобга олиш билан шуғулланувчи бўлинмалар бошлиқлари масъул ҳисобланадилар.
(31-банд Ўзбекистон Республикаси Вазирлар Маҳкамасининг 2019 йил 5 июлдаги 562-сонли қарори таҳририда — Қонун ҳужжатлари маълумотлари миллий базаси, 08.07.2019 й., 09/19/562/3387-сон)
32. Алмаштириладиган шахсий гувоҳнома ҳарбий хизматчи томонидан гувоҳномани берган вазирлик (идора)нинг кадрлар органига юбориш учун штабнинг мансабдор шахсига топширилади.
33. Тўлдириш пайтида бузиб қўйилган гувоҳнома бланки ва алмаштиришда олиб қўйилган гувоҳнома барча саҳифаларни чизиб ташлаш йўли билан бекор қилинади.
Бузиб қўйилган гувоҳнома бланки вазирлик (идора)нинг кадрлар бўлимида далолатнома асосида йўқ қилинади.
Олдинги таҳрирга қаранг.
34. Кадрлар органлари ва мудофаа ишлари бошқармаларида ва туман (шаҳар) мудофаа ишлари бўлимларида гувоҳномалар бланклари кирими, чиқими ва мавжудлиги шахсий таркибни ҳисобга олишнинг ҳолатини текшириш учун тайинланган, ушбу мақсадлар учун махсус ташкил этилган комиссиялар томонидан ҳар йили биринчи чоракда текширилади.
(34-банднинг биринчи хатбошиси Ўзбекистон Республикаси Вазирлар Маҳкамасининг 2019 йил 5 июлдаги 562-сонли қарори таҳририда — Қонун ҳужжатлари маълумотлари миллий базаси, 08.07.2019 й., 09/19/562/3387-сон)
Офицернинг шахсий гувоҳномаси: ўлчамлари — 77х110 мм, жойлашиши — вертикал, ҳажми — 24 саҳифа, муқованинг ранги — яшил, рангли офсет усулида босилади, серия — «А», тартиб рақами қўйиш — етти белгили, қоғоз — саккиз қиррали кўринишдаги умумий сув белгиси бўлган 100 фоиз пахта асосида тайёрланган. Гувоҳноманинг биринчи саҳифасидаги ёзувлар ва фотосурат совуқ ҳолатда силлиқланган плёнка билан муҳофазаланади.
Битимга биноан ҳарбий хизматчи гувоҳномаси: ўлчамлари 77х110 мм, жойлашиши — вертикал, ҳажми — 24 саҳифа, муқованинг ранги — кул ранг, рангли офсет усулида босилади, серия — «С», тартиб рақами қўйиш — етти белгили, қоғоз — саккиз қиррали кўринишдаги умумий сув белгиси бўлган 100 фоиз пахта асосида тайёрланган. Гувоҳноманинг биринчи саҳифасидаги ёзувлар ва фотосурат совуқ ҳолатда силлиқланган плёнка билан муҳофазаланади.
Захирадаги офицернинг гувоҳномаси: ўлчамлари 77х110 мм, жойлашиши — вертикал, ҳажми — 32 саҳифа, муқованинг ранги — яшил, рангли офсет усулида босилади, серия — «В», тартиб рақами қўйиш — етти белгили, қоғоз — саккиз қиррали кўринишдаги умумий сув белгиси бўлган 100 фоиз пахта асосида тайёрланган. Гувоҳноманинг биринчи саҳифасидаги ёзувлар ва фотосурат совуқ ҳолатда силлиқланган плёнка билан муҳофазаланади.
1. Ҳарбий гувоҳнома тўғрисидаги Низом ҳарбий гувоҳномани бериш, алмаштириш, ҳисобга олиш ва тўлдириш тартибини белгилайди.
Олдинги таҳрирга қаранг.
2. Ҳарбий гувоҳнома муддатли ҳарбий хизматдаги хизматчининг ва ҳарбий таълим муассасаси курсанти (тингловчиси)нинг шахсини тасдиқловчи ҳужжат ҳисобланади.
(2-банднинг биринчи хатбошиси Ўзбекистон Республикаси Вазирлар Маҳкамасининг 2019 йил 5 июлдаги 562-сонли қарори таҳририда — Қонун ҳужжатлари маълумотлари миллий базаси, 08.07.2019 й., 09/19/562/3387-сон)
Ўзбекистон Республикаси фуқароси учун ҳарбий гувоҳнома ҳарбий ҳисобга олишга доир асосий ҳужжат ҳисобланади ва унинг эгасининг ҳарбий хизматга мажбурияти муносабатини белгилайди.
