Oʻzbekiston Respublikasi Prezidentining “Tashqi iqtisodiy aloqalar sohasida boshqaruv tizimini yanada erkinlashtirish va takomillashtirish toʻgʻrisida” 2002-yil 21-oktabrdagi PF-3151-son Farmoniga muvofiq hamda tashqi savdo aloqalarini va iqtisodiy aloqalarni tashkil etishning samarali tizimini taʼminlash maqsadida Vazirlar Mahkamasi qaror qiladi:

1. Quyidagilar:

Oʻzbekiston Respublikasi Tashqi iqtisodiy aloqalar agentligi va uning markaziy apparati tuzilmasi 1, 1a va 2-ilovalarga muvofiq;

Tashqi iqtisodiy aloqalar agentligi toʻgʻrisidagi Nizom 3-ilovaga muvofiq;

Qoraqalpogʻiston Respublikasi Tashqi iqtisodiy aloqalar agentligining tuzilmasi hamda viloyatlar va Toshkent shahar Tashqi iqtisodiy aloqalar boshqarmalari namunaviy tuzilmasi 4 va 4a-ilovalarga muvofiq tasdiqlansin.

2. Tashqi iqtisodiy aloqalar agentligi markaziy apparati xodimlarining cheklangan soni (xizmat koʻrsatuvchi xodimlardan tashqari) 174 kishidan hamda uning hududiy boʻlinmalari xodimlarining cheklangan soni 75 kishidan iborat etib belgilansin.

Oʻzbekiston Respublikasi Tashqi iqtisodiy aloqalar agentligi raisiga xodimlarning belgilangan cheklangan soni doirasida boshqaruv tuzilmasiga oʻzgartirishlar kiritish huquqi berilsin.

3. Tashqi iqtisodiy aloqalar agentligida raisning toʻrt nafar oʻrinbosari, shu jumladan bir nafar birinchi oʻrinbosari hamda shaxsiy tarkibi Oʻzbekiston Respublikasi Vazirlar Mahkamasi tomonidan tasdiqlanadigan 11 kishidan iborat hayʼat boʻlishiga ruxsat etilsin.

Tashqi iqtisodiy aloqalar agentligi raisi maqomiga koʻra vazirga, Raisning birinchi oʻrinbosari va oʻrinbosarlari tegishli ravishda vazirning birinchi oʻrinbosariga va oʻrinbosariga tenglashtirilsin.

4. Belgilansinki, Agentlikning oʻz vakolatlari doirasida qabul qilgan qarorlari vazirliklar, idoralar, mahalliy hokimiyat va boshqaruv organlari, muassasalar va tashkilotlar, mulkchilik shakllaridan qatʼi nazar, xoʻjalik yurituvchi subyektlar va ularning birlashmalari, mansabdor shaxslar va fuqarolar tomonidan bajarilishi majburiy hisoblanadi.

5. Belgilab qoʻyilsinki:

Qoraqalpogʻiston Respublikasi Tashqi iqtisodiy aloqalar agentligi, Agentlikning mintaqaviy boshqarmalari Agentlik vazifalari va funksiyalarini joylarda amalga oshiradilar hamda oʻz faoliyatini Oʻzbekiston Respublikasi Tashqi iqtisodiy aloqalar agentligi rahbarligida olib boradilar;

Tashqi iqtisodiy aloqalar agentligi mintaqaviy boshqarmalarining rahbarlari maqomiga koʻra viloyatlar va Toshkent shahar hokimlarining oʻrinbosarlari hisoblanadi.

6. “Innovatsiya” davlat tashqi savdo aksiyadorlik kompaniyasi “Oʻzinterimpeks” davlat tashqi savdo aksiyadorlik kompaniyasiga aylantirilsin, unga dehqon va fermer xoʻjaliklari, kichik va oʻrta biznes korxonalari mahsulotlarini eksport qilishni tashkil etish funksiyasi yuklansin.

7. Belgilansinki, “Oʻzmarkazimpeks” davlat tashqi savdo aksiyadorlik kompaniyasi, “Oʻzsanoatmashimpeks” davlat tashqi savdo aksiyadorlik kompaniyasi, “Markazsanoateksport” davlat tashqi savdo aksiyadorlik kompaniyasi, “Oʻzinterimpeks” davlat tashqi savdo aksiyadorlik kompaniyasi, “Oʻztashqitrans” davlat-aksiyadorlik transport-ekspeditorlik kompaniyasi, “Oʻrta Osiyo Trans” xalqaro avtotransportda yuk tashish davlat-aksiyadorlik kompaniyasi:

oʻz faoliyatini xarajatlarini oʻzi qoplash va xoʻjalik hisobi asosida amalga oshiruvchi mustaqil xoʻjalik yurituvchi subyektlar hisoblanadi;

“Turkeksimbank”ning Xalqaro savdo-koʻrgazma kompleksi qurilishiga kreditlarni qoplash boʻyicha majburiyatlarning huquqiy vorislari hisoblanadi.

Oʻzbekiston Respublikasi Tashqi iqtisodiy aloqalar agentligi koʻrsatib oʻtilgan aksiyadorlik kompaniyalarining davlatga tegishli aksiyalar paketini boshqarishga vakil qilinsin.

8. Belgilansinki, Tashqi iqtisodiy aloqalar agentligining markaziy apparati va hududiy organlari taʼminoti xarajatlarini mablagʻ bilan taʼminlash davlat budjeti mablagʻlari, shuningdek oʻziga qarashli tashkilotlar ajratmalari, xoʻjalik faoliyatidan tushumlar va boshqa manbalar hisobiga amalga oshiriladi.

9. Agentlik huzurida Tashqi iqtisodiy faoliyatning axborot taʼminotini tashkil etish va tashqi bozorlar marketing tadqiqotlari jamgʻarmasi tashkil etilsin.

Quyidagilar Jamgʻarmani shakllantirish manbalari etib belgilansin:

Oʻzbekiston Respublikasi hududida xorijiy tijorat tashkilotlari vakolatxonalarini akkreditatsiya qilganlik uchun, qonun hujjatlarida belgilangan hollarda litsenziya, ruxsatnoma berganlik, tovarlar kelib chiqishiga sertifikat berganlik, eksport-import kontraktlarini dastlabki ekspertizadan oʻtkazganlik, xoʻjalik yurituvchi subyektlar buyurtmanomasiga koʻra texnik-iqtisodiy asoslashlarni ekspertizadan oʻtkazganlik, fors-major vaziyatlar yuzaga kelganligiga oid guvohnoma berganlik, axborot tusidagi maʼlumotlar berganlik uchun yigʻimlar;

xoʻjalik yurituvchi subyektlar uchun tashqi bozorlarning marketing tadqiqotlarini tashkil etganlik, xoʻjalik yurituvchi subyektlarga tashqi iqtisodiy faoliyat sohasida axborot-tahliliy maʼlumotlar berganlik, tashqi iqtisodiy faoliyat qatnashchilariga maslahat koʻmagi, rasmiy tarjimalarni amalga oshirganlik, protokolga oid tadbirlarni tashkil etganlik va ularga xizmat koʻrsatganlik uchun toʻlovlar;

Agentlik muassisi boʻlgan xoʻjalik yurituvchi subyektlar foydasidan dividendlar.

Oʻzbekiston Respublikasi Moliya vazirligi Agentlik bilan birgalikda ikki hafta muddatda Jamgʻarma mablagʻlarini shakllantirish va ulardan foydalanish tartibi toʻgʻrisidagi nizomni ishlab chiqsin va belgilangan tartibda tasdiqlasin.

10. Oʻzbekiston Respublikasi Moliya vazirligi:

har yili respublika budjetini shakllantirishda Tashqi iqtisodiy aloqalar agentligi, uning hududiy organlari taʼminotiga va ularning moddiy-texnika bazasini mustahkamlashga zarur mablagʻlarni nazarda tutsin;

Tashqi iqtisodiy aloqalar agentligi, Qoraqalpogʻiston Respublikasi Tashqi iqtisodiy aloqalar agentligi va Agentlikning mintaqaviy boʻlinmalari uchun yengil avtomobillar xarajatlariga amaldagi limitlarni saqlab qolsin.

11. Oʻzbekiston Respublikasi Hukumatining 5-ilovaga muvofiq qarorlari oʻz kuchini yoʻqotgan deb hisoblansin.

Oʻzbekiston Respublikasi Adliya vazirligi Tashqi iqtisodiy aloqalar agentligi bilan birgalikda amaldagi qonun hujjatlariga mazkur qarordan kelib chiquvchi oʻzgartirishlar va qoʻshimchalar toʻgʻrisida Vazirlar Mahkamasiga bir oy muddatda takliflar kiritsin.

12. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ.T.Sultonov zimmasiga yuklansin.

