ЎЗБЕКИСТОН РЕСПУБЛИКАСИ ВАЗИРЛАР МАҲКАМАСИНИНГ
ҚАРОРИ
Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида
[Кўчирма]
Ўзбекистон Республикасининг «Норматив-ҳуқуқий ҳужжатлар тўғрисида»ги Қонуни 18-моддасига мувофиқ, шунингдек, қонунчилик ҳужжатларини ўзаро мувофиқлаштириш мақсадида Вазирлар Маҳкамаси қарор қилади:
1. Ўзбекистон Республикаси Ҳукуматининг айрим қарорларига 1-иловага мувофиқ ўзгартириш ва қўшимчалар киритилсин.
2. Ўзбекистон Республикаси Ҳукуматининг айрим қарорлари 2-иловага мувофиқ ўз кучини йўқотган деб ҳисоблансин.
3. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосарлари ҳамда адлия вазири А.Ж. Ташкулов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2025 йил 30 декабрь,
840-сон
Вазирлар Маҳкамасининг 2025 йил 30 декабрдаги 840-сон қарорига
1-ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Вазирлар Маҳкамасининг 1997 йил 9 октябрдаги 469-сон қарори билан тасдиқланган Вазирликлар ва идоралар томонидан қабул қилинган норматив-ҳуқуқий ҳужжатларни ҳуқуқий экспертизадан ва давлат рўйхатидан ўтказиш тўғрисидаги низомда:
а) 1-бобнинг номи қуйидаги таҳрирда баён этилсин:
«1-боб. Умумий қоидалар»;
б) 1-бандда:
биринчи хатбошидаги «меъёрий ҳужжатлар деб аталади» сўзлари « — норматив-ҳуқуқий ҳужжатлар» сўзлари билан алмаштирилсин;
иккинчи хатбоши қуйидаги таҳрирда баён этилсин:
«Ушбу Низом мақсадлари учун идоралар деганда тегишли соҳада давлат сиёсатини амалга ошириш бўйича ваколатлар берилган вазирлик ва идоралар, шу жумладан вазирлик ва идоралар бўйсунувидаги тегишли соҳада давлат сиёсатини юритиш ваколати берилган қўмита, агентлик ва инспекциялар ёхуд махсус ваколатли бошқа давлат органлари тушунилади»;
в) 2-банднинг тўртинчи хатбошисидаги «меъёрий» сўзи «норматив-ҳуқуқий» сўзлари билан алмаштирилсин;
г) 21-банд қуйидаги таҳрирда баён этилсин:
«21. Мазкур Низомга мувофиқ қуйидаги ҳужжатлар давлат рўйхатидан ўтказилмайди:
шаҳарсозлик нормалари ва қоидалари;
фитосанитария талаблари;
санитария қоидалари, нормалари ва гигиена нормативлари;
экологик нормалар ва қоидалар;
ветеринария, ветеринария-санитария қоидалари ва нормалари;
техник жиҳатдан тартибга солиш соҳасидаги норматив ҳужжатлар.
Ушбу банднинг еттинчи хатбошисида назарда тутилган ҳужжатлар Адлия вазирлиги томонидан техник жиҳатдан тартибга солиш соҳасидаги норматив ҳужжатларга тегишли деб топилади.
Вазирликлар ва идоралар томонидан қабул қилинган шаҳарсозлик нормалари ва қоидалари, фитосанитария талаблари, санитария қоидалари, нормалари ва гигиена нормативлари, экологик нормалар ва қоидалар, ветеринария, ветеринария-санитария қоидалари ва нормалари Адлия вазирлигида мажбурий тартибда ҳуқуқий экспертизадан ўтказилади ҳамда ижобий хулоса берилган тақдирда ҳисобга олинади.
Техник жиҳатдан тартибга солиш соҳасидаги норматив ҳужжатларни тайёрлаш, ҳуқуқий экспертизадан ўтказиш ва ҳисобга олиш тартиби Адлия вазирлиги томонидан белгиланади»;
д) 3-банднинг биринчи ва иккинчи хатбошиларидаги «меъёрий» сўзи «норматив-ҳуқуқий» сўзлари билан алмаштирилсин;
е) 4-банд қуйидаги таҳрирда баён этилсин:
«4. Бир нечта вазирлик ва идора қабул қилган норматив-ҳуқуқий ҳужжатни давлат рўйхатидан ўтказишга тақдим этиш, қоида тариқасида, ҳужжатни тасдиқлаганлар орасида биринчи бўлиб кўрсатилган органга юкланади»;
ж) 2-бобнинг номи қуйидаги таҳрирда баён этилсин:
«2-боб. Норматив-ҳуқуқий ҳужжатларга қўйиладиган талаблар»;
з) 5-банд қуйидаги таҳрирда баён этилсин:
«5. Норматив-ҳуқуқий ҳужжатлар Ўзбекистон Республикаси Конституциясига, қонунчиликка, мамлакатда амалга оширилаётган ислоҳотлар мақсадлари ва вазифаларига, шунингдек қонунчилик техникаси қоидаларига мувофиқ бўлиши керак.
Норматив-ҳуқуқий ҳужжатларга:
коррупция кўринишлари ва бошқа ҳуқуқбузарликлар содир этилиши учун шароит яратадиган;
амалдаги тартиб-таомилларни асоссиз мураккаблаштирадиган;
фуқароларнинг ҳуқуқ ва эркинликларини чеклайдиган;
жисмоний ва юридик шахсларга янги имтиёз ва жавобгарлик чораларини ҳамда асосланмаган қўшимча харажат ва тўловларни белгилайдиган;
янги турдаги солиқ ва йиғимларни, лицензиялаш, рухсат бериш ва хабардор қилиш тартиб-таомилларини жорий этадиган;
ортиқча маъмурий ва бошқа чеклашларни назарда тутадиган ҳуқуқий нормалар киритилиши тақиқланади.
Норматив-ҳуқуқий ҳужжатлар Идоравий норматив-ҳуқуқий ҳужжатларни тайёрлаш, қабул қилиш, ҳуқуқий экспертиза ва давлат рўйхатидан ўтказиш қоидалари талабларига мувофиқ тайёрланиши ва қабул қилиниши керак»;
и) 6-бандда:
биринчи хатбошидаги «меъёрий» сўзи «норматив-ҳуқуқий» сўзлари билан алмаштирилсин;
учинчи ва тўртинчи хатбошилар қуйидаги таҳрирда баён этилсин:
«Вазирликлар ва идоралар ҳуқуқий тартибга солишни талаб қиладиган масалалар пайдо бўлган тақдирда, агар ушбу масалаларни ҳуқуқий тартибга солиш ўз ваколатларига кирса, тегишли норматив-ҳуқуқий ҳужжатларни ўз вақтида қабул қилишлари керак. Адлия вазирлиги вазирликлар ва идораларга тегишли норматив-ҳуқуқий ҳужжатни қабул қилиш зарурлиги, уни ишлаб чиқиш муддати ҳақида тақдимнома киритишга ҳақлидир.
Қонунлар, Ўзбекистон Республикаси Олий Мажлиси палаталарининг қарорлари, Ўзбекистон Республикаси Президентининг фармонлари ва қарорлари, Ўзбекистон Республикаси Вазирлар Маҳкамасининг қарорларини бажариш юзасидан норматив-ҳуқуқий ҳужжат қабул қилиш муддати, агар бундан кўп муддат белгиланмаган бўлса, икки ойдан ошмаслиги керак»;
к) 7-банддаги «Меъёрий» сўзи «Норматив-ҳуқуқий» сўзлари билан алмаштирилсин;
л) 8-бандда:
биринчи ва иккинчи хатбошилардаги «Меъёрий» сўзи «Норматив-ҳуқуқий» сўзлари билан алмаштирилсин;
учинчи хатбошидаги «меъёрий» сўзи «норматив-ҳуқуқий» сўзлари билан алмаштирилсин;
тўртинчи хатбошидаги «Меъёрий» сўзи «Норматив-ҳуқуқий» сўзлари билан алмаштирилсин;
бешинчи хатбошидаги «меъёрий» сўзи «норматив-ҳуқуқий» сўзлари билан алмаштирилсин;
олтинчи ва еттинчи хатбошилардаги «Меъёрий» сўзи «Норматив-ҳуқуқий» сўзлари билан алмаштирилсин;
саккизинчи хатбошидаги «меъёрий» сўзи «норматив-ҳуқуқий» сўзлари билан алмаштирилсин;
тўққизинчи хатбошидаги «Меъёрий» сўзи «Норматив-ҳуқуқий» сўзлари билан алмаштирилсин;
ўнинчи хатбошидаги «меъёрий» ва «Меъёрий» сўзлари тегишлича «норматив-ҳуқуқий» ва «Норматив-ҳуқуқий» сўзлари билан алмаштирилсин;
ўн биринчи хатбошидаги «меъёрий» сўзи «норматив-ҳуқуқий» сўзлари билан алмаштирилсин;
м) 9-банднинг биринчи хатбошисидаги «Меъёрий» сўзи «Норматив-ҳуқуқий» сўзлари билан алмаштирилсин;