Олдинги таҳрирга қаранг.
(3-банднинг учинчи хатбошиси Ўзбекистон Республикаси Вазирлар Маҳкамасининг 2019 йил 5 июлдаги 562-сонли қарори таҳририда — Қонун ҳужжатлари маълумотлари миллий базаси, 08.07.2019 й., 09/19/562/3387-сон)
Олдинги таҳрирга қаранг.
4. Ҳарбий гувоҳнома муддатсиз ҳужжат ҳисобланади ҳамда муддатли ҳарбий хизматда ва Ўзбекистон Республикаси Қуролли Кучларида резервида ва захирасида бўлишнинг бутун даврида ҳақиқийдир.
(4-банд Ўзбекистон Республикаси Вазирлар Маҳкамасининг 2019 йил 5 июлдаги 562-сонли қарори таҳририда — Қонун ҳужжатлари маълумотлари миллий базаси, 08.07.2019 й., 09/19/562/3387-сон)
5. Ҳарбий гувоҳнома фақат ҳарбий қисм (ҳарбий муассаса) штабига, мудофаа ишлари бўлимига, суд-тергов органларига, яшаш ёки иш жойида ҳарбий-ҳисобга олиш ишлари учун масъул бўлган мансабдор шахсга тилхат билан топширилиши мумкин.
6. Ўзбекистон Рсспубликаси фуқароси унга берилган ҳарбий гувоҳноманинг сақланиши учун шахсан жавоб беради. Ҳарбий гувоҳнома яроқсиз ҳолга келтирилганлиги ёки уни йўқотилишига сабаб бўлувчи эҳтиётсизлик билан сақланганлик учун айбдорлар маъмурий жавобгарликка тортилади.
Ҳарбий хизматчи ҳарбий гувоҳномани яроқсиз ҳолга келтирганлиги ёки йўқотганлиги учун интизомий тартибда жавоб беради.
7. Ҳарбий гувоҳнома йўқотилганда ёки яроқсиз ҳолга келган тақдирда янги ҳарбий гувоҳнома йўқотиш ёки яроқсиз ҳолга келиш сабаблари текширилгандан ва аниқлангандан кейин берилади.
а) муддатли ҳарбий хизматга чақирилган фуқаро учун — чақирув комиссиясининг қарори ва ҳарбий қисмга жўнатиш учун командага қабул қилиш;
Олдинги таҳрирга қаранг.
б) битимга биноан ҳарбий хизматни ўтаган ва резервига, захирага бўшатилган ҳарбий хизматчи учун — унинг шахсий ҳужжатлар йиғмажилди, битимга биноан ҳарбий хизматчи гувоҳномаси (ҳарбий гувоҳнома) ҳамда ҳарбий қисмнинг кўрсатмаси;
(8-банднинг «б» кичик банди Ўзбекистон Республикаси Вазирлар Маҳкамасининг 2019 йил 5 июлдаги 562-сонли қарори таҳририда — Қонун ҳужжатлари маълумотлари миллий базаси, 08.07.2019 й., 09/19/562/3387-сон)
в) белгиланган хизмат муддатини ўтаб бўлган ва захирага бўшатилган муқобил хизмат хизматчиси учун — муқобил хизмат бўлими кўрсатмаси, ҳисобга олиш карточкаси ва муқобил хизмат хизматчиси гувоҳномаси;
Олдинги таҳрирга қаранг.
г) ҳарбий таълим муассасаси курсанти (тингловчиси) учун — унинг ўқишга қабул қилинганлиги тўғрисидаги буйруқдан кўчирма;
(8-банднинг «г» кичик банди Ўзбекистон Республикаси Вазирлар Маҳкамасининг 2019 йил 5 июлдаги 562-сонли қарори таҳририда — Қонун ҳужжатлари маълумотлари миллий базаси, 08.07.2019 й., 09/19/562/3387-сон)
д) захирага ўтказилган чақириқ ёшидаги фуқаро учун — чақирилувчининг ҳисобга олиш карточкаси ҳамда захирага ўтказиш тўғрисидаги қарор илова қилинган чақирув комиссиясининг протоколлари дафтаридан кўчирма;
Олдинги таҳрирга қаранг.
