Ҳужжат кучини йўқотган " " 11.03.2009

Ўзбекистон ССЖ Президенти ҳузуридаги Вазирлар Маҳкамасининг

қарори

ЎЗБЕКИСТОН ССЖ ҲУДУДИДА СОТИШДАН ОЛИНАДИГАН СОЛИҚҚА ДОИР ИМТИЁЗЛАР ТЎҒРИСИДА

LexUZ шарҳи

Мазкур қарор Ўзбекистон Республикаси Вазирлар Маҳкамасининг 2009 йил 11 мартдаги 63-сонли «Ўзбекистон Республикаси Ҳукуматининг айрим қарорларига ўзгартиришлар киритиш, шунингдек баъзиларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўзбекистон Республикаси Президентининг айрим қарорларига ўзгартиришлар киритиш тўғрисида» 2009 йил 27 февралдаги ПҚ-1062-сон қарори)» қарорига мувофиқ ўз кучини йўқотган.

Чакана нархлар оширилиши муносабати билан аҳолини ижтимоий ҳимоя қилиш мақсадида Вазирлар Маҳкамаси қарор қилади:

1. Ўзбекистон ССЖ Президенти ҳузуридаги Вазирлар Маҳкамасининг 1991 йил 4 мартдаги 47-сон қарори билан тасдиқланган сотишдан солиқ олиш ва тўлаш тартиби тўғрисида Низомнинг 18-пунктидаги «е» банди қисман ўзгартирилиб, аҳолига сотиладиган қуйидаги маҳсулотларга беш фоизли солиқ солинмасин:

нон ва нонбулка маҳсулотлари;

ёрма, шу жумладан, гуруч;

макарон маҳсулотлари;

ўсимлик мойи;

сут маҳсулотлари, шу жумладан, мол ёғи;

гўшт маҳсулотлари;

тухум;

қанд-шакар;

синтетик кир ювиш воситалари;

кир совун ва атир совун;

болаларнинг овқатланиш маҳсулотлари,

ип газламалар;

калиш;

болалар учун моллар;

3-категориядаги умумий овқатланиш корхоналарининг маҳсулотлари;

чой, туз, гугурт;

маҳаллий бинокорлик материаллари;

цемент;

пишиқ ғишт, хом ғишт;

тошқол, керамзит ва бетон блоклар;

оҳакли, цементли ва мураккаб қоришмалар;

гипс, шағал, оҳак, қум.

(1-банд Ўзбекистон ССЖ Президенти ҳузуридаги Вазирлар Маҳкамасининг 1991 йил 12 апрелдаги 96-сонли қарорига мувофиқ 14 —22 хатбоши билан тўлдирилган).

2. ЎзССЖ Савдо вазирлиги, Ўзбекбирлашув, ЎзССЖ Молия вазирлиги, Ўзбекистон ССЖ Давлат банки ушбу қарорнинг бажарилишини таъминласинлар.

Ўзбекистон ССЖ вице-Президенти Ш. МИРСАИДОВ

Тошкент ш.,

1991 йил 28 март,

72-сон