|
Ҳужжат кучини йўқотган " " 07.07.2020
|
Ўзбекистон Республикаси Вазирлар Маҳкамасининг
қарори
2001-2002 ЙИЛЛАРДА ХОРИЖИЙ ИНВЕСТОРЛАРНИ ЖАЛБ ЭТГАН ҲОЛДА КОРХОНАЛАРНИ ДАВЛАТ ТАСАРРУФИДАН ЧИҚАРИШ ВА ХУСУСИЙЛАШТИРИШ БЎЙИЧА КЕЛГУСИДАГИ ЧОРА-ТАДБИРЛАР ТЎҒРИСИДА
LexUZ шарҳиМазкур қарор Ўзбекистон Республикаси Вазирлар Маҳкамасининг 2020 йил 6 июлдаги 425-сонли «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Давлат мулки объектларидан самарали фойдаланиш бўйича қўшимча чора-тадбирлар тўғрисида» 2019 йил 19 февралдаги ПФ-5666-сон Фармони)» қарорига асосан ўз кучини йўқотган.
Давлат тасарруфидан чиқариш ва хусусийлаштириш жараёнларини янада чуқурлаштириш, хорижий инвесторларни объектларни хусусийлаштиришга кенг жалб этиш мақсадида Вазирлар Маҳкамаси қарор қилади:
Олдинги таҳрирга қаранг.
(1-банд Ўзбекистон Республикаси Вазирлар Маҳкамасининг 2006 йил 21 июлдаги 145-сонли қарорига мувофиқ ўз кучини йўқотган — ЎР ҚҲТ, 2006 й., 30-сон, 292-модда)
2. Белгилаб қўйилсинки:
1-2-иловаларда кўрсатилган корхоналарнинг хусусийлаштириладиган мулки (акциялар пакетлари) қиймати эркин алмаштириладиган валютада белгиланади;
хорижий компанияларнинг — баҳолаш, аудиторлик, консалтинг ва молия агентларининг хизматларига ҳақ тўлаш Ўзбекистон Республикаси Давлат мулки қўмитаси томонидан, Жаҳон банкининг институционал қайта ўзгартиришларни амалга ошириш учун берадиган қарзи бўйича тушадиган маблағлар ҳисобига, шунингдек Давлат мулкини хусусийлаштиришдан тушадиган маблағлар жамғармаси ҳисобига амалга оширилади;
(2-банднинг учинчи хатбошиси Ўзбекистон Республикаси Вазирлар Маҳкамасининг 2015 йил 30 июндаги 173-сонли қарори таҳририда — ЎР ҚҲТ, 2015 й., 26-сон, 340-модда)
баҳолаш компанияларининг — Ўзбекистон Республикаси резидентларининг хизматларига ҳақ тўлаш Давлат мулкини хусусийлаштиришдан тушадиган маблағлар жамғармаси ҳисобига амалга оширилади;
(2-банднинг тўртинчи хатбошиси Ўзбекистон Республикаси Вазирлар Маҳкамасининг 2015 йил 30 июндаги 173-сонли қарори таҳририда — ЎР ҚҲТ, 2015 й., 26-сон, 340-модда)
(2-банднинг учинчи ва тўртинчи хатбошилари Ўзбекистон Республикаси Вазирлар Маҳкамасининг 2003 йил 14 ноябрдаги 512-сонли қарори таҳририда — ЎР ҚҲТ, 2003 й., 21-сон, 219-модда; )
LexUZ шарҳи2-банднинг учинчи ва тўртинчи хатбошиларига Ўзбекистон Республикаси Президентининг 2006 йил 10 июлдаги ПҚ-407-сонли «2006—2008 йилларда давлат тасарруфидан чиқариш ва хусусийлаштириш жараёнларини чуқурлаштириш тўғрисида»гиқарорига мувофиқ ўзгартиришлар киритилган.
Мазкур хатбошиларнинг рус тилидаги матнига қаранг.
Мазкур хатбошиларнинг рус тилидаги матнига қаранг.
акциядорлик жамиятларининг устав фондини кўпайтиришга инвестицияларни, шу жумладан хорижий инвестицияларни жалб этишда давлат улуши камайтирилишига йўл қўйилади, акцияларининг давлат пакети миқдори Ҳукуматнинг алоҳида қарорлари билан белгиланган корхоналар бундан мустасно.