н) 10-банддаги «меъёрий» сўзи «норматив-ҳуқуқий» сўзлари билан алмаштирилсин;
о) 11-бандда:
биринчи хатбошидаги «Меъёрий» сўзи «Норматив-ҳуқуқий» сўзлари билан алмаштирилсин;
иккинчи ва учинчи хатбошилардаги «меъёрий» сўзи «норматив-ҳуқуқий» сўзлари билан алмаштирилсин;
тўртинчи хатбошидаги «меъёрий» ва «маълумотнома илова қилинади.» сўзлари тегишлича «норматив-ҳуқуқий» ва «маълумотнома;» сўзлари билан алмаштирилсин;
қуйидаги мазмундаги хатбоши билан тўлдирилсин:
«Идоравий норматив-ҳуқуқий ҳужжатларни тайёрлаш, қабул қилиш, ҳуқуқий экспертиза ва давлат рўйхатидан ўтказиш қоидаларида назарда тутилган бошқа ҳужжат ва маълумотлар илова қилинади»;
п) 12-банднинг биринчи ва иккинчи хатбошиларидаги «меъёрий» сўзи «норматив-ҳуқуқий» сўзлари билан алмаштирилсин;
р) 3-бобнинг номи қуйидаги таҳрирда баён этилсин:
«3-боб. Ҳуқуқий экспертизадан ва давлат рўйхатидан ўтказиш тартиби»;
с) 13-бандда:
биринчи хатбошидаги «меъёрий ҳужжатни олинган кундан бошлаб 30 кун» сўзлари «норматив-ҳуқуқий ҳужжатни олинган кундан бошлаб 20 кун» сўзлари билан алмаштирилсин;
иккинчи хатбошидаги «15» рақами «10» рақами билан алмаштирилсин;
т) 14-банддаги «меъёрий» сўзи «норматив-ҳуқуқий» сўзлари билан алмаштирилсин;
у) 15-бандда:
биринчи хатбошидаги «меъёрий» ва «II бўлимида» сўзлари тегишлича «норматив-ҳуқуқий» ва «2-бобида» сўзлари билан алмаштирилсин;
қуйидаги мазмундаги иккинчи — олтинчи хатбошилар билан тўлдирилсин:
«Адлия вазирлиги норматив-ҳуқуқий ҳужжатларни қуйидаги ҳолларда қайта ишлаш (таҳрирлаш) орқали давлат рўйхатидан ўтказади:
Ўзбекистон Республикасининг Конституцияси ва қонунларига, юқорироқ юридик кучга эга бўлган бошқа норматив-ҳуқуқий ҳужжатларга мувофиқлаштириш мақсадида;
қонунчилик техникаси қоидаларига мувофиқлаштириш зарурати туғилганда;
ҳавола қилувчи нормалар қўлланишининг асослилиги ва мақсадга мувофиқлиги таъминланмаганда.
Қайта ишланган (таҳрирланган) норматив-ҳуқуқий ҳужжатни давлат рўйхатидан ўтказишга ушбу норматив-ҳуқуқий ҳужжатни қабул қилган вазирлик ёки идоранинг биринчи раҳбари томонидан ёзма ёки электрон тизим орқали розилик берилган тақдирда йўл қўйилади»;
иккинчи — тўртинчи хатбошилар тегишлича еттинчи — тўққизинчи хатбошилар деб ҳисоблансин;
еттинчи ва саккизинчи хатбошилардаги «Меъёрий» сўзи «Норматив-ҳуқуқий» сўзлари билан алмаштирилсин;
тўққизинчи хатбошидаги «норматив» сўзи «норматив-ҳуқуқий» сўзлари билан алмаштирилсин;
ф) 16-бандда:
биринчи хатбоши қуйидаги таҳрирда баён этилсин:
«16. Агар норматив-ҳуқуқий ҳужжат Ўзбекистон Республикасининг амалдаги қонунчилигига зид бўлса, мазкур Низомнинг 2-боби талабларига жавоб бермаса, жамоатчилик муҳокамасидан ўтказиш жараёнида жисмоний ва юридик шахсларнинг асосли эътирозларига сабаб бўлса ёхуд манфаатдор органлар билан келишиш мажбурий ҳисобланганда бундай органлар билан келишилмаган бўлса, норматив-ҳуқуқий ҳужжатни рўйхатдан ўтказиш рад этилиши мумкин»;
иккинчи хатбошидаги «меъёрий» сўзи «норматив-ҳуқуқий» сўзлари билан алмаштирилсин;
қуйидаги мазмундаги учинчи хатбоши билан тўлдирилсин:
«Адлия вазирлиги томонидан давлат рўйхатидан ўтказиш рад этилган норматив-ҳуқуқий ҳужжатлар рад этилган вақтдан эътиборан бекор қилинган ҳисобланади ҳамда вазирлик ва идоралар томонидан уларни бекор қилиш учун алоҳида ҳужжат қабул қилиш талаб этилмайди»;
учинчи хатбоши тўртинчи хатбоши деб ҳисоблансин;
тўртинчи хатбошидаги «меъёрий» сўзи «норматив-ҳуқуқий» сўзлари билан алмаштирилсин;
х) 4-бобнинг номи қуйидаги таҳрирда баён этилсин:
«4-боб. Якуний қоидалар»;
ц) 18-бандда:
биринчи хатбошидаги «норматив» сўзи «норматив-ҳуқуқий» сўзлари билан алмаштирилсин;
иккинчи хатбоши қуйидаги таҳрирда баён этилсин:
«Вазирликлар ва идоралар ушбу ҳолатда ўн кун муддатда ҳуқуқий экспертизадан ва давлат рўйхатидан ўтказиш учун ўзлари қабул қилган норматив-ҳуқуқий ҳужжатлардаги ўзгартириш ва қўшимчаларни Адлия вазирлигига тақдим этишга мажбурдир. Ушбу қоида бажарилмаган тақдирда, Адлия вазирлиги норматив-ҳуқуқий ҳужжатни давлат реестридан чиқаришга ҳақлидир, бу норматив-ҳуқуқий ҳужжатни юридик кучга эга эмас деб ҳисоблаш учун асос бўлади ҳамда давлат реестридан чиқарилиши натижасида юзага келадиган оқибатлар учун вазирлик ва идоралар раҳбарлари жавобгар ҳисобланади»;
учинчи хатбошидаги «Меъёрий» сўзи «Норматив-ҳуқуқий» сўзлари билан алмаштирилсин;
тўртинчи хатбошидаги «меъёрий» ва «Меъёрий» сўзлари тегишлича «норматив-ҳуқуқий» ва «Норматив-ҳуқуқий» сўзлари билан алмаштирилсин;
ч) 20-бандда:
биринчи — учинчи хатбошилар қуйидаги таҳрирда баён этилсин:
«20. Давлат рўйхатидан ўтказилган норматив-ҳуқуқий ҳужжатлар Адлия вазирлиги томонидан улар расмий эълон қилингандан сўнг икки иш куни мобайнида норматив-ҳуқуқий ҳужжатлар матнлари ҳамда зарур бўлган тақдирда, уларга тегишли ахборот-таҳлилий материаллар электрон шаклда тегишлилигига кўра давлат органлари ва ташкилотларига юборилади.
Вазирликлар ва идоралар ўз ваколатлари доирасида ўзлари қабул қилган норматив-ҳуқуқий ҳужжатлар матнлари тегишлилигига кўра тарқатилишини таъминлаши шарт.
Вазирликлар ва идоралар ўзлари қабул қилган норматив-ҳуқуқий ҳужжатларни (зарур бўлган тақдирда, ахборот-таҳлилий материаллари билан бирга) улар расман эълон қилингандан кейин бир иш кунидан кечикмай ўзларининг расмий веб-сайтларида жойлаштиришга мажбурдир»;
тўртинчи хатбошидаги «меъёрий» сўзи «норматив-ҳуқуқий» сўзлари билан алмаштирилсин;
ш) 21-банднинг биринчи хатбошисидаги «меъёрий» сўзи «норматив-ҳуқуқий» сўзлари билан алмаштирилсин.
2. Вазирлар Маҳкамасининг 2000 йил 25 июлдаги 283-сон қарори билан тасдиқланган Хорижий давлатларда илмий даража олганлик тўғрисидаги ҳужжатларни тан олиш ва нострификациялаш (эквивалентлигини қайд этиш) тартиби тўғрисидаги низомга 1-илованинг 6-банди қуйидаги таҳрирда баён этилсин:
«6. Меҳнат дафтарчасидан кўчирма (чет эл фуқаролари ва фуқаролиги бўлмаган шахслар учун). Бунда Ўзбекистон Республикаси фуқаросининг меҳнат дафтарчасидан кўчирма «Рақамли ҳукумат» тизимининг идоралараро интеграциялашув платформаси орқали мустақил равишда олинади».
3. Вазирлар Маҳкамасининг 2006 йил 10 февралдаги 20-сон қарори билан тасдиқланган Олий таълим муассасаларига педагог ходимларни танлов асосида ишга қабул қилиш тартиби тўғрисидаги низомнинг 15-бандида:
биринчи хатбошидаги «ва олий маълумот тўғрисидаги дипломлар нусхаси» сўзлари чиқариб ташлансин;
