Qishloq xoʻjaligini yuqori samarali zamonaviy qishloq xoʻjaligi texnikasi bilan jihozlashni ragʻbatlantirish, qishloq xoʻjaligi mashinasozligini, shu jumladan yetakchi xorijiy kompaniyalar ishtirokida rivojlantirish uchun zarur shart-sharoitlarni shakllantirish, qishloqqa yetkazib berilayotgan traktorlar va oʻrim-yigʻim texnikasi uchun hisob-kitob qilish mexanizmini takomillashtirish maqsadida Vazirlar Mahkamasi qaror qiladi:

1. Belgilansinki, respublika qishloq xoʻjaligi mashinasozligi korxonalari tomonidan, shu jumladan yetakchi xorijiy kompaniyalar ishtirokida ishlab chiqarilgan traktorlar va oʻrim-yigʻim texnikasi (keyingi oʻrinlarda zamonaviy qishloq xoʻjaligi texnikasi deb ataladi) fermer va shirkat xoʻjaliklariga, mashina-traktor parklariga hamda “Oʻzagrokimyohimoya” aksiyadorlik jamiyatining “Agrokimyohimoya” hududiy aksiyadorlik jamiyatlariga (keyingi oʻrinlarda lizing oluvchilar deb ataladi) quyidagi shartlarda lizingga berish yoʻli bilan yetkazib beriladi:

zamonaviy qishloq xoʻjaligi texnikasi qiymatining 15 foizi (2013-yildan boshlab — kamida 15 foizi, 2015-yildan boshlab esa — kamida 20 foizi) avans sifatida lizing oluvchilar tomonidan oʻz mablagʻlari hisobiga toʻlanadi;

zamonaviy qishloq xoʻjaligi texnikasi qiymatining 85 foizi (2013-yildan boshlab 85 foizigacha, 2015-yildan boshlab esa — 80 foizigacha) “Oʻzagrolizing” AJ tomonidan unga Oʻzbekiston Respublikasi Vazirlar Mahkamasi huzuridagi Davlat xaridi uchun qishloq xoʻjaligi mahsulotlarini yetishtirish va qishloq xoʻjaligini texnika bilan jihozlashni maqsadli moliyalashtirish jamgʻarmasi (keyingi oʻrinlarda “Jamgʻarma” deb ataladi) tomonidan qarz asosida beriladigan mablagʻlar hisobiga moliyalashtiriladi.

2. “Oʻzagrolizing” AJga quyidagi funksiyalar yuklansin:

lizing oluvchilarning ishlab chiqaruvchi korxonalar tomonidan ishlab chiqarilayotgan zamonaviy qishloq xoʻjaligi texnikasini yetkazib berish yuzasidan berilgan buyurtmalarini umumlashtirish;

Jamgʻarmaning kafolat xatlari bilan tasdiqlangan moliyaviy manbalar asosida zamonaviy qishloq xoʻjaligi texnikasini ishlab chiqarish va ishlab chiqaruvchi korxonalar yoki ularning rasmiy distribyutorlari tomonidan yetkazib berish yuzasidan buyurtmalarni joylashtirish;

joylashtirilgan buyurtmalarga muvofiq ishlab chiqariladigan va yetkazib beriladigan qishloq xoʻjaligi texnikasi uchun oʻz vaqtida avanslar toʻlash va uzil-kesil hisob-kitob qilish;

lizing shartnomalari tuzish va, ham yangi texnikani, ham belgilangan tartibda talab qilib olingan ilgari lizing oluvchilarga lizingga berilgan qishloq xoʻjaligi texnikasini lizingga berish;

lizing shartnomalari boʻyicha toʻlovlarning oʻz vaqtida undirilishini va ularning tegishli qismi Jamgʻarmaga oʻtkazilishini taʼminlash;

lizing toʻlovlari toʻgʻri hisoblab yozilishini hamda qonun hujjatlariga muvofiq ular yuzasidan hisob-kitoblar va hisobot yuritilishini taʼminlash.

