Oʻzbekiston tovarlarining ichki va xorijiy bozorlarda raqobatbardoshliligini oshirish, tovar ishlab chiqaruvchini tovarlarni raqamlashning xalqaro tizimlari doirasida identifikatlashtirish, isteʼmolchi huquqlarini himoya qilish, tovarlar ishlab chiqarishning avtomatlashtirilgan hisobini yuritishni taʼminlash maqsadida Vazirlar Mahkamasi qaror qiladi:

1. Quyidagilar:

“EAN International” tovarlarni raqamlash Xalqaro Uyushmasi (Belgiya) tomonidan Oʻzbekiston Respublikasiga 478 raqamli identifikatlashtirish kodi berilganligi;

Oʻzbekiston Tovar ishlab chiqaruvchilar va tadbirkorlar palatasi tomonidan xalqaro talablarga muvofiq, tovarlari EAN shtrixli kodlari bilan tamgʻalanadigan tadbirkorlik faoliyati subyektlarini roʻyxatdan oʻtkazish hamda tovarlarni identifikatlashtirish tizimidan foydalanuvchilar faoliyatiga uslubiy rahbarlik qilish uchun “EAN Uzbekistan” tovarlar va xizmatlarni avtomatik identifikatlashtirish markazi tashkil etilganligi;

“Oʻzdavstandart” markazi tomonidan shtrixli kodlarning original-maketlarini tayyorlash markazi tashkil etilganligi maʼlumot uchun qabul qilinsin.

2. Oʻzbekiston Respublikasida ishlab chiqariladigan tovarlarni shtrixli kodlash toʻgʻrisidagi Nizom ilovaga muvofiq tasdiqlansin.

3. “Oʻzstandart” agentligiga:

Oʻzbekiston Respublikasida ishlab chiqariladigan tovarlarni shtrixli kodlash tizimini joriy etish boʻyicha yagona siyosatni amalga oshirish;

Oʻzbekiston Respublikasida ishlab chiqariladigan tovarlar shtrixli kodlarining davlat reyestrini yuritish;

Oʻzbekiston Respublikasi qonun hujjatlariga muvofiq shtrixli kodlash tizimini qoʻllash tartibini tartibga soluvchi meʼyoriy hujjatlarni va uslubiy materiallarni ishlab chiqish;

tadbirkorlik faoliyati bilan shugʻullanuvchi subyektlarni turli manbalardagi shtrixli kodlar original-maketlari bilan taʼminlash funksiyalari yuklansin.

4. Oʻzbekiston Respublikasi Tashqi iqtisodiy aloqalar vazirligi Oʻzbekiston Tovar ishlab chiqaruvchilar va tadbirkorlar palatasi hamda “Oʻzstandart” agentligi bilan birgalikda 1999-yil sentabr oyida Toshkent shahrida sanoat, qishloq xoʻjaligi va savdo korxonalari vakillarini koʻrsatib oʻtilgan tizimni qoʻllash xususiyatlari bilan tanishtirish uchun “Oʻzbekiston Respublikasida tovarni raqamlash (shtrixli kodlash)” mavzuida respublika seminari oʻtkazsin.

5. Mulkchilikning barcha shakllaridagi yuridik shaxslarga tovarlarni shtrixli kodlashni:

eksport qilinayotgan mahsulotlarni, yangi tovarlarni va ular uchun yangi etiketkalar yoki oʻrash-joylash buyumlari buyurtma qilinayotgan tovarlarni tamgʻalashni — 2000-yil 1-martgacha;

boshqa barcha tovarlarni tamgʻalashni — 2000-yil oxirigacha joriy etish tavsiya qilinsin.

Belgilab qoʻyilsinki, oʻz mahsulotiga “EAN International” shtrixli kodini uchinchi mamlakatlarda olgan tadbirkorlik faoliyati subyektlari undan ushbu qaror qabul qilingan vaqtdan boshlab bir yil mobaynida foydalanishlari mumkin.

