Oʻzbekiston Respublikasi Prezidentining “Oʻzbekiston Respublikasi Adliya vazirligi faoliyatini yanada takomillashtirish chora-tadbirlari toʻgʻrisida” 2011-yil 23-avgustdagi PQ-1602-son qarorini bajarish yuzasidan Vazirlar Mahkamasi qaror qiladi:

1. Oʻzbekiston Respublikasi Hukumatining 1-ilovaga muvofiq ayrim qarorlariga oʻzgartirish va qoʻshimchalar kiritilsin.

2. Oʻzbekiston Respublikasi Hukumatining 2-ilovaga muvofiq baʼzi qarorlari oʻz kuchini yoʻqotgan deb hisoblansin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S.Azimov zimmasiga yuklansin.

1. Vazirlar Mahkamasining “Oʻzbekiston Respublikasi Adliya vazirligi apparati tuzilmasini takomillashtirishning baʼzi masalalari toʻgʻrisida” 1994-yil 13-maydagi 257-son qarorida:

a) 1-band oʻz kuchini yoʻqotgan deb hisoblansin;

b) 2-banddagi “va uning uchun qoʻshimcha ravishda besh nafar xodim ajratilsin” soʻzlari chiqarib tashlansin.

2. Vazirlar Mahkamasining “Vazirliklar, davlat qoʻmitalari va idoralar meʼyoriy hujjatlarining qonuniyligini taʼminlash chora-tadbirlari toʻgʻrisida” 1997-yil 9-oktabrdagi 469-son qarorida:

a) 4-bandda:

birinchi xatboshidagi “ikki boʻlimdan iborat” soʻzlari chiqarib tashlansin;

ikkinchi xatboshi chiqarib tashlansin;

b) Vazirliklar, davlat qoʻmitalari va idoralar meʼyoriy hujjatlarini huquqiy ekspertizadan va davlat roʻyxatidan oʻtkazish toʻgʻrisidagi Nizomda:

5-band quyidagi tahrirda bayon qilinsin:

“5. Normativ hujjatlar Oʻzbekiston Respublikasi Konstitutsiyasiga, qonunchilikka, mamlakatda oʻtkazilayotgan islohotlar maqsadlari va vazifalariga, shuningdek qonunchilik texnikasi qoidalariga muvofiq boʻlishi kerak.

Normativ hujjatlarga:

korrupsiyaning yuzaga kelishi, davlat hokimiyati va boshqaruvi tizimida boshqa huquq buzilishlarining sodir etilishi uchun shart-sharoitlar yaratuvchi;

tadbirkorlik subyektlari uchun ortiqcha maʼmuriy va boshqa cheklashlarni kirituvchi va tadbirkorlik subyektlarining asoslanmagan xarajatlari yuzaga kelishiga olib keluvchi qoidalar va normalar kiritilishi taqiqlanadi.

Normativ hujjatlar Idoraviy normativ hujjatlarni tayyorlash va qabul qilish qoidalari talablariga muvofiq tayyorlanishi va qabul qilinishi kerak”;

6-bandda:

birinchi xatboshi quyidagi tahrirda bayon qilinsin:

“6. Vazirliklar, davlat qoʻmitalari va idoralar oʻz vakolatlari doirasida normativ hujjatlarni buyruqlar va qarorlar shaklida qabul qiladilar. Nizomlar, qoidalar va yoʻriqnomalar shaklida qabul qilinadigan normativ hujjatlar buyruqlar yoki qarorlar bilan tasdiqlanadi”;

toʻrtinchi xatboshidagi “Oʻzbekiston Respublikasi Oliy Majlisining” hamda “farmonlari va farmoyishlari” soʻzlari tegishli ravishda “Oʻzbekiston Respublikasi Oliy Majlisi palatalarining” hamda “farmonlari, qarorlari va farmoyishlari” soʻzlari bilan almashtirilsin;

7-banddagi “Oʻzbekiston Respublikasi Oliy Majlisining” va “Farmonini” soʻzlari tegishli ravishda “Oʻzbekiston Respublikasi Oliy Majlisi palatalarining” va “farmonini, qarorini yoki farmoyishini” soʻzlari bilan almashtirilsin;

8-bandning sakkizinchi xatboshidagi “grafiklar” soʻzidan keyin “formulalar, metodikalar” soʻzlari qoʻshilsin;

16-bandning uchinchi xatboshidagi “Oʻzbekiston Respublikasi Oliy Majlisining” hamda “farmonlari va farmoyishlari” soʻzlari tegishli ravishda “Oʻzbekiston Respublikasi Oliy Majlisi palatalarining” hamda “farmonlari, qarorlari va farmoyishlari” soʻzlari bilan almashtirilsin.