3. Quyidagilar “Oʻzagrolizing” AJning:

“Agrobank” ATB kompaniyaning barcha hisob-kitoblariga moliyaviy xizmat koʻrsatish, lizing oluvchilar bilan tuzilgan lizing shartnomalari boʻyicha, ishlab chiqaruvchi korxonalar yoki ularning rasmiy distribyutorlari bilan tuzilgan yetkazib berish shartnomalari boʻyicha toʻlovlar va oʻzaro moliyaviy majburiyatlar oʻz vaqtida bajarilishi ustidan nazorat qilish vazifalarini bajaruvchi moliya agenti etib;

Sugʻurta tashkilotlari — Oʻzbekiston Respublikasi rezidentlari lizingga berilayotgan texnikani sugʻurtalash vazifalarini bajaruvchi sugʻurta agentlari etib belgilansin;

4. Respublika qishloq xoʻjaligi mashinasozligi korxonalari tomonidan, shu jumladan, yetakchi xorijiy kompaniyalar ishtirokida ishlab chiqarilgan qishloq xoʻjaligi texnikasini lizingga olish tartibi 1-ilovaga muvofiq tasdiqlansin.

Jamgʻarmaga har yili, 1-oktabrdan boshlab va uning kelgusi yilga daromadlari va xarajatlari balansi tasdiqlangungacha boʻlgan davrda, zamonaviy qishloq xoʻjaligi texnikasi ishlab chiqarilishini taʼminlash uchun ishlab chiqaruvchi korxonalar yoki ularning rasmiy distribyutorlariga avans berish uchun “Oʻzagrolizing” AJ buyurtmanomalari boʻyicha mablagʻlar ajratishga ruxsat etilsin. Avans berish har oylik ulushlar bilan, oldi-sotdi shartnomasida koʻrsatilgan yetkazib berish muddatidan 3 oydan kechikmay, ushbu shartnomada kelgusi yilda yetkazib berish nazarda tutilgan hajmlar va yetkazib berish muddatlaridan kelib chiqqan holda amalga oshiriladi.

5. “Oʻzagrolizing” AJ lizing oluvchilar bilan lizing shartnomalari tuzishda:

lizing oluvchilarga texnikani faqat lizingning butun davri uchun olinayotgan texnika boʻyicha mulkiy tavakkalchiliklar sugʻurta polisi mavjud boʻlgandagina berishni;

lizing kompaniya daromad foizining imtiyozli stavkasi Markaziy bank qayta moliyalashtirish stavkasining 50 foizidan yuqori boʻlmasligini;

fermer xoʻjaliklari uchun lizing muddati — 10 yil, Qoraqalpogʻiston Respublikasi va Xorazm viloyati mashina-traktor parklari uchun — 10 yilgacha, qolgan lizing oluvchilar uchun — 7 yil;

6. Belgilab qoʻyilsinki:

lizingga olingan qishloq xoʻjaligi texnikasining buzilishida aybdor boʻlgan lizing oluvchilar belgilangan tartibda jinoiy javobgarlikka tortishgacha boʻlgan darajada javob beradilar;

lizing oluvchilar tomonidan lizing shartnomasida nazarda tutilgan lizing toʻlovlari oʻz vaqtida amalga oshirilmagan taqdirda “Agrobank” ATB lizing egasining hisob raqamiga soʻzsiz bajarilishi kerak boʻlgan “Oʻzagrolizing” AJ tomonidan taqdim etilgan toʻlov talabnomalarini qoʻyadi;

lizing toʻlovlari toʻgʻri hisoblab yozilishi hamda toʻlanishini, shuningdek Jamgʻarma mablagʻlaridan maqsadli foydalanilishi va ularning oʻz vaqtida qaytarilishini nazorat qilish Oʻzbekiston Respublikasi Moliya vazirligining Nazorat-taftish bosh boshqarmasi tomonidan amalga oshiriladi.

7. “Oʻzqishloqxoʻjalikmashlizing” kompaniyasi umumdavlat va mahalliy soliqlarni toʻlashdan besh yil muddatga ozod qilinsin, boʻshaydigan mablagʻlar qishloqqa qishloq xoʻjaligi texnikasi yetkazib berishni mablagʻ bilan taʼminlash manbalarini toʻldirishga maqsadli yoʻnaltirilsin.

8. “Oʻzqishloqxoʻjalikmashlizing” kompaniyasi Qoraqalpogʻiston Respublikasi Vazirlar Kengashi, viloyatlar hokimliklari, “Oʻzqishloqxoʻjalikmash-xolding” xolding kompaniyasi bilan birgalikda ikki oy muddatda barcha viloyatlar markazlarida “Oʻzqishloqxoʻjalikmashlizing” kompaniyasi filiallari ochilishini taʼminlasin.

10. Toshkent shahar hokimligi “Oʻzqishloqxoʻjalikmashlizing” kompaniyasi apparatini joylashtirish masalasini bir oy muddatda hal etsin.

Oʻzbekiston Pochta va telekommunikatsiyalar agentligi “Oʻzqishloqxoʻjalikmashlizing” kompaniyasini zarur aloqa vositalari, shu jumladan hukumat aloqa vositalari bilan taʼminlasin.

