LexUZ шарҳи
Мазкур қарор Ўзбекистон Республикаси Олий Мажлиси Сенати Кенгашининг 2020 йил 3 февралдаги КҚ-4–IV-сонли «Ўзбекистон Республикаси Олий Мажлиси Сенатининг халқ депутатлари маҳаллий Кенгашлари билан ҳамкорлиги тўғрисида»ги қарорига асосан ўз кучини йўқотган.
Минтақаларни ижтимоий-иқтисодий ривожлантириш вазифаларини ҳал этишда Ўзбекистон Республикаси Олий Мажлиси Сенатининг халқ депутатлари маҳаллий Кенгашлари билан ҳамкорлик қилиш механизмини янада такомиллаштириш, халқ депутатлари маҳаллий Кенгашлари доимий комиссиялари ваколатларини рўёбга чиқаришда уларга амалий ва услубий ёрдам бериш, шунингдек халқ депутатлари маҳаллий Кенгашлари, уларнинг доимий комиссиялари раҳбарларининг халқ депутатлари маҳаллий Кенгашлари фаолияти самарали ташкил этилиши учун масъулиятини ошириш мақсадида ҳамда «Ўзбекистон Республикаси Олий Мажлисининг Сенати тўғрисида»ги Ўзбекистон Республикаси Конституциявий Қонунининг 22-моддасига мувофиқ Ўзбекистон Республикаси Олий Мажлиси Сенатининг Кенгаши қарор қилади:
1. Ўзбекистон Республикаси Олий Мажлиси Сенатининг маҳаллий ҳокимият вакиллик органлари фаолиятини кучайтиришга кўмаклашувчи комиссияси 17 нафар сенатордан иборат таркибда тузилсин (1-илова).
2. Ўзбекистон Республикаси Олий Мажлиси Сенатининг маҳаллий ҳокимият вакиллик органлари фаолиятини кучайтиришга кўмаклашувчи комиссияси тўғрисидаги низом тасдиқлансин (2-илова).
3. Маҳаллий ҳокимият вакиллик органлари фаолиятини кучайтиришга доир 2010 — 2014 йилларга мўлжалланган ҳаракат дастури тасдиқлансин (3-илова).
4. Ўзбекистон Республикаси Олий Мажлиси Сенатининг маҳаллий ҳокимият вакиллик органлари фаолиятини кучайтиришга кўмаклашувчи комиссияси Маҳаллий ҳокимият вакиллик органлари фаолиятини кучайтиришга доир 2010 — 2014 йилларга мўлжалланган Ҳаракат дастурининг амалга оширилишини таъминлаш юзасидан иш режасини ишлаб чиқсин ва уни ушбу Қарор қабул қилинган кундан эътиборан бир ой ичида Ўзбекистон Республикаси Олий Мажлиси Сенатининг Кенгаши тасдиғига киритсин.
5. Қорақалпоғистон Республикаси Жўқорғи Кенгесининг Раиси, халқ депутатлари вилоят ва Тошкент шаҳар Кенгашларининг раҳбарлари жойларда халқ депутатлари маҳаллий Кенгашлари депутатлари орасидан Ўзбекистон Республикаси Олий Мажлиси Сенатининг маҳаллий ҳокимият вакиллик органлари фаолиятини кучайтиришга кўмаклашувчи комиссиясига ёрдам берувчи ишчи гуруҳлар тузсин.
6. Ўзбекистон Республикаси Олий Мажлиси Сенатининг 2009 йил 5 декабрдаги «Ўзбекистон Республикаси Олий Мажлиси Сенатининг 2009 йил 27 мартдаги «Инқирозга қарши чораларнинг 2009 — 2012 йилларга мўлжалланган дастурини сўзсиз бажариш борасида маҳаллий ҳокимият органларининг роли ва масъуллиги тўғрисида»ги 624–I-сонли Қарорининг ижро этилиши ҳақида»ги 709–I-сонли Қарорининг бажарилишини назорат қилиш Ўзбекистон Республикаси Олий Мажлиси Сенатининг маҳаллий ҳокимият вакиллик органлари фаолиятини кучайтиришга кўмаклашувчи комиссияси зиммасига юклатилсин.
