Mamlakatimizda xotin-qizlarning huquq va qonuniy manfaatlarini himoya qilish hamda gender tenglikni taʼminlash tizimini takomillashtirish borasida kompleks chora-tadbirlar amalga oshirilmoqda.

Shu bilan birga, xotin-qizlarning iqtisodiy, ijtimoiy va siyosiy faolligini oshirish, ularni kasbga oʻqitish va bandligini taʼminlash, ogʻir turmush sharoitidagi xotin-qizlarni qoʻllab-quvvatlash hamda gender tenglikni taʼminlash dolzarb vazifalar hisoblanadi.

Oila va xotin-qizlar, mahalla va nuroniylarni qoʻllab-quvvatlash sohasidagi davlat boshqaruvi organlari qayta tashkil etilganligi munosabati bilan qonunchilik hujjatlarini muvofiqlashtirish maqsadida Oʻzbekiston Respublikasi Prezidentining “Oila va xotin-qizlar bilan ishlash, mahalla va nuroniylarni qoʻllab-quvvatlash tizimini takomillashtirish chora-tadbirlari toʻgʻrisida” 2022-yil 1-martdagi PF-81-son, “Oila va xotin-qizlarni tizimli qoʻllab-quvvatlashga doir ishlarni yanada jadallashtirish chora-tadbirlari toʻgʻrisida” 2022-yil 7-martdagi PF-87-son farmonlari, “Oila va xotin-qizlar davlat qoʻmitasi faoliyatini tashkil etish toʻgʻrisida” 2022-yil 1-martdagi PQ-146-son va “Mahalla va nuroniylarni qoʻllab-quvvatlash vazirligi faoliyatini tashkil etish toʻgʻrisida” 2022-yil 1-martdagi PQ-147-son qarorlariga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining 1-ilovaga muvofiq ayrim qarorlariga quyidagilarni nazarda tutuvchi oʻzgartirish va qoʻshimchalar kiritilsin:

Oʻzbekiston Respublikasi Prezidentining 2022-yil 1-martdagi PF-81-son, 2022-yil 7-martdagi PF-87-son farmonlari, 2022-yil 1-martdagi PQ-146-son va PQ-147-son qarorlariga muvofiq:

a) Mahalla va oilani qoʻllab-quvvatlash vazirligi hamda uning hududiy boʻlinmalari negizida tegishlicha Mahalla va nuroniylarni qoʻllab-quvvatlash vazirligi hamda uning hududiy boʻlinmalari tashkil etilganligi;

b) Oila va xotin-qizlar davlat qoʻmitasi hamda ularning hududiy boʻlinmalari tashkil etilganligi;

v) Xotin-qizlarni qoʻllab-quvvatlash davlat maqsadli jamgʻarmasi Oila va xotin-qizlarni qoʻllab-quvvatlash davlat maqsadli jamgʻarmasi sifatida qayta tashkil etilganligi va Oila va xotin-qizlar davlat qoʻmitasi tuzilmasiga oʻtkazilganligi;

g) “Mahalla va oila” ilmiy-tadqiqot instituti “Oila va xotin-qizlar” ilmiy-tadqiqot instituti sifatida qayta tashkil etilganligi hamda Oila va xotin-qizlar davlat qoʻmitasi tuzilmasiga oʻtkazilganligi;

d) Qoraqalpogʻiston Respublikasi Vazirlar Kengashi tuzilmasidagi — Vazirlar Kengashi Raisi oʻrinbosari — mahalla va oilani qoʻllab-quvvatlash vaziri lavozimi tugatilganligi;

e) viloyatlar va Toshkent shahar hokimliklari tuzilmalaridagi — hokim oʻrinbosarlari — mahalla va oilani qoʻllab-quvvatlash boshqarmalari boshliqlari lavozimlari tugatilganligi;

j) tuman (shahar) hokimliklari tuzilmalaridagi — hokim oʻrinbosarlari — mahalla va oilani qoʻllab-quvvatlash boʻlimlari boshliqlari lavozimlari tugatilganligi;

z) har bir shaharcha, qishloq, ovulda, shuningdek, shaharlar, shaharchalar, qishloqlar va ovullardagi har bir mahallada mahalla raisining oila, xotin-qizlar va ijtimoiy-maʼnaviy masalalar boʻyicha oʻrinbosari hamda oila va xotin-qizlar masalalari boʻyicha mutaxassis lavozimi oʻrniga xotin-qizlar faoli lavozimi joriy etilganligi munosabati bilan qonunchilik hujjatlarini ushbu qoidalarga muvofiqlashtirish.

