|
Ҳужжат кучини йўқотган " " 22.02.2021
|
Ўзбекистон Республикаси Вазирлар Маҳкамасининг
қарори
Камолиддин Беҳзод номидаги Миллий рассомлик ва дизайн институти ҳамда олий ва ўрта махсус, касб-ҳунар таълимини ривожлантириш марказига бинолар ажратиш тўғрисида
LexUZ шарҳиМазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Камолиддин Беҳзод номидаги Миллий рассомлик ва дизайн институти талабаларининг таълим-тарбия олишларига қулай шарт-шароитлар яратиш ҳамда Олий ва ўрта махсус, касб-ҳунар таълимини ривожлантириш маркази фаолиятини мувофиқлаштириш мақсадида Вазирлар Маҳкамаси қарор қилади:
Олдинги таҳрирга қаранг.
(1-банд Ўзбекистон Республикаси Вазирлар Маҳкамасининг 2014 йил 10 июлдаги 187-сонли қарорига асосан ўз кучини йўқотган — ЎР ҚҲТ, 2014 й., 28-сон, 345-модда)
2. Тошкент шаҳар ҳокимлиги бир ой муддатда:
Камолиддин Беҳзод номидаги Миллий рассомлик ва дизайн институти ва Олий ва ўрта махсус, касб-ҳунар таълимини ривожлантириш марказини янги биноларга кўчириш;
Камолиддин Беҳзод номидаги Миллий рассомлик ва дизайн институтининг Тошкент шаҳар, Миробод тумани, Олмачи кўчаси, 32-уйда жойлашган ўқув биносида вақтинча истиқомат қилаётган фуқароларни ҳамда ижарада турган ташкилотларни бошқа жойга кўчириш масалаларини ҳал этсин.
3. Давлат архитектура ва қурилиш қўмитаси, Олий ва ўрта махсус таълим вазирлиги ва Тошкент шаҳар ҳокимлигига биноларни капитал таъмирлаш ва реконструкция қилиш учун барча лойиҳа-смета ҳужжатларини тайёрлаш, уларни экспертизадан ўтказиш, тендер савдоларини ташкил этиш топширилсин.
4. Ўзбекистон Республикаси Молия вазирлиги:
Камолиддин Беҳзод номидаги Миллий рассомлик ва дизайн институти биносини таъмирлаш учун ишлаб чиқилган лойиҳа-смета ҳужжатларига асосан таъмирлаш ишлари харажатларини қоплаш учун зарур маблағларни 2007 йилги Давлат бюджети параметрларида ижтимоий соҳага белгиланган маблағлар доирасида ажратсин;
Олдинги таҳрирга қаранг.
(4-банднинг учинчи хатбоши Ўзбекистон Республикаси Вазирлар Маҳкамасининг 2009 йил 25 февралдаги 53-сонли қарорига мувофиқ чиқарилган)
Олий ва ўрта махсус таълим вазирлиги, Ўзбекистон Бадиий академияси билан биргаликда Олий ва ўрта махсус, касб-ҳунар таълимини ривожлантириш маркази ҳамда Камолиддин Беҳзод номидаги Миллий рассомлик ва дизайн институтининг 2007 йилги харажатлар сметасига тегишли ўзгартиришлар киритилишини таъминласин.
5. Ўзбекистон алоқа ва ахборотлаштириш агентлиги амалда фойдаланиб келаётган барча телефон ва телекоммуникация алоқаларини, шу жумладан, ҳукумат телефонини белгиланган тартибда Марказ ихтиёрида қолдириш масаласини ҳал этсин.
6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.С.Қосимов ва Тошкент шаҳар ҳокими А.Х.Тўхтаев зиммаларига юклансин.
Ўзбекистон Республикасининг Бош вазири Ш. МИРЗИЁЕВ
Тошкент ш.,
2007 йил 1 октябрь,
207-сон