7. Ушбу Қарор Қорақалпоғистон Республикаси Жўқорғи Кенгесига, халқ депутатлари вилоят, Тошкент шаҳар, туман ва шаҳар Кенгашларига ижро учун юборилсин.
8. Ушбу Қарор Ўзбекистон Республикаси Олий Мажлиси Сенатининг навбатдаги ялпи мажлисига кўриб чиқиш учун киритилсин.
9. Ушбу Қарорнинг ижросини назорат қилиш Ўзбекистон Республикаси Олий Мажлиси Сенатининг маҳаллий ҳокимият вакиллик органлари фаолиятини кучайтиришга кўмаклашувчи комиссияси раиси (С. Сафоев) зиммасига юклатилсин.
Ўзбекистон Республикаси Олий Мажлиси Сенати Кенгашининг 2010 йил 31 мартдаги 30-II-сонли қарорига
1-ИЛОВА
1-ИЛОВА
Комиссия раиси | ||
Сафоев Содиқ Солиҳович | — | Ташқи сиёсат масалалари қўмитаси раиси |
Комиссия раисининг ўринбосари | ||
Хужамбердиев Мамазаир | — | Фан, таълим, маданият ва спорт масалалари қўмитаси раиси |
Комиссия котиби | ||
Сидиков Дамир Лутфуллаевич | — | Мудофаа ва хавфсизлик масалалари қўмитасида доимий асосда ишловчи сенатор |
Комиссия аъзолари: | ||
Аимбетов Нагмет Каллиевич | — | Ўзбекистон Республикаси Фанлар академияси Қорақалпоғистон бўлими раиси |
Раджапов Маврутали Гапирович | — | Бухоро нефть ва газ саноати касб-ҳунар коллежи директори |
Эргашев Қурақбой Ялгашевич | — | Мирзачўл туманидаги «Пахтазор» қишлоқ хўжалиги касб-ҳунар коллежи директори |
Ибраимов Холбой | — | Навоий давлат педагогика институти ректори |
Маткаримов Пахридин Жураевич | — | Наманган муҳандислик-педагогика институти ректори |
Тошев Фармон Исхакович | — | «Зарафшон» газетаси бош муҳаррири |
Бурханов Алишер Хаджимурадович | — | Бюджет ва иқтисодий ислоҳотлар масалалари қўмитасида доимий асосда ишловчи сенатор |
Арипова Шохида Рахматовна | — | Термиз шаҳар 4-ихтисослаштирилган умумтаълим мактаб-интернати директори |
Каримов Холмурод Абдурахмонович | — | Аграр, сув хўжалиги масалалари ва экология қўмитасида доимий асосда ишловчи сенатор |
Қўрғонова Рахимахон | — | Бувайда педагогика коллежи директори |
Хўжаниёзова Шакаржон Юсуповна | — | Хоразм вилояти ҳокимининг ўринбосари, хотин-қизлар қўмитаси раиси |
Назаров Тура Абдуллаевич | — | Шаҳрисабз тиббиёт коллежи директори |
Абдурахимова Фарида Юлдашевна | — | Тошкент шаҳар ҳокимининг ўринбосари, хотин-қизлар қўмитаси раиси |
Кейинги таҳрирга қаранг.
Ўзбекистон Республикаси Олий Мажлиси Сенати Кенгашининг 2010 йил 31 мартдаги 30–II-сонли қарорига
2-ИЛОВА
2-ИЛОВА
1. Ўзбекистон Республикаси Олий Мажлиси Сенатининг маҳаллий ҳокимият вакиллик органлари фаолиятини кучайтиришга кўмаклашувчи комиссияси тўғрисидаги низом Ўзбекистон Республикаси Олий Мажлиси Сенатининг маҳаллий ҳокимият вакиллик органлари фаолиятини кучайтиришга кўмаклашувчи комиссиясини (бундан буён матнда Сенат Комиссияси деб юритилади) тузишнинг мақсади ва вазифаларини, Сенат Комиссиясининг ваколатларини, Сенат Комиссиясининг фаолиятини ташкил этиш ҳамда Сенат Комиссиясининг Қорақалпоғистон Республикаси Жўқорғи Кенгеси, халқ депутатлари вилоятлар, Тошкент шаҳар, туман ва шаҳар Кенгашлари (бундан буён матнда халқ депутатлари маҳаллий Кенгашлари деб юритилади) билан ҳамкорлик қилиш тартибини белгилайди.
