O‘zbekiston Respublikasi Oliy Kengashi qaror qiladi:

1. “Davlat uy-joy fondini xususiylashtirish to‘g‘risida”gi O‘zbekiston Respublikasi Qonuni e’lon qilingan paytdan e’tiboran amalga kiritilsin.

2. O‘zbekiston Respublikasi Vazirlar Mahkamasi:

uch oylik muddat ichida:

O‘zbekiston Respublikasining qonun hujjatlarini “Davlat uy-joy fondini xususiylashtirish to‘g‘risida”gi Qonunga muvofiqlashtirishga oid takliflarni O‘zbekiston Respublikasi Oliy Kengashiga taqdim etsin;

O‘zbekiston Respublikasi Hukumatining qarorlarini “Davlat uy-joy fondini xususiylashtirish to‘g‘risida”gi O‘zbekiston Respublikasi Qonuniga muvofiqlashtirsin;

respublika vazirliklari, davlat qo‘mitalari va idoralari ushbu Qonunga zid keladigan o‘z me’yoriy hujjatlarini qayta ko‘rib chiqishini hamda bu hujjatlarning bekor qilishini ta’minlasin;

ushbu Qonun 4-moddasining 2-bandidagi, 11-moddasidagi, 17-moddasining 1-xatboshisidagi, 23-moddasidagi qoidalar bajarilishini ta’minlovchi me’yoriy hujjatlarni ishlab chiqsin va tasdiqlasin;

1994-yil 1-yanvarga qadar O‘zbekiston Respublikasi Oliy Kengashi muhokamasiga O‘zbekiston Respublikasining Uy-joy kodeksiga qo‘shimchalar va o‘zgartishlar kiritish to‘g‘risida takliflar kiritsin.