қуйидаги мазмундаги иккинчи хатбоши билан тўлдирилсин:
«Қатнашувчининг олий маълумот тўғрисидаги дипломлар маълумотлари «Рақамли ҳукумат» тизимининг идоралараро интеграциялашув платформаси орқали мустақил равишда олинади»;
иккинчи хатбоши учинчи хатбоши деб ҳисоблансин.
4. Вазирлар Маҳкамасининг 2006 йил 9 августдаги 169-сон қарори билан тасдиқланган Ўзбекистон Республикаси Президентининг ёш истеъдодлар учун «Ниҳол» мукофоти тўғрисидаги низомнинг 22-банди қуйидаги таҳрирда баён этилсин:
«22. Ҳар бир номзоднинг ҳужжатлари билан бирга Қорақалпоғистон Республикаси, вилоятлар ва Тошкент шаҳри комиссияларининг хулосалари ва қарорлари юборилади. Қарорда номзоднинг исми, фамилияси ва отасининг исми, фаолияти ва ижро маҳоратининг кенг жамоатчилик томонидан эътироф этилганлиги ҳақидаги маълумотлар, мукофотга тақдим этиш асослари кўрсатилади.
Ҳар бир номзод бўйича қуйидаги ҳужжатлар тақдим этилади:
репертуарлар рўйхати, видео-аудио альбомлари;
номзоднинг шахсий варақаси, таржимаи ҳоли, ижодий жараёндаги 2 дона фотосурати, танловларда қатнашганлиги ҳақидаги диплом ёки сертификат нусхаси (агар бўлса);
доимий ўқиш ёки иш жойидан берилган ва мазкур ташкилот раҳбари томонидан имзоланиб, муҳр билан тасдиқланган ижодий тавсифнома;
оммавий ахборот воситаларида номзод ҳақида берилган кўрсатув ва эшиттиришлар ёки мақолалар нусхаси (агар бўлса).
Номзоднинг паспорти (идентификацияловчи ID-картаси) нусхаси, диплом маълумотлари, фотосурати ва ўқиш жойидан маълумотнома «Рақамли ҳукумат» тизимининг идоралараро интеграциялашув платформаси орқали мустақил равишда олинади».
5. Вазирлар Маҳкамасининг 2006 йил 23 ноябрдаги 243-сон қарори билан тасдиқланган Ўзбекистон Республикаси оммавий ахборот воситалари вакилларини давлат ҳокимияти органлари ҳузурида аккредитация қилиш тартиби тўғрисидаги низомнинг 8-бандида:
тўққизинчи хатбоши қуйидаги таҳрирда баён этилсин:
«Буюртманомага батафсил маълумотлар (мухбирнинг хизмат мавқеи, электрон почта манзили, телефон ва факс рақами) мавжуд бўлган маълумотнома илова қилинади»;
қуйидаги мазмундаги хатбоши билан тўлдирилсин:
«Мухбирнинг паспорт (идентификацияловчи ID-картаси) маълумотлари, диплом маълумотлари ва фотосурати «Рақамли ҳукумат» тизимининг идоралараро интеграциялашув платформаси орқали мустақил равишда олинади».
6. Вазирлар Маҳкамасининг «Ўзбекистон иқтидорли ёшларини тақдирлаш ва моддий рағбатлантириш тўғрисида» 2008 йил 13 октябрдаги 226-сон қарорида:
а) 2-иловада:
1, 2 ва 3-бандлар қуйидаги таҳрирда баён этилсин:
«1. Магистратура босқичи талабалари учун Ўзбекистон Республикаси Президентининг давлат стипендияси Ўзбекистон Республикаси фуқаролари бўлган, давлат олий таълим муассасаларининг кундузги таълим шаклида бутун ўқиш даврида барча фанлардан аъло баҳоларга ўқиётган талабаларга Ўзбекистон Республикаси Олий таълим, фан ва инновациялар вазирлиги томонидан ўтказиладиган танлов натижаларига биноан тайинланади.
2. Ўзбекистон Республикаси Президентининг давлат стипендиясига талабгорлар (кейинги ўринларда — талабгорлар) учун белгиланган квота (йигирма иккита) Олий таълим йўналишлари ва мутахассисликлари классификаторига мувофиқ ҳар йили Ўзбекистон Республикаси Олий таълим, фан ва инновациялар вазирлиги томонидан тасдиқланадиган танлов йўналишлари бўйича (ҳар бир танлов йўналишига биттадан стипендия ҳисобидан) тақсимланади.
Бунда:
Ўзбекистон Республикаси Президентининг давлат стипендияси танловининг олий таълим муассасаси босқичи ҳар йили май — июль ойларида ўтказилади;
танловларнинг олий таълим муассасаси босқичи мазкур Низомга қатъий риоя қилган ҳолда, олий таълим муассасаси ректори (филиал директори) томонидан кадрлар тайёрлаш йўналишларининг хусусиятларини инобатга олган ҳолда тасдиқланган муддатда ва тартибда ўтказилади;
олий таълим муассасалари томонидан талабгорлар ҳар бир танлов йўналиши бўйича биттадан тавсия этилиши мумкин.
3. Талабаларга Ўзбекистон Республикаси Президентининг давлат стипендияси қуйидаги мезонлар асосида тайинланади:
умумтаълим тайёргарлигини илмий-тадқиқот (ижодий ишлар) ишлари билан уйғунлаштириш;
йўналишлар бўйича конференция (танлов)ларда қатнашиш;
камида иккита эълон қилинган иш (асар)нинг мавжудлиги;
тилларни — давлат тилини ва битта хорижий тилни билиш (Мустақил Давлатлар Ҳамдўстлигига аъзо мамлакатлар давлат тилларидан ташқари), магистратура мутахассислиги хорижий тил бўлган тақдирда эса, қўшимча равишда яна битта хорижий тилни билиш талаб қилинади;
Ўзбекистон тарихини билиш.
Тилларни, ахборот технологияларини, Ўзбекистон тарихини билиш бўйича талаб даражалари Ўзбекистон Республикаси Олий таълим, фан ва инновациялар вазирлиги томонидан белгиланади»;
4-банднинг учинчи хатбошисидаги «синов дафтарчасидан кўчирма» сўзлари «транскрипт нусхаси» сўзлари билан алмаштирилсин;
5 — 7-бандлар қуйидаги таҳрирда баён этилсин:
«5. Илмий кенгашлар яширин овоз бериш орқали, оддий кўпчилик овоз билан Ўзбекистон Республикаси Президенти давлат стипендиясини тайинлаш учун стипендиатлар номзодларини кўрсатиш тўғрисида қарор қабул қиладилар.
Илмий кенгашлар қарорлари вазирликлар ва муассасаларнинг Ўзбекистон Республикаси Президенти давлат стипендиясини тайинлаш ҳақида Ўзбекистон Республикаси Олий таълим, фан ва инновациялар вазирлигига тавсиянома юбориши учун асос ҳисобланади.
6. Ўзбекистон Республикаси Олий таълим, фан ва инновациялар вазирлиги стипендияни тайинлаш ҳақидаги тавсияномаларни бир йилда бир марта кўриб чиқади. Бунда ҳужжатларни қабул қилиш (рўйхатдан ўтказиш) муддати — 1 — 15 август, кўриб чиқиш муддати — 10 — 25 сентябрь этиб белгиланади.
Олий таълим муассасаси кенгаши қарорига асосан танловларнинг навбатдаги босқичига тавсия этилган талабгорлар тўғрисидаги маълумотлар ва тегишли ҳужжатлар олий таълим муассасасининг масъул ходими томонидан Олий таълим, фан ва инновациялар вазирлигининг «my.edu.uz» электрон тизимига ҳар йили 1 — 15 август кунлари киритилади.
Бунда талабгорларнинг ҳужжатлари аслига тўғри эканлиги ҳамда «my.edu.uz» электрон тизимига ўз вақтида ва тўғри киритилиши бўйича масъулият олий таълим муассасаси ректори (филиал директори) зиммасига юкланади.
Талабгорларнинг ўзлаштириш кўрсаткичлари Олий таълим, фан ва инновациялар вазирлигининг «НEMIS» — Олий таълим жараёнларини бошқариш ахборот тизими орқали шакллантирилади.
