LexUZ sharhi
Mazkur qaror O‘zbekiston Respublikasi Prezidentining 2022-yil 27-apreldagi PF-122-sonli “Bojxona ma’muriyatchiligini yanada takomillashtirishga doir qo‘shimcha chora-tadbirlar to‘g‘risida”gi Farmoniga asosan o‘z kuchini yo‘qotgan.
O‘zbekiston Respublikasi Prezidentining “O‘zbekiston Respublikasi hududiga iste’mol tovarlari olib kelinishini tartibga solish to‘g‘risida” 2002-yil 11-iyuldagi PF 3105-son Farmonini bajarish yuzasidan Vazirlar Mahkamasi qaror qiladi:
1. Belgilansinki, nooziq-ovqat iste’mol tovarlari yuridik shaxslar tomonidan import qilinganda yig‘im TIF TN kodidan va tovarning kelib chiqish mamlakatidan qat’i nazar, tovar bojxona qiymatining 30 foizi miqdorida erkin almashtiriladigan valyutada undiriladi.
Ko‘rsatib o‘tilgan yig‘im miqdori tovarlarni olib kelishda qo‘shilgan qiymat solig‘ini hisoblab chiqishda soliq solinadigan bazaga kiritilmaydi.
Keyingi tahrirga qarang.
2. 2002-yil 1-avgustdan boshlab tovar-xomashyo birjalarida respublikaga iste’mol tovarlari olib kelinishini nazarda tutuvchi bitishuvlarni amalga oshirish taqiqlansin.
O‘zbekiston Respublikasi Davlat bojxona qo‘mitasi ko‘rsatib o‘tilgan operatsiyalar bojxonada rasmiylashtirilishini taqiqlasin.
O‘zbekiston Respublikasi Davlat bojxona qo‘mitasiga bunday hollar aniqlangan taqdirda ko‘rsatib o‘tilgan tovarlarni belgilangan tartibda musodara qilishga ruxsat berilsin.
Keyingi tahrirga qarang.
Keyingi tahrirga qarang.
3. O‘zbekiston Respublikasi Makroiqtisodiyot va statistika vazirligi, Davlat bojxona qo‘mitasi, Moliya vazirligi, Tashqi iqtisodiy aloqalar vazirligi bir oy muddatda O‘zbekistonning bojxona chegarasi orqali olib kelinadigan iste’mol tovarlari ro‘yxatini ishlab chiqsinlar va tasdiqlasinlar, bunda texnologiya ehtiyojlari uchun tovarlar va yarim tayyor mahsulotlar istisno qilinsin.
4. “Otchopar buyum bozori”, “Karvon bozor”, “Chorsu” bozori kabi buyum bozorlarida jismoniy shaxslar tomonidan sotiladigan barcha import iste’mol tovarlariga respublikaning bojxona chegarasi orqali o‘tishda ular ro‘yxatdan o‘tkazilganligini tasdiqlovchi hujjatlar — guvohnoma taqdim etilishi tartibi belgilansin.
Yuqorida ko‘rsatib o‘tilgan hujjatlar mavjud bo‘lmagan taqdirda import iste’mol tovarlari belgilangan tartibda olib qo‘yiladi.
Keyingi tahrirga qarang.
5. O‘zbekiston Respublikasi Adliya vazirligi Moliya vazirligi, Davlat bojxona qo‘mitasi, Davlat soliq qo‘mitasi bilan birgalikda bir oy muddatda Vazirlar Mahkamasiga xorijiy tajribadan kelib chiqqan holda import iste’mol tovarlarini bojxona chegarasi orqali olib o‘tishning amaldagi mexanizmini takomillashtirish yuzasidan takliflar kiritsin.
Shu bilan birgalikda iste’mol tovarlarini olib o‘tish va bojxonada rasmiylashtirishning belgilangan normalari va tartibi buzilishiga yo‘l qo‘yayotgan yuridik va jismoniy shaxslarning mas’uliyati darajasi oshirilsin.
6. O‘zbekiston Respublikasi Adliya vazirligi manfaatdor vazirliklar va idoralar bilan birgalikda bir oy muddatda Vazirlar Mahkamasiga qonun hujjatlari va normativ-huquqiy hujjatlarga mazkur qarordan kelib chiquvchi o‘zgartirish va qo‘shimchalar to‘g‘risida takliflar kiritsin.
7. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S. Azimov zimmasiga yuklansin.