Rahbariyat

Jahon bozorlari marketing tadqiqotlari va strategik prognozlar bosh boshqarmasi

Axborot-tahlil bosh boshqarmasi

Tashqi savdo boshqarmasi

Investitsiya loyihalarini tahlil qilish va axborot bilan taʼminlash boshqarmasi

Mintaqaviy tashqi iqtisodiy faoliyatni rivojlantirish boshqarmasi

Xorijiy mamlakatlar bilan moliyaviy va iqtisodiy hamkorlik dasturlarini amalga oshirish boshqarmasi

Tashqi iqtisodiy aloqalarni transport bilan taʼminlash boshqarmasi

Yuridik boshqarma

Protokol xizmati va akkreditatsiya boshqarmasi

Axborot texnologiyalari boshqarmasi

Moliya-iqtisodiyot boshqarmasi

Kadrlar tayyorlash boshqarmasi

Xavfsizlik xizmati

Birinchi boʻlim

Safarbarlik tayyorgarligi va fuqaro muhofazasi boʻlimi (ikkinchi boʻlim)

Matbuot xizmati

Ishlar boshqarmasi

Qoraqalpogʻiston Respublikasi Tashqi iqtisodiy aloqalar agentligi

viloyatlar va Toshkent shahar Tashqi iqtisodiy aloqalar boshqarmalari

“Oʻzekspomarkaz” respublika savdo-koʻrgazma markazi

“Oʻzinkomsentr” Oʻzbekiston tashqi iqtisodiy axborot-tijorat markazi

“Oʻzbektenderkonsalting” agentligi

“Oʻzbekekspertiza” respublika xoʻjalik hisobidagi birlashmasi

“Xalqaro hamkorlik markazi” aksiyadorlik jamiyati

“Interservis” xoʻjalik hisobidagi respublika tashqi savdo birlashmasi

“Interqurilish” xoʻjalik hisobidagi respublika tashqi savdo firmasi

“Hamkor-Delovoy partner” gazetasi

Jami: 174 kishi

1. Oʻzbekiston Respublikasi Tashqi iqtisodiy aloqalar agentligi (keyingi oʻrinlarda “Agentlik” deb ataladi) tashqi iqtisodiy faoliyatni tartibga solish sohasidagi davlat boshqaruvi vakolatli organi hisoblanadi hamda oʻz faoliyatida Oʻzbekiston Respublikasi Vazirlar Mahkamasiga hisob beradi.

2. Agentlik oʻz faoliyatida Oʻzbekiston Respublikasi Konstitutsiyasiga, Oʻzbekiston Respublikasi qonunlariga, Oʻzbekiston Respublikasi Oliy Majlisining qarorlariga, Oʻzbekiston Respublikasi Prezidentining farmonlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, Oʻzbekiston Respublikasining boshqa normativ hujjatlariga, Oʻzbekiston Respublikasi xalqaro shartnomalariga, shuningdek mazkur Nizomga amal qiladi.

3. Oʻzbekiston Respublikasi vazirliklari, idoralari va tashkilotlari tashqi iqtisodiy aloqalar rivojlanishiga taʼsir koʻrsatuvchi takliflar, qarorlarni hamda normativ hujjatlar loyihalarini ishlab chiqishda ularni oldindan Agentlik bilan kelishib oladilar.

4. Agentlikning oʻz vakolatlari doirasida qabul qilinadigan qarorlari vazirliklar, davlat qoʻmitalari, idoralar, joylardagi davlat hokimiyati va boshqaruv organlari, tashkilotlar, shuningdek fuqarolar tomonidan bajarilishi majburiy hisoblanadi.

5. Oʻzbekiston Respublikasi Tashqi iqtisodiy aloqalar agentligi tizimiga Qoraqalpogʻiston Respublikasi Tashqi iqtisodiy aloqalar agentligi, viloyatlar va Toshkent shahar Tashqi iqtisodiy aloqalar boshqarmalari, ixtisoslashtirilgan xoʻjalik hisobidagi tashkilotlar, xorijiy davlatlardagi Agentlikka qarashli tashkilotlar boʻlgan savdo va iqtisodiy vakolatxonalar kiradi.

Agentlik shuningdek, oʻzining vazifalari va funksiyalarini bajarishga hamda tashqi iqtisodiy aloqalarni rivojlantirishga koʻmaklashuvchi korxonalarga umumiy va metodik rahbarlikni amalga oshiradi.

6. Agentlik yuridik shaxs hisoblanadi, banklarda hisob raqamlariga, Oʻzbekiston Respublikasi Davlat gerbi tasviri tushirilgan va oʻz nomi yozilgan muhrga ega boʻladi.

7. Quyidagilar Agentlikning asosiy vazifalari hisoblanadi:

tashqi iqtisodiy faoliyat sohasida yagona davlat siyosati oʻtkazilishini taʼminlash va uni rivojlantirish strategiyasini shakllantirishda qatnashish;

milliy iqtisodiyotning raqobatbordoshliligini rivojlantirish va oshirish hamda uni jahon iqtisodiyoti tizimiga integratsiyalash boʻyicha shart-sharoitlar yaratish va chora-tadbirlarni amalga oshirish;

respublikaning eksport salohiyatini rivojlantirish dasturlarini amalga oshirishda koʻmaklashish;

mamlakatimiz ishlab chiqaruvchilari tovarlarining tashqi bozorlarga kirib borishi uchun qulay shart-sharoitlarni taʼminlash boʻyicha kompleks chora-tadbirlarni amalga oshirish;

xorijiy investitsiyalarni jalb etish sohasida davlat siyosati amalga oshirilishini taʼminlash;

tashqi iqtisodiy faoliyatni tartibga solish boʻyicha chora-tadbirlar kompleksini amalga oshirish;

Oʻzbekiston Respublikasining xorijiy davlatlar, xalqaro iqtisodiyot va moliya institutlari, boshqa xalqaro huquq subyektlari bilan savdo-iqtisodiy va moliyaviy hamkorligini rivojlantirishni taʼminlash;

Oʻzbekiston Respublikasining tashqi iqtisodiy xavfsizligini va iqtisodiy manfaatlari, Oʻzbekiston Respublikasi tashqi iqtisodiy faoliyat subyektlarining huquqlari va manfaatlari himoya qilinishini taʼminlash;

tashqi iqtisodiy faoliyat sohasida kadrlarni tayyorlash va ularning malakasini oshirish tadbirlarini tashkil etish.

Tashqi iqtisodiy aloqalar agentligi Oʻzbekiston Respublikasi Vazirlar Mahkamasi tomonidan yuklanadigan va qonun hujjatlariga muvofiq boshqa vazifalarni ham amalga oshiradi.

8. Agentlik oʻziga yuklangan vazifalarga muvofiq quyidagi funksiyalarni amalga oshiradi:

a) yagona davlat tashqi iqtisodiy siyosati oʻtkazilishini taʼminlash sohasida:

kamsitmaslik prinsiplariga asoslangan tashqi iqtisodiy siyosatni erkin va teng huquqli amalga oshirish uchun shart-sharoitlar yaratadi;

davlat boshqaruv organlarining tashqi iqtisodiy faoliyatni tartibga solish sohasidagi ishlarini muvofiqlashtiradi;

Oʻzbekiston Respublikasini iqtisodiy rivojlantirishning asosiy yoʻnalishlarini, shuningdek boshqa dasturlar va prognoz ishlanmalarini ishlab chiqishda qatnashadi;

tashqi savdoning asosiy indikatorlari parametrlarini, valyuta balansini shakllantirishda hamda Oʻzbekiston Respublikasining valyuta, bojxona-tarif va soliq siyosatini shakllantirishda bevosita qatnashadi;

Oʻzbekiston Respublikasi rahbariyatiga tashqi iqtisodiy aloqalar masalalari boʻyicha zarur axborotlarni taqdim etadi;

manfaatdor vazirliklar va idoralar bilan birgalikda Oʻzbekiston Respublikasining tashqi iqtisodiy faoliyat tovar nomenklaturasini, tashqi iqtisodiy faoliyat sohasidagi statistik hisobot shakllarini ishlab chiqadi;

tashqi iqtisodiy aloqalarning ahvolini tahlil qiladi, konyunkturani oʻrganadi va shu asosda jahon tovar bozorlarini, investitsiya, moliya, injiniring, konsalting, marketing va boshqa ishlar va xizmatlar bozorlari rivojlanishi, tashqi savdoni hamda asosiy savdo oqimlarining jugʻrofiy taqsimlanishi oʻzgarishi tendensiyalarini prognoz qiladi;

respublikada bojxona-tarif boʻyicha tartibga solishni takomillashtirishga doir takliflar ishlab chiqadi va kiritadi;

tovarlar, xizmatlar, intellektual mulk obyektlari, qishloq xoʻjaligi mahsulotlari, toʻqimachilik tovarlari, fuqaro aviatexnikasi bilan xalqaro savdo qilish, davlat xaridlarini, yuklab joʻnatishdan oldingi inspeksiyani amalga oshirish, savdoda sanitariya, fitosanitariya va texnik toʻsiqlarning qoʻllanishi bilan bogʻliq tadbirlarni muvofiqlashtiradi;

manfaatdor vazirliklar va idoralar bilan birgalikda transport kommunikatsiyalari sohasida tashqi iqtisodiyotning strategik masalalari boʻyicha, shu jumladan respublikaning tashqi savdo yuklarini tashishni maqbullashtirish, respublikaning kommunikatsiya tizimlarini xalqaro transport kommunikatsiyalari tizimiga integratsiyalash maqsadida yangi transport marshrutlarini ishlab chiqish boʻyicha taklif ishlab chiqadi;

tashqi iqtisodiy faoliyat sohasidagi hujjatlarni Oʻzbekiston Respublikasi tomonidan imzolash toʻgʻrisida takliflar kiritadi;

