Bozor munosabatlariga oʻtish sharoitida xalq xoʻjaligi va aholini mebel, qogʻoz va boshqa mahsulotlar bilan taʼminlashni tubdan yaxshilash, tarmoq korxonalari va tashkilotlarining samarali faoliyatini koʻrsatish uchun zarur tashkiliy-iqtisodiy sharoitlar yaratish maqsadida Vazirlar Mahkamasi qaror qiladi.

1. Mebel sanoati korxonalari va tashkilotlari (1-ilovaga muvofiq) mehnat jamoalarining “Oʻzbekmebel” Oʻzbekiston davlat-aksionerlik birlashmasini tashkil etish toʻgʻrisidagi taklifi qabul qilinsin. Bunda ular oʻzlarining xoʻjalik mustaqilligini va yuridik shaxs huquqlarini saqlab qoladilar.

2. Belgilab qoʻyilsinki, “Oʻzbekmebel” Oʻzbekiston davlat-aksionerlik birlashmasi:

mulkchilikning barcha shakllaridagi korxona va tashkilotlarni aksiyalash prinsiplari asosida ixtiyoriy ravishda birlashtiriladi;

yuridik shaxs hisoblanadi va oʻz faoliyatini amaldagi qonunchilik hamda Vazirlar Mahkamasi bilan kelishilgan holda taʼsischilar yigʻilishi (konferensiyasi) tomonidan tasdiqlangan birlashma Ustavi asosida amalga oshiradi;

oʻz faoliyati toʻgʻrisida Vazirlar Mahkamasiga hisobot beradi;

birlashma tarkibiga kiruvchi korxonalarning davlat mulkini boshqaradi;

taʼsischilar tomonidan berilgan huquqlarni hisobga olgan holda moliya-iqtisodiy, xoʻjalik va ijtimoiy faoliyat masalalarini mustaqil ravishda hal qiladi, birlashma Kengashi qaroriga koʻra markazlashtirilgan ehtiyot, zaxira va boshqa jamgʻarmalarni tashkil etadi;

birlashmaga kiruvchi mehnat jamoalari, davlat korxonalari va tashkilotlarining manfaatlarini hisobga olgan holda aksionerlik jamiyatiga, jamoa korxonalariga va mulkchilikning boshqa shakllariga aylantirish toʻgʻrisida belgilangan tartibda takliflar kiritadi.

3. Quyidagilar “Oʻzbekmebel” Oʻzbekiston davlat-aksionerlik birlashmasi faoliyatining asosiy vazifalari qilib belgilansin:

birlashmaga kirgan korxonalar va tashkilotlar faoliyatini muvofiqlashtirib borish, ularning huquqlarini himoya qilish, davlat va boshqa idoralarda umumiy manfaatlarni ifodalash;

tarmoqda yagona ilmiy-texnikaviy siyosatni oʻtkazishga, korxonalarni kengaytirishga, qayta qurishga va texnika bilan qayta jihozlashga, zamonaviy texnologiyalarni ishlab chiqish va oʻzlashtirishga koʻmaklashish;

yogʻochbop xomashyoni kompleks qayta ishlashni taʼminlash, atrof muhitga zarar yetkazmasdan oʻrmon xomashyo resurslaridan foydalanish;

bozorning mebelga boʻlgan konyunkturasini oʻrganish, ishlab chiqarilayotgan mahsulotlar va koʻrsatilayotgan xizmatlar turlarini takomillashtirish, ishlab chiqarishlarni oqilona ixtisoslashtirish va ularni kooperatsiyalash;

tarmoqni iqtisodiy va ijtimoiy rivojlantirishning uzoq muddatli istiqbolini, maqsadli ilmiy-texnikaviy dasturlarni ishlab chiqish, investitsiyalar sohasida yagona strategiyani amalga oshirish;

korxonalarda xoʻjalik yuritishning yangi shakl va usullarini joriy etishga doir chora-tadbirlarni amalga oshirish, xorijiy sheriklar bilan oʻzaro foydali hamkorlikni rivojlantirish.

4. Oʻzbekiston Respublikasi Davlat mulki qoʻmitasi va “Oʻzbekmebel” birlashmasi amaldagi qonunchilikka muvofiq 1993-1994-yillar mobaynida, mehnat jamoalarining tayyorligiga qarab, davlat-aksionerlik birlashmasi tarkibiga kiruvchi korxona va tashkilotlarni aksionerlik jamiyatlariga, jamoa korxonalariga aylantirishni amalga oshirsinlar.

Davlat tasarrufidan chiqarish va xususiylashtirishga doir tashkiliy tadbirlarni oʻtkazishda korxonalar va tashkilotlarni yopiq turdagi aksionerlik jamiyatlariga aylantirishning maqsadga muvofiqligidan kelib chiqilsin. Davlat Oʻzbekiston Respublikasi Moliya vazirligi huzuridagi “Oʻzdavjamgʻarma”, “Oʻzbekmebel” birlashmasi, korxona va tashkilotlar, shuningdek, yogʻoch mahsulotlari yetkazib beruvchi korxonalar orqali ularning aʼzosi boʻlishi mumkin.

5. Korxonalar va tashkilotlarni aksionerlik jamiyatlariga aylantirishda mazkur aksionerlik jamiyatlari aksiyalaridan davlatga tegishli ulush kamida 51 foizini tashkil qilishi kerak.