6. “Oʻzteleradio” kompaniyasi, Oʻzbekiston Milliy axborot agentligi, ommaviy axborot vositalari aholini va tovar ishlab chiqaruvchilarni Oʻzbekiston Respublikasida tovarlarni shtrixli kodlashni joriy etish tartibi, qoidalari va muddatlari toʻgʻrisida keng xabardor qilishni taʼminlasinlar.

7. Mazkur qarorning bajarilishini nazorat qilish Oʻzbekiston Respublikasining Bosh vaziri va Bosh vazirning tegishli oʻrinbosarlari zimmasiga yuklansin.

tovar — bevosita yoki ulgurji va chakana savdo tarmoqlari orqali sotish uchun tadbirkorlik faoliyati subyektlari tomonidan ishlab chiqarilgan va/yoki yetkazib beriladigan (isteʼmol qilish va ishlab chiqarish maqsadidagi) mehnat mahsuloti;

tadbirkorlik faoliyati subyektlari — Oʻzbekiston Respublikasi hududida belgilangan tartibda roʻyxatdan oʻtkazilgan va ishlab chiqarish, savdo faoliyatini amalga oshiruvchi yoxud xizmatlar koʻrsatuvchi yuridik, shuningdek, jismoniy shaxslar — yakka tartibdagi tadbirkorlar;

shtrixli kod bilan tamgʻalash — shtrixli kodni tovar birligi yuzasiga qoʻyish;

EAN shtrixli kodi — tovar birliklarini identifikatlashtirish va ularni tamgʻalash uchun “EAN International” tovarlarni raqamlash Xalqaro Uyushmasi qoidalarida belgilangan oʻlchamlar bilan va joylashtirilgan holda izchil joylashtirilgan parallel shtrixlar va ular oʻrtasidagi oraliqdagi kombinatsiyalar bilan ifodalangan raqamli kod;

1. Tovarlarni EAN shtrixli kodlari bilan tamgʻalash “Oʻzstandart” agentligi, “EAN International” — tovarlarni raqamlash Xalqaro Uyushmasining standartlari va meʼyoriy hujjatlariga muvofiq amalga oshiriladi.

2. Tovarlari EAN shtrixli kodlari bilan tamgʻalanishi kerak boʻlgan Oʻzbekiston Respublikasining tadbirkorlik faoliyati bilan shugʻullanuvchi subyektlari tashkilotning va Oʻzbekiston Respublikasi davlat standartlariga muvofiq ishlab chiqariladigan mahsulotning shtrixli kodida foydalaniladigan tovar kodini olish uchun “EAN Uzbekistan” tovarlar va xizmatlarni avtomatik identifikatlashtirish markazida roʻyxatdan oʻtadilar.

3. Tadbirkorlik faoliyati subyektlari — shtrixli kodlashtirilishi kerak boʻlgan mahsulotlar (tovarlar)ni tayyorlovchilar “Oʻzstandart” agentligiga Oʻzbekiston Respublikasida ishlab chiqariladigan mahsulotlarni Davlat reyestriga kiritish va shtrixli kodlarning original-maketlarini olish uchun davlat standartlari talablariga muvofiq mahsulotlar haqidagi axborotni taqdim etadilar.

4. Tadbirkorlik faoliyati subyekti — shtrixli kod qoʻyilgan mahsulotlar (tovarlar)ni tayyorlovchi buyurtmachining talabiga koʻra uni yetkazib berish boshlangunga qadar maʼlumotlar bazasini shakllantirish uchun buyurtmachiga mahsulotlar (tovarlar)ning asosiy isteʼmol tavsifnomalari toʻgʻrisida axborot beradi.

5. “EAN Uzbekistan” markazida roʻyxatdan oʻtkazilmagan tadbirkorlik faoliyati subyektlari ishlab chiqariladigan va yoki sotiladigan mahsulotlar (tovarlar)ni EAN shtrixli kodlari bilan tamgʻalash huquqiga ega emaslar.

6. Tadbirkorlik faoliyati subyektlari shtrixli kodlash boʻyicha standartlar va mazkur Nizom talablarini buzganlik uchun Oʻzbekiston Respublikasining amaldagi qonun hujjatlariga muvofiq javob beradilar.