Vazirlar Mahkamasiga va tegishli vazirliklar va idoralarga tashqi iqtisodiy faoliyat sohasida, shu jumladan soliq, valyutani tartibga solish, tarifli va tarifsiz tartibga solish chora-tadbirlari boʻyicha masalalarda qonunchilik bazasini takomillashtirish yuzasidan takliflar kiritadi;

manfaatdor vazirliklar va idoralar bilan birgalikda erkin iqtisodiy zonalar boʻyicha davlat siyosatini shakllantirish yuzasidan takliflar ishlab chiqadi;

elektron tijorat sohasida Oʻzbekiston Respublikasining savdo siyosati strategiyasini ishlab chiqadi, davlat boshqaruv organlari, joylardagi davlat hokimiyati va boshqaruvi organlari faoliyatini muvofiqlashtiradi hamda Oʻzbekistonning elektron savdo va tashqi iqtisodiy faoliyatni axborotlashtirish sohasida xorijiy davlat va xalqaro tashkilotlar bilan hamkorligini taʼminlaydi;

b) Oʻzbekiston Respublikasi tashqi iqtisodiyoti xavfsizligini, iqtisodiy manfaatlari, Oʻzbekiston Respublikasi tashqi iqtisodiy faoliyat subyektlari huquq va manfaatlarining himoya qilinishini taʼminlash sohasida:

chet ellarda Oʻzbekiston Respublikasining iqtisodiy manfaatlarini, shu jumladan Oʻzbekiston Respublikasining tashqi iqtisodiy hamkorlik masalalari boʻyicha xalqaro shartnomalaridan kelib chiquvchi majburiyatlarini ifodalaydi, Oʻzbekiston Respublikasi Vazirlar Mahkamasi topshirigʻiga koʻra xalqaro tashkilotlarning kotibiyatlarida va boshqa ishchi organlarida respublikaning tashqi iqtisodiy hamkorlik masalalari boʻyicha manfaatlarini ifodalaydi, Oʻzbekiston Respublikasi vakillarining xalqaro va xorijiy tashkilotlar tomonidan oʻtkaziladigan tadbirlarda qatnashishiga koʻmaklashadi, shuningdek ular bilan birgalikda konferensiyalar seminarlar, simpoziumlar va boshqa anjumanlar oʻtkazadi;

Oʻzbekiston Respublikasi Vazirlar Mahkamasiga tovarlar eksporti va importi yuzasidan miqdoriy cheklashlar kiritish toʻgʻrisida, tovarlarning ayrim turlari eksporti va/yoki importiga davlat monopoliyasini oʻrnatish toʻgʻrisida, shuningdek tovarlar eksporti va/yoki importini taqiqlash toʻgʻrisida takliflar kiritadi;

Vazirlar Mahkamasiga chet ellarda Oʻzbekiston Respublikasining savdo vakolatxonalarini ochish va yopish toʻgʻrisida takliflar kiritadi;

Tashqi ishlar vazirligi bilan kelishgan holda oʻz vakillarini chet eldagi Oʻzbekiston Respublikasi elchixonalari huzuridagi iqtisodiyot boʻyicha maslahatchilar sifatida yuboradi;

Oʻzbekiston Respublikasining Jahon savdo tashkilotiga kirishi va aʼzo boʻlishi jarayoni doirasida Jahon savdo tashkilotining tegishli organlarida respublikaning hamda tashqi iqtisodiy faoliyat subyektlarining manfaatlarini ifodalaydi;

mamlakatning qonun hujjatlarini Jahon savdo tashkiloti bitimlari norma va qoidalariga moslashtirish boʻyicha takliflar kiritadi;

Oʻzbekiston Respublikasi bilan amaliy ishlarni cheklashga intilishgan yoki respublikaning xoʻjalik yurituvchi subyektlari oldidagi majburiyatlarini vijdonan bajarishmagan xorijiy davlatlar kompaniyalari roʻyxatini yuritadi, tashqi iqtisodiy faoliyati subyektlariga ushbu roʻyxat mazmuni boʻyicha konsultatsiyalar beradi;

tashqi bozorda davlat manfaatlariga rioya etilishi yuzasidan monitoringni amalga oshiradi, shu asosda tashqi iqtisodiy sohadagi salbiy holatlarni bartaraf etish boʻyicha takliflar tayyorlaydi;

Oʻzbekiston Respublikasining tashqi iqtisodiy hamkorlik sohasidagi xalqaro shartnomalari boʻyicha tomonlar majburiyatlarining bajarilishi yuzasidan monitoringni amalga oshiradi;

xalqaro iqtisodiy nizolarni jumladan: nizolarni bartaraf etish uchun muzokaralar oʻtkazish, vositachilikni amalga oshirish, nizolarni xalqaro tijorat hakamligida bartaraf etish, nizolarni xorijiy davlatlar sudlarida va xalqaro sudlarda koʻrib chiqish orqali bartaraf etish, shuningdek nizolarni Jahon savdo tashkiloti doirasida bartaraf etish yoʻli bilan hal etishga yoʻnaltirilgan chora-tadbirlarni amalga oshirish boʻyicha takliflar kiritadi;

davlat ehtiyojlari uchun import xaridlar tizimini maqbullashtiradi, davlat ahamiyatiga molik tovarlar xaridlarini, shu jumladan tendyerlar tashkil etish yoʻli bilan amalga oshiradi;

v) tashqi iqtisodiy faoliyatni tartibga solish sohasida:

tashqi iqtisodiy faoliyat subyektlari faoliyatini qonunchilikda belgilangan vakolatlar doirasida muvofiqlashtiradi va tartibga soladi;

respublika tashqi iqtisodiy faoliyat subyektlarining, xorijiy jismoniy va yuridik shaxslarning respublika hududidagi hamda chet ellardagi faoliyatini tematik va kompleks oʻrganishni tashkil etadi va amalga oshiradi;

xorijiy tijorat tashkilotlari vakolatxonalarini belgilangan tartibda Oʻzbekiston Respublikasi hududida akkreditatsiya qilishni hamda koʻrsatib oʻtilgan vakolatxonalarning xorijiy xodimlarini shaxsan akkreditatsiya qilishni amalga oshiradi, shuningdek ana shunday vakolatxonalar tomonidan taqdim etiladigan ular faoliyati toʻgʻrisidagi axborotlarni koʻrib chiqadi;

eksport-importni litsenziyalashni amalga oshiradi, qonunchilikda belgilangan hollarda tegishli ruxsatnomalar beradi;

Tashqi iqtisodiy faoliyat subyektlarining davlat savdo reyestrini va xorijiy tijorat tashkilotlarining akkreditatsiya qilingan vakolatxonalari boʻyicha maʼlumotlar bankini yuritadi;

Savdo va tarif bosh bitimi/Jahon savdo tashkiloti prinsiplariga muvofiq yuklab joʻnatishdan oldingi inspeksiya boʻyicha faoliyatning tashkil etilishini muvofiqlashtiradi;

xavfli yuklar, harbiy texnika, harbiy mol-mulklar, portlovchi moddalar va buyumlarni Oʻzbekiston Respublikasi hududi orqali tranzit boʻyicha oʻtkazishda belgilangan tartibda xulosalar beradi va nazoratni amalga oshiradi;

tashqi iqtisodiy faoliyat subyektlari tomonidan tovarlar (ishlar, xizmatlar)ni olib kirish — olib chiqib ketish va tranziti tartibiga rioya qilinishi ustidan qonunchilikda belgilangan tartibda nazoratni amalga oshiradi hamda qonunchilikda belgilangan holda ularga nisbatan tegishli chora-tadbirlar koʻradi;

tashqi savdo bitishuvlari va xalqaro shartnomalar shartlariga muvofiq yengib boʻlmaydigan kuchlar (fors-major) holatlari toʻgʻrisida xabar beradi;

qonunchilikda belgilangan hollarda, tashqi iqtisodiy faoliyat subyektlari tomonidan tuziladigan savdo-iqtisodiy shartnomalar, kontraktlar va bitimlarni ekspertizadan, roʻyxatdan oʻtkazishni va hisobga olishni amalga oshiradi;

Oʻzbekiston Respublikasi yuklarini transportda tashish, transport koridorlarini rivojlantirish va xalqaro tashuvlarni amalga oshirish boʻyicha masalalarni koʻrib chiqishda qatnashadi;

tashqi savdo yuklarini tashishni, shu jumladan kommunikatsiya xizmatlariga, transportda tashishga, portlarda ishlov berishga va eksport-import hamda tranzit yuklarni ekspeditsiya qilishga tarif siyosatini tartibga solish chora-tadbirlarini ishlab chiqishda va amalga oshirishda qatnashadi;

milliy transport tashkilotlarini himoya qilish va qoʻllab-quvvatlash, respublika transport infratuzilmasini rivojlantirish hamda tranzit yuk oqimlarini jalb etish chora-tadbirlarini ishlab chiqadi;

