Oʻzbekiston Respublikasi Davlat budjeti mablagʻlaridan samarali foydalanish maqsadida Vazirlar Mahkamasi qaror qiladi:

1. Vazirlar Mahkamasining “Budjet tashkilotlarini mablagʻ bilan taʼminlash tartibini takomillashtirish toʻgʻrisida” 1999-yil 3-sentabrdagi 414-son qarorining (Oʻzbekiston Respublikasi QT, 1999-y., 9-son, 51-modda) 5-bandi quyidagi mazmundagi xatboshi bilan toʻldirilsin:

“Budjet tashkilotlari tomonidan xodimlarning mehnat intizomini buzganligi uchun Oʻzbekiston Respublikasi Mehnat kodeksi 181-moddasining birinchi qismi 2-bandiga muvofiq qoʻllanilgan jarimalar budjet tashkilotlarining rivojlantirish jamgʻarmasini shakllantirish manbai boʻlib hisoblanmaydi hamda jarimalar summasi tegishli budjet daromadiga oʻtkaziladi. Bu ish haqi xarajatlari Oʻzbekiston Respublikasining Davlat budjeti mablagʻlari hisobidan moliyalashtiriladigan budjetdan mablagʻ oluvchilarga ham tatbiq etiladi”.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov zimmasiga yuklansin.