LexUZ шарҳи
Мазкур қарор Ўзбекистон Республикаси Президентининг 2018 йил 20 февралдаги ПҚ-3550-сонли «Тендер, лойиҳа, лойиҳа олди ҳужжатлар ва контрактларни экспертизадан ўтказиш тартибини янада такомиллаштириш чора-тадбирлари тўғрисида»ги қарорига асосан ўз кучини йўқотган.
Ўзбекистон Республикаси Президентининг «2006—2008 йилларда тўқимачилик саноати корхоналарини модернизация қилиш ва техникавий қайта жиҳозлаш Дастури тўғрисида» 2006 йил 13 ноябрдаги ПҚ-510-сон қарорига мувофиқ Вазирлар Маҳкамаси қарор қилади:
1. Ўзбекистон Республикаси Ташқи иқтисодий алоқалар, инвестициялар ва савдо вазирлиги ҳузуридаги Идоралараро экспертлар кенгаши (кейинги ўринларда «Экспертлар кенгаши» деб аталади) томонидан енгил саноат корхоналарини қуриш, қайта ихтисослаштириш ва модернизация қилиш бўйича таклифларни кўриб чиқиш тартиби тўғрисидаги низом 1-иловага мувофиқ тасдиқлансин.
енгил саноат корхоналарини қуриш, қайта ихтисослаштириш ва модернизация қилиш бўйича таклифларни кўриб чиқиш ва уларни амалга ошириш юзасидан тавсиялар бериш;
енгил саноат корхоналарини қуриш, қайта ихтисослаштириш ва модернизация қилиш лойиҳаларини танлаш мезонларини ишлаб чиқиш ва тасдиқлаш;
тасдиқланган 2006—2008 йилларда тўқимачилик саноати корхоналарини модернизация қилиш ва техникавий қайта жиҳозлаш Дастурига киритилган, корхоналарнинг ўз эҳтиёжлари учун олиб келинадиган технологик ва ёрдамчи асбоб-ускуналар, технологик жиҳозлар ва эҳтиёт қисмлар рўйхатини ишлаб чиқиш ва Ўзбекистон Республикаси Вазирлар Маҳкамасига тасдиқлаш учун киритиш;
енгил саноатни янада модернизация қилиш стратегияси бўйича таклифларни ишлаб чиқиш ва Ўзбекистон Республикаси Вазирлар Маҳкамасига киритиш;
енгил саноат корхоналарини қуриш, қайта ихтисослаштириш ва модернизация қилиш бўйича хорижий инвесторлардан тушадиган таклифлар бўйича ахборотларни тўплаш ва умумлаштириш;
3. Ўзбекистон Республикаси Вазирлар Маҳкамасининг «Республика тўқимачилик тармоғига инвестициялар жалб этиш чора-тадбирлари тўғрисида» 2005 йил 27 январдаги 38-сон қарорига 3-илова ўз кучини йўқотган деб ҳисоблансин.
4. Ўзбекистон Республикаси Вазирлар Маҳкамасининг 2005 йил 15 ноябрдаги 251-сон қарори (Ўзбекистон Республикаси ҚТ, 2005 й., 11-сон, 61-модда) 1-иловасига 2-иловага мувофиқ ўзгартириш ва қўшимчалар киритилсин.
Кейинги таҳрирга қаранг.
5. Ўзбекистон Республикаси Иқтисодиёт вазирлиги, Молия вазирлиги, Ташқи иқтисодий алоқалар, инвестициялар ва савдо вазирлиги, Марказий банк, «Ўзбекенгилсаноат» давлат-акциядорлик компанияси Ўзбекистон Республикаси Адлия вазирлиги билан биргаликда бир ой муддатда ўз идоравий норматив ҳужжатларини мазкур қарорга мувофиқлаштирсинлар.
6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.С. Азимов зиммасига юклансин.
1. Мазкур Низом Ташқи иқтисодий алоқалар, инвестициялар ва савдо вазирлиги ҳузуридаги Идоралараро экспертлар кенгаши (кейинги ўринларда «Экспертлар кенгаши» деб аталади) томонидан енгил саноат корхоналарини қуриш, қайта ихтисослаштириш ва модернизация қилиш бўйича таклифларни кўриб чиқиш тартибини белгилайди.
