LexUZ sharhi
Mazkur Ro‘yxat O‘zbekiston Respublikasi Moliya vazirligining 2003-yil 7-yanvardagi 9-son “O‘zbekiston Respublikasi Moliya vazirligi ayrim normativ-huquqiy hujjatini kuchini yo‘qotgan deb topish to‘g‘risida”gi buyrug‘iga asosan o‘z kuchini yo‘qotgan va O‘zbekiston Respublikasi adliya vazirining 2003-yil 5-fevraldagi 34-mh-sonli buyrug‘i bilan Davlat reyestridan chiqarilgan.
Jamoa, davlat xo‘jaliklari va boshqa davlat, qishloq xo‘jalik korxonalari mol-mulkining davlat majburiy sug‘urtasi, ijarachilar, deqhon (Fermer) xo‘jaliklari, shirkat hamda jamoat tashkilotlari mol-mulkining ixtiyoriy sug‘urtasi, Fuqarolar mol-mulkining majburiy va ixtiyoriy sug‘urtasi hamda transportdagi yo‘lovchilarning majburiy sug‘urtasi bo‘yicha tushgan sug‘urta badallaridan ajratiladigan mablag‘lar yong‘in nazorati, davlat sug‘urta, davlat avtomobil nazorati, veterinariya idoralari va transport tashkilotlariga quyidagi maqsadlar uchun o‘tkaziladi:
a) tabiiy ofatlar natijasida ortiqcha to‘planib qolgan suvni ekinlarga, imoratlarga xavf soladigan joylardan yo‘qotish ishlarini amalga oshirish, qishloq xo‘jalik ekinlari zararkunandalari va kasalliklari ko‘plab paydo bo‘lganda ularga qarshi kurash uchun zaharli dorilar, ularni sepishda qo‘llaniladigan mashina va uskunalarni sotib olish; qishloq xo‘jalik ekinlari nobud bo‘lishi va zararlanishining oldini olishga qaratilgan agrotexnika tadbirlarini targ‘ib qilish; jamoa, davlat xo‘jaliklari va boshqa davlat qishloq xo‘jalik korxonalariga xizmat ko‘rsatadigan aerodromlarda zaharli dorilarni saqlash uchun omborxonalar qurish;
b) qishloqlarda suv havzalari va ularga boriladigan yo‘llar qurish hamda borlarini kapital ta’mirlash, hayvon kasalliklariga qarshi kurash stansiyalari, veterinariya uchastkalari va punktlari, cho‘miltirib zararsizlantirish o‘ralari, “Bekkari” o‘ralari, hayvonlar uchun qabristonlar (shahar va qishloqlarda, yaylovlarda), shuningdek veterinariya-sanitariya stansiyalari, utilizatsiya qurilmalari, o‘simliklarni himoya qilish stansiyalari, hayvonlarni davolash muassasalari, ambulatoriyalar, izolyator va laboratoriyalar, veterinariya omborxonalari va dorixonalari, o‘simliklar zararkunandalarini aniqlash signalizatsiyasi xizmati uchun kuzatish punktlari, davlat sug‘urta muassasalari uchun xizmat xonalari hamda veterinariya davolash muassasalari qoshida veterinariya mutaxassislari uchun turar joylar qurish va borlarini kapital ta’mirlash.