2. Сенат Комиссиясини тузишдан мақсад минтақаларни ижтимоий-иқтисодий ривожлантириш вазифаларини ҳал этишда Ўзбекистон Республикаси Олий Мажлиси Сенатининг (бундан буён матнда Сенат деб юритилади) халқ депутатлари маҳаллий Кенгашлари билан ҳамкорлик қилиш механизмини такомиллаштириш, халқ депутатлари маҳаллий Кенгашлари доимий комиссиялари ваколатларини рўёбга чиқаришда уларга амалий ва услубий ёрдам беришдан, шунингдек халқ депутатлари маҳаллий Кенгашлари, уларнинг доимий комиссиялари раҳбарларининг халқ депутатлари маҳаллий Кенгашлари фаолияти самарали ташкил этилиши учун масъулиятини оширишдан иборатдир.
3. Сенат Комиссияси Сенатнинг аъзолари орасидан Сенатнинг ваколат муддатига тузилади. Сенат Комиссияси ўз фаолиятида Ўзбекистон Республикаси Конституциясига, Ўзбекистон Республикаси қонунларига, Ўзбекистон Республикаси Президентининг фармон ва қарорларига, Сенат, Сенат Кенгаши қарорларига, шунингдек ушбу Низомга амал қилади.
1) ўз ташаббуси билан ёки Сенат, Сенат Кенгаши қарори асосида ёхуд Сенат Раисининг топшириғига мувофиқ халқ депутатлари маҳаллий Кенгашлари ва уларнинг доимий комиссиялари фаолиятини такомиллаштириш масалалари юзасидан Сенат, Сенат Кенгаши қарорларининг лойиҳаларини ишлаб чиқади;
2) Сенат Комиссиясининг фаолиятига доир масалаларни Сенатнинг ялпи мажлислари кун тартибига киритиш ҳақида Сенат Кенгашига таклифлар киритади;
3) халқ депутатлари маҳаллий Кенгашлари ва уларнинг доимий комиссиялари фаолиятини мониторинг қилиш бўйича ишчи гуруҳлар тузади, уларнинг таркибига давлат органлари, нодавлат нотижорат ташкилотлари, илмий муассасалар вакилларини ва мутахассисларни жалб этади;
4) халқ депутатлари маҳаллий Кенгашлари, уларнинг доимий комиссиялари фаолиятини тизимли равишда мониторинг қилиб боради ва шу мақсадда маҳаллий ҳокимият вакиллик органларидан, давлат органларидан ва бошқа ташкилотлардан, мансабдор шахслардан ҳужжатлар, статистик ҳамда бошқа маълумотларни сўраб олади;
5) ўз мажлисларида халқ депутатлари маҳаллий Кенгашлари раҳбарларининг халқ депутатлари маҳаллий Кенгашлари ва уларнинг доимий комиссиялари фаолияти тўғрисидаги, Инқирозга қарши чораларнинг 2009 — 2012 йилларга мўлжалланган дастурини, 2010 йилда иш ўринлари ташкил этиш ва аҳоли бандлигини таъминлаш дастурини ҳамда бошқа давлат дастурларини амалга оширишда халқ депутатлари маҳаллий Кенгашларининг иштироки ҳақидаги ахборотини тинглайди;
Кейинги таҳрирга қаранг.
6) Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар Кенгашлари ҳузурида тузиладиган Сенат Комиссиясига ёрдам берувчи ишчи гуруҳлар (бундан буён матнда Сенат Комиссиясига ёрдам берувчи ишчи гуруҳлар деб юритилади) фаолиятини мувофиқлаштиради, ушбу ишчи гуруҳларнинг фаолияти ҳақидаги ахборотни мунтазам ўз мажлисларида эшитиб боради;
7) халқ депутатлари маҳаллий Кенгашлари фаолиятини такомиллаштириш, шу жумладан фуқароларнинг ўзини ўзи бошқариш органлари билан уларнинг ўзаро ҳамкорлигини яхшилаш ҳамда Сенат қўмиталарининг халқ депутатлари маҳаллий Кенгашлари ва уларнинг доимий комиссиялари билан ҳамкорлик қилиш механизмининг самарадорлигини ошириш юзасидан тавсиялар ишлаб чиқади;
8) халқ депутатлари маҳаллий Кенгашлари ва уларнинг доимий комиссиялари фаолиятига доир услубий қўлланмалар ва бошқа материаллар тайёрлайди;
9) халқ депутатлари маҳаллий Кенгашларининг раҳбарлари билан биргаликда халқ депутатлари маҳаллий Кенгашлари депутатларининг ҳуқуқий маданиятини ошириш юзасидан конференциялар, давра суҳбатлари, семинар-тренинглар ва бошқа тадбирлар ўтказилишини ташкил этади ҳамда уларни бу йўналишдаги фаолиятни мувофиқлаштиради;
10) халқ депутатлари маҳаллий Кенгашлари депутатлари ишининг самарадорлигини таъминлаш учун халқ депутатлари маҳаллий Кенгашлари раҳбарларининг шахсий масъулиятини ошириш бўйича таклифлар тайёрлайди;
11) Сенат Кенгаши мажлисларида ёки Сенатнинг ялпи мажлисларида ўз фаолияти тўғрисида ҳисобот беради;
12) Сенат Комиссиясининг иш режасини ишлаб чиқади ва Сенат Комиссиясига ёрдам берувчи ишчи гуруҳларнинг иш режаси ўз вақтида ишлаб чиқилиши ва амалга оширилишини назорат қилади.
5. Сенат Комиссияси Сенат Кенгаши томонидан тасдиқланадиган Сенат Комиссиясининг раиси, унинг ўринбосари, котиби ва аъзоларидан иборат бўлади.
7. Сенат Комиссияси раисининг ўринбосари Сенат Комиссиясининг раиси йўқлигида унинг вазифасини бажаради, Сенат Комиссияси томонидан белгиланадиган бошқа ваколатларни амалга оширади.
8. Сенат Комиссиясининг котиби Сенат Комиссияси фаолиятининг самарали амалга оширилишини таъминлайди, Сенат Комиссияси мажлисларининг баённомаларини ва иш юритувини олиб боради.
9. Сенат Комиссиясининг аъзолари айни бир вақтда Сенат Комиссиясига ёрдам берувчи ишчи гуруҳларнинг раҳбарлари ҳисобланадилар.
Сенат Комиссиясига ёрдам берувчи ишчи гуруҳлар таркибига Қорақалпоғистон Республикаси Жўқорғи Кенгесининг, халқ депутатлари вилоятлар ва Тошкент шаҳар Кенгашларининг депутатлари ҳамда тегишли ҳудудда жойлашган халқ депутатлари туман ва шаҳар Кенгашларининг бир нафардан депутати киритилади. Мазкур ишчи гуруҳлар таркибига, шунингдек бошқа давлат органлари, ташкилотлар, илмий муассасаларнинг вакиллари ва мутахассислар киритилиши мумкин.
Сенат Комиссиясига ёрдам берувчи ишчи гуруҳларнинг таркиби Қорақалпоғистон Республикаси Жўқорғи Кенгеси, халқ депутатлари вилоят ва Тошкент шаҳар Кенгашларининг сессияларида тасдиқланади.
Сенат Комиссиясига ёрдам берувчи ишчи гуруҳларнинг фаолият тартиби Сенат Комиссияси томонидан белгиланади. Ушбу ишчи гуруҳлар фаолиятининг ташкилий жиҳатдан таъминланиши учун жавобгарлик Қорақалпоғистон Республикаси Жўқорғи Кенгеси, халқ депутатлари вилоят ва Тошкент шаҳар Кенгашларининг раҳбарларига юклатилади.
10. Сенат Комиссиясининг раиси, унинг ўринбосари, котиби ва аъзолари ўз вазифаларини жамоатчилик асосида бажарадилар.
Сенат Комиссиясининг мажлислари Сенат Комиссиясининг раиси, у йўқлигида эса раис ўринбосари томонидан чақирилади.
