Oʻzbekiston iqtisodiyoti uchun ustuvor ahamiyatga ega boʻlgan va mamlakatning ilmiy-texnika salohiyatini belgilab beruvchi korxonalarni boshqarishni takomillashtirish maqsadida Vazirlar Mahkamasi qaror qiladi:

1. Ustav jamgʻarmasida 25 foizdan ortiq aksiyalar paketi davlatda saqlanib qoladigan korxonalar roʻyxati 1-ilovaga* muvofiq tasdiqlansin.

1-ilovaga kiritilmagan aksiyadorlik jamiyatlarining ustav jamgʻarmasida davlat ulushi Oʻzbekiston Respublikasi Prezidentining 1997-yil 31-martdagi PF-1740-son Farmoniga muvofiq 25 foizdan ortiq boʻlmasligi kerak.

Qarorning mazkur bandi qoidalari amaldagi qonun hujjatlariga muvofiq ilgari xususiylashtirilgan va aksiyadorlashtirilgan korxonalarga ham joriy etiladi.

2. Oʻzbekiston Respublikasi Davlat mulki qoʻmitasi vazirliklar va idoralar boʻyicha xususiylashtirilmagan davlat korxonalarini bir oy muddatda xatlovdan oʻtkazsin va ularni aksiyalashtirishga oid takliflar kiritsin.

3. Belgilab qoʻyilsinki, Vazirlar Mahkamasining ruxsatnomasiga koʻra davlat tasarrufidan chiqarilishi va xususiylashtirilishi kerak boʻlgan korxonalar ustav jamgʻarmasidagi davlat ulushi miqdori Hukumatning tegishli qarori bilan belgilanadi.

4. Belgilansinki:

ilgari davlat korxonalarini qayta tuzish davomida tashkil etilgan, ustav jamgʻarmasida davlat ulushi Hukumat qarorlariga muvofiq 25 foizdan ortiq boʻlgan va mazkur qarorning 1-ilovasiga kiritilmagan aksiyadorlik jamiyatlarining ustav jamgʻarmasida davlat ulushi 25 foiz miqdorida qayd etiladi. Korxonalarning davlat ulushidan boʻshab qoladigan aksiyalari Oʻzbekiston Respublikasi Davlat mulki qoʻmitasi tomonidan erkin sotuvga, shu jumladan xususiylashtirish investitsiya fondlariga qoʻyiladi;

davlat korxonalarini qayta tuzish davomida tashkil etilgan aksiyadorlik jamiyatlarining ustav jamgʻarmasida davlat ulushini kamaytirishga faqat Vazirlar Mahkamasining qarori bilan yoʻl qoʻyiladi.

birjadan tashqari bozorda aksiyadorlik jamiyatlari aksiyalarini dastlabki sotish mazkur qarorga 1-ilovaga kiritilgan korxonalar boʻyicha Vazirlar Mahkamasining 1997-yil 18-avgustdagi 404-son qarori bilan belgilangan tartibga muvofiq tender asosida amalga oshiriladi, birja savdolarida boshqa korxonalarning xaridorgir boʻlmagan aksiyalari toʻgʻridan-toʻgʻri shartnomalar boʻyicha sotiladi.

5. Tarmoq va hududiy xoʻjalik birlashmalari rahbarlari Oʻzbekiston Respublikasi Davlat mulki qoʻmitasi bilan birgalikda bir oy muddatda mazkur qarorga 1-ilovaga kiritilgan aksiyadorlik jamiyatlari aksiyalarining davlatga tegishli ulushi paketlarini belgilangan tartibda tasdiqlangan ilovaga muvofiqlashtirsinlar.

6. Vazirlar Mahkamasining ilgari qabul qilingan qarorlariga 2-ilovaga muvofiq oʻzgartirishlar kiritilsin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari V. A.Chjen va Vazirlar Mahkamasining tegishli komplekslari rahbarlari zimmasiga yuklansin.

1) “Oʻzbekiston avtomobil transporti (“Oʻzavtotrans”) davlat-aksionerlik korporatsiyasini tashkil etish va uning faoliyati masalalari toʻgʻrisida” 1993-yil 12-yanvardagi 21-son qarori 5-bandining 2 — 4-xatboshilari oʻz kuchini yoʻqotgan deb hisoblansin;

2) “Oʻzbekneftgaz” neft va gaz sanoati milliy korporatsiyasi faoliyatini tashkil etish masalalari toʻgʻrisida” 1993-yil 14-yanvardagi 31-son qarori 8-bandining 3-xatboshi oʻz kuchini yoʻqotgan deb hisoblansin;

3) “Oʻzbekiston sanoat va xoʻjalik qurilishi (“Oʻzsanoatxoʻjalikqurilish”) davlat korporatsiyasini tashkil etish va uning faoliyati masalalari toʻgʻrisida” 1993-yil 14-yanvardagi 33-son qarorining 6-bandi oʻz kuchini yoʻqotgan deb hisoblansin;

4) “Oʻzbekmebel” Oʻzbekiston davlat-aksionerlik birlashmasini tashkil etish toʻgʻrisida” 1993-yil 25-yanvardagi 47-son qarorining 5-bandi oʻz kuchini yoʻqotgan deb hisoblansin;

5) “Oʻzbekiston Respublikasi Sogʻliqni saqlash vazirligining dorixona muassasalarini davlat tasarrufidan chiqarish va xususiylashtirish toʻgʻrisida” 1994-yil 11-martdagi 132-son qaroriga 3-ilovaning II boʻlimidagi 9-bandning ikkinchi jumlasi chiqarib tashlansin;