3. Vazirlar Mahkamasining “Oʻzbekiston Respublikasi Prezidentining “Xoʻjalik yurituvchi subyektlarning iqtisodiy nochorligi va shartnoma majburiyatlarining bajarilishi uchun mansabdor shaxslarning javobgarligini kuchaytirish toʻgʻrisida” 1998-yil 4-martdagi PF–1938-son Farmonining bajarilishini taʼminlash chora-tadbirlari toʻgʻrisida” 1998-yil 24-apreldagi 177-son qarorida (Oʻzbekiston Respublikasi QT, 1998-y., 4-son, 17-modda):

a) 6-bandning birinchi xatboshi quyidagi tahrirda bayon qilinsin:

“6. Shtatda belgilangan xodimlar soni doirasida Oʻzbekiston Respublikasi Adliya vazirligi markaziy apparatida Shartnomaviy-huquqiy ishlarni nazorat qilish boshqarmasi hamda Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari tuzilmasida – tegishli boʻlimlar tashkil etilsin”;

b) 7-bandning uchinchi xatboshidagi “hokimliklarining” soʻzi chiqarib tashlansin;

v) 2 va 3-ilovalar oʻz kuchini yoʻqotgan deb hisoblansin.

4. Vazirlar Mahkamasining “Kichik va xususiy tadbirkorlikni rivojlantirishni ragʻbatlantirish boʻyicha respublika muvofiqlashtiruvchi kengashi faoliyatini faollashtirish toʻgʻrisida” 2000-yil 17-fevraldagi 57-son qarorida:

a) 6-band quyidagi tahrirda bayon qilinsin:

“6. Adliya vazirligi tuzilmasida Tadbirkorlar huquqlarini himoya qilish boshqarmasi, Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalarida esa — tegishli boʻlimlar tashkil etilsin”;

b) 7-band va qarorga 2-ilova oʻz kuchini yoʻqotgan deb hisoblansin.

5. Vazirlar Mahkamasining “Toʻgʻridan-toʻgʻri xorijiy investitsiyalarni huquqiy himoya qilishni kuchaytirishga doir qoʻshimcha chora-tadbirlar toʻgʻrisida” 2003-yil 2-maydagi 205-son qarorida:

a) 1-band quyidagi tahrirda bayon qilinsin:

“1. Oʻzbekiston Respublikasi Adliya vazirligiga xorijiy investorlarning va xorijiy investitsiyalar ishtirokidagi korxonalarning huquqiy himoya qilinishini taʼminlash vazifasi yuklansin.

Belgilab qoʻyilsinki, Oʻzbekiston Respublikasi Adliya vazirligining xorijiy investorlarning va xorijiy investitsiyalar ishtirokidagi korxonalarning huquqlarini himoya qilishni taʼminlashga doir qarorlari vazirliklar, idoralar, xoʻjalik birlashmalari, viloyatlar, shaharlar va tumanlar hokimliklari uchun majburiy hisoblanadi”;

b) 2-bandning birinchi xatboshi quyidagi tahrirda bayon qilinsin:

“2. Oʻzbekiston Respublikasi Adliya vazirligi tuzilmasida Xorijiy investitsiyalar va xorijiy investitsiyalar ishtirokidagi korxonalarni huquqiy himoya qilish boshqarmasi, Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalarida esa – tegishli boʻlimlar tashkil etilsin”;

v) ilova oʻz kuchini yoʻqotgan deb hisoblansin.