е) тиббий ёки бошқа махсус маълумот олган хотин-қизлар учун — тиббиёт билим юртини тугатганлик тўғрисидаги диплом ёки олий ва ўрта таълим муассасасида, мудофаа ишлари бошқармалари ҳузуридаги чақирилувчиларни ҳарбий-техника мутахассисликлари бўйича тайёрлаш марказларида, курсларда ёки амалий ишда олинган тегишли тайёргарликни тасдиқловчи бошқа ҳужжат (шаҳодатнома, гувоҳнома, маълумотнома);
(8-банднинг «е» кичик банди Ўзбекистон Республикаси Вазирлар Маҳкамасининг 2019 йил 5 июлдаги 562-сонли қарори таҳририда — Қонун ҳужжатлари маълумотлари миллий базаси, 08.07.2019 й., 09/19/562/3387-сон)
ж) озодликдан маҳрум қилиш жойларидан озод қилинган ёки суд ҳукмига кўра жазонинг бошқа турини ўтаб бўлган фуқаро учун — Ўзбекистон Республикаси Ички ишлар вазирлиги органининг озод қилинганлик тўғрисидаги маълумотномаси, унга берилган паспорт ва ҳарбий гувоҳнома бериш тўғрисидаги шахсий ариза асос ҳисобланади.
9. Фуқаронинг шахсий аризаси йўқолган, йўқотиб қўйилган ёки яроқсиз ҳолга келган ҳарбий гувоҳнома ўрнига такроран ҳарбий гувоҳнома бериш учун асос ҳисобланади.
Табиий офат натижасида яроқсиз ҳолга келган ҳарбий гувоҳномани алмаштириш зарурияти туғилганда аризага тегишли органнинг табиий офат содир бўлганлигини тасдиқловчи маълумотномаси илова қилинади.
Олдинги таҳрирга қаранг.
10. Ҳарбий гувоҳнома мудофаа ишлари бошқармасида ёки туман (шаҳар) мудофаа ишлари бўлимларида тақдим этилган ҳужжатлар асосида расмийлаштирилади. Ҳарбий гувоҳноманинг биринчи саҳифаси ўзи елимланадиган шаффоф пластик плёнка билан муҳофазаланади.
Ҳарбий гувоҳномани ҳарбий хизматга мажбурга топшириш ва уни ҳарбий ҳисобга олиш қоидалари билан таништириш туман (шаҳар) мудофаа ишлари бўлимлари томонидан амалга оширилади.
(10-банднинг биринчи ва иккинчи хатбошилари Ўзбекистон Республикаси Вазирлар Маҳкамасининг 2019 йил 5 июлдаги 562-сонли қарори таҳририда — Қонун ҳужжатлари маълумотлари миллий базаси, 08.07.2019 й., 09/19/562/3387-сон)
Ҳарбий гувоҳноманинг биринчи ва иккинчи саҳифалари махсус босма ёзув ускуналари қўлланган ҳолда расмийлаштирилади, бошқа ёзувлар қора рангли тушь билан ёзилади.
Олдинги таҳрирга қаранг.
Алоҳида ҳолларда, мудофаа вазирининг қарорига асосан ҳарбий гувоҳноманинг биринчи ва иккинчи саҳифаларини қора рангли тушда қўлда ёзиш йўли билан расмийлаштиришга рухсат берилади.
(10-банд Ўзбекистон Республикаси Вазирлар Маҳкамасининг 2019 йил 5 июлдаги 562-сонли қарорига асосан хатбоши билан тўлдирилган — Қонун ҳужжатлари маълумотлари миллий базаси, 08.07.2019 й., 09/19/562/3387-сон)
Олдинги таҳрирга қаранг.
12. Ҳарбий гувоҳномалар бланклари қатъий ҳисобда турадиган ҳужжат ҳисобланади ва Ўзбекистон Республикаси Марказий банки ҳузуридаги «Давлат белгиси» давлат ишлаб чиқариш бирлашмаси томонидан қалбакилаштиришдан ҳимоя қилиш элементларига эга бўлган махсус қоғозда тайёрланади ҳамда Ўзбекистон Республикаси Қуролли Кучлари Бош штаби томонидан Қорақалпоғистон Республикаси, вилоятлар ва Тошкент шаҳар мудофаа ишлари бошқармалари, улар орқали эса туман (шаҳар) мудофаа ишлари бўлимлари бўйича тақсимланади.