2. Экспертлар кенгаши ўз фаолиятида Ўзбекистон Республикаси Конституциясига, Ўзбекистон Республикаси қонунларига, Ўзбекистон Республикаси Олий Мажлиси палаталарининг қарорлари ва бошқа ҳужжатларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, Ўзбекистон Республикасининг бошқа норматив ҳужжатларига, шунингдек мазкур Низомга амал қилади.
3. Мазкур Низом мулкчилик шаклларидан ва молиялаштириш манбаларидан қатъи назар, енгил саноат корхоналарини қуриш, қайта ихтисослаштириш ва модернизация қилиш бўйича барча лойиҳаларга татбиқ этилади.
енгил саноат корхоналарини қуриш, қайта ихтисослаштириш ва модернизация қилиш бўйича таклифларни кўриб чиқиш ва уларни амалга ошириш юзасидан тавсиялар бериш;
енгил саноат корхоналарини қуриш, қайта ихтисослаштириш ва модернизация қилиш лойиҳаларини (кейинги ўринларда «лойиҳалар» деб аталади) танлаш мезонларини ишлаб чиқиш ва тасдиқлаш;
тасдиқланган 2006—2008 йилларда тўқимачилик саноати корхоналарини модернизация қилиш ва техникавий қайта жиҳозлаш Дастурига киритилган, корхоналарнинг ўз эҳтиёжлари учун олиб келинадиган технологик ва ёрдамчи асбоб-ускуналар, технологик жиҳозлар ва эҳтиёт қисмлар рўйхатини ишлаб чиқиш ва Ўзбекистон Республикаси Вазирлар Маҳкамасига тасдиқлаш учун киритиш;
енгил саноатни янада модернизация қилиш стратегияси бўйича таклифларни ишлаб чиқиш ва Ўзбекистон Республикаси Вазирлар Маҳкамасига киритиш;
енгил саноат корхоналарини қуриш, қайта ихтисослаштириш ва модернизация қилиш бўйича хорижий инвесторлардан тушадиган таклифлар бўйича ахборотларни тўплаш ва умумлаштириш;
мажлисларга вазирликлар, идоралар, маҳаллий давлат ҳокимияти органлари, хўжалик бошқаруви органлари вакилларини ва лойиҳалар ташаббускорларини таклиф этиш;
вазирликлар ва идоралардан ҳамда лойиҳалар ташаббускорларидан лойиҳа билан боғлиқ статистика ахборотларини ва бошқа ахборотларни сўраб олиш;
ваколатли органларнинг лойиҳалар экспертизаси амалга оширилишининг белгиланган тартибига риоя қилиши устидан мониторинг олиб бориш.
6. Экспертлар кенгаши лойиҳа ташаббускорининг ёзма мурожаати бўйича лойиҳани ишлаб чиқиш ва амалга ошириш билан боғлиқ масалалар юзасидан ўз ваколатлари доирасида тушунтиришлар бериши шарт.
7. Ўзбекистон Республикаси Ташқи иқтисодий алоқалар, инвестициялар ва савдо вазирлигининг Хорижий инвестицияларни жалб этиш ва инвестиция лойиҳалари мониторинги бош бошқармаси (кейинги ўринларда «ишчи орган» деб аталади) Экспертлар кенгашининг ишчи органи ҳисобланади.
8. Экспертлар кенгаши томонидан енгил саноат корхоналарини қуриш, қайта ихтисослаштириш ва модернизация қилиш бўйича таклифларни кўриб чиқиш икки босқичда амалга оширилади.
9. Биринчи босқичда ташаббускор томонидан Экспертлар кенгашига ёзма ариза киритилади, унга енгил саноат корхоналарини қуриш, қайта ихтисослаштириш ва модернизация қилиш бўйича таклиф (кейинги ўринларда «таклиф» деб аталади) илова қилинади.
лойиҳанинг иқтисодий самарадорлигининг дастлабки ҳисоб-китоблари, оқилона жойлаштиришни танлаш ва лойиҳани амалга оширишнинг энг самарали техник, ташкилий ва иқтисодий ечими;
хом ашё базасининг мавжудлиги ҳамда лойиҳани амалга ошириш даврида хом ашё ва материаллар билан кафолатли таъминлаш;
харид вариантларини ва уни амалга ошириш имконияти схемаларини кўриб чиқиш асосида технологик асбоб-ускуналар қиймати;
лойиҳа ташаббускорининг кредитни тўлашга қодирлиги ва ушбу тармоқдаги иш тажрибаси тўғрисидаги умумий маълумотлар бўлиши керак.