6. Vazirlar Mahkamasining 2005-yil 14-fevraldagi 62-son qarori (Oʻzbekiston Respublikasi QT, 2005-y., 2-son, 8-modda) bilan tasdiqlangan Vazirlar Mahkamasi Reglamentining 28-bandida:

a) birinchi xatboshidagi “Adliya vazirligi normativ-huquqiy hujjat loyihasiga uning qonun hujjatlariga muvofiqligi, tegishli munosabatlarni huquqiy tartibga solishda ichki qarama-qarshiliklar va nuqsonlar yoʻqligi, shuningdek yuridik texnika qoidalariga rioya qilinganligi yuzasidan baho beradi” soʻzlari chiqarib tashlansin;

b) quyidagi mazmundagi ikkinchi, uchinchi va toʻrtinchi xatboshilar qoʻshilsin:

“Oʻzbekiston Respublikasi Adliya vazirligi:

normativ-huquqiy hujjatlar loyihalarini ularning Oʻzbekiston Respublikasi Konstitutsiyasiga, qonunchilikka, shuningdek qonunchilik texnikasi qoidalariga muvofiqligini aniqlash yuzasidan ekspertizadan oʻtkazadi;

qonunlar loyihalarini ularning mamlakatda oʻtkazilayotgan islohotlar maqsadlari va vazifalariga muvofiqligi, ularda korrupsiyaning yuzaga kelishi, davlat hokimiyati va boshqaruvi tizimida boshqa huquq buzilishlarining sodir etilishi uchun shart-sharoitlar yaratuvchi, shuningdek tadbirkorlik subyektlari uchun ortiqcha maʼmuriy va boshqa cheklashlarni kirituvchi hamda tadbirkorlik subyektlarining asoslanmagan xarajatlari yuzaga kelishiga olib keluvchi qoidalar va normalarni aniqlash yuzasidan tahlil qiladi”;

v) ikkinchi xatboshi beshinchi xatboshi deb hisoblansin;

g) beshinchi xatboshidagi “katta hajmli va murakkab hujjatlar loyihalari uchun” soʻzlari chiqarib tashlansin.

7. Vazirlar Mahkamasining 2006-yil 10-fevraldagi 21-son qarori (Oʻzbekiston Respublikasi QT, 2006-y, 2-son, 9-modda) bilan tasdiqlangan Oʻzbekiston Respublikasi taʼlim muassasalarini akkreditatsiyadan oʻtkazish tartibi toʻgʻrisidagi Nizomning 41-bandida:

a) quyidagi mazmundagi uchinchi jumla qoʻshilsin:

“Huquqshunos kadrlarni tayyorlash, qayta tayyorlash va ularning malakasini oshirishni amalga oshiruvchi taʼlim muassasalarini akkreditatsiyadan oʻtkazishda Akkreditatsiya komissiyasi tarkibiga Oʻzbekiston Respublikasi Adliya vazirligi masʼul xodimi jalb etiladi”;

b) uchinchi jumla toʻrtinchi jumla deb hisoblansin.

8. Vazirlar Mahkamasining 2007-yil 24-avgustdagi 182-son qarori (Oʻzbekiston Respublikasi QT, 2007-y, 8-son, 51-modda) bilan tasdiqlangan Davlat boshqaruvi organlari va mahalliy davlat hokimiyati organlarining yuridik xizmati toʻgʻrisidagi Nizomning 5-bandi quyidagi tahrirda bayon qilinsin:

“5. Viloyatlar va Toshkent shahar hokimliklari yuridik xizmati xodimlari lavozimga Oʻzbekiston Respublikasi Adliya vazirligi bilan kelishilgan holda tayinlanadilar hamda tegishli hokimga va Oʻzbekiston Respublikasi Adliya vazirligiga hisob beradilar.

Tumanlar va shaharlar hokimliklari yuridik xizmati xodimlari lavozimga Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari bilan kelishilgan holda tayinlanadilar hamda tegishli hokimga va hududiy adliya organiga hisob beradilar”.

9. Vazirlar Mahkamasining 2011-yil 29-martdagi 93-son qarori bilan tasdiqlangan Oʻzbekiston Respublikasi adliya organlari va muassasalari xodimlarining martaba darajalari toʻgʻrisidagi Nizom 4-bandining beshinchi xatboshiga “Qonunchilik bosh boshqarmasi boshligʻiga” soʻzlaridan keyin “Qonunchilikka rioya etilishi ustidan nazorat qilish bosh boshqarmasi boshligʻining oʻrinbosariga” soʻzlari qoʻshilsin.