11. “Oʻzqishloqxoʻjalikmash-xolding” xolding kompaniyasi Oʻzbekiston Respublikasi Moliya vazirligi, Davlat soliq qoʻmitasi, Davlat mulki qoʻmitasi, Toshkent shahri va Toshkent viloyati hokimliklari bilan birgalikda xolding kompaniya korxonalarini moliyaviy sogʻlomlashtirish chora-tadbirlarini ikki hafta muddatda ishlab chiqsin va tasdiqlash uchun Vazirlar Mahkamasiga taqdim etsin. Mazkur chora-tadbirlar:

turar joy va ijtimoiy sohaning boshqa obyektlari “Oʻzqishloqxoʻjalikmash-xolding” xolding kompaniyasi korxonalari balansidan mahalliy hokimiyat organlariga berilishini;

foydalanilmayotgan asbob-uskunalar, binolar, inshootlar, qurilishi tugallanmagan obyektlar sotilishi yoki konservatsiya qilinishini oʻz ichiga oladi.

13. Vazirlar Mahkamasining “Qishloq xoʻjaligi ishlab chiqarishini davlat tomonidan qoʻllab-quvvatlash yuzasidan qoʻshimcha chora-tadbirlar toʻgʻrisida” 2000-yil 28-apreldagi 172-son qarorining 1 va 2-bandlaridagi “2000-yilda” soʻzlari “2000—2005-yillarda” soʻzlari bilan almashtirilsin.

Oʻzbekiston Respublikasi Vazirlar Mahkamasining 1999-yil 30-oktabrdagi 486-son qaroriga 3-ilova oʻz kuchini yoʻqotgan deb hisoblansin.

14. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ.T. Sultonov zimmasiga yuklansin.

1. Mazkur Tartib respublika qishloq xoʻjaligi mashinasozligi korxonalari (keyingi oʻrinlarda ishlab chiqaruvchi korxonalar deb ataladi) tomonidan ishlab chiqarilgan traktorlar va oʻrim-yigʻim texnikasini (keyingi oʻrinlarda zamonaviy qishloq xoʻjaligi texnikasi deb ataladi) lizingga olish mexanizmini belgilab beradi.

2. Har yili 1-oktabrgacha “Oʻzagrolizing” AJ fermer va shirkat xoʻjaliklari, mashina-traktor parklari va qishloq xoʻjaligiga xizmat qiluvchi “Oʻzagrokimyohimoya” aksiyadorlik jamiyatining “Agrokimyohimoya” hududiy aksiyadorlik jamiyatlaridan (keyingi oʻrinlarda lizing oluvchilar deb ataladi) tushgan buyurtmanomalar asosida qishloq xoʻjaligining lizing shartlarida yetkazib beriladigan zamonaviy qishloq xoʻjaligi texnikasiga boʻlgan ehtiyoji prognozini shakllantiradi.

Qishloq xoʻjaligining texnikaga boʻlgan ehtiyoji prognozidan kelib chiqib “Oʻzagrolizing” AJ va “Agrobank” ATB har yili 10-oktabrdan kechikmay Oʻzbekiston Respublikasi Vazirlar Mahkamasi huzuridagi Davlat xaridi uchun qishloq xoʻjaligi mahsulotlarini yetishtirish va qishloq xoʻjaligini texnika bilan jihozlashni maqsadli moliyalashtirish jamgʻarmasiga (keyingi oʻrinlarda “Jamgʻarma” deb ataladi) zamonaviy qishloq xoʻjaligi texnikasi ishlab chiqarishning, shuningdek lizing oluvchilarning toʻlovlarni amalga oshirishining prognoz hajmlarini hisobga oluvchi kelgusi yil uchun (oylarga boʻlgan holda) Jamgʻarma mablagʻlariga boʻlgan ehtiyoj prognozini taqdim etadilar.

3. Ishlab chiqariladigan va rasmiy distribyuterlar orqali sotiladigan zamonaviy qishloq xoʻjaligi texnikasiga haq toʻlash uchun mablagʻlarga boʻlgan ehtiyoj prognozi asosida Jamgʻarma Oʻzbekiston Respublikasi Moliya vazirligi bilan birgalikda kelgusi yilga Jamgʻarma mablagʻlarini toʻldirish uchun zarur boʻlgan resurslarni va ularning manbalarini belgilaydi.