7. Давлат олий таълим муассасалари талабаларига Ўзбекистон Республикаси Президентининг давлат стипендияси Ўзбекистон Республикаси Олий таълим, фан ва инновациялар вазирлиги ҳайъати қарори билан тайинланади.
Стипендия тайинланишидан аввал талабгорларнинг белгиланган мезонларга мувофиқ билим ва илмий (ижодий) тайёргарлиги кўриб чиқилади.
Шу мақсадда Ўзбекистон Республикаси Олий таълим, фан ва инновациялар вазирлиги:
Ўзбекистон Республикаси Президентининг давлат стипендиясига талабгорлар орасидан муносибларини танлаб олиш вазифаси юкланадиган махсус танлов комиссиясини;
талабгорларнинг таълим ва илмий (ижодий) тайёргарлиги даражасини баҳолаш мақсадида ишларни кўриб чиқиш учун йўналишлар бўйича экспертлар гуруҳларини тузади;
Ўзбекистон Республикаси Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги (кейинги ўринларда — Агентлик) билан биргаликда ахборот технологиялари, Ўзбекистон тарихи, хорижий тиллар бўйича имтиҳон комиссияларини ташкил этади, тест топшириқларини ишлаб чиқади;
танлов комиссияси ва эксперт гуруҳларининг иш тартибини белгилайди;
танлов комиссияси мажлисларини ўтказиш муддатларини белгилайди;
талабгорлар эксперт гуруҳлари томонидан кўрсаткичларини баҳолаш натижаларидан норози бўлганда, уларнинг шикоятларини кўриб чиқиш бўйича 5 нафардан кам бўлмаган таркибда апелляция комиссияси фаолиятини ташкил этади»;
қуйидаги мазмундаги 71 — 75-бандлар билан тўлдирилсин:
«71. Талабгорларнинг ҳужжатлари (кўрсаткичлари) эксперт гуруҳлари томонидан кўриб чиқилиб, мазкур Низомга иловага мувофиқ баҳолаш мезони асосида баҳоланади ва ҳар бир танлов йўналиши бўйича қайднома расмийлаштирилади.
Эксперт гуруҳи томонидан ҳар бир талабгорга қўйилган балл эксперт гуруҳи фаолияти якунлангандан сўнг 24 соат ичида «my.edu.uz» электрон тизими орқали талабгорга маълум қилинади.
72. Эксперт гуруҳи томонидан қўйилган баллардан (ўз кўрсаткичлари бўйича) норози бўлган талабгорларга баҳолаш натижалари эълон қилинган вақтдан бошлаб 48 соат ичида «my.edu.uz» электрон тизими орқали апелляция аризаси бериш имконияти яратилади.
Апелляция аризалари апелляция комиссияси томонидан аризалар сонидан келиб чиққан ҳолда, уч кун ичида кўриб чиқилади.
Апелляция комиссияси аъзоларнинг камида учдан икки қисми иштирок этганда ваколатли ҳисобланади.
Апелляция аризаларини кўриб чиқишда апелляция комиссияси талабгорларнинг барча ҳужжатларини мазкур Низомга иловага мувофиқ баҳолаш мезони асосида ҳар томонлама ўрганади.
Апелляция комиссияси апелляция аризасини кўриб чиқиш натижаси бўйича қуйидаги қарорлардан бирини қабул қилади:
қўйилган балларни ўзгаришсиз қолдириш тўғрисида;
қўйилган балларни ўзгартириш тўғрисида.
73. Талабгорлар ахборот технологиялари, Ўзбекистон тарихи, хорижий тиллар бўйича Агентликда (ҳудудлар бўйича) махсус тест синовлари топширадилар. Бунда:
тест синовлари бўйича ўтиш баллининг қуйи чегараси тўплаш мумкин бўлган энг юқори баллнинг 55 фоизи ҳисобланади;
тўплаш мумкин бўлган энг юқори баллнинг 55 фоизидан паст балл тўплаган ҳамда тест синовларига қатнашмаган талабгорлар Ўзбекистон Республикаси Президентининг давлат стипендиясига тавсия этилмайди;
Агентлик бир кун муддатда якуний қайдномаларни тест синовлари натижалари билан бирга Олий таълим, фан ва инновациялар вазирлигига тақдим этади.
74. Талабгорларнинг тест синовлари натижалари ва эксперт гуруҳларининг баҳолаш натижалари умумлаштирилиб, уларнинг якуний баллари эълон қилинади.
Якуний баллар натижаларига кўра ҳар бир танлов йўналиши бўйича энг юқори балл тўплаган 3 нафар талабгор эксперт гуруҳларининг баённомаларига асосан Ўзбекистон Республикаси Президенти давлат стипендияси танловининг суҳбат босқичига тавсия этилади.
75. Ўзбекистон Республикаси Президенти давлат стипендияси танловининг суҳбат босқичига тавсия этилган талабгорларга танлов комиссияси аъзолари томонидан қуйидаги мавзулар доирасида саволлар берилади:
мамлакатда ўз соҳасига оид амалга оширилаётган ислоҳотларнинг моҳияти ва аҳамияти;
илмий-тадқиқот ишининг мазмуни, долзарблиги ва аҳамияти;
ўз мутахассислигига оид билимлар ҳамда мамлакат ижтимоий-иқтисодий ҳаётидаги ўзгаришларни хорижий тилда баён эта олиш кўникмаларининг мавжудлиги»;
8-бандда:
биринчи хатбошидаги «Ўзбекистон Республикаси Президентининг давлат стипендияларини» сўзлари «Ўзбекистон Республикаси Президентининг давлат стипендияси» сўзлари билан алмаштирилсин;
учинчи хатбошидаги «Олий ва ўрта махсус таълим вазирлиги» сўзлари «Олий таълим, фан ва инновациялар вазирлиги» сўзлари билан алмаштирилсин;
9 — 11-бандлар қуйидаги таҳрирда баён этилсин:
«9. Ўзбекистон Республикаси Олий таълим, фан ва инновациялар вазирлиги ҳайъатининг қарори давлат олий таълим муассасаларининг талабаларга Ўзбекистон Республикаси Президентининг давлат стипендиясини тайинлаш ва тўлаш ҳақида буйруқ тайёрлаши учун асос бўлади.
10. Ўзбекистон Республикаси Президентининг давлат стипендияси талабаларга бир ўқув йили учун (талабалар сафидан четлатилганда шу ойга қадар) 1 сентябрдан бошлаб белгиланган миқдорларга қатъий риоя қилинган ҳолда тайинланади.
11. Ўзбекистон Республикаси Президентининг давлат стипендиясига сазовор бўлган талабаларга «Президент стипендиясининг соҳиби» гувоҳномаси Ўзбекистон Республикаси Олий таълим, фан ва инновациялар вазирлиги ҳайъати мажлисида тантанали равишда топширилади»;
12 ва 15-бандлардаги тегишли келишикдаги «Ўзбекистон Республикаси Президентининг давлат стипендиялари» сўзлари тегишли келишикдаги «Ўзбекистон Республикаси Президентининг давлат стипендияси» сўзлари билан алмаштирилсин;
14-банд қуйидаги таҳрирда баён этилсин:
«14. Кундалик дарсларни ўзлаштирмайдиган, ўқув интизомини ва илмий одоб-ахлоқни бузган талабалар ўқув йили мобайнида Ўзбекистон Республикаси Президентининг давлат стипендиясидан тасарруфида талаба ўқиётган олий таълим муассасалари бўлган вазирликлар ва идораларнинг тақдимномасига биноан Ўзбекистон Республикаси Олий таълим, фан ва инновациялар вазирлиги ҳайъати қарори билан маҳрум қилиниши мумкин»;
қуйидаги мазмундаги илова билан тўлдирилсин:
«Магистратура босқичи талабалари учун Ўзбекистон Республикаси Президентининг давлат стипендиялари ва уларни тайинлаш тартиби тўғрисидаги низомга
ИЛОВА
Ўзбекистон Республикаси Президентининг давлат стипендиясига ҳужжат топширган магистратура мутахассислиги бўйича таҳсил олаётган талабгорларнинг кўрсаткичларини баҳолаш мезони