Республика марказий идораларига ҳамда маҳаллий давлат ҳокимияти органларига тушадиган барча таклифлар улар тушган санадан бошлаб уч кун муддатда ишчи органга берилиши, айни вақтда лойиҳалар ташаббускорлари ёзма равишда хабардор қилиниши керак.
Экспертлар кенгаши ўз ишини маҳаллий давлат ҳокимияти органлари, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан ўзаро мустаҳкам ҳамкорликда ташкил этади, ўзининг лойиҳани амалга оширишнинг мақсадга мувофиқлиги тўғрисидаги асосланган таклифларини киритиш ва Экспертлар кенгашининг мажлисларида қатнашиш ҳуқуқига эга.
Экспертлар кенгаши ташаббускор таклифининг тасдиқланган мезонларга мувофиқлигини ўрганиб ҳамда ишчи органнинг дастлабки баҳоси натижаларини кўриб чиқиб ўн иш куни мобайнида бундан кейин ишлаб чиқиш ва лойиҳа ҳужжатларини ваколатли экспертиза органлари билан келишишнинг мақсадга мувофиқлиги тўғрисида расмий хулоса беради.
Кейинги таҳрирга қаранг.
10. Иккинчи босқичда ташаббускор Экспертлар кенгашининг хулосасини ҳисобга олган ҳолда лойиҳанинг техник-иқтисодий асослашини мустақил равишда ишлаб чиқади ёхуд ихтисослаштирилган ташкилотларни (лойиҳалаш институтларини, консалтинг ва инжиниринг компанияларини) жалб этади.
Техник-иқтисодий асослашни ишлаб чиқиш ва экспертизадан ўтказиш Вазирлар Маҳкамасининг 2005 йил 15 ноябрдаги 251-сон қарори билан тасдиқланган Инвестиция лойиҳалари ҳужжатларини ишлаб чиқиш, экспертизадан ўтказиш ва тасдиқлаш тўғрисидаги низомнинг (кейинги ўринларда «Инвестиция лойиҳалари ҳужжатларини ишлаб чиқиш, экспертизадан ўтказиш ва тасдиқлаш тўғрисидаги низом» деб аталади) VI бўлимига мувофиқ амалга оширилади.
Кейинги таҳрирга қаранг.
11. Белгиланган тартибда ўтказилган техник-иқтисодий асослашни экспертизадан ўтказиш натижаларига кўра, шунингдек ваколатли экспертиза органларининг ижобий хулосалари мавжуд бўлган тақдирда лойиҳа ташаббускори қуйидагиларни Экспертлар кенгашига кўриб чиқиш учун киритади:
технологик асбоб-ускуналар етказиб бериш юзасидан контрактларнинг лойиҳалари, лойиҳаларда асбоб-ускуналарни етказиб бериш шартлари, уларнинг қиймати, русумлари, техник тавсифлари, асбоб-ускуналарнинг ишлаб чиқарилган йили (спецификацияси) мавжуд бўлади;
ишлаб чиқарилиши режалаштирилаётган маҳсулотларни сотиш юзасидан фьючерс контрактларнинг лойиҳалари (мўлжаллар протоколлари), (агар мавжуд бўлса).
Хулосага лойиҳанинг техник-иқтисодий асослаши бўйича бир ёки бир нечта ваколатли экспертиза органлари рози бўлмаган тақдирда лойиҳа ташаббускори Экспертлар кенгашига асосланган эътирозни тақдим этиш ҳуқуқига эга. Экспертлар кенгаши лойиҳанинг техник-иқтисодий асослашини ваколатли экспертиза органларининг хулосаларини, шунингдек лойиҳа ташаббускорининг фикрларини ҳисобга олган ҳолда кўриб чиқади ва тегишли қарор қабул қилади.
Кейинги таҳрирга қаранг.
12. Ишчи орган ушбу Низомнинг 11-бандида кўрсатилган ҳужжатлар тушган санадан бошлаб бир кун муддатда Экспертлар кенгаши раиси билан Экспертлар кенгашининг навбатдаги мажлисини ўтказиш санасини (ҳужжатлар тақдим қилинган санадан бошлаб ўн иш кунидан кечикмай) келишиб олади ва Экспертлар кенгаши аъзоларини бу тўғрида хабардор қилади.