Vazirlar Mahkamasiga xalqaro multimodal transport koridorlari va uzellarining rivojlantirilishi va faoliyat koʻrsatishi masalalari boʻyicha takliflar kiritadi;

Vazirlar Mahkamasiga importni maqbullashtirish va uning samaradorligini oshirish boʻyicha, shuningdek tovarlarni olib kirish va olib chiqib ketishda muhofaza, kompensatsiya, antidemping va boshqa chora-tadbirlarni qoʻllash tartibi boʻyicha takliflar kiritadi;

olib kelinayotgan va olib chiqib ketilayotgan tovarlarni sertifikatsiyalash qoidalarini ishlab chiqishda, texnik, farmakologik, sanitariya, veterinariya, ekologiya standartlari va talablarini belgilashda, shuningdek tashqi iqtisodiy faoliyatni amalga oshirish chogʻida yuklab joʻnatishdan oldingi inspeksiyalar, bojxona rasmiyatchiligi, ekologiya, veterinariya, fitosanitariya va sanitariya normalari talablariga rioya etilishini taʼminlashda qatnashadi;

tovarlar (ishlar, xizmatlar) eksporti va importini tartibga solish, shu jumladan standartlar, muvofiqlikni tasdiqlash tizimlari boʻyicha talablarni qoʻllash, tovarlar xavfsizligi normalariga, ularni idishlarga joylash va markirovka qilish qoidalariga rioya qilish tovarga doir hujjatlarning tegishli shakllaridan foydalanish boʻyicha chora-tadbirlarni amalga oshiradi;

tijorat, valyuta va toʻlov shartlari hamda davlat tashqi qarzlari hisobiga yoki hukumat kafolatlari ostida mablagʻ bilan taʼminlanadigan kontraktlar boʻyicha, shuningdek eksport va/yoki import qilishga davlat monopoliyasi yoki miqdoriy cheklashlar belgilangan tovarlarning ayrim turlari boʻyicha tashqi savdo narxlari ustidan nazoratni amalga oshiradi;

tovarlarning kelib chiqishini sertifikatsiyalash, oʻz ehtiyojlari uchun xorijiy investorlar tomonidan import qilinadigan mahsulotlarni sertifikatsiyalash, mamlakatda ishlab chiqarilgan, eksportga yetkazib beriladigan mahsulotlarni sertifikatsiyalashni mustaqil amalga oshiradi yoki bu boradagi vakolatlarini boshqaga beradi;

korxonalar va tashkilotlarda marketing xizmatlari tashkil etilishiga va faoliyat koʻrsatilishiga metodik va amaliy koʻmaklashadi;

eksport nazorati sohasida ishlarni muvofiqlashtiradi va amalga oshiradi, oxirgi foydalanuvchi sertifikatlarini beradi, eksport nazorat obyektlarining milliy roʻyxatlari boʻyicha takliflar ishlab chiqadi;

yuqori likvidli mahsulotlarning kimoshdi savdosini tashkil etishda va oʻtkazishda qatnashadi;

g) iqtisodiyotni rivojlantirishni ragʻbatlantirish va uni jahon iqtisodiy tizimiga integratsiyalash sohasida:

respublika xoʻjalik yurituvchi subyektlarining tashqi bozorlarga kirib borishi uchun qulay shart-sharoitlarni taʼminlash boʻyicha kompleks chora-tadbirlarni ishlab chiqadi va amalga oshiradi;

tashqi iqtisodiy hamkorlikning turli shakllarini, shu jumladan qoʻshma tadbirkorlikni, bevosita ishlab chiqarish va ilmiy-texnik aloqalarni kengaytirishga koʻmaklashadi;

respublika hududida, shuningdek asosiy dengiz portlarida, temir yoʻl chegara stansiyalarida tashqi savdo yuklariga transport-ekspeditorlik xizmati koʻrsatish, tashqi savdo yuklarini toʻplash, tayyorlash va deklaratsiyalashni tashkil etish, eksport-import yuklari harakati va tranziti monitoringi tizimini takomillashtirish boʻyicha tadbirlarni ishlab chiqishda va amalga oshirishda qatnashadi;

Oʻzbekistonning tashqi savdo infratuzilmasini rivojlantirish chora-tadbirlarini ishlab chiqadi va amalga oshiradi;

tegishli vazirliklar va idoralar tomonidan amalga oshiriladigan iqtisodiy, shu jumladan savdo, investitsiya, transport, moliyaviy, ilmiy-texnik hamkorlik samaradorligini oshirish, shuningdek tashqi iqtisodiy tusdagi turistik va boshqa aloqalarni rivojlantirish boʻyicha tadbirlarni muvofiqlashtiradi;

respublika tashkilotlarining chet ellardagi xalqaro savdo-sanoat koʻrgazmalarida, yarmarkalarda, kimoshdi savdolarida va shu kabi tadbirlarda qatnashishini tashkil etadi va muvofiqlashtiradi, tijorat-axborot va reklama ishlarini amalga oshiradi;

kichik va oʻrta biznes korxonalariga tashqi iqtisodiy faoliyatni amalga oshirishda, eng avvalo eksport faoliyatida, shuningdek investitsiyalarni jalb etishda va boshqa faoliyatda koʻmaklashadi;

kichik va oʻrta biznes korxonalarini, shuningdek tashqi iqtisodiy faoliyat boshqa subyektlarini huquq, narx, valyuta, moliya, kredit masalalari boʻyicha, tashqi bozorning eksportga yetkazib berilayotgan mahsulotlar sifatiga, texnik tavsifnomalariga talablari boʻyicha metodik, axborot va konsultativ taʼminlashni amalga oshiradi;

oʻz vakolatlari doirasida tashqi iqtisodiy faoliyat sohasidagi qonunchilik boʻyicha sharhlar va tushuntirishlar beradi;

tashqi iqtisodiy aloqalar muammolari boʻyicha ilmiy-tadqiqotlar oʻtkazilishini tashkil etadi;

d) eksport salohiyatini rivojlantirish dasturlarini amalga oshirishga koʻmaklashish sohasida:

milliy tovar ishlab chiqaruvchilar va boshqa xoʻjalik yurituvchi subyektlar mahsulotlarini eksport qilishga koʻmaklashishga yoʻnaltirilgan chora-tadbirlar ishlab chiqadi;

iqtisodiyot tarmoqlarida yangi tuzilmalar, guruhlar tashkil etish va boshqa tarkibiy oʻzgartirishlar toʻgʻrisida takliflar kiritadi;

yangi korxonalar tashkil etish va ishlayotgan korxonalarni qayta tashkil etish boʻyicha takliflar kiritadi;

milliy ishlab chiqaruvchilarning mahsulotlarini eksport qilishni maqbullashtirishga yoʻnaltirilgan chora-tadbirlarni joriy etish toʻgʻrisida takliflar kiritadi;

manfaatdor vazirliklar va idoralar bilan birgalikda eksport salohiyatini kengaytirish, importning oʻrnini toʻldirish va mahalliy moddiy-xomashyo resurslari negizida ishlab chiqarishni mahalliylashtirish maqsadli dasturlarini ishlab chiqadi, shuningdek ularni amalga oshirishda koʻmaklashadi;

eng muhim tovarlarni, shu jumladan paxta tolasi, rangli metallar va shu kabilarni ishlab chiqarish hamda eksportga yetkazib berish balanslarini ishlab chiqishda bevosita qatnashadi;

paxta tolasi jahon bozorida qisqa, oʻrtacha va uzoq muddatli davrda tadqiqotlar oʻtkazadi hamda vaziyatning rivojlanish ssenariyasini ishlab chiqadi;

tashqi bozorlar talablarini va mahalliy moddiy-xomashyo resurslaridan toʻliq foydalanish imkoniyatlarni hisobga olgan holda eksportning turli mexanizmlari va sxemalarini, ishlab chiqarish jarayonini maqbullashtirish boʻyicha tavsiyalarni ishlab chiqadi;

eksport dasturlarini va xorijiy investitsiyalarni sugʻurtalash tashkilotlarini tashkil etishda qatnashadi;

tashqi sotish bozorlari ehtiyojini va talablarini oʻrganadi, eksport strategiyasini, shuningdek eksport nomenklaturasini kengaytirish va hajmlarini koʻpaytirish, eksportni mablagʻ bilan taʼminlash mexanizmini takomillashtirish, milliy tovar ishlab chiqaruvchilarning anʼanaviy eksport nomenklaturasi bilan savdo qilishda shart-sharoitlarni maqbullashtirish va yangi instrumentlarni joriy etish hisobiga, ham anʼanaviy boʻlmagan eksportning boshqa xil mahsulotlar (ishlar va xizmatlarni) olib kirish va eksport nomenklaturasini diversifikatsiyalash hisobiga xalqaro bozorlarga chiqishi boʻyicha kompleks chora-tadbirlarni ishlab chiqadi va amalga oshiradi;

eksport qiluvchi korxonalarni ragʻbatlantirishga doir chora-tadbirlar kompleksini amalga oshirish boʻyicha takliflar kiritadi;

eksport mahsulotlari hajmlarini koʻpaytirish va assortimentini kengaytirish boʻyicha potensial imkoniyatlarni tahlil qiladi va chora-tadbirlarni amalga oshiradi;

mamlakatimiz mahsulotlarining potensial importchilari boʻlgan davlatlardagi iqtisodiy vaziyatni tahlil qiladi, mintaqaning tovar bozori konyunkturasini oʻrganadi va uni rivojlantirish tendensiyalarini prognoz qiladi, mintaqaviy iqtisodiy integratsiyani amalga oshirish toʻgʻrisida takliflar tayyorlaydi;

eksportga yoʻnaltirilgan mahsulotlar, shuningdek tarmoq boʻyicha eksport mahsulotlar ishlab chiqaruvchilar va eksportchilar boʻyicha maʼlumotlar bazasini shakllantiradi va yuritadi;

milliy eksportning butun nomenklaturasi boʻyicha marketing tadqiqotlari oʻtkazadi hamda marketing va tahliliy obzorlar tayyorlaydi;