6. Belgilab qoʻyilsinki, “Oʻzbekmebel” birlashmasining dastlabki Ustav jamgʻarmasi birlashma tarkibiga kiruvchi korxonalar va tashkilotlari davlat tasarrufidan chiqarish natijasida tashkil etiladigan aksionerlik jamiyatlari aksiyalarining davlatga tegishli qismining 60 foizi hisobiga, shuningdek, ushbu korxonalarning va boshqa manfaatdor yuridik shaxslarning, shu jumladan, xorijiy yuridik shaxslarning ham hissalari hisobiga tashkil topadi.

7. Oʻzbekiston Respublikasi Moliya vazirligi huzuridagi davlat mulki jamgʻarmasi:

“Oʻzbekmebel” birlashmasiga aksiyalarning davlatga tegishli ulushiga muvofiq aksionerlik jamiyatlari faoliyatiga rahbarlik qilish huquqini bersin;

davlat tegishli boʻlgan aksiyalar boʻyicha dividendlarning bir qismini birlashmaga uni rivojlantirish uchun shartnoma asosida berishni amalda qoʻllasin.

8. Belgilab qoʻyilsinki, “Oʻzbekmebel” birlashmasi oʻzining ijrochi organi xodimlari mehnatiga haq toʻlash shartlari va tizimini ustavga muvofiq mustaqil ravishda belgilaydi.

Birlashmaning boshqaruv apparati tuzilmasi 2-ilovaga muvofiq tasdiqlansin, bunda uning xodimlarining eng koʻp soni (xizmat koʻrsatuvchilardan tashqari) 36 nafardan iborat qilib belgilansin.

Boshqaruv raisi va uning oʻrinbosarlari birlashma Kengashi tomonidan saylanadi va Oʻzbekiston Respublikasi Vazirlar Mahkamasi tomonidan tasdiqlanadi. Birlashmaga boshqaruv raisining 3 nafar oʻrinbosariga, shu jumladan, bir nafar birinchi oʻrinbosariga ega boʻlish tavsiya etiladi.

Birlashma Boshqaruvining raisi va uning oʻrinbosarlariga Oʻzbekiston Respublikasi vazirliklari va idoralarining xodimlar uchun belgilangan moddiy-maishiy taʼminot va tibbiy xizmat koʻrsatish sharoitlari joriy etilsin.

9. “Oʻzbekmebel” birlashmasi bir oy muddat ichida birlashma Ustavini ishlab chiqsin va kelishish uchun Vazirlar Mahkamasiga kiritsin, shundan keyin taʼsis konferensiyasi yakuni boʻyicha tasdiqlashga taqdim qilsin.

10. Toshkent shahar, Abay koʻchasi, 4-uy “Oʻzbekmebel” birlashmasining joylashgan manzili etib belgilansin.

11. Ushbu qarorning bajarilishini nazorat qilish Bosh vazir oʻrinbosari oʻrtoq A. N. Voznenko zimmasiga yuklatilsin.

“Toshkent” ijarachi mebel ishlab chiqarish birlashmasi

Sirgʻali ijarachi mebel birlashmasi

Olmaliq ijarachi mebel kombinati

“Yangiyoʻl” mebel ishlab chiqarish konserni

Toshkent ijarachi mebel fabrikasi

Toshkent maxsus mebellar ijarachi korxonasi

“Oʻzqogʻoz” ijarachi korxonasi

Tajriba-texnika zavodi ijarachi korxonasi

Ijarachi oyna-mebel korxonasi

Olmazor yengil mebellar ijarachi eksperimental fabrikasi

“Fargʻonamebel” ijarachi ishlab chiqarish birlashmasi

Qoʻqon ijarachi mebel fabrikasi

Quva ijarachi mebel fabrikasi

Andijon ijarachi mebel korxonasi

Namangan mebel ishlab chiqarish birlashmasi

Samarqand ijarachi mebel korxonasi

Buxoro ijarachi mebel fabrikasi

Nukus ijarachi mebel fabrikasi

Urganch mebel fabrikasi

Shoʻrchi mebel fabrikasi

Akbarobod mebel fabrikasi

Beshariq mebel fabrikasi

Beruniy mebel fabrikasi

“Oʻzmebeltrans” respublika ijarachi ishlab chiqarish avtotransport birlashmasi

Ijarachi taʼmirlash-qurilish boshqarmasi

Toshkent montaj-sozlash boshqarmasi

Toshkent loyiha-konstruktorlik va texnologik byurosi ijarachi korxonasi

Ishlab chiqarish-texnologik butlash ijarachi boshqarmasi

“Mebel” korxona magazini

Toshkent yogʻoch kesish asboblari zavodi

Andijon mebel kombinati

Respublika tarmoq hisoblash markazi

Jizzaxdagi “Zomin” aksionerlik jamiyati

Rishton mebel fabrikasi

“Taraqqiyot” uyushmasi

“Imkoniyat” brokerlik firmasi

Rahbariyat

Iqtisodiyot, moliya va hisobotlar boʻlimi

Ishlab chiqarish va kooperatsiya orqali mahsulot yetkazib berish boʻlimi

Ilmiy-texnika boʻlimi

Investitsiyalar va tashqi iqtisodiy aloqalar boʻlimi

Kapital qurilish boʻlimi