12. Сенат Комиссияси мажлисларида кўриб чиқиш учун масалалар Сенат Комиссиясининг раиси, унинг ўринбосари ва аъзолари томонидан киритилади.
Сенат Комиссиясининг мажлислари, агар уларда Сенат Комиссияси аъзоларининг камида ярми иштирок этган бўлса, ваколатли ҳисобланади.
Сенат Комиссиясининг мажлисларини Сенат Комиссиясининг раиси, у йўқлигида эса ўринбосари олиб боради.
Сенат Комиссиясининг мажлислари очиқ, ошкора ўтказилади. Мажлисларга давлат ҳокимияти органлари, нодавлат нотижорат ташкилотлари, оммавий ахборот воситаларининг вакиллари таклиф этилиши мумкин. Зарурат бўлганда, Сенат Комиссияси ёпиқ мажлис ўтказиш тўғрисида қарор қабул қилиши мумкин.
13. Сенат Комиссиясининг барча аъзолари тенг ҳуқуқлардан фойдаланадилар, Сенат Комиссиясининг ҳар бир аъзоси битта овозга эга бўлади.
14. Сенат Комиссиясининг мажлисида баённома юритилиб, у Сенат Комиссиясининг раиси ва котиби томонидан имзоланади.
15. Сенат Комиссияси ўз ваколатига киритилган масалалар юзасидан қарорлар қабул қилади. Сенат Комиссиясининг қарорлари унинг мажлисида иштирок этаётган Сенат Комиссияси аъзоларининг оддий кўпчилик овози билан, очиқ овоз бериш йўли билан қабул қилинади. Овозлар тенг бўлганда раислик қилувчининг овози ҳал қилувчи ҳисобланади.
Сенат Комиссиясининг тегишли орган ва ташкилотларга юбориладиган қарорлари улар томонидан кўриб чиқилиши шарт, натижалари ёки кўрилган чоралар ҳақида, агар қарорда бошқача қоида белгиланган бўлмаса, бир ойлик муддатдан кечиктирмасдан хабар қилиниши керак.
16. Сенат Комиссиясининг аъзолари унинг мажлисларида ҳозир бўлишлари шарт. Сенат Комиссиясининг аъзолари Сенат Комиссиясининг мажлисида иштирок эта олмасликлари ҳақида Сенат Комиссиясининг раисини ёки котибини олдиндан хабардор қиладилар.
17. Сенат Комиссияси таркибига ҳамда ушбу Низомга ўзгартиш ва қўшимчалар Сенат Кенгашининг қарори билан киритилади.
Ўзбекистон Республикаси Олий Мажлиси Сенати Кенгашининг 2010 йил 31 мартдаги 30–II-сонли қарорига
3-ИЛОВА
3-ИЛОВА
№ | Тадбирлар мақсади | Тадбирлар номи | Тадбирларни амалга ошириш шакли | Бажариш муддати | Масъул ижрочилар |
1. | Умумдавлат ва минтақавий манфаатлар мувозанатини таъминлаш мақсадида Сенат қўмиталарининг халқ депутатлари маҳаллий Кенгашлари*, уларнинг доимий комиссиялари билан ўзаро ҳамкорлик механизмини такомиллаштириш. | 1.1. Сенат қўмиталарининг халқ депутатлари маҳаллий Кенгашлари билан биргаликдаги сайёр мажлисларини ўтказиш. | Сенат қўмиталари ва халқ депутатлари маҳаллий Кенгашларининг қўшма қарорлари | Доимий равишда | Сенат қўмиталари, халқ депутатлари маҳаллий Кенгашлари |
1.2. Халқ депутатлари маҳаллий Кенгашлари депутатларини Сенат қўмиталарининг Ўзбекистон Республикаси қонунлари жойларда ижро этилишини ўрганиш билан боғлиқ фаолиятига жалб қилиш. | Халқ депутатлари маҳаллий Кенгашларининг депутатларини эксперт, ишчи гуруҳлар таркибига киритиш | Сенат қўмиталарининг назорат фаолияти режасига мувофиқ | Сенат қўмиталари, халқ депутатлари маҳаллий Кенгашлари | ||