Oʻzbekiston Respublikasining xoʻjalik yurituvchi subyektlarini respublikada ishlab chiqarilayotgan mahsulotlarning tashqi bozorlarda sotilishi ahvoli, shuningdek mahsulotlarning boshqa turlarini sotishning potensial bozorlariga eksport qilish istiqbollari toʻgʻrisida oʻzining davriy nashrlari va texnik vositalari orqali xabardor qiladi;

umumdavlat ahamiyatiga ega boʻlgan tovarlar (ishlar, xizmatlar) boʻyicha eksport-import operatsiyalarining bajarilishi monitoringini oʻtkazishni tashkil qiladi va amalga oshiradi;

manfaatdor vazirliklar va idoralar bilan birgalikda noanʼanaviy eksport, shu jumladan ilmtalab mahsulotlar, texnologiyalar va xizmatlar, ishlab chiqarish-texnologik kooperatsiyalash va ilmiy hamkorlik dasturlarini ishlab chiqadi va amalga oshiradi;

mahsulotlar va xizmatlar sifatini oshirish konsepsiyalari va dasturlarini ishlab chiqishda qatnashadi, ishlab chiqarishda sifatni boshqarish va ularni sertifikatlash tizimlarini joriy etish boʻyicha tadbirlarning bajarilishi monitoringini amalga oshiradi;

eksport qilinadigan tovarlar miqdori va sifatini ekspert baholash tizimini takomillashtirish boʻyicha takliflar ishlab chiqadi va kiritadi;

respublika korxonalari, shu jumladan kichik va oʻrta biznes korxonalari tomonidan ishlab chiqarilayotgan mahsulotlar eksportini tashkil etishda qatnashadi, ularga xorijiy bozorlar marketing tadqiqotlarini oʻtkazishda koʻmaklashadi;

tashqi iqtisodiy faoliyat subyektlari tomonidan eksport va import prognozlarining bajarilishini ular tomonidan Agentlikka yuboriladigan axborotlar asosida monitoring va tahlil qiladi hamda natural va narx ifodasida eksport surʼatlarini, nisbatini va samaradorligini prognoz qiladi;

tashqi savdo infratuzilmasini elektron savdoning jahon tizimiga integratsiyalash, “Internet”ning global tarmogʻida milliy eksportchilar ishtirokini kuchaytirish, Oʻzbekiston Respublikasi tashqi iqtisodiy faoliyat axborot markazini barpo etish boʻyicha dasturlar va chora-tadbirlar komplekslarini ishlab chiqadi;

e) xorijiy investitsiyalarni jalb etish sohasida:

davlat organlarining xorijiy investorlar bilan ishlash boʻyicha faoliyatini muvofiqlashtiradi;

xorijiy investitsiyalarni Oʻzbekiston Respublikasi hududiga jalb etish uchun shart-sharoitlarni tartibga solish va yaratishga yoʻnaltirilgan chora-tadbirlar kompleksini ishlab chiqishda va amalga oshirishda qatnashadi;

Oʻzbekiston Respublikasida investitsiya muhitini takomillashtirish, xorijiy investitsiyalarni jalb etishning normativ-huquqiy va shartnomaviy bazasini hamda xorijiy investitsiyalar ishtirokidagi korxonalar faoliyatini rivojlantirish boʻyicha takliflar tayyorlashda qatnashadi;

Oʻzbekiston Respublikasi iqtisodiyotining ustuvor tarmoqlarida toʻgʻridan toʻgʻri xorijiy investitsiyalarni davlat tomonidan qoʻllab-quvvatlaydi;

toʻgʻridan toʻgʻri xorijiy investitsiyalarni jalb etish uchun iqtisodiyotning ustuvor sektorlari roʻyxatini va eng muhim ishlab chiqarishlar roʻyxatini aniqlash hamda investitsiya loyihalarini amalga oshirishda imtiyozlar va preferensiyalar berish tartibi boʻyicha takliflar ishlab chiqadi;

Oʻzbekiston Respublikasidan tashqarida xoʻjalik yurituvchi subyektlarning ularga tadbirkorlik obyektlarida moddiy va nomoddiy boyliklar va huquqlar berish va chet eldagi boshqa faoliyat bilan bogʻliq boʻlgan investitsiya faoliyatini tartibga soluvchi chora-tadbirlarni ishlab chiqadi va amalga oshiradi;

respublika rezidentlarining chet eldagi korxonalari va filiallari faoliyati monitoringini amalga oshiradi;

tashqi iqtisodiy faoliyat subyektlariga xorijiy sheriklar qidirishda hamda ularning ishonchliligi va ishchanligini tahlil qilishda koʻmaklashadi, xorijiy investitsiyalarni jalb etish masalalarida axborotlar bilan qoʻllab-quvvatlaydi;

Oʻzbekiston Respublikasida va chet ellarda reklama-axborot ishlarini amalga oshiradi, shu jumladan manfaatdor vazirliklar va idoralar bilan birgalikda Oʻzbekiston Respublikasining yutuqlari va investitsiya imkoniyatlarini ommalashtirish va targʻib qilish maqsadida Oʻzbekiston Respublikasida va chet ellarda sammitlar, anjumanlar, seminarlar, taqdimotlar, konferensiyalar va boshqa tadbirlarni amalga oshiradi;

ommaviy axborot vositalarida investitsiya loyihalarini amalga oshirishga taalluqli barcha normativ-huquqiy hujjatlarning eʼlon qilinishini taʼminlaydi;

strategiya jihatidan muhim boʻlgan investitsiya dasturlari va ustuvor loyihalarni amalga oshirish uchun toʻgʻridan toʻgʻri xorijiy investitsiyalarni, tashqi kreditlarni jalb etadi, tashkilotlar va korxonalar tomonidan taqdim etiladigan axborotlar asosida ularning samarali foydalanilishi boʻyicha monitoring olib boradi;

eksport salohiyatini va ishlab chiqarilishi moʻljallanayotgan tovarlar, ishlar, xizmatlarning tashqi bozorlardagi raqobatga bardoshliligini aniqlash maqsadida investitsiya loyihalarining marketing ekspertizasini oʻtkazadi;

loyihalarning texnik-iqtisodiy asoslashlari ekspertizasini belgilangan tartibda oʻtkazadi, yirik investitsiya loyihalari va dasturlarining xolisona ekspertizasini tashkil etish boʻyicha takliflar kiritadi;

investitsiya loyihalari amalga oshirilishi monitoringini, shu jumladan investitsiya shartnomalari shartlariga rioya qilinishi ustidan nazoratni amalga oshiradi;

tashqi iqtisodiy faoliyat subyektlariga tender savdolari oʻtkazishda koʻmaklashadi;

xorijiy investorlarga axborot-konsultatsiya koʻmagi koʻrsatilishini taʼminlaydi;

qonunchilikda belgilangan tartibda Oʻzbekiston Respublikasining xoʻjalik yurituvchi subyektlariga chet mamlakatlarda xoʻjalik nizolarini sudgacha koʻrib chiqish tartibida bartaraf etishda yordam koʻrsatadi;

qonunchilikda belgilangan tartibda xorijiy yuridik va jismoniy shaxslarga Oʻzbekiston Respublikasida xoʻjalik nizolarini bartaraf etishda sudgacha koʻrib chiqish tartibida yordam koʻrsatadi;

yirik korxonalarni xususiylashtirish boʻyicha tanlovlar tashkil etishda qatnashadi;

Oʻzbekiston Respublikasi tashqarisida korxonalar, filiallar, korxonalar tashkil etish uchun Oʻzbekiston Respublikasi rezidentlarining sarmoyasini olib chiqib ketish strategiyasi va tartibini ishlab chiqish boʻyicha takliflar kiritadi, oʻz vakolatlari doirasida chet eldagi respublika rezidentlari korxonalari faoliyatini qoʻllab-quvvatlaydi;

toʻgʻridan toʻgʻri xorijiy investitsiyalar oqimlarini tahlil qiladi, ularni jalb etish va ragʻbatlantirish boʻyicha jahon tajribasini oʻrganadi va umumlashtiradi;

j) ikki tomonlama va koʻp tomonlama savdo-iqtisodiy va moliyaviy hamkorlikni rivojlantirish sohasida:

Oʻzbekiston Respublikasining xorijiy davlatlar, xalqaro va hukumat tashkilotlari bilan iqtisodiy aloqalarini rivojlantirish va mustahkamlash boʻyicha hamkorlik strategiyasini shakllantirishda va chora-tadbirlarni amalga oshirishda qatnashadi;

xorijiy davlatlar organlari, chet eldagi xalqaro va boshqa tashkilotlar, firmalar, kompaniyalar va korxonalar, Oʻzbekiston Respublikasidagi xorijiy davlatlarning elchixonalari va vakolatxonalari, xalqaro tashkilotlar hamda xorijiy firmalar, kompaniyalar va korxonalar bilan toʻgʻridan toʻgʻri aloqalarni amalga oshiradi;

Oʻzbekiston Respublikasi Hukumati topshirigʻiga koʻra muzokaralar oʻtkazadi va xalqaro shartnomalar tuzadi, shuningdek boshqa davlatlarning tashqi iqtisodiy organlari, firmalari, kompaniyalari va korxonalari hamda xalqaro tashkilotlar bilan hamkorlik toʻgʻrisida bitimlar tuzadi;

Oʻzbekiston Respublikasining tashqi iqtisodiy faoliyat masalalari, shu jumladan savdo-iqtisodiy, investitsiya, moliya, soliq, transport-kommunikatsiya, ilmiy-texnik va boshqa sohalardagi hamkorlik boʻyicha xalqaro shartnomalari loyihalarini tayyorlaydi, kiritadi va ularni xorijiy mamlakatlar hamda xalqaro tashkilotlar bilan kelishib oladi;

Oʻzbekiston Respublikasi delegatsiyalarining xorijiy davlatlarga davlat tashriflari bilan bogʻliq tadbirlarni axborot-tahlil, shartnomaviy-huquqiy, tashkiliy jihatdan taʼminlashda qatnashadi;

xorijiy davlatlar va xalqaro moliya institutlarining texnikaviy, muruvvat, begʻaraz va boshqa yordamlarini olish jarayonini muvofiqlashtiradi;

xorijiy mamlakatlar davlat hokimiyati va boshqaruv organlarining, tashkilotlar va firmalarining tashqi iqtisodiy aloqalar masalalari boʻyicha murojaatlarini koʻrib chiqadi, zarur hollarda ushbu masalalar boʻyicha takliflarni tayyorlaydi va Vazirlar Mahkamasiga, manfaatdor vazirliklar va idoralarga taqdim etadi, shuningdek murojaatlarga javoblar yuboradi;

xorijiy davlatlar bilan savdo-iqtisodiy hamkorlik boʻyicha hukumatlararo komissiyalar (qoʻmitalar, kengashlar)ning Oʻzbekiston boʻyicha kotibiyati funksiyalarini bajaradi;

Oʻzbekiston Respublikasining asosiy va istiqbolli sheriklari tashqi savdo rejimlari, shu jumladan erkin savdo zonalarining, bojxona ittifoqlarining faoliyat koʻrsatishi, eng koʻp qulaylik beradigan rejimlar, amaldagi bojxona-tarif qoidalari, litsenziyalash va kvotalash tartibotlari, tovarlarning bojxona qiymatini va kelib chiqish mamlakatini aniqlash va boshqa masalalar bilan bogʻliq axborotlarni toʻplaydi va turkumlashtiradi;

xorijiy mamlakatlarning siyosiy-iqtisodiy va moliya-kredit ahvoli, iqtisodiy rivojlantirish dasturlari, tashqi iqtisodiy aloqalari xususiyatlari toʻgʻrisidagi axborotlarni toʻplaydi va tahlil qiladi;

tashqi iqtisodiy aloqalar sohasida tuzilgan bitimlar va shartnomalarning amal qilish muddatlarini uzaytirish yoki denonsatsiya qilish toʻgʻrisida takliflar kiritadi;

Oʻzbekistonning ayrim mamlakatlar, mamlakatlar guruhlari va mintaqalar bilan savdo-iqtisodiy munosabatlarini, ishlab chiqarish kooperatsiyalarini, qoʻshma ishlab chiqarishlarni hamda xorijiy davlatlarning xoʻjalik yurituvchi subyektlari bilan bevosita aloqalarni kengaytirish boʻyicha takliflar kiritadi;

respublikaning xorijiy mamlakatlar bilan tashqi iqtisodiy aloqalarini rivojlantirishga doir axborot-reklama ishlarini amalga oshiradi;

tashqi iqtisodiy hamkorlik masalalari boʻyicha xorijiy delegatsiyalarni qabul qilish va ularning Oʻzbekiston Respublikasida boʻlishi, shu jumladan uchrashuvlar va kuzatishlarni tashkil etish, delegatsiya aʼzolariga vizalar olish va ularning muddatini uzaytirish, ularni mehmonxonalarga joylashtirish, ularga transport xizmati koʻrsatish, muzokaralar, biznes-seminarlar, konferensiyalar, Oʻzbekiston Respublikasi boʻyicha tashriflarni tashkil etish bilan bogʻliq chora-tadbirlar kompleksini amalga oshiradi;

z) kadrlar tayyorlash va ularning malakasini oshirish sohasida:

tegishli organlarga tashqi iqtisodiy faoliyat sohasidagi oʻquv rejalari, dasturlari va oʻrta maxsus hamda oliy oʻquv yurtlarida mutaxassislarni oʻqitish jarayoni boʻyicha takliflar kiritadi;

Agentlik tizimi xodimlari hamda boshqa vazirliklar, idoralar, tashkilotlar va xoʻjalik yurituvchi subyektlar mutaxassislari uchun chet ellarda qisqa muddatli va uzoq muddatli tajriba orttirish oʻqishlari va seminarlar tashkil etadi;

Agentlik tizimida, shu jumladan Agentlikning oʻquv markazlari bazasida iqtisodiy yoʻnalishdagi oliy oʻquv yurtlari talabalari va tinglovchilarining kasb boʻyicha tajriba orttirishlarini va diplom ishi tayyorlashdan oldingi praktikasini tashkil etadi;

tashqi iqtisodiy faoliyat subyektlari uchun tashqi savdoning dolzarb masalalari boʻyicha metodik qoʻllanmalar ishlab chiqadi;

Agentlik tashqi iqtisodiy birlashmalari, firmalari va boshqa tashkilotlarining mutaxassislarni xorijga xizmat safariga yuborish va tashqi iqtisodiy sohada malakali kadrlar tayyorlash boʻyicha ishlarini muvofiqlashtiradi va ishlari samaradorligini tahlil qiladi;

Agentlikning Oʻquv markazida oʻqitishni tashkil qiladi va tashqi iqtisodiy faoliyat sohasida malaka oshirish kurslarida oʻqiganlik toʻgʻrisida tegishli hujjatlar beradi;

i) Agentlik yuqorida koʻrsatilganlardan tashqari oʻzining maqsadlari va vazifalariga muvofiq keluvchi hamda amaldagi qonun hujjatlariga zid boʻlmagan boshqa funksiyalarni bajaradi.

9. Agentlik quyidagi huquqlarga ega:

Agentlikka yuklangan vazifalar va funksiyalarni bajarish bilan bogʻliq takliflar, qarorlar va normativ hujjatlar loyihalarini kiritish;

oʻz vakolatlari doirasida tashqi iqtisodiy faoliyat sohasidagi munosabatlarni tartibga soluvchi idoraviy normativ hujjatlar qabul qilish;

Agentlik vazifalari va funksiyalarini bajarish bilan bogʻliq boʻlgan qabul qilish uchun kiritilayotgan takliflar, qarorlar va normativ hujjatlar loyihalarini kelishib olish;

oʻz vakolatlari doirasida xorijdagi davlat hokimiyati va boshqaruv organlari, tashkilotlar, boshqa yuridik shaxslar, shuningdek jismoniy shaxslar bilan aloqa bogʻlash;

xorijiy mamlakatlar bilan belgilangan tartibda texnik va iqtisodiy axborotlarni ayirboshlashni amalga oshirish, vazirliklar, idoralar va tashqi iqtisodiy faoliyat subyektlaridan axborotlarni soʻrab olish;

tashqi iqtisodiy aloqalar masalalari boʻyicha vakolatli organlar, xoʻjalik yurituvchi subyektlardan statistik maʼlumotlar, takliflar, xulosalar va boshqa zarur materiallarni, tashqi savdo asosiy indikatorlari parametrlarini ishlab chiqish va bajarilishini tekshirish uchun zarur boʻlgan, shu jumladan idoraviy statistika materiallarni va boshqa axborotnoma materiallarni olish, shuningdek yuklangan vazifalar va funksiyalarni bajarish bilan bogʻliq yozishmalar olib borish;

