LexUZ sharhi
Mazkur qaror O‘zbekiston Respublikasi Vazirlar Mahkamasining 2020-yil 3-iyundagi 348-sonli “O‘zbekiston Respublikasi Hukumatining ayrim qarorlariga o‘zgartirishlar va qo‘shimchalar kiritish, shuningdek, ba’zilarini o‘z kuchini yo‘qotgan deb hisoblash to‘g‘risida”gi qaroriga asosan o‘z kuchini yo‘qotgan.
“Elektr energetikasi to‘g‘risida” O‘zbekiston Respublikasining 2009-yil 30-sentabrdagi O‘RQ-225-son Qonunini amalga oshirish maqsadida Vazirlar Mahkamasi qaror qiladi:
“O‘zbekenergo” davlat-aksiyadorlik kompaniyasi elektr energetikasi sohasidagi maxsus vakolatli organ;
Elektr energetikada nazorat inspeksiyasi (“O‘zenergoinspeksiya”) elektr energetikasi sohasidagi davlat nazorati organi etib belgilansin.
(1-bandning uchinchi xatboshisi O‘zbekiston Respublikasi Vazirlar Mahkamasining 2019-yil 24-iyundagi 520-sonli qarori tahririda — Qonun hujjatlari ma’lumotlari milliy bazasi, 25.06.2019-y., 09/19/520/3332-son)
2. “O‘zbekenergo” davlat-aksiyadorlik kompaniyasi yagona elektr energetika tizimining xavfsiz va ishonchli faoliyat ko‘rsatishini, iste’molchilarning elektr energiyasiga bo‘lgan ehtiyoji qondirilishini hamda “Elektr energetikasi to‘g‘risida”gi O‘zbekiston Respublikasi Qonunida nazarda tutilgan boshqa vazifalar va vakolatlar samarali amalga oshirilishini ta’minlasin.
3. “O‘zenergoinspeksiya” hududiy bo‘linmalar bilan birgalikda o‘z vakolatlari doirasida elektr energiyasini ishlab chiqarishda, uzatishda va iste’mol qilishda xavfsizlikni ta’minlash chora-tadbirlari amalga oshirilishi, yoqilg‘i-energetika resurslaridan samarali foydalanilishi, shuningdek “Elektr energetikasi to‘g‘risida”gi O‘zbekiston Respublikasi Qonuni normalari va talablariga og‘ishmay rioya etilishi ustidan ta’sirchan nazoratni ta’minlasin.
(3-band O‘zbekiston Respublikasi Vazirlar Mahkamasining 2019-yil 24-iyundagi 520-sonli qarori tahririda — Qonun hujjatlari ma’lumotlari milliy bazasi, 25.06.2019-y., 09/19/520/3332-son)
4. Belgilab qo‘yilsinki, “O‘zbekenergo” davlat-aksiyadorlik kompaniyasi hamda “O‘zenergoinspeksiya” rahbarlari “Elektr energetikasi to‘g‘risida”gi O‘zbekiston Respublikasi Qonuniga muvofiq vakolatli organlarga yuklangan vazifalar va funksiyalar samarali bajarilishi uchun shaxsan javob beradilar.
(4-band O‘zbekiston Respublikasi Vazirlar Mahkamasining 2019-yil 24-iyundagi 520-sonli qarori tahririda — Qonun hujjatlari ma’lumotlari milliy bazasi, 25.06.2019-y., 09/19/520/3332-son)
5. O‘zbekiston Respublikasi Hukumatining ilovaga muvofiq ayrim qarorlariga o‘zgartirish va qo‘shimchalar kiritilsin.
6. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari E.R. Shaismatov zimmasiga yuklansin.
O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar
Oldingi tahrirga qarang.
(1-band O‘zbekiston Respublikasi Vazirlar Mahkamasining 2020-yil 18-martdagi 170-son qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 19.03.2020-y., 09/20/170/0336-son)
Oldingi tahrirga qarang.
(2-band O‘zbekiston Respublikasi Vazirlar Mahkamasining 2019-yil 24-iyundagi 520-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 25.06.2019-y., 09/19/520/3332-son)
3. Vazirlar Mahkamasining “O‘zbekenergo” davlat-aksiyadorlik kompaniyasi faoliyatini tashkil etishni takomillashtirish to‘g‘risida” 2004-yil 21-iyundagi 290-son qarori 2-bandining birinchi xatboshi quyidagi tahrirda bayon qilinsin:
“O‘zbekenergo” davlat-aksiyadorlik kompaniyasi energetika tizimini rivojlantirish va isloh qilishning qabul qilingan bosh dasturiga muvofiq energetika tarmog‘i korxonalarini monopoliyadan chiqarish, xususiylashtirish va aksiyalashtirish jarayonlarini yanada rivojlantirish, tarmoqning energiya ishlab chiqarishni (IES, GES, IEM), uni uzatishni (magistral elektr tarmoqlari), uni taqsimlashni va sotishni ta’minlovchi (hududiy elektr tarmoqlari) yagona elektr energetika tizimi korxonalari funksiyalarini aniq belgilash, ularning o‘zaro bog‘liq, mutanosib va o‘zaro hamkorligi bo‘yicha ishlarni izchil amalga oshirsin”.
4. Vazirlar Mahkamasining “Elektr energiyasidan foydalanganlik uchun hisob-kitob qilish mexanizmini tubdan takomillashtirish chora-tadbirlari to‘g‘risida” 2004-yil 1-noyabrdagi 511-son qaroriga 2-ilovaning 23-bandi (O‘zbekiston Respublikasi QT, 2004-y., 11-son, 103-modda) quyidagi tahrirda bayon qilinsin:
“23. Hisobga olish va yetkazib berilgan elektr energiyasi hajmi bo‘yicha hisobotlarning ishonchliligi, shuningdek yuqorida ko‘rsatib o‘tilgan hujjatlarning to‘g‘ri rasmiylashtirilishi uchun javobgarlik hududiy elektr tarmoqlari korxonalarining va ularning elektr bilan ta’minlovchi korxonalari rahbarlari, bosh buxgaltyerlari hamda boshqa mansabdor va moddiy javobgar shaxslari zimmasiga yuklanadi”.