Т/р

Кўрсаткичлар

Қўйиладиган балл

Изоҳ

1.

Илмий-тадқиқот ишлари (илмий мақола, тезис ва бошқалар)

40 баллгача

Талабгор томонидан мустақил танланган асосий 4 та илмий-тадқиқот иши инобатга олинади ва ҳар бири 10 баллгача баҳоланади.

Қолган илмий-тадқиқот ишлари

10 баллгача

Асосий танланган 4 та илмий-тадқиқот ишидан бошқа барча ишлари инобатга олинади ва жами 10 баллгача баҳоланади.

2.

Эришган ютуқлари (Давлат мукофоти, халқаро ва республика фан олимпиадаси ҳамда кўрик-танловлар ғолиблиги, патент, ихтиролар ва бошқалар)

20 баллгача

Талабгорнинг таҳсил олаётган мутахассислигига мослигига устуворлик берилади.

3.

Билим ва малакаларни баҳолаш агентлиги томонидан Ўзбекистон тарихи, ахборот технологиялари, хорижий тиллар бўйича ўтказиладиган тест синовлари натижалари

30 баллгача

Тўплаш мумкин бўлган энг юқори баллга мутаносиб равишда ҳисобланади.

Изоҳ.
1. Қуйидагиларга:
илмий ишлар, ютуқлар, натижаларга айнан талабанинг муайян таълим босқичи даврида эришганлигига;
илмий-тадқиқот ишларининг изчиллигига, якка муаллифликда ҳамда нуфузли нашрларда чоп этилганлигига;
илмий-тадқиқот ишлари, эришилган натижаларнинг талабгор таҳсил олаётган магистратура мутахассислиги мослигига устуворлик берилади.
2. Агар талабгор муқаддам давлат стипендияси совриндори бўлган бўлса, совриндор бўлган санадан кейинги даврида эришган натижалари ва илмий-тадқиқот ишлари инобатга олинади»;
б) 3-иловада:
1-банднинг биринчи хатбошиси «таълим йўналишлари» сўзларидан кейин «кундузги таълим шакли» сўзлари билан тўлдирилсин;
2-бандда:
учинчи хатбошидаги «(кейинги ўринларда — номли давлат стипендиялари)» сўзлари чиқариб ташлансин;
қуйидаги мазмундаги еттинчи хатбоши билан тўлдирилсин:
«Абдулла Авлоний номли давлат стипендияси педагогика йўналишидаги олий таълим муассасалари, шу жумладан, қўшма таълим дастурларининг охирги икки курсида ўқиётган талабаларга тайинланади ва тўланади. Бунда ушбу номли давлат стипендияси сони ҳар бир педагогика йўналишидаги олий таълим муассасаси учун алоҳида биттадан белгиланади»;
3-банд қуйидаги таҳрирда баён этилсин:
«3. Келгуси ўқув йили учун Беруний, Ибн Сино, Навоий, Улуғбек, Имом ал-Бухорий, Ислом Каримов, Бобур, Паҳлавон Маҳмуд, Абдулла Авлоний, Тўлепберген Қаипбергенов ва Ибройим Юсупов номли давлат стипендиялари (кейинги ўринларда — номли давлат стипендиялари) сони жорий ўқув йили охирида Ўзбекистон Республикаси Олий таълим, фан ва инновациялар вазирлиги тақдимномасига биноан Вазирлар Маҳкамаси томонидан белгиланади.
Бунда Ўзбекистон Республикасидаги давлат, нодавлат ва хорижий олий таълим муассасалари ҳамда уларнинг филиаллари бўйича номли давлат стипендиялари сони Ўзбекистон Республикаси Олий таълим, фан ва инновациялар вазирлиги томонидан Олий таълим йўналишлари ва мутахассисликлари классификаторига мувофиқ ҳар йили тасдиқланадиган танлов йўналишлари ва талабалар сонидан келиб чиқиб тақсимланади»;
4-бандда:
биринчи хатбоши қуйидаги таҳрирда баён этилсин:
«4. Ўзбекистон Республикаси Президенти ва номли давлат стипендиялари танловларида иштирок этадиган номзодларга (кейинги ўринларда — талабгорлар) қуйидаги талаблар белгиланади:»;
«а» кичик банднинг бешинчи хатбошиси қуйидаги таҳрирда баён этилсин:
«тилларни — давлат тилини ва битта хорижий тилни билиш (Мустақил Давлатлар Ҳамдўстлигига аъзо мамлакатлар давлат тилларидан ташқари), бакалавриатдаги таълим йўналиши хорижий тил бўлган тақдирда эса, қўшимча равишда яна битта хорижий тилни билиш талаб қилинади. Бунда талабгорлар ушбу тиллар бўйича ўз билимлари даражасини аниқлаш учун ўқиш жойидаги тил кафедраларида махсус суҳбатдан ўтадилар;»;
қуйидаги мазмундаги 41-банд билан тўлдирилсин:
«41. Ўзбекистон Республикаси Президенти ва номли давлат стипендиялари танловларининг олий таълим муассасаси босқичи ҳар йили май — июль ойларида ўтказилади.
Танловларнинг олий таълим муассасаси босқичи мазкур Низомга қатъий риоя қилган ҳолда, олий таълим муассасаси ректори (филиал директори) томонидан кадрлар тайёрлаш йўналишларининг хусусиятларини инобатга олиб тасдиқланган муддатда ва тартибда ўтказилади»;
5-бандда:
иккинчи хатбошидаги «Ўзбекистон Республикаси Президенти ва номли давлат стипендияларига» сўзлари чиқариб ташлансин;
учинчи хатбошидаги «синов дафтарчасидан кўчирма» сўзлари «транскрипт нусхаси» сўзлари билан алмаштирилсин;
7-банд қуйидаги таҳрирда баён этилсин:
«7. Олий таълим муассасаси кенгаши қарорига асосан танловларнинг навбатдаги босқичига тавсия этилган талабгорлар тўғрисидаги маълумотлар ва тегишли ҳужжатлар олий таълим муассасасининг масъул ходими томонидан Олий таълим, фан ва инновациялар вазирлигининг «my.edu.uz» электрон тизимига ҳар йили 1 — 15 август кунлари киритилади.
Бунда талабгорларнинг ҳужжатлари аслига тўғри эканлиги ҳамда «my.edu.uz» электрон тизимига ўз вақтида ва тўғри киритилиши бўйича масъулият олий таълим муассасаси ректори (филиал директори) зиммасига юкланади.
Талабгорларнинг ўзлаштириш кўрсаткичлари Олий таълим, фан ва инновациялар вазирлигининг «НEMIS» — Олий таълим жараёнларини бошқариш ахборот тизими орқали шакллантирилади»;
8-банддаги «Олий ва ўрта махсус таълим вазирлиги» сўзлари «Олий таълим, фан ва инновациялар вазирлиги» сўзлари билан алмаштирилсин;
қуйидаги мазмундаги 81 — 84-бандлар билан тўлдирилсин:
«81. Ўзбекистон Республикаси Олий таълим, фан ва инновациялар вазирлиги:
талабгорларни саралаш вазифаси юкланадиган танлов комиссияси фаолиятини ташкил этади;
талабгорларнинг таълим ва илмий (ижодий) тайёргарлик даражасини баҳолаш мақсадида ишларни кўриб чиқиш учун экспертлар гуруҳларини тузади;
Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги (кейинги ўринларда — Агентлик) билан биргаликда ахборот технологиялари, Ўзбекистон тарихи, хорижий тиллар бўйича имтиҳон комиссияларини ташкил этади, тест топшириқларини ишлаб чиқади;
танлов комиссияси ва эксперт гуруҳларининг иш тартибини белгилайди;
танлов комиссияси мажлисларини ўтказиш муддатларини белгилайди;
талабгорлар эксперт гуруҳлари томонидан кўрсаткичларини баҳолаш натижаларидан норози бўлганда, уларнинг шикоятларини кўриб чиқиш бўйича 5 нафардан кам бўлмаган таркибда апелляция комиссияси фаолиятини ташкил этади.
82. Талабгорларнинг ҳужжатлари (кўрсаткичлари) эксперт гуруҳлари томонидан кўриб чиқилиб, мазкур Низомга иловага мувофиқ баҳолаш мезони асосида баҳоланади ҳамда Ўзбекистон Республикаси Президенти ва ҳар бир номли давлат стипендиялари бўйича қайднома расмийлаштирилади.
Эксперт гуруҳи томонидан ҳар бир талабгорга қўйилган балл эксперт гуруҳи фаолияти якунлангандан сўнг 24 соат муддатда «my.edu.uz» электрон тизими орқали талабгорга маълум қилинади.
83. Эксперт гуруҳи томонидан қўйилган баллардан (ўз кўрсаткичлари бўйича) норози бўлган талабгорларга баҳолаш натижалари эълон қилинган вақтдан бошлаб 48 соат давомида «my.edu.uz» электрон тизими орқали апелляция аризаси бериш имконияти яратилади.
Апелляция аризалари апелляция комиссияси томонидан аризалар сонидан келиб чиққан ҳолда, уч кун ичида кўриб чиқилади.
Апелляция комиссияси аъзоларнинг камида учдан икки қисми иштирок этганда ваколатли ҳисобланади.
Апелляция аризаларини кўриб чиқишда апелляция комиссияси талабгорларнинг барча ҳужжатларини мазкур Низомга иловага мувофиқ баҳолаш мезони асосида баҳолаш мезони асосида ҳар томонлама ўрганади.
Апелляция комиссияси апелляция аризасини кўриб чиқиш натижаси бўйича қуйидаги қарорлардан бирини қабул қилади:
қўйилган балларни ўзгаришсиз қолдиради;
қўйилган балларни ўзгартиради.
84. Талабгорлар ахборот технологиялари, Ўзбекистон тарихи, хорижий тиллар бўйича Агентликда (ҳудудлар бўйича) махсус тест синовлари топширадилар. Бунда:
тест синовлари бўйича ўтиш баллининг қуйи чегараси тўплаш мумкин бўлган энг юқори баллнинг 55 фоизи ҳисобланади;
тўплаш мумкин бўлган энг юқори баллнинг 55 фоизидан паст балл тўплаган ҳамда тест синовларига қатнашмаган талабгорлар Ўзбекистон Республикаси Президенти ва номли давлат стипендияларига тавсия этилмайди;
Агентлик бир кун муддатда якуний қайдномаларни тест синовлари натижалари билан бирга Олий таълим, фан ва инновациялар вазирлигига тақдим этади»;
9 — 12-бандлар қуйидаги таҳрирда баён этилсин:
«9. Талабгорларнинг тест синовлари натижалари ва эксперт гуруҳларининг баҳолаш натижалари умумлаштирилиб, уларнинг якуний баллари эълон қилинади.
Якуний баллар натижаларига кўра ҳар бир олий таълим муассасаси бўйича ажратилган квоталар сонига мувофиқ энг юқори балл тўплаган талабгорлар рўйхати эксперт гуруҳларининг баённомаларига асосан Ўзбекистон Республикаси Президенти ва номли давлат стипендиясига тавсия этиш учун танлов комиссияларига тақдим этилади.
10. Ўзбекистон Республикаси Президенти ва номли давлат стипендиялари совриндорлари эксперт гуруҳларининг баённомалари асосида Олий таълим, фан ва инновациялар вазирлигида ташкил этилган танлов комиссиялари қарорига асосан аниқланади.
11. Танлов комиссияларининг қабул қилинган қарорларига асосан, Ўзбекистон Республикаси Президенти ва номли давлат стипендиялари совриндори бўлган талабалар рўйхати Ўзбекистон Республикаси олий таълим, фан ва инновациялар вазирининг буйруғи билан тасдиқланади.
12. Ўзбекистон Республикаси олий таълим, фан ва инновациялар вазирининг буйруғи олий таълим муассасаси ректори (филиал директори, ижрочи директори)нинг талабаларга Ўзбекистон Республикаси Президенти ва номли давлат стипендияларини тайинлаш ва тўлаш ҳақидаги буйруқларини расмийлаштириши учун асос ҳисобланади.
Стипендиялар 1 сентябрдан бошлаб бир ўқув йили учун (талабалар сафидан четлатилганда шу ойга қадар) белгиланган миқдорга қатъий риоя қилган ҳолда тайинланади.
Номли давлат стипендиялари совриндори бўлган талабаларга муайян таълим босқичида номли давлат стипендиялари танловларида қайта иштирок этишига рухсат этилмайди»;
13-бандда:
қуйидаги мазмундаги ўн биринчи хатбоши билан тўлдирилсин:
«Абдулла Авлоний номли давлат стипендиясининг соҳиби»;
ўн биринчи — ўн учинчи хатбошилар тегишлича ўн иккинчи — ўн тўртинчи хатбошилар деб ҳисоблансин;
14-банддаги «кириш имтиҳонларисиз» сўзлари «танловларсиз» сўзи билан алмаштирилсин;
қуйидаги мазмундаги илова билан тўлдирилсин:
«Бакалавриат босқичи талабалари учун Ўзбекистон Республикаси Президенти ва номли давлат стипендиялари ҳамда уларни тайинлаш тартиби тўғрисидаги низомга
ИЛОВА
Ўзбекистон Республикаси Президенти ва номли давлат стипендияларига ҳужжат топширган бакалавриат таълим йўналишида таҳсил олаётган талабгорларнинг кўрсаткичларини баҳолаш мезони