Oʻzbekiston Respublikasi rezidentlari tomonidan xorijda muassasalar ochish tartibotini tartibga solish hamda ularni hisobga qoʻyish;

tegishli vazirliklar, idoralar, davlat tashkilotlari, mahalliy hokimiyat va davlat boshqaruvi organlari, shuningdek korxonalar masʼul shaxslarining tashqi iqtisodiy siyosatni amalga oshirish, tashqi bozorda respublika manfaatlariga rioya qilinishi, respublikaning eksport salohiyatini kengaytirish masalalari hamda tashqi iqtisodiy aloqalarga oid boshqa masalalar boʻyicha hisobotlarini eshitish;

qonun hujjatlarida belgilangan hollarda tashqi iqtisodiy faoliyatni amalga oshirishning belgilangan tartibini buzayotgan xoʻjalik yurituvchi subyektlarga nisbatan choralar koʻrish;

Agentlik tizimiga kiruvchi xorijdagi qoʻshma korxonalarni, xalqaro loyihalarni, shuningdek oʻziga qarashli tashqi iqtisodiy kompaniyalarni, firmalarni, markazlarni, agentliklarni, jamgʻarmalarni, oʻquv yurtlarini va Oʻzbekistonning tashqi iqtisodiy aloqalari rivojlanishiga koʻmaklashayotgan boshqa tashkilotlarni, shu jumladan respublikadagi va xorijdagi xorijiy sheriklar ishtirokidagi tashkilotlarni belgilangan tartibda tashkil etish, qayta tashkil etish va tugatish;

belgilangan tartibda boʻlinmalarni (boʻlimlarni) tuzishni tashkil etish, oʻziga qarashli firmalar, birlashmalar va vakolatxonalarning filiallarini, shu jumladan xorijiy davlatlarda, ochish;

Vazirlar Mahkamasi bilan kelishgan holda oʻzaro hamkorlik qilish Agentlik tomonidan oʻz vazifalarini va funksiyalarini toʻliq va samarali bajarishga koʻmaklashishi mumkin boʻlgan uyushmalarda, federatsiyalarda va boshqa birlashmalarda belgilangan tartibda qatnashish (shu jumladan birlashmalarni tashkil etish);

Oʻzbekiston Respublikasining tashqi iqtisodiy muammolari boʻyicha muvofiqlashtiruvchi, ilmiy-texnik va boshqa kengashlar, idoralararo ekspert komissiyalari tuzish, shuningdek maxsus yigʻilishlar chaqirish;

tashqi iqtisodiy aloqalarni rivojlantirishning eng muhim muammolari boʻyicha takliflar tayyorlash uchun zarur hollarda olimlar, tarmoq mutaxassislaridan vaqtinchalik ishchi guruhlari tashkil etish, tashqi iqtisodiy aloqalar sohasida maslahatlar uchun, muammolarni oʻrganish va hal qilish uchun ham respublikadan, ham xorijdan olimlarni, mutaxassislarni va ekspertlarni shartnoma asosida jalb qilish;

qonun hujjatlarida belgilangan hollarda tashqi savdo aksiyadorlik kompaniyalaridagi davlatga tegishli aksiyalar (ulushlar, paylar)ni boshqarish;

oʻziga qarashli tashkilotlarning soliqlar toʻlangandan keyin qoladigan foydasi hisobiga shakllantiriladigan Agentlik tizimining idoraviy markazlashtirilgan jamgʻarmalarini tashkil etish, ulardan foydalanishning asosiy yoʻnalishlarini belgilash, shu jumladan xorijiy kreditlarni toʻlash, birinchi navbatda Hukumat kreditlarini yoki Oʻzbekiston Respublikasi Hukumati kafolati ostidagi kreditlarni toʻlash;

oʻz qurilish moddiy-texnika bazasini rivojlantirish dasturini ishlab chiqish;

Agentlik va unga qarashli boʻlinmalar tomonidan respublikada va xorijda turli xizmatlar koʻrsatish va faoliyatdan, ruxsatnomalar berish hamda xorijiy tashkilotlar vakolatxonalarini va fuqarolarni akkreditatsiya qilishdan olinadigan oʻz ixtiyorida qoladigan budjetdan tashqari mablagʻlardan oʻz moddiy-texnika bazasini rivojlantirish va ijtimoiy maqsadlar uchun foydalanish;

oʻz vakolatlari doirasida xorijiy davlat, bank va tijorat kreditlarini jalb etish, valyuta mablagʻlaridan oqilona foydalanilishini, Hukumat tomonidan kafolatlangan kreditlarning qaytarilishini nazorat qilish, ularning hisobini yuritish ishlarida qatnashish, shuningdek oʻziga qarashli tashqi iqtisodiy tashkilotlarga kreditlar hisobiga operatsiyalarni amalga oshirish hamda amalga oshirilishi Vazirlar Mahkamasi tomonidan Agentlikka yuklangan loyihalar boʻyicha kreditlar hisobiga tuzilayotgan kontraktlarning kredit berish shartlariga muvofiqligini tezkor nazorat qilishni topshirish;

oʻz ijtimoiy infratuzilmasini rivojlantirish chora-tadbirlarini amalga oshirish;

xodimlarning lavozim maoshlariga shaxsiy va maxsus qoʻshimchalar, shuningdek ilmiy darajasi, xorijiy tillarni bilishi va uzoq muddatli xizmati uchun ustamalar toʻlash;

Agentlikning va Agentlik roziligi bilan oʻziga qarashli tashkilotlarning rasmiy taklifiga koʻra Oʻzbekistonga kelgan xorijiy delegatsiyalarning respublikada yashash va transport xarajatlariga haq toʻlash;

tashqi iqtisodiy aloqalar infratuzilmasini rivojlantirish manfaatlarini koʻzlab ham respublika hududida, ham xorijda obyektlarni, shu jumladan xorijiy firmalar ishtirokida, qurish va rekonstruksiya qilish;

Agentlik tizimida budjet mablagʻlaridan oqilona foydalanilishini muntazam nazorat qilish, oʻziga qarashli tashkilotlarning tijorat, moliya va xoʻjalik faoliyatini tekshirish va taftish qilish;

10. Oʻzbekiston Respublikasi Tashqi iqtisodiy aloqalar agentligiga Oʻzbekiston Respublikasi Prezidenti tomonidan tayinlanadigan, keyinchalik Oʻzbekiston Respublikasi Oliy Majlisi tomonidan tasdiqlanadigan rais boshchilik qiladi.

Raisning lavozimga Oʻzbekiston Respublikasi Vazirlar Mahkamasi tomonidan tayinlanadigan toʻrt nafar oʻrinbosari, shu jumladan bir nafar birinchi oʻrinbosari boʻladi. Ular oʻrtasidagi vazifalar Rais tomonidan taqsimlanadi.

Rais Qoraqalpogʻiston Respublikasi Tashqi iqtisodiy aloqalar agentligi, viloyatlar va Toshkent shahar Tashqi iqtisodiy aloqalar boshqarmalari, boshqa oʻziga qarashli muassasalar va tashkilotlar faoliyatiga rahbarlik qiladi, uni tashkil etadi va muvofiqlashtiradi.

Rais Agentlikka yuklangan vazifalarning bajarilishi va Agentlikning oʻz funksiyalarini amalga oshirishi uchun shaxsan javob beradi, Agentlik faoliyati ayrim yoʻnalishlarining yuritilishi uchun Rais oʻrinbosarlarining hamda Agentlik markaziy apparati tarkibiy boʻlinmalari rahbarlarining masʼuliyati darajasini belgilaydi.

Rais:

Agentlikka qarashli korxonalar va tashkilotlar tomonidan bajarilishi majburiy boʻlgan buyruqlar chiqaradi va koʻrsatmalar beradi;

zarur hollarda Rais Qoraqalpogʻiston Respublikasi Tashqi iqtisodiy aloqalar agentligi, Agentlikning viloyatlar va Toshkent shahridagi boshqarmalari rahbarlarining buyruqlarini, farmoyishlarini, koʻrsatmalarini, yoʻriqnomalarini bekor qiladi;

Agentlik vakolatiga tegishli masalalar boʻyicha qarorlar qabul qiladi;

Agentlik markaziy apparati boʻlinmalari, Agentlikning viloyatlar va Toshkent shahridagi boshqarmalari, Qoraqalpogʻiston Respublikasi Tashqi iqtisodiy aloqalar agentligi toʻgʻrisidagi nizomlarni tasdiqlaydi;

Agentlik markaziy apparatining, Qoraqalpogʻiston Respublikasi Tashqi iqtisodiy aloqalar agentligi, viloyatlar va Toshkent shahar Tashqi iqtisodiy aloqalar boshqarmalari shtatlar jadvalini xodimlarning belgilangan soni va ish haqi fondi doirasida tasdiqlaydi;

markaziy apparat, Qoraqalpogʻiston Respublikasi Tashqi iqtisodiy aloqalar agentligi, viloyatlar va Toshkent shahar Tashqi iqtisodiy aloqalar boshqarmalari, oʻziga qarashli muassasalar va tashkilotlar, xorijiy davlatlardagi savdo vakolatxonalari va ular apparatining rahbar xodimlarini lavozimga tayinlaydi va lavozimdan ozod qiladi;

Agentlikning, shuningdek oʻziga qarashli korxonalar va tashkilotlar rahbar xodimlarini xorijga xizmat safariga yuborish masalalarini hal qiladi.