лойиҳани амалга оширишнинг умумий иқтисодий жиҳатдан мақсадга мувофиқлиги ва самарадорлиги (ишлаб чиқариш қувватларини мақбул тарзда жойлаштириш, ташкил этиладиган иш ўринлари, тармоқдаги таркибий ўзгартиришларга таъсири, ишлаётган қувватлардан фойдаланилиши, зарур хом ашё, материаллар ва инфратузилмаларнинг мавжудлиги);
лойиҳанинг экспортга йўналтирилганлиги — экспорт қилишга мўлжалланган маҳсулотлар ҳажми ишлаб чиқариш ҳажмининг 70—80 фоизидан кам бўлмаслиги керак;
технологик асбоб-ускуналар даражасининг замонавий сифат стандартлари (ИСО 9001)га мувофиқлиги, лойиҳада халқаро стандартларга мувофиқ бўлган сифатни бошқариш тизимининг мавжудлиги.
14. Экспертлар кенгаши ўн иш куни мобайнида таклифларни тақдим этилган ҳужжатлар асосида кўриб чиқади ва қуйидагилар:
б) аниқ ва асосланган фикр-мулоҳазалар ва камчиликларни кўрсатган ҳолда лойиҳани пухта ишлаб чиқишнинг зарурлиги;
в) лойиҳанинг техник-иқтисодий асослаши бўйича бир ёки бир нечта ваколатли экспертиза органларининг салбий хулосаси мавжуд бўлган тақдирда лойиҳани амалга оширишнинг мақсадга мувофиқ эмаслиги тўғрисида қарор қилади.
Кейинги таҳрирга қаранг.
15. Ушбу Низомнинг 14-банди «б» кичик бандига мувофиқ пухта ишлаб чиқилган лойиҳалар кўриб чиқиш учун Экспертлар кенгашига белгиланган тартибда такроран киритилади.
Экспертлар кенгашининг ушбу Низомнинг 14-банди «в» кичик бандида кўрсатилган қарори юзасидан лойиҳа ташаббускори Ўзбекистон Республикаси Вазирлар Маҳкамасига шикоят билдириши мумкин.
Кейинги таҳрирга қаранг.
16. Лойиҳа Экспертлар кенгаши томонидан маъқуллангандан кейин техник-иқтисодий асослашни тасдиқлаш Инвестиция лойиҳалари ҳужжатларини ишлаб чиқиш, экспертизадан ўтказиш ва тасдиқлаш тўғрисидаги низомга мувофиқ, белгиланган тартибда амалга оширилади.
Кейинги таҳрирга қаранг.
Мажлисни Экспертлар кенгаши раиси, у бўлмаган тақдирда — Экспертлар кенгаши раисининг ўринбосари ўтказади.
Экспертлар кенгаши мажлиси унинг аъзоларининг камида учдан икки қисми қатнашганда ваколатли ҳисобланади. Кворум бўлмаган тақдирда мажлис бошқа муддатга кўчирилади. Экспертлар кенгаши аъзолари унинг мажлисларида шахсан қатнашиши керак.
Экспертлар кенгашининг маҳаллий давлат ҳокимияти органлари орқали киритилган таклифлар кўриб чиқиладиган мажлисига маҳаллий давлат ҳокимияти тегишли органларининг вакиллари таклиф этилади.
Экспертлар кенгашининг қарорлари Экспертлар кенгашининг мажлисда қатнашаётган аъзоларининг оддий кўпчилик овози билан қабул қилинади. Овоз бериш очиқ усулда ўтказилади. Экспертлар кенгашининг ҳар бир аъзоси битта овозга эга бўлади. Экспертлар кенгаши аъзоларининг овози тенг бўлган тақдирда унинг раиси овози, у бўлмаганда — раис ўринбосарининг овози ҳал қилувчи ҳисобланади.
18. Мажлислар қарорлари протокол билан расмийлаштирилади. Протоколда ўтказилган мажлиснинг жойи ва санаси, кун тартиби, раислик қилувчи, котиб, Экспертлар кенгашининг мажлисда қатнашган аъзолари, лойиҳа ташаббускори, унинг томонидан тавсия қилинган лойиҳа тўғрисидаги ахборот, Экспертлар кенгашининг кўриб чиқилган масалалар бўйича қарорлари ва хулосалари кўрсатилади.