10. Vazirlar Mahkamasining “Qonunlar va boshqa normativ-huquqiy hujjatlar loyihalarini ishlab chiqish va Oʻzbekiston Respublikasi Oliy Majlisining Qonunchilik palatasiga kiritish dasturlarini tayyorlash hamda qabul qilish, shuningdek ular bajarilishi monitoringi tartibi toʻgʻrisidagi Nizomni tasdiqlash haqida” 2011-yil 5-avgustdagi 227-son qarorida:

a) qarorning nomi quyidagi tahrirda bayon qilinsin:

“Qonunlar va boshqa normativ-huquqiy hujjatlar loyihalarini ishlab chiqish va Oʻzbekiston Respublikasi Oliy Majlisining Qonunchilik palatasiga kiritish boʻyicha dasturlarini tayyorlash va qabul qilish, shuningdek ularning bajarilishi monitoringi tartibi toʻgʻrisidagi nizomni tasdiqlash haqida”;

b) 1-band quyidagi tahrirda bayon qilinsin:

“1. Qonunlar va boshqa normativ-huquqiy hujjatlar loyihalarini ishlab chiqish va Oʻzbekiston Respublikasi Oliy Majlisining Qonunchilik palatasiga kiritish boʻyicha dasturlarini (keyingi oʻrinlarda qonun loyihalariga doir ishlar dasturlari deb ataladi) tayyorlash va qabul qilish, shuningdek ularning bajarilishi monitoringi tartibi toʻgʻrisidagi Nizom 1-ilovaga muvofiq tasdiqlansin”;

v) Qonunlar va boshqa normativ-huquqiy hujjatlar loyihalarini ishlab chiqish va Oʻzbekiston Respublikasi Oliy Majlisining Qonunchilik palatasiga kiritish dasturlarini tayyorlash hamda qabul qilish, shuningdek ularning bajarilishi monitoringi tartibi toʻgʻrisidagi Nizomda:

Nizomning nomi quyidagi tahrirda bayon qilinsin:

“Qonunlar va boshqa normativ-huquqiy hujjatlar loyihalarini ishlab chiqish va Oʻzbekiston Respublikasi Oliy Majlisining Qonunchilik palatasiga kiritish boʻyicha dasturlarini tayyorlash va qabul qilish, shuningdek ularning bajarilishi monitoringi tartibi toʻgʻrisida Nizom”;

1-band quyidagi tahrirda bayon qilinsin:

“1. Ushbu Nizom qonunlar va boshqa normativ-huquqiy hujjatlar loyihalarini ishlab chiqish va Oʻzbekiston Respublikasi Oliy Majlisining Qonunchilik palatasiga kiritish boʻyicha dasturlarini (keyingi oʻrinlarda qonun loyihalariga doir ishlar dasturlari deb ataladi) tayyorlash va qabul qilish, shuningdek ularning bajarilishi monitoringi tartibini belgilaydi”.

1. Vazirlar Mahkamasining “Oʻzbekiston Respublikasi Adliya vazirligi faoliyatini takomillashtirish masalalari toʻgʻrisida” 1992-yil 12-noyabrdagi 523-son qarorining (Oʻzbekiston Respublikasi QT, 1992-y., 11-son, 32-modda) 1 va 3-bandlari.

2. Vazirlar Mahkamasining “Oʻzbekiston Respublikasi Adliya organlari va sudlari faoliyatini tashkil etish masalalari toʻgʻrisida” 1994-yil 19-yanvardagi 18-son qarorining 1-bandi.

3. Vazirlar Mahkamasining “Oʻzbekiston Respublikasi Adliya vazirligi Markaziy apparati tarkibida iqtisodiy islohotlar boʻyicha qonunchilik va normativ hujjatlar loyihalarini tayyorlash va huquqiy ekspertiza qilish boshqarmasini tashkil etish toʻgʻrisida” 1994-yil 24-yanvardagi 27-son qarori.

