Ruhiy kasalliklarning oldini olish va ularni davolash ishlarini yanada takomillashtirish, respublika psixiatriya muassasalarining moddiy-texnika bazasini va kadrlar salohiyatini mustahkamlash, shuningdek faoliyati samaradorligini oshirish maqsadida Vazirlar Mahkamasi qaror qiladi:

7. Oʻzbekiston Respublikasi Sogʻliqni saqlash vazirligi, Mehnat va aholini ijtimoiy muhofaza qilish vazirligi hamda Moliya vazirligining psixiatr vrachlar va uyda bemorlarga xizmat koʻrsatuvchi oʻrta tibbiyot xodimlariga uzluksiz ish staji davomiyligi uchun ustamaning eng yuqori miqdorini 2014-yil 1-yanvardan boshlab tarif stavkasining 20 foizidan 30 foizigacha oshirish toʻgʻrisidagi taklifi qabul qilinsin.

Belgilansinki, psixiatriya muassasalari xodimlari tarif stavkalariga qoʻshimcha haq miqdori oshirilishi munosabati bilan Oʻzbekiston Respublikasi Davlat budjetining qoʻshimcha xarajatlari sogʻliqni saqlash muassasalarining tarmoqlari va bemorlar oʻrni fondini maqbullashtirish hisobiga qoplanadi.

8. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.I. Ikramov zimmasiga yuklansin.