Hayvonlar harom o‘lishining oldini olish tadbirlari rejalariga yuqorida sanab o‘tilgan muassasalar qurilishining amaldagi namunaviy loyihalarida ko‘zda tutilgan hamma imoratlarning ham, ayrim imoratlarning ham qurilishi kiritilishi mumkin;
v) qishloq xo‘jalik hayvonlarining yuqumli kasalliklari oqsim quturish, brutsellez va sil kasalliklari atrofga tarqalish xavfi yuzaga kelganda O‘zbekiston Respublikasi Vazirlar Mahkamasining ruxsati bilan ana shu kasalliklarga qarshi kurash uchun gelmintozga qarshi va boshqa maxsus ekspeditsiyalar saqlash;
g) veterinariya davolash muassasalari, veterinariya laboratoriyalari va ishlab-chiqarish biologiya laboratoriyalari, o‘simliklarni himoya qilib stansiyalari uchun asbob-uskunalar, jihozlar, ximikatlar va boshqa zarur materiallar, qishloq xo‘jalik hayvonlari va parrandalarining yuqumli kasalliklari manbalarida ishlaydigan kishilar uchun maxsus kiyimlar va poyabzallar, o‘simliklarni himoya qilish bo‘yicha ishlab-chiqarish biologiya laboratoriyalari uchun biopreparatlar sotib olish;
d) yirik qoramollarning teri so‘nasi, gazandalar, gemosporidozlar, oriyentabilgarsioz, diktiokaulez, moniyezioz, gemonxoz, qo‘ylar chechagi, brutsellez va silga qarshi kypash tadbirlarini amalga oshirish maqsadida olib kelinadigan materiallar uchun, shuningdek, yuqumli kasalliklar paydo bo‘lganda chorvachilik xonalarini zararsizlantirish maqsadida olib kelinadigan zararsizlantiruvchi moddalar uchun, oqsim, kuydurgi, o‘lat, quturish va boshqa yuqumli kasalliklar avj olishining oldini olish va yo‘qotish xarajatlari uchun haq to‘lash;
e) veterinariya xizmatlari, ishlab chiqarish biologiya laboratoriyalari o‘simliklarni himoya qilish stansiyalari, tuman va shahar yong‘in nazoratchilari uchun transport vositalari (o‘t o‘chirish va boshqa maxsus avtomobillar, mototsikllar, motorli qayiqlar, velosipedlar va otlar) sotib olish shuningdek, transport uskunalari vositalarini ta’mirlash, ehtiyot qismlar va transport uskunalari sotib olish;
j) kemiruvchilar, kirchumolilar va zamburug‘larga qarshi kurash olib borish, yong‘inga qarshi saroylab, depolar, minoralar, asbob hamda jihozlarni ta’mirlash ustaxonalari qurish va borlarini kapital ta’mirlash, o‘t o‘chirish komandalari (qismlari), ko‘ngilli o‘t o‘chirish drujinalari uchun o‘t o‘chirish asboblari va jihozlari sotib olish, ko‘ngilli o‘t o‘chirish drujinalarining a’zolari bilan mashq va mashg‘ulotlar o‘tkazish uchun shaharchalar, sport maydonchalari qurish va borlarini ta’mirlash;
z) ko‘ngilli o‘t o‘chirish drujinalari boshliqlarini, shuningdek, o‘t o‘chirish texnikasiga xizmat ko‘rsatadigan haydovchilar (motoristlar) ni tayyorlash uchun, o‘quv yig‘inlari va kurslariga chaqiriladigan shaxslarga yo‘l haqi hamda sutkalik pul to‘lash uchun O‘zbekiston Respublikasi davlat sug‘urta bosh boshqarmasi manfaatdor vazirlik va idoralar bilan kelishilgan holda belgilangan tartibda va miqdorlarda mablag‘ ajratish;
i) yong‘indan saqlash ishini yo‘lga qo‘yishning eng yaxshi namunalarini namoyish etgan faol avtonazoratchilar, ilg‘or o‘t o‘chirish drujinalari va ko‘ngilli o‘t o‘chirish jamiyatlarini, shtatda bo‘lmagan hamda jamoatchi o‘t o‘chirish vakillarini, shuningdek ana shu drujinalar a’zolari va boshqa shaxslarni yong‘inga qarshi kurashda jonbozlik ko‘rsatganligi uchun mukofotlash;
k) yong‘inni o‘chirish, yong‘in chiqqan joyga borish va u yerdan qaytish hamda amaliy mashg‘ulotlar vaqtida halok bo‘lgan ko‘ngilli o‘t o‘chirish drujinasi, sayyor ko‘ngilli o‘t o‘chirish jamiyati a’zosining va boshqa shaxslarning oilasiga O‘zbekiston Respublikasida belgilangan eng kam ish haqining 4 karrasigacha miqdorida bir gallik nafaqa berish; ushbu shaxslar yuqorida ko‘rsatilgan hollarda shikast olishi natijasida davolash-mehnat ekspert komissiyasi (VTEK) tomonidan ularga I guruh nogironligi belgilanganda eng kam ish haqining 3 karrasi, II guruh nogironligi belgilanganda 2 karrasi, III guruh nogironligi belgilanganda esa bitta eng kam ish haqi miqdorida bir gallik nafaqa to‘lanadi.