2. Oʻzbekiston Respublikasi Hukumatining 2-ilovaga muvofiq ayrim qarorlari oʻz kuchini yoʻqotgan deb hisoblansin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Oila va xotin-qizlar davlat qoʻmitasi raisi Z.B. Mahkamova hamda Oʻzbekiston Respublikasi mahalla va nuroniylarni qoʻllab-quvvatlash vazirining birinchi oʻrinbosari S. Turdiyev zimmasiga yuklansin.

1. Vazirlar Mahkamasining 2003-yil 25-avgustdagi 365-son qarori bilan tasdiqlangan Nikohlanuvchi shaxslarni tibbiy koʻrikdan oʻtkazish toʻgʻrisidagi nizomning 12 va 23-bandlaridagi “yashash joyidagi” soʻzlari “doimiy yoki vaqtinchalik yashab turgan joyidagi” soʻzlari bilan almashtirilsin.

2. Vazirlar Mahkamasining 2009-yil 14-yanvardagi 10-son qarori (Oʻzbekiston Respublikasi QT, 2009-y., 1-son, 3-modda) bilan tasdiqlangan Fuqarolarni muddatli harbiy xizmatga yigʻish va joʻnatish, ularni harbiy qismlarda qabul qilish, shuningdek Oʻzbekiston Respublikasi Qurolli Kuchlari rezerviga boʻshatilgan harbiy xizmatchilarni yashash joylariga qaytarish tartibi toʻgʻrisidagi nizomning 9-bandi ikkinchi xatboshidagi “Qoraqalpogʻiston Respublikasi Mahalla va oilani qoʻllab-quvvatlash vazirligi, viloyatlar va Toshkent shahar mahalla va oilani qoʻllab-quvvatlash boshqarmalari” soʻzlari “Qoraqalpogʻiston Respublikasi Mahalla va nuroniylarni qoʻllab-quvvatlash vazirligi, viloyatlar va Toshkent shahar mahalla va nuroniylarni qoʻllab-quvvatlash boshqarmalari” soʻzlari bilan almashtirilsin.

3. Vazirlar Mahkamasining “Sogʻlom avlod uchun” hukumatga qarashli boʻlmagan xalqaro xayriya fondini qoʻllab-quvvatlashga doir qoʻshimcha chora-tadbirlar toʻgʻrisida” 2014-yil 30-yanvardagi 20-son qarorining (Oʻzbekiston Respublikasi QHT, 2014-y., 5-son, 60-modda) 5-bandi ikkinchi xatboshidagi “Vazirlar Mahkamasi huzuridagi “Oila” ilmiy-amaliy tadqiqot markaziga, Oʻzbekiston Xotin-qizlar qoʻmitasiga” soʻzlari “Oʻzbekiston Respublikasi Oila va xotin-qizlar davlat qoʻmitasiga, “Oila va xotin-qizlar” ilmiy-tadqiqot institutiga” soʻzlari bilan almashtirilsin.

4. Vazirlar Mahkamasining “Oʻzbekiston Respublikasi Prezidentining “1941 — 1945-yillardagi urush va mehnat fronti faxriylarini ijtimoiy qoʻllab-quvvatlashni yanada kuchaytirish chora-tadbirlari toʻgʻrisida” 2014-yil 13-oktabrdagi PF-4658-son Farmonini amalga oshirish chora-tadbirlari haqida” 2014-yil 24-dekabrdagi 361-son qarorida:

a) 1-ilovaning 14-bandi va 25-bandining ikkinchi xatboshidagi “mahalla va oilani qoʻllab-quvvatlash boʻlimlarida” va “mahalla va oilani qoʻllab-quvvatlash boʻlimining” soʻzlari tegishlicha “mahalla va nuroniylarni qoʻllab-quvvatlash boʻlimlarida” va “mahalla va nuroniylarni qoʻllab-quvvatlash boʻlimining” soʻzlari bilan almashtirilsin;

b) 2-ilovaning “2-bosqich” pozitsiyasidagi “mahalla va oilani qoʻllab-quvvatlash boʻlimlarida” soʻzlari “mahalla va nuroniylarni qoʻllab-quvvatlash boʻlimlarida” soʻzlari bilan almashtirilsin.