«Енгил саноат корхоналарини қуриш, қайта ихтисослаштириш ва модернизация қилиш бўйича лойиҳаларни амалга оширишда лойиҳа ташаббускори томонидан, Ўзбекистон Республикаси Ташқи иқтисодий алоқалар, инвестициялар ва савдо вазирлиги ҳузуридаги Енгил саноат корхоналарини қуриш, қайта ихтисослаштириш ва модернизация қилиш бўйича таклифларни кўриб чиқадиган Идоралараро экспертлар кенгаши хулосасига кўра, дастлабки техник-иқтисодий асослаш ишлаб чиқилмасдан лойиҳанинг узил-кесил техник-иқтисодий асослаши белгиланган тартибда тайёрланади».
«Енгил саноат корхоналарини қуриш, қайта ихтисослаштириш ва модернизация қилиш бўйича лойиҳаларнинг техник-иқтисодий асослаши Ўзбекистон Республикаси Ташқи иқтисодий алоқалар, инвестициялар ва савдо вазирлиги ҳузуридаги Енгил саноат корхоналарини қуриш, қайта ихтисослаштириш ва модернизация қилиш бўйича таклифларни кўриб чиқадиган Идоралараро экспертлар кенгаши томонидан тасдиқланадиган енгил саноат корхоналарини қуриш, қайта ихтисослаштириш ва модернизация қилиш лойиҳаларини танлаш бўйича мезонлар асосида ишлаб чиқилади».
«Лойиҳа қийматидан қатъи назар, қарз маблағларини жалб этмасдан, тўғридан-тўғри инвестициялар молиялаштириш манбаи ҳисобланадиган енгил саноат корхоналарини қуриш, қайта ихтисослаштириш ва модернизация қилиш лойиҳаларининг техник-иқтисодий асослаши Ўзбекистон Республикаси Ташқи иқтисодий алоқалар, инвестициялар ва савдо вазирлиги, Иқтисодиёт вазирлиги ва «Ўзбекенгилсанот» давлат-акциядорлик компаниясида экспертизадан ўтказилади».
«223. Енгил саноат корхоналарини қуриш, қайта ихтисослаштириш ва модернизация қилишни назарда тутувчи лойиҳалар бўйича лойиҳаларнинг техник-иқтисодий асослаши лойиҳа бўйича қабул қилинган технологик ечимни баҳолаш (фойдаланиладиган технологиялар даражаси, технологик жараён асбоб-ускуналарининг тавсия этилаётган занжирининг тўлиқлиги, юқори сифатли ва кенг турдаги маҳсулотлар ишлаб чиқаришни ташкил этиш имконияти, халқаро стандартларга мувофиқ бўлган сифатни бошқариш тизимининг мавжудлиги, хом ашё базаси билан таъминланганлик, шунингдек умуман тармоқ бўйича лойиҳани амалга оширишнинг комплекслилиги) бўйича «Ўзбекенгилсаноат» давлат-акциядорлик компаниясида экспертизадан ўтказилгандан кейин ваколатли экспертиза органларига киритилади.
224. Ваколатли экспертиза органларининг ижобий хулосалари мавжуд бўлганда енгил саноат корхоналарини қуриш, қайта такомиллаштириш ва модернизация қилиш лойиҳаларининг техник-иқтисодий асослаши лойиҳа ташаббускори томонидан Ўзбекистон Республикаси Ташқи иқтисодий алоқалар, инвестициялар ва савдо вазирлиги ҳузуридаги Енгил саноат корхоналарини қуриш, қайта ихтисослаштириш ва модернизация қилиш бўйича таклифларни кўриб чиқадиган Идоралараро экспертлар кенгашига киритилади».
«24. Кичик ва хусусий бизнесни ривожлантириш учун кредит линиялари ҳисобига тижорат банклари томонидан молиялаштириладиган инвестиция лойиҳаларини техник-иқтисодий асослаш (техник-иқтисодий ҳисоблаш)ни ишлаб чиқиш, экспертизадан ўтказиш ва тасдиқлаш Вазирлар Маҳкамасининг «Кичик тадбиркорликни ривожлантиришни рағбатлантириш механизмини такомиллаштириш тўғрисида» 1998 йил 27 майдаги 232-сон қарори билан тасдиқланган Кичик тадбиркорликни ривожлантириш учун лойиҳаларни танлаб олиш ва хорижий кредитларни бериш тартибига мувофиқ амалга оширилади, енгил саноат корхоналарини қуриш, қайта такомиллаштириш ва модернизация қилиш бўйича лойиҳалар бундан мустасно».
Кейинги таҳрирга қаранг.