|
Ҳужжат кучини йўқотган " " 22.02.2021
|
Ўзбекистон Республикаси Вазирлар Маҳкамасининг
қарори
«ЎЗИСТИҚБОЛСТАТ» ДАВЛАТ ҚЎМИТАСИ МАРКАЗИЙ АППАРАТИ ТУЗИЛМАСИДА МАХСУС БЎЛИНМА ТАШКИЛ ЭТИШ ТЎҒРИСИДА
LexUZ шарҳиМазкур қарор Ўзбекистан Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Ўзбекистон Республикаси Мудофаа вазирлиги, Ички ишлар вазирлиги ва Миллий хавфсизлик хизматининг моддий-техника ресурсларига бўлган эҳтиёжини таъминлаш ишларини тартибга солиш мақсадида Вазирлар Маҳкамаси қарор қилади:
1. «Ўзистиқболстат» давлат қўмитаси марказий аппарати тузилмасида махсус бўлинма ташкил этилсин, унга қуйидаги функцияларни амалга ошириш юклансин:
мамлакат мудофааси ва миллий хавфсизлиги эҳтиёжлари учун ҳарбий-техник анжомлар, жиҳозлар ва озиқ-овқат харид қилиш бўйича давлат буюртмаларини шакллантириш;
Ўзбекистон Республикаси Қуролли Кучларини, чегара ва ички қўшинларни, бошқа қўшин ташкилотларини озиқ-овқат ва жиҳозлар билан таъминлаш нормативларини ишлаб чиқиш ва уларни такомиллаштириш;
мудофаа учун зарур бўлган маҳсулотлар экспорти ва импорти юзасидан таклифларни асослаш.
2. «Ўзистиқболстат» давлат қўмитаси марказий аппарати ходимлари сони тегишли иш ҳақи фонди билан 3 нафар ходимга кўпайтирилсин.
3. Ўзбекистон Республикаси Молия вазирлиги кўрсатиб ўтилган ходимлар харажатлари учун «Ўзистиқболстат» давлат қўмитасига давлат бюджетидан қўшимча маблағ ажратишни назарда тутсин.
4. Мудофаа вазирлиги, Ички ишлар вазирлиги, Миллий хавфсизлик хизмати «Ўзистиқболстат» давлат қўмитасига белгиланган тартибда зарур моддий-техника ресурсларига бўлган жорий ва истиқболдаги эҳтиёжларни тақдим этсин.
5. Мазкур қарорнинг бажарилишини назорат қилиш Бош вазирнинг ўринбосари Ў.Қ. Исмоилов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
1995 йил 10 ноябрь,
431-сон