5. Vazirlar Mahkamasining “Jamoatchilik ekologik nazoratini amalga oshirishga doir namunaviy nizomlarni tasdiqlash toʻgʻrisida” 2015-yil 8-oktabrdagi 287-son qarorida:

a) 1-ilovaning 14-bandi quyidagi tahrirda bayon etilsin:

“14. Fuqarolarning oʻzini oʻzi boshqarish organlarining jamoatchilik ekologik nazorat boʻyicha faoliyatini muvofiqlashtirish Oʻzbekiston Respublikasi Mahalla va nuroniylarni qoʻllab-quvvatlash vazirligi tomonidan, Qoraqalpogʻiston Respublikasi Mahalla va nuroniylarni qoʻllab-quvvatlash vazirligi, viloyatlar va Toshkent shahar mahalla va nuroniylarni qoʻllab-quvvatlash boshqarmalari, tuman (shahar) mahalla va nuroniylarni qoʻllab-quvvatlash boʻlimlari tomonidan amalga oshiriladi”.

b) 2-ilovaning 3-bandi ikkinchi xatboshisidagi “Mahalla va oilani qoʻllab-quvvatlash vazirligi” soʻzlari “Mahalla va nuroniylarni qoʻllab-quvvatlash vazirligi” soʻzlari bilan almashtirilsin.

6. Vazirlar Mahkamasining 2016-yil 7-oktabrdagi 336-son qarori bilan tasdiqlangan Rahbarlari xodimlarni Toshkent shahri va Toshkent viloyatida doimiy propiska qilish toʻgʻrisida iltimosnoma kiritishi mumkin boʻlgan davlat hokimiyati organlari, davlat va xoʻjalik boshqaruvi organlari, respublika ahamiyatiga molik boshqa davlat tashkilotlari roʻyxatida:

a) 28⁶-banddagi “Mahalla va oilani qoʻllab-quvvatlash vazirligi” soʻzlari “Mahalla va nuroniylarni qoʻllab-quvvatlash vazirligi” soʻzlari bilan almashtirilsin;

b) quyidagi mazmundagi 36²-band qoʻshilsin:

“36². Oʻzbekiston Respublikasi Oila va xotin-qizlar davlat qoʻmitasi”;

v) 70-band oʻz kuchini yoʻqotgan deb hisoblansin.

7. Vazirlar Mahkamasining 2017-yil 26-apreldagi 243-son qarori bilan tasdiqlangan Qishloq joylarda yangilangan namunaviy loyihalar boʻyicha arzon uy-joylar qurish uchun pudrat tashkilotlarini hamda qurilish materiallari va asbob-uskunalarni yetkazib beruvchilarni aniqlash yuzasidan tanlov savdolari oʻtkazish tartibi toʻgʻrisidagi nizomning 8-bandidagi “Xotin-qizlar qoʻmitasi” soʻzlari “hududiy xotin-qizlar jamoatchilik kengashi” soʻzlari bilan almashtirilsin.

8. Vazirlar Mahkamasining 2017-yil 7-iyundagi 364-son qarori (Oʻzbekiston Respublikasi QT, 2017-y., 6-son, 96-modda) bilan tasdiqlangan “Haj” va “Umra” tadbirlarini tashkil etish va oʻtkazish tartibi toʻgʻrisidagi nizomda:

a) 9-bandning toʻqqizinchi xatboshi quyidagi tahrirda bayon etilsin:

“Qoraqalpogʻiston Respublikasi Oila va xotin-qizlar qoʻmitasi raisi, viloyatlar va Toshkent shahar oila va xotin-qizlar boshqarmalari boshliqlari”;

b) 13-bandning ikkinchi xatboshi quyidagi tahrirda bayon etilsin:

“Tashkiliy guruhlar tarkibiga, qoidaga koʻra, tuman (shahar) hokimining oʻrinbosari (tashkiliy guruh raisi), bosh imom-xatib, ichki ishlar organining migratsiya va fuqarolikni rasmiylashtirish boʻlinmasi, tuman (shahar) tibbiyot birlashmasi, Oʻzbekiston Respublikasi Oila va xotin-qizlar davlat qoʻmitasi, Oʻzbekiston “Mahalla” xayriya jamoat fondi, Oʻzbekiston Respublikasi Mahalla va nuroniylarni qoʻllab-quvvatlash vazirligining tuman (shahar) boʻlimlari rahbarlari kiritiladi”;

v) 14¹-bandning ikkinchi xatboshidagi “fuqarolar yigʻini raisining oila, xotin-qizlar va ijtimoiy-maʼnaviy masalalar boʻyicha oʻrinbosari” soʻzlari “mahalladagi xotin-qizlar faoli” soʻzlari bilan almashtirilsin;

g) 24-banddagi “Oʻzbekiston Xotin-qizlar qoʻmitasi” soʻzlari “Oʻzbekiston Respublikasi Oila va xotin-qizlar davlat qoʻmitasi” soʻzlari bilan almashtirilsin.

9. Vazirlar Mahkamasining 2017-yil 20-iyundagi 393-son qarori (Oʻzbekiston Respublikasi QT, 2017-y., 6-son, 108-modda) bilan tasdiqlangan Oliy taʼlim muassasalarining bakalavriatiga talabalarni oʻqishga qabul qilish tartibi toʻgʻrisidagi nizomning 10⁹-bandi ikkinchi xatboshidagi “Mahalla va oilani qoʻllab-quvvatlash vazirligining” soʻzlari “Oila va xotin-qizlar davlat qoʻmitasining” soʻzlari bilan almashtirilsin.

10. Vazirlar Mahkamasining “Kichik tadbirkorlik subyektlariga mikromoliyaviy yordam koʻrsatish, yangi ish oʻrinlari tashkil etish va kam taʼminlangan oilalarga mikromoliyaviy xizmatlar koʻrsatishni nazarda tutadigan loyihalarni moliyalashtirishga doir qoʻshimcha chora-tadbirlar toʻgʻrisida” 2017-yil 22-avgustdagi 655-son qarorining 1-bandi uchinchi xatboshisidagi “Oʻzbekiston Xotin-qizlar qoʻmitasi” soʻzlari “Oʻzbekiston Respublikasi Oila va xotin-qizlar davlat qoʻmitasi” soʻzlari bilan almashtirilsin.

11. Vazirlar Mahkamasining 2017-yil 29-sentabrdagi 774-son qarori bilan tasdiqlangan Yoshlar masalalari boʻyicha hududiy idoralararo kengashlar toʻgʻrisidagi namunaviy nizomda:

a) 1-ilovaning 4-bandi quyidagi tahrirda bayon etilsin:

“4. Qoraqalpogʻiston Respublikasi Vazirlar Kengashi Raisi oʻrinbosari — Oila va xotin-qizlar qoʻmitasi raisi, viloyatlar va Toshkent shahar hokimlari oʻrinbosarlari — oila va xotin-qizlar boshqarmalari boshliqlari”;

b) 2-ilovaning 4-bandi quyidagi tahrirda bayon etilsin:

“4. Tuman (shahar) hokimining oʻrinbosarlari — oila va xotin-qizlar boʻlimlari boshliqlari”.

12. Vazirlar Mahkamasining “Nizomiy nomidagi Toshkent davlat pedagogika universitetida Psixologiya oʻquv-ilmiy markazi faoliyatini tashkil etish chora-tadbirlari toʻgʻrisida” 2017-yil 29-sentabrdagi 775-son qarorining 2-bandi yettinchi xatboshidagi “Oʻzbekiston Xotin-qizlar qoʻmitasi” soʻzlari “Oʻzbekiston Respublikasi Oila va xotin-qizlar davlat qoʻmitasi” soʻzlari bilan almashtirilsin.