4. Mablagʻ bilan taʼminlashning mavjud manbalarini hisobga olgan holda Jamgʻarma “Oʻzqishloqxoʻjalikmashlizing” kompaniyasiga lizing operatsiyalarini oʻtkazish uchun kelgusi davrga ajratiladigan resurslar hajmi uchun kafolat xatlari taqdim etadi.

5. “Oʻzqishloqxoʻjalikmashlizing” kompaniyasi, Jamgʻarmaning kafolat xatlari bilan tasdiqlangan manbalar asosida zamonaviy qishloq xoʻjaligi texnikasini ishlab chiqarishga va ishlab chiqaruvchi korxonalar yoki ularning rasmiy distribyuterlari tomonidan yetkazib berishga buyurtmanomalarni joylashtiradi.

6. Buyurtmaga muvofiq “Oʻzqishloqxoʻjalikmashlizing” kompaniyasi har yili 1-oktabrgacha keyingi yilda sotib olish maqsadida zamonaviy qishloq xoʻjaligi texnikasini yetkazib berishga, uning haqini toʻlash va yetkazib berish muddatlarini koʻrsatgan holda, ishlab chiqaruvchi korxonalar yoki ularning rasmiy distribyuterlari bilan oldi-sotdi shartnomalari tuzadi (shartnomaviy kompaniya).

7. “Oʻzqishloqxoʻjalikmashlizing” kompaniyasi:

Jamgʻarma bilan moliyaviy resurslar ajratish uchun shartnoma tuzadi. Bunda lizing boʻyicha daromad foizi miqdori, shuningdek, lizing oluvchilar tomonidan toʻlanadigan lizing toʻlovlaridan ushlab qolinadigan kompaniya va bank xizmatlari uchun toʻlovlar miqdori kelishib olinadi;

“Agrobank” ATB bilan moliya agenti funksiyalarini bajarish yuzasidan;

sugʻurta tashkilotlari — Oʻzbekiston Respublikasi rezedentlari bilan sugʻurta agenti funksiyalarini bajarish yuzasidan shartnomalar tuzadi.

8. “Oʻzqishloqxoʻjalikmashlizing” kompaniyasi oʻzining mintaqaviy filiallari orqali lizing oluvchilar bilan zamonaviy qishloq xoʻjaligi texnikasining lizing shartnomalarini tuzadi. Har bir shartnomaga lizing toʻlovlari jadvali (lizing obyekti qiymatini va lizing oluvchining daromad foizini qoplash) ilova qilinadi. Bunda shartnomaning bir asl nusxasi “Agrobank” ATBga joʻnatiladi.

9. Lizing oluvchilar:

lizingga olinadigan zamonaviy qishloq xoʻjaligi texnikasi qiymatining 15 foizini (2013-yildan boshlab — kamida 15 foizini, 2015-yildan boshlab esa – kamida 20 foizini) avans sifatida “Oʻzqishloqxoʻjalikmashlizing” kompaniyasiga toʻlaydilar;

lizingga olinadigan qishloq xoʻjaligi texnikasini oʻz mablagʻlari hisobiga yetakchi sugʻurta kompaniyalari — Oʻzbekiston Respublikasining rezidentlarida sugʻurta qiladilar;

zamonaviy qishloq xoʻjaligi texnikasining qoplanmagan qiymatini, shuningdek lizing oluvchining daromad foizini lizing muddati mobaynida (fermer xoʻjaliklari — 10 yil, Qoraqalpogʻiston Respublikasi va Xorazm viloyatining mashina-traktor parklari — 10 yilgacha, qolgan lizing oluvchilar – 7 yil) “Oʻzqishloqxoʻjalikmashlizing” kompaniyasiga toʻlaydilar;

10. Oʻzqishloqxoʻjalikmashlizing” kompaniyasi avans toʻlovini toʻlash uchun ishlab chiqaruvchi korxonalarga yoki ularning rasmiy disribyuterlariga shartnomada koʻrsatilgan yetkazib berish muddatidan uch oydan kechikmay Jamgʻarmaga lizing oluvchi tomonidan “Oʻzqishloqxoʻjalikmashlizing” kompaniyasiga 15 foiz (2013-yildan boshlab — kamida 15, 2015-yildan boshlab esa — kamida 20 foiz) miqdorida avans toʻlanishi sharti bilan yetkazib beriladigan zamonaviy qishloq xoʻjaligi texnikasi qiymatining 15 foizigacha (2013-yildan boshlab — 35 foizigacha, 2004-yildan boshlab — 40 foizigacha, 2016-yildan boshlab esa – 50 foizigacha) pul mablagʻlari ajratishga buyurtmanomalarni taqdim etadi. Ushbu buyurtmanomalar asosida Jamgʻarma uch bank kuni mobaynida pul mablagʻlarini kelgusi davr uchun “Oʻzqishloqxoʻjalikmashlizing” kompaniyasining “Agrobank” ATBdagi Jamgʻarma mablagʻlari bilan operatsiyalar oʻtkazish uchun moʻljallangan maxsus hisob raqami (keyingi oʻrinlarda “Operatsiya hisob raqami” deyiladi)ga oʻtkazadi.