1.3. Халқ депутатлари маҳаллий Кенгашлари депутатларини Сенат қўмиталари томонидан ўтказиладиган конференциялар, давра суҳбатлари ва семинарларда иштирок этишга жалб қилиш. | Халқ депутатлари маҳаллий Кенгашларининг депутатларини эксперт, ишчи гуруҳлар таркибига киритиш | Сенат қўмиталарининг тадбирлар режасига мувофиқ | Сенат қўмиталари, халқ депутатлари маҳаллий Кенгашлари | ||
1.4. Халқ депутатлари маҳаллий Кенгашлари депутатларининг минтақаларни ижтимоий-иқтисодий ривожлантириш масалаларини Сенатнинг тегишли қўмиталари мажлисларида кўриш ташаббуси билан чиқиши. | Сенат қўмиталарининг қарорлари | Заруриятга қараб | Халқ депутатлари маҳаллий Кенгашлари депутатлари, Сенат қўмиталари, Сенат Комиссияси**, ишчи гуруҳлар*** | ||
2. | Халқ депутатлари маҳаллий Кенгашларининг фаолияти самарали ташкил этилиши учун халқ депутатлари маҳаллий Кенгашлари, уларнинг доимий комиссиялари раҳбарларининг масъулиятини ошириш. | 2.1. Сенатнинг 2009 йил 5 декабрдаги «Ўзбекистон Республикаси Олий Мажлиси Сенатининг 2009 йил 27 мартдаги «Инқирозга қарши чораларнинг 2009 – 2012 йилларга мўлжалланган дастурини сўзсиз бажариш борасида маҳаллий ҳокимият органларининг роли ва масъуллиги тўғрисида»ги 624–I-сонли Қарорининг ижро этилиши ҳақида»ги 709–I-сонли Қарорининг ижро этилиши тўғрисида халқ депутатлари маҳаллий Кенгашлари, уларнинг доимий комиссиялари раҳбарларининг ахборотини тинглаш. | Сенат, Сенат Кенгаши, қўмиталари ёки Сенат Комиссиясининг қарорлари | Сенат Комиссиясининг Иш режасига мувофиқ | Сенат Комиссияси, ишчи гуруҳлар |
2.2. Халқ депутатлари маҳаллий Кенгашлари ва уларнинг доимий комиссиялари фаолиятини самарали ташкил этиш масалалари юзасидан халқ депутатлари маҳаллий Кенгашлари раҳбарларининг ахборотини тинглаш. | Сенат, Сенат Кенгаши, қўмиталари ёки Сенат Комиссиясининг қарорлари | Сенат Комиссиясининг Иш режасига мувофиқ | Сенат Комиссияси | ||
3. | Халқ депутатлари маҳаллий Кенгашлари ва уларнинг доимий комиссиялари фаолиятини кучайтириш мақсадида халқ депутатлари маҳаллий Кенгашлари депутатларининг ҳуқуқий маданиятини ошириш. | 3.1. Депутатлик ваколатларини самарали амалга ошириш учун жойларда халқ депутатлари маҳаллий Кенгашлари депутатларининг ҳуқуқий маданиятини оширишга қаратилган тадбирлар ташкил этиш ва ўтказиш. | Тавсиялар | Сенат Комиссиясининг Иш режасига мувофиқ | Сенат Комиссияси, халқ депутатлари маҳаллий Кенгашлари |
3.2. Халқ депутатлари маҳаллий Кенгашлари доимий комиссиялари раислари учун уларнинг ишчанлик фазилатларини яхшилаш мақсадида тадбирлар ташкил этиш ва ўтказиш. | Тавсиялар | Сенат Комиссиясининг Иш режасига мувофиқ | Сенат Комиссияси, халқ депутатлари маҳаллий Кенгашлари | ||
3.3. Сенат ялпи мажлисларида кўриб чиқилган масалалар тўғрисида халқ депутатлари маҳаллий Кенгашлари депутатларини мунтазам равишда хабардор қилиб туриш. | Ахборот материаллари | Доимий равишда | Сенат Комиссияси, Сенат қўмиталари | ||