Т/р

Кўрсаткичлар

Қўйиладиган балл

Изоҳ

1.

Илмий-тадқиқот ишлари (илмий мақола, тезис ва бошқалар)

30 баллгача

Талабгор томонидан мустақил танланган асосий 2 та илмий-тадқиқот иши инобатга олинади ва ҳар бири 15 баллгача баҳоланади*

Қолган илмий-тадқиқот ишлари

10 баллгача

Асосий танланган 2 та илмий-тадқиқот ишидан бошқа барча ишлари инобатга олинади ва жами 10 баллгача баҳоланади

2.

Эришган ютуқлари (Давлат мукофоти, халқаро ва республика фан олимпиадаси ҳамда кўрик танловлар ғолиблиги, патент, ихтиролар ва бошқалар)

20 баллгача

Талабгорнинг таҳсил олаётган мутахассислигига мослигига устуворлик берилади

3.

Тил билиш сертификати (бакалавриат таълим йўналиши хорижий тил бўлган тақдирда, бошқа хорижий тилни билиш сертификати талаб этилади)

10 баллгача

Олий таълим, фан ва инновациялар вазирлиги ҳамда Мактабгача ва мактаб таълими вазирлигининг қўшма қарори билан тасдиқланган миллий ва халқаро сертификатлар инобатга олинади. «B1» даражасидан паст даражалар ҳамда амал қилиш муддати ўтган сертификатлар инобатга олинмайди

4.

Билим ва малакаларни баҳолаш агентлиги томонидан Ўзбекистон тарихи, ахборот технологиялари, хорижий тиллар бўйича ўтказиладиган тест синовлари натижалари