4. Vazirlar Mahkamasining “Oʻzbekiston Respublikasi Adliya vazirligi faoliyatini takomillashtirish va uning apparati tuzilmasidagi oʻzgartirishlar toʻgʻrisida” 1995-yil 27-apreldagi 152-son qarori (Oʻzbekiston Respublikasi QT, 1995-y., 4-son, 16-modda).

5. Vazirlar Mahkamasining “Oʻzbekiston Respublikasi Adliya vazirligi tizimida Fuqarolarning qonunchilikning buzilishi yuzasidan shikoyat va arizalarini koʻrib chiqish boshqarmasini tuzish toʻgʻrisida” 1997-yil 10-iyuldagi 345-son qarori.

6. Vazirlar Mahkamasining “Oʻzbekiston Respublikasi Adliya vazirligining huquqiy maʼrifat sohasidagi faoliyatini tartibga solish chora-tadbirlari toʻgʻrisida” 2003-yil 21-noyabrdagi 528-son qarori.

7. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida” 2004-yil 17-yanvardagi 28-son qaroriga ilovaning (Oʻzbekiston Respublikasi QT, 2004-y., 1-son, 5-modda) 40-bandi.

8. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2004-yil 29-apreldagi 203-son qaroriga ilovaning (Oʻzbekiston Respublikasi QT, 2004-y., 4-son, 43-modda) 8-bandi.

9. Vazirlar Mahkamasining “Oʻzbekiston Respublikasi Adliya vazirligi toʻgʻrisidagi Nizomga qoʻshimchalar kiritish haqida” 2004-yil 20-iyuldagi 343-son qarori (Oʻzbekiston Respublikasi QT, 2004-y., 7-son, 71-modda).

10. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida” 2007-yil 21-dekabrdagi 263-son qaroriga 1-ilovaning (Oʻzbekiston Respublikasi QT, 2007-y., 12-son, 72-modda) 2-bandi.

11. Vazirlar Mahkamasining “Hakamlik sudlari hisobini yuritish tartibi toʻgʻrisidagi Nizomni tasdiqlash haqida” 2008-yil 30-oktabrdagi 235-son qaroriga 2-ilovaning (Oʻzbekiston Respublikasi QT, 2008-y., 10-son, 59-modda) 1-bandi.

12. Vazirlar Mahkamasining “Oʻzbekiston Respublikasi Prezidentining “Oʻzbekiston Respublikasida notariat institutini yanada takomillashtirish choralari toʻgʻrisida” 2010-yil 5-maydagi PF-4216-son Farmonini amalga oshirish chora-tadbirlari haqida” 2010-yil 2-iyundagi 104-son qaroriga 3-ilovaning (Oʻzbekiston Respublikasi QT, 2010-y., 6-son, 25-modda) 5-bandi.

13. Vazirlar Mahkamasining “Oʻzbekiston Respublikasi Hukumatining vazirliklar, davlat qoʻmitalari va idoralar toʻgʻrisidagi nizomlarni tasdiqlash boʻyicha qarorlariga oʻzgartirish va qoʻshimchalar kiritish haqida” 2010-yil 5-iyundagi 108-son qaroriga ilovaning (Oʻzbekiston Respublikasi QT, 2010-y., 6-son, 27-modda) 27-bandi.

14. Vazirlar Mahkamasining “Oʻzbekiston Respublikasi Adliya vazirligi huzuridagi Sud ekspertizasi muammolari boʻyicha kengash faoliyatini tashkil etish toʻgʻrisida” 2010-yil 15-dekabrdagi 299-son qaroriga 3-ilovaning (Oʻzbekiston Respublikasi QT, 2010-y., 12-son, 67-modda) 2-bandi.

15. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasining “Adliya organlari va muassasalari faoliyati takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida” 2010-yil 14-sentabrdagi OʻRQ–255-sonli Qonuni) 2011-yil 23-fevraldagi 46-son qaroriga ilovaning (Oʻzbekiston Respublikasi QT, 2011-y., 2-son, 14-modda) 2-bandi.

16. Vazirlar Mahkamasining “Adliya organlarida maxsus “ishonch telefoni” tashkil etish toʻgʻrisida” 2011-yil 19-martdagi 80-son qarorining 7-bandi (Oʻzbekiston Respublikasi QT, 2011-y., 3-son, 18-modda).