11. “Oʻzqishloqxoʻjalikmashlizing” kompaniyasi shartnomada koʻrsatilgan yetkazib berish muddatidan uch oydan kech boʻlmagan muddatda navbatdagi yil choragida yetkazib beriladigan zamonaviy qishloq xoʻjaligi texnikasi qiymatining 30 foizi (2013-yildan boshlab — kamida 50, 2014-yildan boshlab — kamida 55, 2015-yildan boshlab — kamida 60%, 2016-yildan boshlab — kamida 70 foizi) miqdorida ishlab chiqaruvchi korxonalarga yoki ularning rasmiy distribyuterlariga operatsiya hisob raqamidan avans toʻlovi toʻlaydi.

12. Ishlab chiqarilgan zamonaviy qishloq xoʻjaligi texnikasi “Oʻzqishloqxoʻjalikmashlizing” kompaniyasi tomonidan lizingga rasmiylashtirilgandan keyin shartnoma shartlariga muvofiq ishlab chiqaruvchi korxonalar yoki ularning rasmiy distribyuterlari tomonidan lizing oluvchilarga toʻgʻridan-toʻgʻri yetkazib beriladi.

13. Har oyda, kechi bilan oyning 5-kuni, “Oʻzqishloqxoʻjalikmashlizing” kompaniyasi “Agrobank” ATBga oldingi oyda tuzilgan shartnomalar boʻyicha lizing toʻlovlari jadvallari nusxalarini taqdim etadi.

14. Lizing oluvchilar lizing shartnomalarida belgilangan muddatlarda va miqdorlarda “Oʻzqishloqxoʻjalikmashlizing” kompaniyasiga lizing toʻlovlari toʻlaydilar. Koʻrsatib oʻtilgan mablagʻlar toʻliq miqdorda Operatsiya hisob raqamiga oʻtkaziladi.

15. “Oʻzqishloqxoʻjalikmashlizing” kompaniyasi tuzilgan qarz shartnomalariga muvofiq jalb etilgan qarzlar boʻyicha asosiy qarz yuzasidan Jamgʻarma oldidagi qarzdorlikni olingan lizing toʻlovlari hisobidan toʻlaydi. Lizing boʻyicha foizlar “Oʻzqishloqxoʻjalikmashlizing” kompaniyasi, Jamgʻarma va “Agrobank” ATB oʻrtasida tuzilgan tijorat agenti funksiyalarini bajarish shartnomasiga muvofiq taqsimlanadi.

16. “Oʻzqishloqxoʻjalikmashlizing” kompaniyasi har bir kalendar choragi tugagandan keyin kechi bilan 20 kunda Jamgʻarmaga oʻtgan chorakdagi Operatsiya hisob raqamidagi pul mablagʻlari aylanishi toʻgʻrisidagi “Agrobank” ATB tomonidan tasdiqlangan hisobotni taqdim etadi.

17. Lizing toʻlovlarini toʻlash boʻyicha majburiyatlar lizing oluvchilar tomonidan bajarilmagan taqdirda shartnoma shartlariga muvofiq “Agrobank” ATB lizing oluvchilarning hisob raqamiga “Oʻzqishloqxoʻjalikmashlizing” kompaniyasi tomonidan taqdim etilgan soʻzsiz bajarilishi kerak boʻlgan toʻlov talabnomalarini qoʻyadi. Lizing oluvchilardan koʻrsatib oʻtilgan toʻlov talabnomasi boʻyicha undirilgan pul mablagʻlari “Oʻzqishloqxoʻjalikmashlizing” kompaniyasining operatsiya hisob raqamiga oʻtkaziladi.

18. “Oʻzqishloqxoʻjalikmashlizing” kompaniyasi, “Agrobank” ATB va ular boʻlinmalarining rahbarlari Jamgʻarma mablagʻlaridan maqsadsiz foydalanilganligi va hisob-kitoblar tartibi buzilganligi uchun qonunda belgilangan tartibda javobgarlikka tortiladilar.