13. Vazirlar Mahkamasining “Oʻzbekiston Respublikasi Bandlik va mehnat munosabatlari vazirligi huzuridagi Jamoat ishlari jamgʻarmasi faoliyatini tashkil etish toʻgʻrisida” 2017-yil 5-oktabrdagi 799-son qaroriga 1-ilovaning sakkizinchi xatboshi quyidagi tahrirda bayon etilsin:

“A.K. Tursunov — mahalla va nuroniylarni qoʻllab-quvvatlash vaziri oʻrinbosari”.

14. Vazirlar Mahkamasining “Oʻzbekiston yoshlar ittifoqining faol aʼzolariga oliy taʼlim muassasalariga kirishda imtiyozlar berish toʻgʻrisida” 2017-yil 14-noyabrdagi 914-son qarorida:

a) 1-ilovada:

Nizomga 1-ilovaning 4-bandi quyidagi tahrirda bayon etilsin:

“4. Qoraqalpogʻiston Respublikasi Vazirlar Kengashi Raisi oʻrinbosari — Oila va xotin-qizlar qoʻmitasi raisi, viloyatlar va Toshkent shahar hokimlari oʻrinbosarlari — oila va xotin-qizlar boshqarmalari boshliqlari”;

Nizomga 2-ilovaning 4-bandi quyidagi tahrirda bayon etilsin:

“4. Tuman (shahar) hokimi oʻrinbosari — oila va xotin-qizlar boʻlimi boshligʻi”;

b) 2-ilovaning 7-bandi quyidagi tahrirda bayon etilsin:

“7. R.E. Turdiboyeva — Oʻzbekiston Respublikasi Oila va xotin-qizlar davlat qoʻmitasi raisining oʻrinbosari”.

15. Vazirlar Mahkamasining “Hududlarni ijtimoiy-iqtisodiy rivojlantirishning dolzarb masalalarini hal etishda fuqarolarning oʻzini oʻzi boshqarish organlari roli va faoliyati samaradorligini yanada oshirish toʻgʻrisida” 2017-yil 23-noyabrdagi 940-son qaroriga ilovada:

a) 1 — 7, 9 va 10-pozitsiyalarning “Masʼul ijrochilar” ustunidagi “Mahalla va oilani qoʻllab-quvvatlash vazirligi” soʻzlari “Mahalla va nuroniylarni qoʻllab-quvvatlash vazirligi” soʻzlari bilan almashtirilsin;

b) 11-pozitsiya chiqarib tashlansin;

v) 13-pozitsiyaning “Masʼul ijrochilar” ustunidagi “Oʻzbekiston Xotin-qizlar qoʻmitasi” va “Mahalla va oilani qoʻllab-quvvatlash vazirligi” soʻzlari tegishlicha “Oʻzbekiston Respublikasi Oila va xotin-qizlar davlat qoʻmitasi” va “Mahalla va nuroniylarni qoʻllab-quvvatlash vazirligi” soʻzlari bilan almashtirilsin;

g) 14-pozitsiyaning “Masʼul ijrochilar” ustunidagi “Mahalla va oilani qoʻllab-quvvatlash vazirligi” soʻzlari “Mahalla va nuroniylarni qoʻllab-quvvatlash vazirligi” soʻzlari bilan almashtirilsin.

16. Vazirlar Mahkamasining “Fuqarolarning oʻzini oʻzi boshqarish organlarining aholi, birinchi navbatda, yoshlar va xotin-qizlar bandligini taʼminlashga doir faoliyatini takomillashtirish chora-tadbirlari toʻgʻrisida” 2017-yil 5-dekabrdagi 964-son qarorida:

a) 2 va 5-bandlardagi “fuqarolarning oʻzini oʻzi boshqarish organlarining Oʻzbekiston yoshlar ittifoqi, Oʻzbekiston Xotin-qizlar qoʻmitasi” soʻzlari “fuqarolarning oʻzini oʻzi boshqarish organlari va mahallalardagi xotin-qizlar faollarining Oʻzbekiston Respublikasi Oila va xotin-qizlar davlat qoʻmitasi, Yoshlar ishlari agentligi, Oʻzbekiston yoshlar ittifoqi” soʻzlari bilan almashtirilsin;

b) ilovada:

Nizom nomi va 1-banddagi “fuqarolarning oʻzini oʻzi boshqarish organlarining Oʻzbekiston yoshlar ittifoqi, Oʻzbekiston Xotin-qizlar qoʻmitasi” soʻzlari “fuqarolarning oʻzini oʻzi boshqarish organlari va mahallalardagi xotin-qizlar faollarining Oʻzbekiston Respublikasi Oila va xotin-qizlar davlat qoʻmitasi, Yoshlar ishlari agentligi, Oʻzbekiston yoshlar ittifoqi” soʻzlari bilan almashtirilsin;

2-bandning ikkinchi xatboshisi quyidagi tahrirda bayon etilsin:

“ishga joylashtirish boʻyicha agent — fuqarolarning oʻzini oʻzi boshqarish organlari va mahallalardagi xotin-qizlar faollari, Oʻzbekiston Respublikasi Oila va xotin-qizlar davlat qoʻmitasi, Yoshlar ishlari agentligi, Oʻzbekiston yoshlar ittifoqi tuman (shahar) boʻlinmalarining aholini ishga joylashtirishda koʻmaklashuvchi xodimlari”;

6-banddagi “Oʻzbekiston Xotin-qizlar qoʻmitasi” soʻzlari “Oʻzbekiston Respublikasi Oila va xotin-qizlar davlat qoʻmitasi” soʻzlari bilan almashtirilsin;

Nizomga 1-ilovaning ilova belgisi va nomidagi “fuqarolarning oʻzini oʻzi boshqarish organlarining Oʻzbekiston yoshlar ittifoqi, Oʻzbekiston Xotin-qizlar qoʻmitasi” soʻzlari “fuqarolarning oʻzini oʻzi boshqarish organlari va mahallalardagi xotin-qizlar faollarining Oʻzbekiston Respublikasi Oila va xotin-qizlar davlat qoʻmitasi, Yoshlar ishlari agentligi, Oʻzbekiston yoshlar ittifoqi” soʻzlari bilan almashtirilsin;

Nizomga 2-ilovaning ilova belgisi va matnidagi “Oʻzbekiston Xotin-qizlar qoʻmitasi” soʻzlari “Oʻzbekiston Respublikasi Oila va xotin-qizlar davlat qoʻmitasi” soʻzlari bilan almashtirilsin.

17. Vazirlar Mahkamasining 2017-yil 22-dekabrdagi 1013-son qarori bilan tasdiqlangan Normativ-huquqiy hujjatlar matnlari hamda zarur boʻlgan taqdirda, ularga tegishli axborot-tahliliy materiallar elektron shaklda yuboriladigan davlat organlari va boshqa tashkilotlarning roʻyxatida:

a) “Vazirliklar” boʻlimining 22-bandi quyidagi tahrirda bayon etilsin:

“22. Oʻzbekiston Respublikasi Mahalla va nuroniylarni qoʻllab-quvvatlash vazirligi”;

b) “Davlat qoʻmitalari” boʻlimiga quyidagi mazmundagi 16-band qoʻshilsin:

“16. Oʻzbekiston Respublikasi Oila va xotin-qizlar davlat qoʻmitasi”;

v) “Nodavlat notijorat tashkilotlari” boʻlimining 2 va 3-bandlari oʻz kuchini yoʻqotgan deb hisoblansin.

18. Vazirlar Mahkamasining “Oʻzbekiston Respublikasi Vazirlar Mahkamasi huzuridagi Millatlararo munosabatlar va xorijiy mamlakatlar bilan doʻstlik aloqalari qoʻmitasi huzuridagi Jamoatchilik kengashi faoliyatini tashkil etish toʻgʻrisida” 2017-yil 25-dekabrdagi 1018-son qaroriga 2-ilovaning 9-bandi quyidagi tahrirda bayon etilsin:

“9. Turdiboyeva Raʼno Eshovna — Oʻzbekiston Respublikasi Oila va xotin-qizlar davlat qoʻmitasi raisining oʻrinbosari”.