Yuqorida keltirilgan ko‘ngilli drujinalarning a’zolari ko‘ngilsiz hodisa yuz bergan kundan boshlab bir yil mobaynida (hodisaning oqibati tufayli) vafot etsa, avval nogironlik bo‘yicha berilgan nafaqadan qat’i nazar, ularning oilasiga eng kam ish haqining 4 karrasi miqdorida bir gallik nafaqa beriladi;
l) DAN uchun statsionar postlar, o‘quv punktlari va xizmatxonalari qurish va borlarini kapital ta’mirlash;
m) davlat sug‘urta, DAN idoralari uchun transport vositalari sotib olish va borlarini ta’mirlash, transport vositalarining texnikaviy ahvoli tekshiriladigan xizmat xonalari hamda ularning texnikaviy nosozliklari oldini olish va bartaraf etish bo‘yicha texnikaviy yordam ko‘rsatish punktlari qurish va borlarini kapital ta’mirlash;
n) yo‘l harakati xavfsizligini ta’minlashda va avtotransport falokatlarining oldini olishda yuqori ko‘rsatkichlarga erishgani uchun qishloq va shaharlardagi DAN jamoat postlarining a’zolarini mukofotlash;
o) yo‘l harakati qoidalarini targ‘ib qilish, yo‘l-transport hodisalarining oldini olish tadbirlarini o‘tkazish, yo‘l harakati xavfsizligi haqida qisqametrajli filmlar va magnitofilmlar ishlash;
p) avtotransport vositalarini o‘g‘irlash va olib qochish hollarining oldini olish hamda chek qo‘yish maqsadida DAN idoralari tomonidan avtotransport va boshqa texnika vositalarini sotib olish;
r) yo‘l harakati xavfsizligidan ko‘riklar, konkurslar o‘tkazish, g‘oliblarni taqdirlash uchun sovrinlar sotib olish;
s) yong‘inlarning oldini olish va ularga qarshi kurash (shu jumladan, o‘t o‘chirish texnikasi ko‘rgazmalarini uyushtirish), hayvonlar kasallanishining, qishloq xo‘jalik o‘simliklari kasalliklari va zararkunandalari tarqalishining oldini olish hamda ularga qarshi kurash tadbirlarini targ‘ib qilish va o‘tkazish, shuningdek, bo‘rilar va boshqa yirtqich hayvonlarga qarshi kurash tadbirlarini targ‘ib qilish hamda amalga oshirish;
t) ovchilarga yirtqich hayvonlar: — ona bo‘rini bolalari bilan uyasida yo‘q qilgani uchun eng kam ish haqining 200 foizi, katta yoshdagi urg‘ochi yoki erkak bo‘rini yo‘q qilgani uchun — 100 foizi, bo‘ri bolasini yo‘q qilgani uchun — 0,8 qismi, chiyaburini yo‘q qilgani uchun 0,5 qismi miqdorida mukofot to‘lash (ular yo‘q qilingan yirtqich hayvonlar terisini tayyorlov tashkilotlariga topshirgan taqdirdagina), shuningdek, yirtqich hayvonlarni qirib tashlashda ishlatiladigan asbob-uskunalar va zaharli moddalarni sotib olish;