7. Oʻzbekistonda ishlab chiqariladigan yoki sotiladigan mahsulotlar (tovarlar)ni EAN shtrixli kodlari bilan tamgʻalash tadbirkorlik faoliyati subyektlari tomonidan ushbu Nizom qoidalariga muvofiq amalga oshiriladi.

8. Mulkchilik shakllaridan qatʼi nazar, tadbirkorlik faoliyati subyektlari tomonidan respublikada ishlab chiqariladigan barcha mahsulotlar (tovarlar) tamgʻalanadi, quyidagilar:

xalq hunarmandchiligi va mualliflik ishlari;

yakka tartibdagi buyurtmalar boʻyicha tayyorlangan;

meʼyoriy hujjatlarda (Davlat standartlari, tarmoq standartlari, texnik shartlar, amal qilinuvchi texnik materiallar, korxona standartlari va boshqalarda) oʻrash-joylash yoki etiketka yopishtirish nazarda tutilmagan yoxud texnik sabablarga koʻra ularda EAN shtrixli kodlarini koʻrsatish mumkin boʻlmagan;

tortish yoki boshqacha oʻlchash yoʻli bilan bevosita xaridorga sotiladigan;

keyinchalik ishlov beriladigan va chakana savdoda sotilmaydigan ehtiyot qismlar, metall konstruksiyalar va detallar holidagi;

tajriba namunalar (turkumlar);

respublikaga keltirilayotgan va tayyorlagan mamlakat kodiga ega boʻlgan mahsulotlar (tovarlar) bundan mustasno.

Shtrixli kodni yozib qoʻyishning texnikaviy imkoniyatini “EAN Uzbekistan” avtomatik identifikatlashtirish markazi belgilaydi.

9. Mahsulotlarga (tovarlarga) qoʻshimcha ishlov beradigan (qadoqlash, idishga qayta joylash va boshqalar) tadbirkorlik faoliyati subyektlari ularni EAN shtrixli kodi bilan tamgʻalashni taʼminlaydilar.

10. Ulgurji savdo korxonalari chakana savdoga “EAN International” tovarlarni raqamlash Xalqaro Uyushmasining yoki “UCC” Shimoliy Amerika Xalqaro tashkilotining shtrixli kodlari bilan (qayta kodlashsiz) tamgʻalangan tovarlarni yuboradilar.

Ulgurji savdo korxonalari tayyorlovchilardan, vositachilik tashkilotlari va jismoniy shaxslardan mahsulotlar (tovarlar) yetkazib berish yuzasidan shartnomalar (kontraktlar) tuzishda mahsulotga (tovarga) va ular joylangan idishlarga roʻyxatdan oʻtkazilgan shtrixli kodlarni yozib qoʻyish toʻgʻrisidagi talabni kiritadilar.

11. Ulgurji savdo korxonalari, shtrixli kodlar bilan tamgʻalanmagan mahsulotlar (tovarlar) qabul qilingan taqdirda, ularni mustaqil ravishda EAN shtrixli kodi bilan tamgʻalashni taʼminlaydilar.

12. Chakana savdo korxonalari, shuningdek Oʻzbekiston Respublikasida mahsulotlarni (tovarlarni) sotuvchi boshqa korxonalar ulgurji va toʻgʻridan-toʻgʻri yetkazib beruvchilardan roʻyxatdan oʻtkazilgan shtrixli kodlarsiz mahsulotlar (tovarlar)ni qabul qilish huquqiga ega emas, shtrixli kodlash muddatlari ushbu qarorda belgilangan mahsulotlar (tovarlar)ning tegishli toifasini shtrixli kodlash joriy etish boshlangungacha ulgurji savdo korxonasiga kelib tushgan mahsulot (tovar)lar bundan mustasno.

13. Chakana savdo korxonalari, shtrixli kodlar bilan tamgʻalanmagan mahsulotlar (tovarlar) qabul qilingan taqdirda, ularni mustaqil ravishda EAN shtrixli kodi bilan tamgʻalashni taʼminlaydilar.