19. Vazirlar Mahkamasining “Yoʻlovchi avtotransportida favqulodda vaziyatlar profilaktikasi va ularning oldini olish, shuningdek, Oʻzbekiston Respublikasi Davlat chegarasidan tashqariga chiqadigan fuqarolar xavfsizligini taʼminlashga doir shoshilinch chora-tadbirlar toʻgʻrisida” 2018-yil 23-yanvardagi 42-son qarorida:

a) 3-banddagi “Mahalla va oilani qoʻllab-quvvatlash vazirligi” soʻzlari “Mahalla va nuroniylarni qoʻllab-quvvatlash vazirligi, Oila va xotin-qizlar davlat qoʻmitasi” soʻzlari bilan almashtirilsin;

b) 1-ilovada:

oʻn toʻrtinchi xatboshi quyidagi tahrirda bayon etilsin:

“Turdiyev S. — Oʻzbekiston Respublikasi mahalla va nuroniylarni qoʻllab-quvvatlash vazirining birinchi oʻrinbosari”;

quyidagi mazmundagi xatboshi qoʻshilsin:

“Parpiboyeva O.A. — Oʻzbekiston Respublikasi Oila va xotin-qizlar davlat qoʻmitasi raisining birinchi oʻrinbosari”;

v) 2-ilovaning 12-bandidagi “Mahalla va oilani qoʻllab-quvvatlash vazirligi” soʻzlari “Mahalla va nuroniylarni qoʻllab-quvvatlash vazirligi, Oila va xotin-qizlar davlat qoʻmitasi” soʻzlari bilan almashtirilsin.

20. Vazirlar Mahkamasining “Mahalla institutining yanada samarali faoliyat yuritishini taʼminlash chora-tadbirlari toʻgʻrisida” 2018-yil 15-fevraldagi 117-son qarorida:

a) 4-bandning birinchi xatboshidagi “Mahalla va oilani qoʻllab-quvvatlash vazirligiga” soʻzlari “Mahalla va nuroniylarni qoʻllab-quvvatlash vazirligiga” soʻzlari bilan almashtirilsin;

b) ilovaning “Jamoatchilik tuzilmasi va unga biriktirilgan davlat va nodavlat notijorat tashkilotlari” ustunidagi “Yarashtirish komissiyasi” va “Oʻzbekiston Xotin-qizlar qoʻmitasi” soʻzlari tegishlicha “Oilaviy qadriyatlarni mustahkamlash komissiyasi” va “Oila va xotin-qizlar davlat qoʻmitasi” soʻzlari bilan almashtirilsin.

21. Vazirlar Mahkamasining “Dehqon xoʻjaliklari va tomorqa yer uchastkalaridan samarali foydalanishni tashkil etish chora-tadbirlari toʻgʻrisida” 2018-yil 18-martdagi 205-son qarorida:

a) 1-ilovaning 4-bandida:

birinchi xatboshidagi “Mahalla va oilani qoʻllab-quvvatlash tuman boʻlimi boshligʻi — tuman hokimining oʻrinbosari” soʻzlari “tuman mahalla va nuroniylarni qoʻllab-quvvatlash boʻlimi boshligʻi” soʻzlari bilan almashtirilsin;

ikkinchi xatboshidagi “Mahalla va oilani qoʻllab-quvvatlash tuman boʻlimi” soʻzlari “tuman mahalla va nuroniylarni qoʻllab-quvvatlash boʻlimi” soʻzlari bilan almashtirilsin;

b) 2-ilovada:

2-band quyidagi tahrirda bayon etilsin:

“2. S. Turdiyev — mahalla va nuroniylarni qoʻllab-quvvatlash vazirining birinchi oʻrinbosari, Respublika ishchi guruhi rahbarining oʻrinbosari”;

16-band oʻz kuchini yoʻqotgan deb hisoblansin;

v) 3-ilovaning 12-bandi quyidagi tahrirda bayon etilsin:

“12. Fargʻona — S. Turdiyev — mahalla va nuroniylarni qoʻllab-quvvatlash vazirining birinchi oʻrinbosari”.

22. Vazirlar Mahkamasining “Jismoniy tarbiya va sport sohasida tadbirkorlikni hamda xususiy sektorni yanada rivojlantirish chora-tadbirlari toʻgʻrisida” 2018-yil 28-martdagi 248-son qarorining 8-bandidagi “Oʻzbekiston Xotin-qizlar qoʻmitasi” soʻzlari “Oʻzbekiston Respublikasi Oila va xotin-qizlar davlat qoʻmitasi” soʻzlari bilan almashtirilsin.