3.4. Халқ депутатлари маҳаллий Кенгашлари ва уларнинг доимий комиссиялари фаолиятини ташкил этиш асослари тўғрисида норматив ҳужжатлар тўпламлари, услубий қўлланмалар (рисолалар) ва бошқа материаллар ишлаб чиқиш. | Норматив ҳужжатлар тўпламлари, услубий қўлланмалар (рисолалар) ва бошқа материаллар | Сенат Комиссиясининг Иш режасига мувофиқ | Сенат Комиссияси, Сенат қўмиталари | ||
3.5. Халқ депутатлари маҳаллий Кенгашлари ва уларнинг доимий комиссиялари олиб бораётган ишлар тўғрисида сенаторлар томонидан материаллар тайёрлаш ҳамда республика ва маҳаллий оммавий ахборот воситаларида эълон қилиш. | Материалларни оммавий ахборот воситаларида эълон қилиш | Сенат Комиссиясининг иш режасига мувофиқ | Сенат Комиссияси, Сенат қўмиталари, матбуот котиби | ||
3.6. Ўзбекистон Республикаси Олий Мажлиси Сенатининг веб-сайтига Сенат Комиссияси фаолияти тўғрисидаги ахборотни ва унинг материалларини жойлаштириш. | Информацион ахборотлар, таҳлилий материаллар | Доимий равишда | Сенат Комиссияси, матбуот котиби | ||
4. | Халқ депутатлари маҳаллий Кенгашлари депутатларининг сайловчилар билан алоқасини кучайтиришда оммавий ахборот воситалари билан ўзаро ҳамкорлик механизмини такомиллаштириш. | 4.1. Халқ депутатлари маҳаллий Кенгашлари ва улар доимий комиссияларининг қарорлари маҳаллий босма оммавий ахборот воситаларида эълон қилинишини доимий мониторинг қилиш. | Сенат Комиссиясининг қарорлари | Доимий равишда | Сенат Комиссияси, ишчи гуруҳлар, халқ депутатлари маҳаллий Кенгашлари |
4.2. Халқ депутатлари маҳаллий Кенгашлари депутатларининг ўз фаолияти ҳақида жамоатчиликни хабардор қилиши. | Материалларни оммавий ахборот воситаларида эълон қилиш | Доимий равишда | Халқ депутатлари маҳаллий Кенгашлари, халқ депутатлари маҳаллий Кенгашлари депутатлари, ишчи гуруҳлар, Сенат Комиссияси | ||
5. | Халқ депутатлари маҳаллий Кенгашлари ва уларнинг доимий комиссиялари фаолиятини тартибга солувчи норматив-ҳуқуқий базани такомиллаштириш. | 5.1. Умумлаштириш ва таҳлил қилиш: 1) халқ депутатлари маҳаллий Кенгашлари ва уларнинг доимий комиссиялари томонидан қабул қилинаётган қарорларни; 2) халқ депутатлари маҳаллий Кенгашлари депутатларининг сайловчилар билан учрашувлари якунлари тўғрисидаги ахборотни; 3) халқ депутатлари маҳаллий Кенгашлари сессиялари ва уларнинг доимий комиссиялари қарорларининг ижро этилиши тўғрисидаги ахборотни. | Таҳлилий материаллар | Сенат Комиссиясининг Иш режасига мувофиқ | Сенат Комиссияси, ишчи гуруҳлар |
5.2. Халқ депутатлари маҳаллий Кенгашлари, уларнинг доимий комиссиялари ҳамда депутатлар фаолиятини мониторинг қилиш якунлари бўйича халқ депутатлари маҳаллий Кенгашларининг фаолиятига доир норматив ҳужжатларга ўзгартиш ва қўшимчалар ишлаб чиқиш, киритиш юзасидан таклифлар тайёрлаш, шунингдек фуқароларнинг ўзини ўзи бошқариш органлари фаолиятини такомиллаштириш бўйича тавсиялар ишлаб чиқиш. | Сенат Кенгашининг қарорлари | Сенат Комиссиясининг Иш режасига мувофиқ | Сенат Комиссияси, Сенат қўмиталари, Сенат Кенгаши |
Кейинги таҳрирга қаранг.