|
Ҳужжат кучини йўқотган " " 22.02.2021
|
Ўзбекистон Республикаси Вазирлар Маҳкамасининг
қарори
«ЎЗБЕКИСТОН ТЕМИР ЙЎЛЛАРИ» ДАВЛАТ-АКЦИЯДОРЛИК КОМПАНИЯСИНИНГ БОШҚАРИШ ТУЗИЛМАСИНИ ЯНАДА ТАКОМИЛЛАШТИРИШ ТЎҒРИСИДА
LexUZ шарҳиМазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Темир йўл транспортини ташкил этиш тизимини янада такомиллаштириш, уни бошқаришда функционал ва ҳудудий ёндашувларнинг янада мустаҳкам ўзаро боғлиқлигини таъминлаш, юк ташишларни бошқариш тизимини марказлаштиришдан чиқариш даражасини ошириш, шунингдек темир йўл транспорти техника воситаларини сақлаш ва уларга хизмат кўрсатиш тизимини яхшилаш мақсадида Вазирлар Маҳкамаси қарор қилади:
1. «Ўзбекистон темир йўллари» давлат-акциядорлик компаниясининг тугатилаётган «Ўзтемирйўлюктранс» юк ташиш бошқармаси ҳамда унинг минтақавий марказлари, шунингдек компаниянинг таркибий бўлинмаларидан берилаётган йўл, электр таъминоти, сигнализация ва алоқа участкалари, шунингдек Тошкент, Қўқон, Бухоро, Қарши функционал-фойдаланиш вагон деполари негизида минтақавий (Тошкент, Қўқон, Бухоро, Қўнғирот, Қарши-Термиз) темир йўл узеллари ташкил этиш тўғрисидаги таклифи қабул қилинсин.
2. Қуйидагилар ташкил этилаётган минтақавий темир йўл узелларининг асосий вазифалари этиб белгилансин:
ташувлар минтақавий бозори конъюнктурасини ўрганиш, уларнинг инфратузилмасини шакллантириш, шунингдек темир йўл тармоқларини ривожлантириш чора-тадбирларини амалга ошириш;
темир йўл транспортининг хизмат кўрсатиладиган ҳудуд доирасида барқарор ва хавфсиз ишлашини таъминлаш, фойдаланувчиларга кенг кўламда темир йўл хизматлари кўрсатиш,
жойлардаги давлат ҳокимияти ва бошқарув органлари билан биргаликда темир йўл транспорти бўлинмаларининг моддий-техника базасини мустаҳкамлашга доир чора-тадбирлар комплексини амалга ошириш;
хизмат кўрсатиладиган ҳудуддаги темир йўллар тармоқларининг барқарор ишлашини ҳамда ташувларни ўтказиш қувватини ошириш чора-тадбирларини ишлаб чиқиш ва амалга ошириш,
Ўзбекистон Республикаси чегаралари орқали юк ва йўловчи ташишларни амалга оширишда жойлардаги божхона ва солиқ органлари, чегара хизмати билан аниқ, мувофиқлаштирилган ҳолда ўзаро ҳамкорликни таъминлаш.
Олдинги таҳрирга қаранг.
(3-банд Ўзбекистон Республикаси Вазирлар Маҳкамасининг 2004 йил 3 августдаги 366-сон қарори билан ўз кучини йўқотган — Ўзбекистон Республикаси Қонун ҳужжатлари тўплами, 2004 й., 31-сон, 353-модда)
4. Белгилаб қўйилсинки:
ташкил этилаётган минтақавий темир йўл узеллари «Ўзбекистон темир йўллари» давлат-акциядорлик компаниясининг юридик шахс мақомига эга бўлган шуъба корхоналари ҳисобланади;
минтақавий темир йўл узеллари фаолиятини маблағ билан таъминлаш хўжалик фаолияти даромадлари, шунингдек Компания кенгаши томонидан белгиланадиган тартибда «Ўзбекистон темир йўллари» давлат-акциядорлик компаниясининг ташиш жараёни даромадлари ҳисобига амалга оширилади.
6. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари К.Н. Тўлаганов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
2002 йил 5 ноябрь,
378-сон
Олдинги таҳрирга қаранг.
(1-илова Ўзбекистон Республикаси Вазирлар Маҳкамасининг 2004 йил 3 августдаги 366-сон қарори билан ўз кучини йўқотган — Ўзбекистон Республикаси Қонун ҳужжатлари тўплами, 2004 й., 31-сон, 353-модда)
Олдинги таҳрирга қаранг.
(2-илова Ўзбекистон Республикаси Вазирлар Маҳкамасининг 2004 йил 3 августдаги 366-сон қарори билан ўз кучини йўқотган — Ўзбекистон Республикаси Қонун ҳужжатлари тўплами, 2004 й., 31-сон, 353-модда)
Олдинги таҳрирга қаранг.
(3-илова Ўзбекистон Республикаси Вазирлар Маҳкамасининг 2004 йил 3 августдаги 366-сон қарори билан ўз кучини йўқотган — Ўзбекистон Республикаси Қонун ҳужжатлари тўплами, 2004 й., 31-сон, 353-модда)