(12-банд Ўзбекистон Республикаси Вазирлар Маҳкамасининг 2019 йил 5 июлдаги 562-сонли қарори таҳририда — Қонун ҳужжатлари маълумотлари миллий базаси, 08.07.2019 й., 09/19/562/3387-сон)
Олдинги таҳрирга қаранг.
13. Олинган ҳарбий гувоҳномаларнинг ҳисоби Ўзбекистон Республикаси Қуролли Кучлари Бош штабида, Қорақалпоғистон Республикаси, вилоятлар ва Тошкент шаҳар мудофаа ишлари бошқармаларида ва туман (шаҳар) мудофаа ишлари бўлимларида қатъий ҳисобда турадиган бланклар дафтарида олиб борилади.
(13-банднинг биринчи хатбошиси Ўзбекистон Республикаси Вазирлар Маҳкамасининг 2019 йил 5 июлдаги 562-сонли қарори таҳририда — Қонун ҳужжатлари маълумотлари миллий базаси, 08.07.2019 й., 09/19/562/3387-сон)
Ҳарбий гувоҳномаларни ҳисобга олиш учун зарур бўлган дафтарлар ва бланклар мудофаа ишлари бошқармалари томонидан тайёрланади.
Накладнойлар ва бланкларни бериш ведомостлари, зарур ҳолларда эса олинган бланклар мавжудлигини текширувчи комиссиялар далолатномалари бланклари ҳисобга олиш ва ҳисобдан чиқариш учун асос ҳисобланади.
14. Ҳарбий гувоҳномаларни юбориш, ҳисобга олиш ва сақлаш расмий давлат ҳужжатларига нисбатан қўлланиладиган амалдаги қоидаларга мувофиқ ташкил этилади.
15. Ҳарбий гувоҳномалар камомади аниқланган, улар йўқотилган ва ўғирланган ҳолларда текшириш ўтказилади ҳамда айбдор шахслар амалдаги қонун ҳужжатларига мувофиқ жавобгарликка тортилади.
Кейинги таҳрирга қаранг.
Олдинги таҳрирга қаранг.
16. Мудофаа ишлари бошқармаларида ва туман (шаҳар) мудофаа ишлари бўлимларида ҳарбий гувоҳномалар сақланиши ва ҳисобга олиниши учун захирадаги солдатлар (матрослар)ни ва сержантларни ҳарбий ҳисобга олиш билан шуғулланувчи бўлинмалар бошлиқлари масъул ҳисобланадилар.
(16-банд Ўзбекистон Республикаси Вазирлар Маҳкамасининг 2019 йил 5 июлдаги 562-сонли қарори таҳририда — Қонун ҳужжатлари маълумотлари миллий базаси, 08.07.2019 й., 09/19/562/3387-сон)
17. Тўлдириш пайтида бузиб қўйилган гувоҳнома бланки гувоҳноманинг барча саҳифаларини чизиб ташлаш йўли билан бекор қилинади.
Олдинги таҳрирга қаранг.
18. Мудофаа ишлари бошқармалари ва туман (шаҳар) мудофаа ишлари бўлимлари ҳар чоракда камида бир марта ҳарбий гувоҳномаларнинг мавжудлигини ҳамда уларни ҳисобга олиш, сақлаш ва беришнинг тўғрилигини ушбу мақсадлар учун махсус тайинланган комиссиялар томонидан ички текширишдан ўтказадилар. Текшириш натижалари далолатномалар билан расмийлаштирилади.
(18-банд Ўзбекистон Республикаси Вазирлар Маҳкамасининг 2019 йил 5 июлдаги 562-сонли қарори таҳририда — Қонун ҳужжатлари маълумотлари миллий базаси, 08.07.2019 й., 09/19/562/3387-сон)
Ҳарбий гувоҳнома: ўлчамлари — 77x110 мм, жойлашиши — вертикал, ҳажми — 24 саҳифа, муқованинг ранги — қора, рангли офсет усулида босилади, серия — «QК», тартиб рақами қўйиш — етти белгили, қоғози — саккиз қиррали кўринишдаги умумий сув белгиси бўлган 100 фоиз пахта асосида тайёрланган. Гувоҳноманинг биринчи саҳифасидаги ёзувлар ва фотосурат совуқ ҳолатда силлиқланган плёнка билан муҳофазаланади.