23. Vazirlar Mahkamasining “Moʻtabar ayol” koʻkrak nishonini taʼsis etish chora-tadbirlari toʻgʻrisida” 2018-yil 2-apreldagi 257-son qarorida:

a) 2-banddagi “Mahalla va oilani qoʻllab-quvvatlash vazirligi” soʻzlari “Oila va xotin-qizlar davlat qoʻmitasi” soʻzlari bilan almashtirilsin;

b) 4-banddagi “Mahalla va oilani qoʻllab-quvvatlash vazirligining” soʻzlari “Oila va xotin-qizlar davlat qoʻmitasining” soʻzlari bilan almashtirilsin;

v) 5-banddagi “Xotin-qizlarni qoʻllab-quvvatlash davlat maqsadli jamgʻarmasi” soʻzlari “Oila va xotin-qizlarni qoʻllab-quvvatlash davlat maqsadli jamgʻarmasi” soʻzlari bilan almashtirilsin;

g) 7-banddagi “Vazirlar Mahkamasining Yoshlar, jamoat tashkilotlari, mahalla va oilani qoʻllab-quvvatlash masalalari kotibiyati hamda Oʻzbekiston Respublikasi Mahalla va oilani qoʻllab-quvvatlash vaziri R.T. Mamatov” soʻzlari “Oʻzbekiston Respublikasi Bosh vazirining oʻrinbosari Z.B. Mahkamova” soʻzlari bilan almashtirilsin;

d) 1-ilovada:

2 — 7-bandlar quyidagi tahrirda bayon etilsin:

“2. Koʻkrak nishoni bilan taqdirlashga oid dastlabki takliflar Oʻzbekiston Respublikasi Oila va xotin-qizlar davlat qoʻmitasining xotin-qizlar masalalari boʻyicha boshlangʻich tashkilotlari, mahalladagi xotin-qizlar faoli hamda oilaviy qadriyatlarni mustahkamlash komissiyasi tomonidan shakllantiriladi va tegishli yigʻilish qarorlari asosida har yili 10-yanvarga qadar tuman (shahar) oila va xotin-qizlar boʻlimiga taqdim etiladi.

3. Tuman (shahar) oila va xotin-qizlar boʻlimlari koʻkrak nishoniga tavsiya qilinayotgan nomzodlarni har tomonlama oʻrganib, ularning faoliyatiga oid barcha hujjatlarni tegishli yigʻilish qarorlari asosida har yili 25-yanvarga qadar Qoraqalpogʻiston Respublikasi Oila va xotin-qizlar qoʻmitasiga, viloyatlar va Toshkent shahar oila va xotin-qizlar boshqarmalariga taqdim etadilar.

4. Qoraqalpogʻiston Respublikasi Oila va xotin-qizlar qoʻmitasi, viloyatlar va Toshkent shahar oila va xotin-qizlar boshqarmalari koʻkrak nishoni bilan taqdirlashga tavsiya qilingan nomzodlar boʻyicha hujjatlarni koʻrib chiqib, tegishli yigʻilish qarorlari asosida har yilning 10-fevral sanasiga qadar Oʻzbekiston Respublikasi Oila va xotin-qizlar davlat qoʻmitasiga (keyingi oʻrinlarda — Qoʻmita) taqdim etadilar.

5. Koʻkrak nishoni bilan taqdirlashga oid takliflarni koʻrib chiqish tartibi Qoʻmita raisi tomonidan belgilanadi.

Qoʻmita raisining buyrugʻi bilan koʻkrak nishoniga tavsiya etilgan nomzodlarni koʻrib chiqish boʻyicha doimiy komissiya (keyingi oʻrinlarda — komissiya) tashkil etiladi.

Komissiya yigʻilishida nomzodlar boʻyicha hujjatlar koʻrib chiqilib, har yili 20-fevralga qadar yakuniy xulosalar qabul qilinadi.

Komissiya xulosasiga asosan koʻkrak nishoni bilan taqdirlash boʻyicha Qoʻmita raisining buyrugʻi qabul qilinadi.

6. Koʻkrak nishoni va uning guvohnomasi mu