3. Ўзбекистон Республикаси норезидентларига республиканинг ваколатли банкларида очилган чет эл банкларининг «Лоро» корреспондентлик ҳисоб рақамларидаги миллий валютадаги маблағларидан:
(3-банднинг биринчи хатбошиси Ўзбекистон Республикаси Вазирлар Маҳкамасининг 2017 йил 13 ноябрдаги 912-сонли қарори таҳририда — Қонун ҳужжатлари маълумотлари миллий базаси, 15.11.2017 й., 09/17/912/0254-сон)
ҳам бирламчи, ҳам иккиламчи бозорларда мамлакатимиз эмитентларининг акцияларини сотиб олиш учун фойдаланишга рухсат берилсин;
(3-банднинг биринчи ва иккинчи хатбошилари Ўзбекистон Республикаси Вазирлар Маҳкамасининг 2003 йил 19 апрелдаги 189-сонли қарори таҳририда — ЎР ҚҲТ, 2003 й., 7-8-сон, 63-модда)
Тендер савдоларини ўтказиш бўйича Давлат комиссияси қарорига кўра давлат мулки учун ҳақ тўлашнинг аралаш шаклини амалга оширишда фойдаланишга рухсат этилсин.
4. Тендер савдоларини ўтказиш бўйича Давлат комиссиясига давлат мулкини хорижий инвесторларга сотишда Ўзбекистон Республикаси Давлат мулки қўмитасининг Вазирлар Маҳкамаси комплекслари билан келишилган таклифлари юзасидан:
хорижий инвесторлар томонидан улар сотиб олишадиган акциялар пакетлари ва объектлар учун ҳақ тўлашнинг турли шаклларини мослаштирилган ҳолда қўллаш тўғрисида;
3-иловага киритилган объектлар негизида белгиланган тартибда қўшма корхоналар ташкил этиш тўғрисида қарорлар қабул қилиш ҳуқуқи берилсин.
5. Ўзбекистон Республикаси Давлат мулки қўмитаси:
Ўзбекистон Республикаси Молия вазирлиги, Марказий банки билан биргаликда икки ҳафта муддатда Хорижий инвесторлар томонидан улар сотиб олишадиган акциялар пакетлари ва объектлар учун ҳақ тўлаш шакллари тўғрисидаги Низомни белгиланган тартибда ишлаб чиқсин ва тасдиқласин;
вазирликлар, идоралар ва хўжалик бирлашмалари билан биргаликда фонд бозорида, шу жумладан хорижий инвесторларга сотиш учун йўналтириладиган ресурсларни меҳнат жамоалари улушини ва акцияларнинг бошқа пакетларини қисқартириш ҳисобига кўпайтириш мақсадида акциядорлик жамиятлари устав фондларини 2001 йил 1 сентябргача хатловдан ўтказсин.
6. Ўзбекистон Республикаси Ҳукуматининг 6-иловага* мувофиқ қарорларига ўзгартириш ва қўшимчалар киритилсин.
*6-илова рус тилидаги матнда берилган.
7. Мазкур қарорнинг бажарилишини назорат қилиш Ўзбекистон Республикасининг Бош вазири Ў.Т. Султонов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
2001 йил 9 март,
119-сон
Олдинги таҳрирга қаранг.
(5-илова Ўзбекистон Республикаси Вазирлар Маҳкамасининг 2006 йил 21 июлдаги 145-сонли қарорига мувофиқ ўз кучини йўқотган — ЎР ҚҲТ, 2006 й., 30-сон, 292-модда)
(Ўзбекистон Республикаси қонун ҳужжатлари тўплами, 2001 й., 5-сон, 26-модда, 11-сон, 67-модда, 15-16-сон, 106-модда, 20-сон, 142-модда; 2002 й., 5-6-сон, 44-модда, 17-18-сон, 135-модда, 17-18-сон, 141-модда, 19-сон, 148-модда; 2003 й., 4-сон, 42-модда, 7-8-сон, 61-модда, 7-8-сон, 63-модда, 13-сон, 108-модда, 21-сон, 219-модда; 2004 й., 18-сон, 206-модда; 2005 й., 22-сон, 159-модда, 32-33-сон, 251-модда; 2006 й., 28-29-сон, 264-модда, 30-сон, 292-модда; 2007 й., 1-2-сон, 13-модда; 2008 й., 40-41-сон, 412-модда; 2009 й., 6-сон, 51-модда, 52-сон, 568-модда; 2011 й., 50-сон, 515-модда; 2015 й., 26-сон, 340-модда; 2016 й., 6-сон, 56-модда, 52-сон, 602-модда; 2017 й., 13-сон, 200-модда;Қонун ҳужжатлари маълумотлари миллий базаси, 15.11.2017 й., 09/17/912/0254-сон, 07.08.2019 й., 09/19/650/3532-сон)
