|
Ҳужжат кучини йўқотган " " 22.02.2021
|
Ўзбекистон ССЖ Президенти ҳузуридаги Вазирлар Маҳкамасининг
қарори
Ўзбекистон ССЖ Президенти ҳузуридаги Вазирлар Маҳкамасининг «Чакана нархларни ислоҳ қилиш тўғрисида» 1991 йил 29 мартдаги 74-сон қарорини қисман ўзгартириш ҳақида
LexUZ шарҳиМазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Гўшт ва гўшт маҳсулотларини, сут ва сут маҳсулотларини сотиш билан боғлиқ вужудга келган вазиятни эътиборга олиб ва компенсация тўловларини ҳисобга олган ҳолда аҳолининг харид қувватини назарда тутиб ҳамда ССЖИ Президентининг 1991 йил 28 мартдаги мурожаатига мувофиқ Вазирлар Маҳкамаси қарор қилади:
Олдинги таҳрирга қаранг.
(1-банд Ўзбекистон Республикаси Вазирлар Маҳкамасининг 1993 йил 19 октябрдаги 505-сонли қарорига асосан ўз кучини йўқотган.)
2. Ўзбекистон ССЖ Президенти ҳузуридаги Вазирлар Маҳкамаси, ЎзССЖ Давлат нархлар қўмитаси, ЎзССЖ Савдо вазирлиги, Ўзбекбирлашув, Қорақалпоғистон МССЖ Вазирлар Кенгаши, вилоят ижроия қўмиталари ва Тошкент шаҳар ижроия қўмитаси кўрсатиб ўтилган маҳсулотларнинг аҳолига узлуксиз сотилишини таъминласинлар.
Нархларни ошириб юбориш ҳолларига қатъий барҳам берилсин, ушбу маҳсулотларнинг нархларини ва уларни етказиб бериш тартибини бузувчиларга нисбатан қаттиқ чоралар кўрилсин.
3. ЎзССЖ Қишлоқ хўжалиги вазирлиги, Ўзбекистон мева-сабзавот ва виночилик саноати концерни, ЎзССЖ Савдо вазирлиги, Ўзбекбирлашув, Қорақалпоғистон МССЖ Вазирлар Кенгаши ва вилоят ижроия қўмиталари колхозлар, совхозлар, кооперативлар, фермер ва якка хўжаликларда чорвачилик маҳсулотлари етиштириш ва харид қилишни кўпайтиришнинг зарур чораларини кўрсинлар, моддий рағбатлантирсинлар ҳамда чорвачиликни ривожлантиришда уларни ҳар томонлама қўллаб-қувватласинлар.
4. Вазирлар Маҳкамаси, ЎзССЖ Савдо вазирлиги, Ўзбекбирлашув, Қорақалпоғистон МССЖ Вазирлар Кенгаши, вилоят ижроия қўмиталари ва Тошкент шаҳар ижроия қўмитаси гўшт-сут маҳсулотлари етказиб берувчи бошқа жумҳуриятлар билан мустаҳкам хўжалик алоқалари ўрнатсинлар ҳамда ташқи иқтисодиёт ташкилотлари билан биргаликда ушбу маҳсулотлар резервини кўпайтиришнинг қўшимча манбаларини қидириб топсинлар.
5. Ўзбекистон ССЖ Молия вазирлиги гўшт ва гўшт маҳсулотлари, сут ва сут маҳсулотлари нархларидаги тафовутни савдо ташкилотларига тўласин.
Вазирлар Маҳкамасининг Раиси И. КАРИМОВ
Тошкент ш.,
1991 йил 5 апрель,
90-сон