11. Agentlikda Rais (hayʼat raisi), Vazirlar Mahkamasining Tashqi iqtisodiy aloqalar va xorijiy investitsiyalar departamenti boshligʻi (kelishuv boʻyicha), Rais oʻrinbosarlari – lavozimiga koʻra, Qoraqalpogʻiston Respublikasi Tashqi iqtisodiy aloqalar agentligi raisi – lavozimiga koʻra, Agentlik, Agentlikka qarashli tashkilotlar boshqa rahbar xodimlaridan iborat tarkibda hayʼat tashkil etiladi. Hayʼat majlislariga zarur hollarda respublika huquqni muhofaza qilish, moliya organlari va boshqa vazirliklar, idoralar va tashkilotlarning oʻz vakolatlari doirasida Oʻzbekiston Respublikasining tashqi iqtisodiy aloqalarini boshqarishda qatnashuvchi vakillari taklif qilinishi mumkin.

Hayʼat aʼzolari soni va uning shaxsiy tarkibi Tashqi iqtisodiy aloqalar agentligi taqdimnomasiga koʻra Oʻzbekiston Respublikasi Vazirlar Mahkamasi tomonidan tasdiqlanadi.

Oʻzbekiston Respublikasi Tashqi iqtisodiy aloqalar agentligi hayʼati oʻzining muntazam ravishda oʻtkaziladigan majlislarida:

Agentlik markaziy apparati tarkibiy boʻlinmalari, Qoraqalpogʻiston Respublikasi Tashqi iqtisodiy aloqalar agentligi, viloyatlar va Toshkent shahar Tashqi iqtisodiy aloqalar boshqarmalari, oʻziga qarashli kompaniyalar, firmalar, markazlar va tashkilotlar, savdo vakolatxonalari, Oʻzbekiston Respublikasi elchixonalari huzuridagi iqtisodiy maslahatchilar faoliyati;

Agentlik apparati boʻlinmalari rahbarlarini, Qoraqalpogʻiston Respublikasi Tashqi iqtisodiy aloqalar agentligi raisi va uning oʻrinbosarini, oʻziga qarashli tashkilotlar rahbarlari va ularning oʻrinbosarlarini, shuningdek Oʻzbekiston Respublikasining xorijiy davlatlardagi elchixonalari huzuridagi iqtisodiy maslahatchilarni tayinlash;

Hukumat topshiriqlarini bajarish va Agentlik faoliyati prognozlari bilan bogʻliq hamda Agentlik vakolatiga tegishli boshqa masalalarni koʻrib chiqadi.

Hayʼat uning majlisida aʼzolarining yarmidan koʻpi ishtirok etganda vakolatli hisoblanadi.

Koʻrib chiqilayotgan masalalar boʻyicha qarorlar oddiy koʻpchilik ovoz bilan qabul qilinadi. Ovozlar teng boʻlib qolganda raisning ovozi hal qiluvchi hisoblanadi.

12. Agentlik belgilangan tartibda Agentlik tizimining, shu jumladan oʻziga qarashli tashkilotlarning safarbarlik tayyorgarligi boʻyicha tadbirlarni amalga oshiradi.

13. Oʻzbekiston Respublikasi Tashqi iqtisodiy aloqalar agentligining tuzilmasi, mehnatga haq toʻlash fondi va markaziy apparati xodimlarining soni Oʻzbekiston Respublikasi Vazirlar Mahkamasi tomonidan tasdiqlanadi.

14. Qoraqalpogʻiston Respublikasi Tashqi iqtisodiy aloqalar agentligi, viloyatlar va Toshkent shahar Tashqi iqtisodiy aloqalar boshqarmalari oʻz faoliyatini Oʻzbekiston Respublikasi tashqi iqtisodiy siyosati doirasida hamda Tashqi iqtisodiy aloqalar agentligi rahbarligida amalga oshiradi.

Qoraqalpogʻiston Respublikasi Tashqi iqtisodiy aloqalar agentligi, viloyatlar va Toshkent shahar Tashqi iqtisodiy aloqalar boshqarmalari:

tashqi iqtisodiy aloqalar rivojlantirilishi, eksport potensiali kengayishi, mintaqalar tashqi iqtisodiy aloqalar subyektlari faoliyati ustidan monitoring amalga oshirilishi uchun javob beradilar;

mintaqada Oʻzbekiston Respublikasi tashqi iqtisodiy siyosati oʻtkazilishini taʼminlaydilar hamda uni rivojlantirish strategiyasini shakllantirishda qatnashadilar;

qonun hujjatlarida belgilangan hollarda, Rais topshirigʻiga koʻra tashqi iqtisodiy faoliyatni notarif tartibga solish masalalarida qatnashadilar;

Agentlik tomonidan berilgan vakolatlar doirasida, mazkur Nizomda belgilangan boshqa vazifalar va funksiyalarni bajaradilar.

15. Agentlikka qarashli tashkilotlar va boʻlinmalar toʻgʻrisidagi ustavlar va nizomlar Oʻzbekiston Respublikasi Tashqi iqtisodiy aloqalar agentligi raisi tomonidan tasdiqlanadi.

16. Agentlikka qarashli tashkilotlarning aksiyadorlik jamiyatlarida, uyushmalarda, qoʻshma korxonalarda, konsernlarda va tadbirkorlik (tijorat)ning boshqa shakllarida qatnashishi, shu jumladan yuqorida koʻrsatib oʻtilgan subyektlarni taʼsis etishi, shuningdek qoʻshimcha daromad manbai olish maqsadida faoliyatning boshqa turlarida qatnashishi Agentlik bilan kelishib olinadi.

17. Agentlik oʻziga qarashli tashkilotlarning majburiyatlari boʻyicha mulkiy javob bermaydi, bu tashkilotlar esa Agentlikning majburiyatlari boʻyicha javob bermaydi.

Jami: 10 kishi.

Respublika boʻyicha jami (Qoraqalpogʻiston Respublikasidan tashqari): 65 kishi.

1. Oʻzbekiston Respublikasi Vazirlar Mahkamasining “Oʻzbekiston Respublikasi Tashqi iqtisodiy aloqalar vazirligi toʻgʻrisidagi nizomni hamda Oʻzbekiston Respublikasi Tashqi iqtisodiy aloqalar vazirligining Mintaqaviy vakolatli vakili boshqarmasi toʻgʻrisidagi Nizomni tasdiqlash haqida” 1992-yil 17-noyabrdagi 538-son qarori (Oʻzbekiston Respublikasi QT, 1992-y., 11-son, 35-modda).

2. Oʻzbekiston Respublikasi Vazirlar Mahkamasining “Respublikada tashqi iqtisodiy faoliyatni takomillashtirish va Tashqi iqtisodiy aloqalar vazirligini qayta tashkil etish toʻgʻrisida” 1994-yil 17-noyabrdagi 558-son qarori.

3. Oʻzbekiston Respublikasi Vazirlar Mahkamasining “Tashqi savdoni markazlashtirishdan va monopoliyadan chiqarishni davom ettirish chora-tadbirlari toʻgʻrisida” 1995-yil 4-apreldagi 120-son qarori.

4. Oʻzbekiston Respublikasi Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar va qoʻshimchalar kiritish toʻgʻrisida” 1998-yil 24-iyuldagi 312-son qarori (Oʻzbekiston Respublikasi QT, 1998-y., 7-son, 28-modda)ga ilovaning 2-bandi.

5. Oʻzbekiston Respublikasi Vazirlar Mahkamasining “Xorijiy tijorat tashkilotlarining Oʻzbekiston Respublikasi hududidagi vakolatxonalarini akkreditatsiya qilish tartibi va ularning faoliyati toʻgʻrisidagi Nizomni tasdiqlash haqida” 2000-yil 23-oktabrdagi 410-son qarori [Oʻzbekiston Respublikasi QT, 2000-y., 10-son, 68-modda)ga 2-ilovaning 1-bandi.

6. Oʻzbekiston Respublikasi Vazirlar Mahkamasining “Oʻzbekiston Respublikasi Hukumatining qarorlariga oʻzgartirish va qoʻshimchalar kiritish toʻgʻrisida” 2002-yil 5-yanvardagi 7-son qarori (Oʻzbekiston Respublikasi QT, 2002-y., 1-son, 1-modda)ga 2-ilovaning 1-bandi.

7. Oʻzbekiston Respublikasi Vazirlar Mahkamasining “Oʻzbekiston Respublikasi Hukumatining ayrim qarorlariga qoʻshimcha va oʻzgartirishlar kiritish toʻgʻrisida” 2002-yil 1-maydagi 150-son qaroriga ilovaning 3-bandi (Oʻzbekiston Respublikasi QT, 2002-y., 5-son, 23-modda).