Hujjat kuchini yo‘qotgan " " 01.01.2008
O‘zbekiston Respublikasi Vazirlar Mahkamasining
qarori
JISMONIY ShAXSLAR TOMONIDAN O‘ZBEKISTON RESPUBLIKASI HUDUDIGA TOVARLAR OLIB KELINIShINI TARTIBGA SOLIShGA DOIR QO‘ShIMChA ChORA-TADBIRLAR TO‘G‘RISIDA
 LexUZ sharhi
Mazkur qaror O‘zbekiston Respublikasi Prezidentining 2007-yil 12-dekabrdagi PQ-744-sonli “O‘zbekiston Respublikasining 2008-yilgi asosiy makroiqtisodiy ko‘rsatkichlari va davlat budjeti parametrlari to‘g‘risida”gi qarori bilan o‘z kuchini yo‘qotgan
Jismoniy shaxslar tomonidan O‘zbekiston Respublikasi hududiga tovarlar olib kelinishini yanada tartibga solish, ular tomonidan olib kelingan tovarlarning to‘liq hisobga olinishi va sotilishi ustidan nazoratni kuchaytirish maqsadida Vazirlar Mahkamasi qaror qiladi:
Oldingi tahrirga qarang.
(1-band O‘zbekiston Respublikasi Vazirlar Mahkamasining 2002-yil 27-sentabrdagi 335-son qarori bilan o‘z kuchini yo‘qotgan — O‘zbekiston Respublikasi Qonun hujjatlari to‘plami, 2002-y., 17-18-son, 142-modda)
2. O‘zbekiston Respublikasi Moliya vazirligi Markaziy bank va Davlat bojxona qo‘mitasi bilan birgalikda jismoniy shaxslar tomonidan olib kelinadigan tovarlardan undiriladigan yagona boj to‘lovini undirish tartibini va budjetga o‘tkazish mexanizmini bir hafta muddatda ishlab chiqsin va tasdiqlasin.
3. Belgilab qo‘yilsinki, jismoniy shaxslar tomonidan tovarlar transport va transport-ekspeditorlik tashkilotlari orqali olib kelinganda bojxonada rasmiylashtirish belgilangan tartibda yagona boj to‘lovini to‘lagan holda bevosita tovar egasi bo‘lgan jismoniy shaxslar tomonidan amalga oshiriladi.
Transport va transport-ekspeditorlik tashkilotlarining tashilayotgan yuklarni bojxonada rasmiylashtirishi taqiqlansin.
4. O‘zbekiston Respublikasi Adliya vazirligi manfaatdor vazirliklar va idoralar bilan birgalikda bir oy muddatda qonun hujjatlariga mazkur qarordan kelib chiquvchi o‘zgartirishlar va qo‘shimchalar kiritish yuzasidan O‘zbekiston Respublikasi Vazirlar Mahkamasiga takliflar kiritsin.
5. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S. Azimov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
2002-yil 12-iyul,
248-son
(O‘zbekiston Respublikasi Qonun hujjatlari to‘plami, 2002-y., 13-son, 107-modda, 17-18-son, 142-modda)