[
OKOZ:
1.
19.00.00.00 Xalqaro munosabatlar. Xalqaro huquq / 19.06.00.00 Xalqaro shartnomalar huquqi / 19.06.02.00 Shartnomalarni tuzish va ularning kuchga kirishi;
2.
19.00.00.00 Xalqaro munosabatlar. Xalqaro huquq / 19.09.00.00 Xalqaro iqtisodiy hamkorlik / 19.09.05.00 Moliya, soliq va bojxona masalalari boʻyicha hamkorlik]
[
TSZ:
1.
Tashqi siyosat va xalqaro munosabatlar / Xalqaro shartnomalar (bitmlar)]
Oʻzbekiston Respublikasi Prezidentining
Qarori
Xalqaro shartnomaga qoʻshilish toʻgʻrisida
[
OKOZ:
1.
19.00.00.00 Xalqaro munosabatlar. Xalqaro huquq / 19.09.00.00 Xalqaro iqtisodiy hamkorlik / 19.09.05.00 Moliya, soliq va bojxona masalalari boʻyicha hamkorlik]
1. Vaqtincha olib kirish toʻgʻrisidagi
konvensiyaga
(1990-yil 26-iyun, Istanbul) uning quyidagi ilovalarini qabul qilib qoʻshilinsin:
A-ilova. “Vaqtincha olib kirish hujjatlari toʻgʻrisida (A.T.A karnetlari va C.P.D karnetlari)”;
[
OKOZ:
1.
10.00.00.00 Tashqi iqtisodiy faoliyat. Bojxona ishi / 10.01.00.00 Tashqi iqtisodiy faoliyat sohasidagi umumiy qoidalar / 10.01.10.00 Xalqaro koʻrgazmalar, savdolar, kimoshdi savdolari, yarmarkalar]
V.1-ilova. “Koʻrgazmalar, yarmarkalar, konferensiyalar yoki shu kabi tadbirlarda namoyish qilish yoxud foydalanish uchun tovarlar toʻgʻrisida”;
V.2-ilova. “Professional asbob-uskuna toʻgʻrisida”;
V.3-ilova. “Tijorat operatsiyasi munosabati bilan olib kirilgan konteynerlar, poddonlar, oʻramlar, namunalar va boshqa tovarlar toʻgʻrisida”;
[
OKOZ:
1.
13.00.00.00 Taʼlim. Fan. Madaniyat / 13.01.00.00 Taʼlim / 13.01.01.00 Umumiy qoidalar;
2.
13.00.00.00 Taʼlim. Fan. Madaniyat / 13.02.00.00 Fan / 13.02.01.00 Umumiy qoidalar;
3.
13.00.00.00 Taʼlim. Fan. Madaniyat / 13.03.00.00 Madaniyat / 13.03.01.00 Umumiy qoidalar]
V.5-ilova. “Taʼlim, ilmiy yoki madaniy maqsadlarda olib kirilgan tovarlar toʻgʻrisida”;
[
OKOZ:
1.
14.00.00.00 Sogʻliqni saqlash. Jismoniy tarbiya. Sport. Turizm / 14.02.00.00 Jismoniy tarbiya va sport / 14.02.06.00 Sport;
2.
14.00.00.00 Sogʻliqni saqlash. Jismoniy tarbiya. Sport. Turizm / 14.03.00.00 Turizm. Ekskursiyalar. Mehmonxona xoʻjaligi / 14.03.01.00 Turizm]
V.6-ilova. “Sayohatchilarning shaxsiy buyumlari va sport maqsadlarida olib kirilgan yuklarga tegishli ilova”.
2. Quyidagilar:
[
OKOZ:
1.
19.00.00.00 Xalqaro munosabatlar. Xalqaro huquq / 19.06.00.00 Xalqaro shartnomalar huquqi / 19.06.03.00 Shartnomalarga rioya qilishni qoʻllash va sharhlash]
Oʻzbekiston Respublikasi Davlat bojxona qoʻmitasi mazkur xalqaro shartnomani amalga oshirish uchun masʼul boʻlgan vakolatli organ etib belgilansin;
Oʻzbekiston Respublikasi Savdo-sanoat palatasi vaqtincha olib kirish toʻgʻrisidagi hujjatlarni berish uchun masʼul boʻlgan va vaqtincha olib kirish shartlari buzilgan taqdirda bojxona toʻlovlarini toʻlash boʻyicha kafolatlovchi vakolatli tashkilot etib belgilansin.
3. Oʻzbekiston Respublikasi Tashqi ishlar vazirligi Oʻzbekiston Respublikasining mazkur xalqaro shartnomaga qoʻshilganligi hamda uni amalga oshirish uchun masʼul boʻlgan vakolatli organ toʻgʻrisida, vaqtincha olib kirish toʻgʻrisidagi hujjatlarni berish uchun masʼul boʻlgan va vaqtincha olib kirish shartlari buzilgan taqdirda bojxona toʻlovlarini toʻlash boʻyicha kafolatlovchi vakolatli tashkilot toʻgʻrisida depozitariyga tegishli bildirishnoma yoʻllasin.
4. Oʻzbekiston Respublikasi Davlat bojxona qoʻmitasi ikki oy muddatda Vaqtincha olib kirish toʻgʻrisidagi konvensiyani (1990-yil 26-iyun, Istanbul) qoʻllash tartibi toʻgʻrisidagi nizomni belgilangan tartibda tasdiqlasin.
[
OKOZ:
1.
19.00.00.00 Xalqaro munosabatlar. Xalqaro huquq / 19.06.00.00 Xalqaro shartnomalar huquqi / 19.06.02.00 Shartnomalarni tuzish va ularning kuchga kirishi]
5. Oʻzbekiston Respublikasi Vazirlar Mahkamasi va tegishli vazirlik hamda idoralarning rahbarlari ushbu xalqaro shartnoma Oʻzbekiston Respublikasi uchun kuchga kirgandan keyin Oʻzbekiston Respublikasining majburiyatlari bajarilishi ustidan belgilangan tartibda nazoratni taʼminlasinlar.
6. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 24-aprel,
PQ-4694-son
(Qonun hujjatlari maʼlumotlari milliy bazasi, 24.04.2020-y., 07/20/4694/0492-son)
