|
Ҳужжат кучини йўқотган " " 22.02.2021
|
Ўзбекистон Республикаси Вазирлар Маҳкамасининг
қарори
«КЕЙС КОРПОРЕЙШН» КОМПАНИЯСИНИНГ ШУДГОРЛАШ ТРАКТОРЛАРИ ВА ҒАЛЛА ЎРИШ КОМБАЙНЛАРИНИ ХАРИД ҚИЛИШ ТЎҒРИСИДА
[Кўчирма]
LexUZ шарҳиМазкур қарор Ўзбекистан Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Ўзбекистон Республикаси қишлоқ хўжалигини жаҳон даражасидаги юқори унумли техника билан таъминлаш мақсадида Вазирлар Маҳкамаси қарор қилади:
1. «Ўзқишлоқхўжаликтаъминоттузатиш» давлат-кооператив қўмитаси 1997 йилнинг биринчи чорагида 400 та «Магнум» трактори ва 200 та «Кейс» ғалла ўриш комбайни етказиб бериш юзасидан 79,5 млн АҚШ доллари суммасига «Кейс корпорейшн» (АҚШ) корпорацияси билан контракт тузганлиги маълумот учун қабул қилинсин.
2. Белгилансинки:
контракт қийматининг 15 фоизи миқдоридаги аванс тўлови (11,9 млн АҚШ доллари) «Ўзқишлоқхўжаликтаъминоттузатиш» давлат-кооператив қўмитаси маблағлари ҳисобидан амалга оширилади;
контракт қийматининг 85 фоизи (67,6 млн АҚШ доллари) ва суғурта мукофоти АҚШнинг Эксимбанки суғурта қопламаси остида хорижий банк кредити ҳисобидан маблағ билан таъминланади;
банк кредитини ва фоизларни тўлаш «Ўзқишлоқхўжаликтаъминоттузатиш» давлат-кооператив қўмитаси даромадлари ҳисобидан амалга оширилади.
4. Белгилаб қўйилсинки, сотиб олинаётган импорт қишлоқ хўжалиги техникаси тегишли техник базаси, малакали ҳайдовчилари ва механиклари бўлган, сервис хизмати кўрсатиладиган машина-трактор парклари ташкил этилган вилоятлар ва туманларгагина ажратилади.
Ў.Т. Султонов, Қ.Ғ. Обидов машина-трактор парклари тармоғини кенгайтириш ва кўрсатиб ўтилган техникаларга сервис хизмати кўрсатилишини таъминлаш билан боғлиқ масалаларни ҳал қилсинлар.
5. Ўзбекистон Республикаси Молия вазири АҚШнинг Эксим-банки суғурта қопламаси остида мазкур контракт бўйича жалб қилинадиган кредит юзасидан Ўзбекистон Республикаси Ҳукумати кафолатини белгиланган тартибда беришга вакил қилинсин.
6. Ўзбекистон Республикаси Адлия вазирлиги Ўзбекистон Республикаси Ҳукуматининг кафолати юзасидан белгиланган тартибда юридик хулоса берсин.
7. Ўзбекистон Республикаси Ташқи иқтисодий фаолият миллий банки икки ой муддатда кредит битимини тузсин ва АҚШнинг Эксимбанки суғурта қопламаси остидаги хорижий банк маблағларининг «Ўзқишлоқхўжаликтаъминоттузатиш» давлат-кооператив қўмитасига қайта молиялаштирилишини таъминласин.
8. «Ўзқишлоқхўжаликтаъминоттузатиш» давлат-кооператив қўмитаси мазкур контракт бўйича республикага келтириладиган тракторлар ва комбайнлар учун бож пошлиналари ҳамда йиғимлар тўлашдан озод қилинсин.
9. Ўзбекистон Республикаси Ташқи ишлар вазирлиги «Ўзқишлоқхўжаликтаъминоттузатиш». давлат-кооператив қўмитасининг буюртманомаси бўйича мазкур контрактни амалга оширишга жалб қилинган «Кейс корпорейшн» компанияси ходимларига, уларни визаларни расмийлаштирганлик учун консуллик йиғимлари тўлашдан озод қилган ҳолда, белгиланган тартибда кўп марталик визалар берилишини таъминласин.
10. Мазкур қарорнинг бажарилишини назорат қилиш Ўзбекистон Республикасининг Бош вазири Ў.Т. Султонов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
1996 йил 2 декабрь,
429-сон
