O‘zbekiston Respublikasi Prezidentining “Tashqi bozorlarda mahalliy tovarlar eksport qilinishini rag‘batlantirish va raqobatdoshligini ta’minlash yuzasidan qo‘shimcha chora-tadbirlar to‘g‘risida” 2017-yil 15-dekabrdagi PF-5286-son Farmoni va “O‘zbekiston Respublikasi Qishloq xo‘jaligi vazirligi faoliyatini tashkil etish chora-tadbirlari to‘g‘risida” 2018-yil 17-apreldagi PQ-3671-son qarori ijrosini ta’minlash hamda iqtisodiyot tarmoqlari va respublika hududlarining eksport salohiyatini oshirish maqsadida Vazirlar Mahkamasi qaror qiladi:
1. Xo‘jalik yurituvchi subyektlarga (keyingi o‘rinlarda xo‘jalik yurituvchi subyektlar deb ataladi), ularning tashkiliy-huquqiy shaklidan qat’i nazar, o‘zlari import qilgan donni qayta ishlash orqali ishlab chiqarilgan unni eksport qilishiga ruxsat berilsin.
Bunda xo‘jalik yurituvchi subyektlar tomonidan eksport qilinadigan un miqdori ular tomonidan import qilingan don miqdorining 75 foizidan ortiq bo‘lishi mumkin emas.
2018-yilning 1-sentabridan boshlab donni qayta ishlovchi korxonalarning mahsulotlari uchun qo‘shilgan qiymat solig‘i bo‘yicha soliq solinadigan aylanma tushum hajmidan don qiymatini chiqarib tashlab hisoblash tartibi joriy etilsin;
Keyingi tahrirga qarang.
2019-yilning 1-yanvariga qadar donni qayta ishlovchi korxonalar don, un va nonni sotishda davlat maqsadli jamg‘armalariga majburiy ajratmalardan ozod etiladi;
Keyingi tahrirga qarang.
2020-yilning 1-yanvariga qadar ilovadagi ro‘yxatga muvofiq O‘zbekiston Respublikasiga olib kiriladigan don mahsulotlari bojxona to‘lovlarini (bojxona yig‘imlari bundan mustasno) to‘lashdan ozod etiladi.
3. Belgilab qo‘yilsinki, O‘zbekiston Respublikasi Davlat bojxona qo‘mitasi eksport shartnomalarini hisobga qo‘yishda ushbu qarorning 1-bandida ko‘rsatilgan shartlarning xo‘jalik yurituvchi subyektlar tomonidan bajarilishi nazorat qilishini ta’minlaydi.
Keyingi tahrirga qarang.
4. O‘zbekiston Respublikasi Moliya vazirligi Iqtisodiyot vazirligi va “O‘zdonmahsulot”AK bilan birgalikda ikki hafta muddatda “O‘zdonmahsulot” AK tizimidagi korxonalarni hamda non ishlab chiqaruvchilarni moliyaviy sog‘lomlashtirish va ularning rentabelligini ta’minlash maqsadida un va non narxini shakllantirish tartibini takomillashtirish bo‘yicha O‘zbekiston Respublikasi Vazirlar Mahkamasiga taklif kiritsin.
5. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosarlari N.S. Otajonov, Z.T. Mirzayev va O‘zbekiston Respublikasi Davlat bojxona qo‘mitasi raisi M.B. Azimov zimmasiga yuklansin.
T/r | Mahsulotlar nomi | TIF TN kodi |
1. | Qattiq urug‘lik bug‘doy | 1001110000 |
2. | Urug‘lik bug‘doy, qattiq bug‘doydan tashqari | 100191 |
3. | Oziqa yoki nooziqa qattiq bug‘doy | 1001190000 |
4. | Oziqa yoki nooziqa bug‘doy, qattiq bug‘doydan tashqari | 1001990000 |
5. | Qayta ishlanmagan arpa | 1003900000 |
6. | Makkajo‘xori, shirinidan tashqari | 1005900000 |
7. | Qayta ishlanmagan tariq | 1008290000 |
Keyingi tahrirga qarang.