6) “Oʻzbekiston Respublikasi koʻmir sanoatini boshqarish tizimini takomillashtirish chora-tadbirlari toʻgʻrisida” 1994-yil 27-maydagi 271-son qarori 5-bandining 2-xatboshi oʻz kuchini yoʻqotgan deb hisoblansin;

7) “Toshkent shahri aholisiga yoʻlovchi tashish transporti xizmati koʻrsatishni tubdan yaxshilash chora-tadbirlari toʻgʻrisida” 1996-yil 19-avgustdagi 291-son qaroriga 3-ilovaning 14-ustuni oʻz kuchini yoʻqotgan deb hisoblansin;

8) “Oʻzdonmahsulot” davlat-aksionerlik korporatsiyasining ayrim korxonalarini davlat tasarrufidan chiqarish tartibi toʻgʻrisida” 1995-yil 17-iyuldagi 276-son qarori oʻz kuchini yoʻqotgan deb hisoblansin;

9) “Oʻzdonmahsulot” davlat-aksionerlik korporatsiyasini tashkil etish va uning faoliyati masalalari toʻgʻrisida” 1994-yil 20-iyundagi 311-son qarori 4-bandining 3-xatboshi oʻz kuchini yoʻqotgan deb hisoblansin;

10) “Davlat korxonalarini ochiq turdagi aksionerlik jamiyatlariga aylantirishga oid tashkiliy chora-tadbirlar toʻgʻrisida” 1995-yil 15-iyundagi 221-son qarorining 5-bandi oʻz kuchini yoʻqotgan deb hisoblansin;

11) “Oʻzbekiston yengil sanoat tovarlari ishlab chiqarish (“Oʻzbekyengilsanoat”) davlat uyushmasi korxonalarini davlat tasarrufidan chiqarish va xususiylashtirishning asosiy yoʻnalishlari toʻgʻrisida” 1994-yil 4-apreldagi 179-son qaroriga 1 — 3-ilovalarning 5, 6-ustunlari oʻz kuchini yoʻqotgan deb hisoblansin;

12) “Oʻzbekiston avtomobil yoʻllari qurish va foydalanish (“Oʻzavtoyoʻl”) davlat-aksionerlik konsernini tashkil etish va uning faoliyati masalalari toʻgʻrisida” 1993-yil 5-fevraldagi 58-son qarorining 7-bandi oʻz kuchini yoʻqotgan deb hisoblansin;

13) “Oʻzbekiston farmatsevtika sanoati (“Oʻzfarmsanoat”) davlat-aksionerlik konsernini tashkil qilish va uning faoliyati masalalari toʻgʻrisida” 1993-yil 17-iyundagi 290-son qarori 3-bandining 6-xatboshi oʻz kuchini yoʻqotgan deb hisoblansin;

14) “Oʻzbaliq” davlat-aksionerlik korporatsiyasini tashkil etish toʻgʻrisida” 1994-yil 18-avgustdagi 427-son qaroriga 3-ilovaning 3-ustuni oʻz kuchini yoʻqotgan deb hisoblansin;

15) “Oʻzbekiston paxtani qayta ishlash va paxta mahsulotlarini sotish davlat-aksionerlik uyushmasi (“Oʻzdavpaxtasanoatsotish”) faoliyatini tashkil etish masalalari toʻgʻrisida” 1992-yil 10-noyabrdagi 517-son qarorining 11-bandi oʻz kuchini yoʻqotgan deb hisoblansin;

16) “Oʻzbekkino” davlat-aksionerlik kompaniyasini tashkil etish va uning faoliyati masalalari toʻgʻrisida” 1996-yil 12-iyuldagi 247-son qarori 2-bandining 5 va 6-xatboshilari oʻz kuchini yoʻqotgan deb hisoblansin;

17) “Oʻzagrotrans” aksionerlik-transport kompaniyasini tuzish va uning faoliyatini tashkil etish chora-tadbirlari toʻgʻrisida” 1996-yil 28-fevraldagi 76-son qaroriga 2-ilovaning “shu jumladan davlat ulushi” 3-ustuni oʻz kuchini yoʻqotgan deb hisoblansin;

18) “Oʻzbekiston neft va gaz chiqarish (“Oʻzneftgazqazibchiqarish”) davlat-aksionerlik birlashmasi faoliyatini tashkil etish masalalari toʻgʻrisida” 1993-yil 17-maydagi 229-son qarorining:

2-bandi 4-xatboshidagi “kamida 51 foiz” soʻzidan soʻng “davlat ulushi 25 foizni tashkil etadigan “Andijonneft” AJ, “Qoʻqon mexanika zavodidan tashqari” soʻzlari qoʻshilsin, undan keyin matn boʻyicha;

2-ilovadan “Fargʻonaneft” neft konlari boshqarmasi va “Andijonneft” neft konlari boshqarmasi chiqarib tashlansin;

19) “Oʻzneftgazqurilish” davlat-aksionerlik birlashmasi faoliyatini tashkil etish masalalari toʻgʻrisida” 1993-yil 20-maydagi 239-son qarori 2-bandining 4-xatboshi “davlat ulushi 25 foizni tashkil etadigan “Buxoroneftgazelektrmontaj” aksionerlik jamiyatidan tashqari” soʻzlari bilan toʻldirilsin;

20) “Oʻzqishloqxoʻjalikmash-xolding” xolding kompaniyasini tashkil etish toʻgʻrisida” 1996-yil 31-yanvardagi 45-son qarori 3-ilovasining “davlat ulushi, %” 6-ustuni oʻz kuchini yoʻqotgan deb hisoblansin.