30 баллгача

Тўплаш мумкин бўлган энг юқори баллга мутаносиб равишда ҳисобланади

Изоҳ.
1. *Ўзбекистон Республикаси Президенти давлат стипендиясига талабгорлардан бакалавриат таълим йўналишига мос мавзуда камида иккита эълон қилинган илмий-тадқиқот ишлари (илмий мақола, тезис ва бошқалар)нинг мавжудлиги талаб этилади.
2. Қуйидагиларга:
илмий ишлар, ютуқлар, натижаларга айнан талабанинг муайян таълим босқичи даврида эришганлигига;
илмий-тадқиқот ишларининг изчиллигига, якка муаллифликда ҳамда нуфузли нашрларда чоп этилганлигига;
илмий-тадқиқот ишлари, эришилган натижаларнинг талабгор таҳсил олаётган таълим йўналишига мослигига устуворлик берилади.
3. Агар талабгор муқаддам давлат стипендияси совриндори бўлган бўлса, совриндор бўлган санадан кейинги даврида эришган натижалари ва илмий-тадқиқот ишлари инобатга олинади».
7. Вазирлар Маҳкамасининг 2014 йил 10 июлдаги 186-сон қарори билан тасдиқланган Кўчмас мулк объектларининг давлат кадастри соҳасида давлат хизматлари нархларини белгилаш тартибининг изоҳ қисмида:
а) 2-банднинг «б» кичик бандида:
қуйидаги мазмундаги бешинчи хатбоши билан тўлдирилсин:
«суд томонидан кўчмас мулкка бўлган ҳуқуқни давлат рўйхатидан ўтказиш учун асос бўлган ҳуқуқни белгиловчи ҳужжат ҳақиқий эмас деб топилиши натижасида олдинги ҳуқуқ эгасининг кўчмас мулкка бўлган ҳуқуқи тикланган тақдирда, ушбу ҳуқуқ давлат рўйхатидан ўтказилганда»;
бешинчи хатбоши олтинчи хатбоши деб ҳисоблансин;
б) 5-банд қуйидаги таҳрирда баён этилсин:
«5. «Камбағал оилалар реестри» ахборот модулида қизил тоифага киритилган оилаларнинг аъзоларига давлат хизматлари нархи хизматлар умумий қийматининг 25 фоизини, «Камбағал оилалар реестри» ахборот модулида сариқ тоифага киритилган оилаларнинг аъзоларига, «Ижтимоий ҳимоя ягона реестри» ахборот тизимида рўйхатга олинган шахсларга, шунингдек, I ва II гуруҳ ногиронлари ҳамда Иккинчи жаҳон уруши қатнашчилари учун давлат хизматлари нархи хизматлар умумий қийматининг 50 фоизини ташкил қилади (тадбиркорлик фаолияти мақсадларида ёки юридик шахслар вакили сифатида мурожаат қилинган ҳолатлар бундан мустасно)».
8. Вазирлар Маҳкамасининг 2017 йил 9 февралдаги 66-сон қарори билан тасдиқланган Тадбиркорлик субъектларини давлат рўйхатидан ўтказиш тартиби тўғрисидаги низомда:
а) 21-бандда:
тўртинчи хатбоши қуйидаги таҳрирда баён этилсин:
«Бунда ариза берувчи хоҳишига кўра:»;
қуйидаги мазмундаги бешинчи — еттинчи хатбошилар билан тўлдирилсин:
«тадбиркорлик субъекти бўлган юридик шахсни аудиторлик ташкилоти сифатида қайта рўйхатдан ўтказишда, аудиторлик ташкилотини Аудиторлик ташкилотларининг реестрига киритиш бўйича — Иқтисодиёт ва молия вазирлигига;
тадбиркорлик субъекти бўлган юридик шахснинг номи ёки ташкилий-ҳуқуқий шакли, жисмоний шахс бўлган тадбиркорлик субъектининг фамилияси, исми, отасининг исми ўзгарганлиги сабабли қайта рўйхатдан ўтказишда, автомототранспорт воситасини қайта рўйхатдан ўтказиш бўйича — ички ишлар органларига аризалар композит тарзда юборилиши мумкин.
Ариза берувчи хоҳишига кўра автомототранспорт воситаларини рўйхатга олиш ҳақидаги гувоҳномани ички ишлар органларига ўзи бориб ёки етказиб бериш хизматидан фойдаланган ҳолда олиши мумкин»;
бешинчи — ўн саккизинчи хатбошилар тегишлича саккизинчи — йигирма биринчи хатбошилар деб ҳисоблансин;
б) 2-илованинг 5-позицияси «Амалга ошириладиган ҳаракатлар» устуни «субъектининг ўзига» сўзларидан кейин «(муассисига)» сўзи билан тўлдирилсин.
9. Вазирлар Маҳкамасининг 2017 йил 22 майдаги 304-сон қарори билан тасдиқланган Олий таълимдан кейинги таълим тўғрисидаги низомда:
а) 18-банд қуйидаги таҳрирда баён этилсин:
«18. Стажёр-тадқиқотчилик ва таянч докторантурада ўқиш учун талабгорлар илмий ташкилот ёки таълим муассасаларига қуйидаги ҳужжатларни тақдим этадилар:
ариза;
қисқача биографик маълумотнома;
клиник ординатурани тугатганлик (тиббиёт фанлари учун) тўғрисидаги диплом нусхаси;
нашр этилган илмий ишлар рўйхати, шунингдек уларнинг нусхалари.
Ўзбекистон Республикаси Президенти давлат стипендияси соҳиблари тегишли ҳужжат нусхасини тақдим этадилар.
Талабгорларнинг меҳнат дафтарчасининг белгиланган тартибда тасдиқланган нусхаси (ишлаётган талабгорлар учун) олий таълим муассасаси бакалаври ва магистратураси диплом маълумотлари «Рақамли ҳукумат» тизимининг идоралараро интеграциялашув платформаси орқали мустақил равишда олинади»;
б) 20-банд қуйидаги таҳрирда баён этилсин:
«20. Докторантурада ўқишга талабгорлар илмий ташкилот ёки таълим муассасаларига қуйидаги ҳужжатларни тақдим этадилар:
ариза;
қисқача биографик маълумотнома;
фан номзоди ёхуд фалсафа доктори (PhD) ёки хорижий давлатларда унга тенглаштирилган илмий даражага эга бўлганлиги тўғрисидаги диплом нусхаси;
тадқиқот мавзуси бўйича илмий маъруза ва фан доктори (DSc) илмий даражасини олиш учун тайёрланган докторлик диссертацияси режасининг муфассал лойиҳаси;
нашр этилган илмий ишлар рўйхати, шунингдек уларнинг нусхалари.
Талабгорларнинг меҳнат дафтарчасининг нусхаси (ишлаётган талабгорлар учун) ва олий маълумот тўғрисидаги диплом маълумотлари «Рақамли ҳукумат» тизимининг идоралараро интеграциялашув платформаси орқали мустақил равишда олинади».
10. Вазирлар Маҳкамасининг 2017 йил 31 августдаги 683-сон қарори билан тасдиқланган Автомототранспорт воситаларини давлат рўйхатидан ўтказиш тартиби тўғрисидаги низомнинг 51-банди қуйидаги таҳрирда баён этилсин:
«51. Мулкдор — жисмоний шахснинг фамилияси, исми, отасининг исми ўзгарганда, шунингдек, мулкдор — юридик шахс қайта ташкил этилганда ёки номланиши ўзгарганда, автомототранспорт воситасини қайта рўйхатдан ўтказиш учун мулкдор ёки унинг вакили ЙҲХХ ва унинг ҳудудий бошқармаларига қуйидаги ҳужжатларни тақдим этади:
автомототранспорт воситаси эгаси ёки унинг вакилининг белгиланган намунадаги аризаси;
автомототранспорт воситаси эгаси ёки унинг вакилининг шахсини тасдиқловчи ҳужжат.
Қуйидаги маълумотлар «Рақамли ҳукумат» тизимининг идоралараро интеграциялашув платформаси орқали аниқланади:
мулкдор — жисмоний шахснинг фамилияси, исми, отасининг исми, шунингдек, мулкдор — юридик шахснинг қайта ташкил этилиши ёки номланиши ўзгарганлиги;
рўйхат ҳаракатларини амалга ошириш мобайнидаги ЙҲХХ ва унинг ҳудудий бошқармаларининг хизматлари учун белгиланган миқдордаги тўловларни тўлаганлиги.
Юридик шахснинг номи ёки ташкилий-ҳуқуқий шакли, жисмоний шахснинг, шунингдек, жисмоний шахс бўлган тадбиркорлик субъектининг фамилияси, исми, отасининг исми ўзгарганлиги сабабли қайта рўйхатдан ўтказишда, автомототранспорт воситаси эгаси ёки унинг вакилининг хоҳишига кўра автомототранспорт воситасини қайта рўйхатдан ўтказиш бўйича аризалар композит тарзда юборилиши мумкин.
Бунда қайта рўйхатдан ўтказиш учун зарур бўлган маълумотлар мазкур банднинг тўртинчи хатбошисида белгиланган тартибда аниқланади.
Мулкдор — жисмоний шахснинг фамилияси, исми, отасининг исми ўзгарганда, шунингдек мулкдор — юридик шахс қайта ташкил этилганда ёки номланиши ўзгарганда автомототранспорт воситасининг рўйхатга олиш картасига тегишли ўзгартиришлар киритилади, илгари берилган автомототранспорт воситасини рўйхатдан ўтказиш тўғрисидаги гувоҳнома эса автомототранспорт воситаси эгаси ҳақида янги маълумотларни кўрсатган ҳолда алмаштирилади».
11. Вазирлар Маҳкамасининг 2018 йил 22 февралдаги 135-сон қарори билан тасдиқланган Социал ва ижтимоий аҳамиятга молик лойиҳаларни амалга ошириш учун давлат органлари томонидан давлат ижтимоий буюртмаси бериш тартиби тўғрисидаги низомнинг 25-банди қуйидаги таҳрирда баён этилсин:
«25. Танловда иштирок этиш учун нодавлат нотижорат ташкилотлари қуйидаги ҳужжатларни электрон шаклда махсус ахборот портали орқали тегишли давлат органига тақдим этади.
ушбу Низомга 2-иловага мувофиқ шаклдаги танловда иштирок этиш ҳақида ариза;
давлат ижтимоий буюртмасини бажаришнинг батафсил таснифи;
нодавлат нотижорат ташкилоти уставининг нусхаси;
Нодавлат нотижорат ташкилотининг ташаббуси билан бошқа ҳужжатлар (сертификатлар, ўтказилган текширишлар бўйича маълумотлар ва шу кабилар) ҳам тақдим қилиниши мумкин.
Бунда нодавлат нотижорат ташкилотларининг давлат рўйхатидан ўтганлик ҳақидаги гувоҳнома нусхаси, қарздорлик мавжуд эмаслиги ҳақида солиқ инспекцияси томонидан тақдим этилган маълумотнома ҳамда махсус рухсатнома (лицензия) нусхаси (агар давлат ижтимоий буюртмаси доирасидаги лойиҳаларни амалга ошириш учун махсус рухсатнома (лицензия) талаб этилса) «Рақамли ҳукумат» тизимининг идоралараро интеграциялашув платформаси орқали мустақил равишда олинади».
12. Вазирлар Маҳкамасининг 2018 йил 4 майдаги 336-сон қарори билан тасдиқланган Ўзбекистон Республикаси Ёшлар ишлари агентлиги ҳузуридаги Ёшлар муаммоларини ўрганиш ва истиқболли кадрларни тайёрлаш институтига тингловчиларни ўқишга қабул қилиш тартиби тўғрисидаги низомда:
а) 13-банд қуйидаги таҳрирда баён этилсин:
«13. Номзодлар Комиссияга қуйидаги ҳужжатларни тақдим этадилар:
давлат ва хўжалик бошқаруви органлари, маҳаллий ижро этувчи ҳокимият органлари, фуқароларнинг ўзини ўзи бошқариш органлари, жамоат ташкилотларининг биринчи раҳбарлари имзоси билан тавсиянома;
Институт директори номига ёзилган ариза;
сўровнома, маълумотнома-объективка (яқин қариндошлари тўғрисидаги маълумотлар кўрсатилган ҳолда);
086-У шакл бўйича тиббий маълумотнома;
Номзоднинг олий маълумоти тўғрисидаги диплом маълумотлари, меҳнат дафтарчасининг нусхаси ва паспорт (идентификацияловчи ID-картаси) нусхаси маълумотлари ва фотосурати «Рақамли ҳукумат» тизимининг идоралараро интеграциялашув платформаси орқали мустақил равишда олинади.
Ҳужжатларга номзоднинг фаолияти давомидаги муайян ютуқларини (мукофотлари, ихтиро патентлари ва бошқа эришган ютуқларини) акс эттирувчи ҳужжатлар нусхалари илова қилиниши мумкин.
Институтга ўқишга тавсия этишда номзодларнинг ўзига ва уларнинг ҳужжатларига нисбатан қўйилган талабларга қатъий риоя этиш, ҳужжатларнинг ҳаққонийлиги ва тўғрилиги бўйича масъулият тавсия этаётган давлат ва хўжалик бошқаруви органлари, маҳаллий ижро этувчи ҳокимият органлари, фуқароларнинг ўзини ўзи бошқариш органлари ҳамда жамоат ташкилотлари раҳбарлари зиммасига юкланади»;
б) 32-банд қуйидаги таҳрирда баён этилсин:
«32. Номзодлар Институтнинг малака ошириш ўқув курсларига қабул қилиниши учун қуйидаги ҳужжатларни тақдим этадилар:
иш жойидан тавсиянома;
Институт директори номига ёзилган ариза;
сўровнома, маълумотнома-объективка (яқин қариндошлари тўғрисидаги маълумотлар кўрсатилган ҳолда);
086-У шакл бўйича тиббий маълумотнома;
Номзоднинг диплом маълумотлари, фотосурати ва паспорт (идентификацияловчи ID-картаси) нусхаси «Рақамли ҳукумат» тизимининг идоралараро интеграциялашув платформаси орқали мустақил равишда олинади».
13. Вазирлар Маҳкамасининг 2018 йил 31 майдаги 408-сон қарори билан тасдиқланган Автомототранспорт воситалари ва шаҳар электр транспорти воситалари ҳайдовчиларини тайёрлаш, қайта тайёрлаш ва уларнинг малакасини ошириш тартиби тўғрисидаги низомнинг 8-банди қуйидаги мазмундаги хатбоши билан тўлдирилсин:
«Мазкур банднинг «в» ва «г» кичик бандларида назарда тутилган ҳужжатлар барча давлат таълим ташкилотлари томонидан «Рақамли ҳукумат» тизимининг идоралараро интеграциялашув платформаси орқали мустақил равишда олинади».
14. Вазирлар Маҳкамасининг 2018 йил 28 июлдаги 594-сон қарори билан тасдиқланган Жаҳон иқтисодиёти ва дипломатия университетининг бакалавриат ва магистратурасига ўқишга қабул қилиш тўғрисидаги низомнинг 9-банди қуйидаги таҳрирда баён этилсин:
«9. Абитуриентлар қуйидаги ҳужжатларни қабул комиссиясига тақдим этадилар:
ректор номига бакалавриат таълим йўналиши, ўқув тили ва шакли кўрсатилган ариза;
умумий ўрта таълим (11-синф негизида) ёки ўрта махсус, касб-ҳунар таълими муассасаси (академик лицей, касб-ҳунар коллежи)ни тугатганлиги ҳақидаги ҳужжатнинг асл нусхаси (чет эл фуқаролари ва фуқаролиги бўлмаган шахслар учун);
086-У шакл бўйича тиббий маълумотнома;
паспорт нусхаси (16 ёшга тўлмаган шахслар туғилганлиги тўғрисидаги гувоҳнома нусхасини тақдим этади) (чет эл фуқаролари ва фуқаролиги бўлмаган шахслар учун);
3,5 х 4,5 см ҳажмдаги 6 дона рангли фотосурат (чет эл фуқаролари ва фуқаролиги бўлмаган шахслар учун);
меҳнат дафтарчасидан белгиланган тартибда тасдиқланган кўчирма (мавжуд бўлса) (чет эл фуқаролари ва фуқаролиги бўлмаган шахслар учун).
Ўзбекистон Республикаси фуқароси бўлган абитуриентнинг умумий ўрта таълим (11-синф негизида) ёки ўрта махсус, касб-ҳунар таълими муассасаси (академик лицей, касб-ҳунар коллежи)ни тугатганлиги ҳақидаги ҳужжатлари маълумотлари, паспорти (идентификацияловчи ID-картаси) нусхаси ва туғилганлиги тўғрисидаги гувоҳнома нусхаси, фотосурати ва меҳнат дафтарчасидан белгиланган тартибда тасдиқланган кўчирма «Рақамли ҳукумат» тизимининг идоралараро интеграциялашув платформаси орқали мустақил равишда олинади».
15. Вазирлар Маҳкамасининг 2018 йил 30 июлдаги 599-сон қарори билан тасдиқланган Ўзбекистон Республикаси Банк-молия академиясига тингловчиларни қабул қилиш тартиби тўғрисидаги низомда:
а) 18-банд қуйидаги таҳрирда баён этилсин:
«18. Магистратурага кириш учун Қабул комиссиясига номзодлар қуйидаги ҳужжатларни ҳар йили 1 июлдан 30 июлга қадар тақдим этадилар:
идоравий комиссия қароридан кўчирма;
мутахассислиги кўрсатилган ҳолда Академия томонидан белгиланган шаклдаги ариза;
номзоднинг иш жойидан тавсифнома;
ходимларни ҳисобга олиш бўйича шахсий варақа;
086-У-шаклдаги тиббий маълумотнома;
ҳарбий мажбурият тўғрисидаги ҳужжатлар нусхаси.
Қабул комиссиясига паспорт (идентификацияловчи ID-картаси) ва ҳарбий мажбурият тўғрисидаги ҳужжатларнинг асл нусхалари кўрсатилади.
Номзоднинг олий маълумот тўғрисидаги диплом маълумотлари, фотосурати ва меҳнат дафтарчасидан нусхаси ҳамда паспорт (идентификацияловчи ID-картаси) нусхаси «Рақамли ҳукумат» тизимининг идоралараро интеграциялашув платформаси орқали мустақил равишда олинади»;
б) 38-банд қуйидаги таҳрирда баён этилсин:
«38. Қайта тайёрлаш дастурлари доирасида ўқиш учун номзодлар Танлов комиссиясига қуйидаги ҳужжатларни тақдим этадилар:
мутахассислиги кўрсатилган ҳолда белгиланган шаклдаги ариза;
номзод фаолият юритаётган иш жойидан тавсифнома;
ходимларни ҳисобга олиш бўйича шахсий варақа;
086-У-шаклдаги тиббий маълумотнома;
ҳарбий мажбурият тўғрисидаги ҳужжатлар нусхаси.
Қабул комиссиясига паспорт (идентификацияловчи ID-картаси) ва ҳарбий мажбурият тўғрисидаги ҳужжатларнинг асл нусхалари кўрсатилади.
Номзоднинг олий маълумот тўғрисидаги диплом маълумотлари, фотосурати ва меҳнат дафтарчасидан нусхаси ҳамда паспорти (идентификацияловчи ID-картаси) нусхаси «Рақамли ҳукумат» тизимининг идоралараро интеграциялашув платформаси орқали мустақил равишда олинади».
16. Вазирлар Маҳкамасининг 2018 йил 29 ноябрдаги 971-сон қарори билан тасдиқланган Ўзбекистон Республикаси Миллий гвардияси Ҳарбий мусиқа академик лицейига ўқувчиларни танлаб олиш, ўқишга қабул қилиш ва ўқишдан четлатиш тартиби тўғрисидаги низомнинг 9-банди қуйидаги таҳрирда баён этилсин:
«9. Танлаб олишда қатнашиш учун қуйидаги ҳужжатлар тақдим этилиши талаб этилади:
номзоднинг ота-онаси (уларнинг ўрнини босувчи шахслар) томонидан академик лицей директори номига мазкур Низомга 2-иловага мувофиқ шаклдаги ариза;
номзоднинг ота-онаси (уларнинг ўрнини босувчи шахслар) томонидан мазкур Низомга 3-иловага мувофиқ шаклда тўлдирилган сўровнома;
086-У шакл бўйича тиббий маълумотнома;
6 дона 3х4 см ўлчамли рангли фотосурат;
номзоднинг ўқиш жойидан баҳолар табелининг нусхаси;
Ўзбекистон Республикаси ички ишлар вазирининг тақдимномаси.
Номзоднинг туғилганлик ҳақидаги гувоҳномаси нусхаси, тиббий дафтарчаси (063 шакл) ва номзоднинг ота-онасининг (уларнинг ўрнини босувчи шахсларнинг) паспортлари (идентификацияловчи ID-картаси) нусхалари «Рақамли ҳукумат» тизимининг идоралараро интеграциялашув платформаси орқали қабул комиссияси томонидан мустақил равишда олинади».
17. Вазирлар Маҳкамасининг «Ихтисослаштирилган санъат ва маданият мактаблари ҳамда мактаб-интернатларнинг фаолиятини ташкил этиш тўғрисида» 2019 йил 9 январдаги 9-сон қарорида:
а) 1-илованинг 69-банди қуйидаги таҳрирда баён этилсин:
«69. Тўловдан озод қилинадиган камбағал оила фарзандлари рўйхати «Камбағал оилалар реестри» ахборот модули орқали ва тегишли ихтисослаштирилган мактаб-интернатлардаги ота-оналар қўмитасининг хулосасига асосан аниқланади ва шакллантирилади»;
б) 3-илованинг 49-банди қуйидаги таҳрирда баён этилсин:
«49. Тўловдан озод қилинадиган камбағал оила фарзандлари рўйхати «Камбағал оилалар реестри» ахборот модули орқали ва тегишли ихтисослаштирилган мактаб-интернатлардаги ота-оналар кенгашининг хулосасига асосан аниқланади ва шакллантирилади».
18. Вазирлар Маҳкамасининг ««Халқ чолғулари ижрочилари», Мукаррама Турғунбоева номидаги «Миллий рақс ижрочилари» ва Юнус Ражабий номидаги «Ёш мақом ижрочилари»я республика кўрик-танловларини ўтказиш тўғрисида» 2019 йил 20 мартдаги 237-сон қарорида:
а) 1-илованинг 11-банди қуйидаги таҳрирда баён этилсин:
«11. Танловда иштирок этишни истаган ижрочилар танлов бошланишидан ўттиз кун олдин Ўзбекистон Республикаси Маданият вазирлигига қуйидаги ҳужжатларни тақдим этишлари лозим:
танловда иштирок этиш учун маълумотнома (резюме);
ўқиш ёки иш жойидан берилган ижодий тавсифнома;
танловда иштирок этиш учун ижро дастури.
Ижрочиларнинг паспорти (идентификацияловчи ID-картаси), маълумот тўғрисидаги ҳужжат тўғрисидаги маълумотлари, ўқиш ва иш жойидан маълумотлар, фотосурати «Рақамли ҳукумат» тизимининг идоралараро интеграциялашув платформаси орқали мустақил равишда олинади»;
б) 2-илованинг 12-банди қуйидаги таҳрирда баён этилсин:
«12. Танловда иштирок этишни истаган ижрочилар танлов бошланишидан ўттиз кун олдин Қорақалпоғистон Республикаси Маданият вазирлиги, вилоятлар маданият бошқармалари ҳамда Тошкент шаҳар маданият бош бошқармасига қуйидаги ҳужжатларни тақдим этишлари лозим:
танловда иштирок этиш учун маълумотнома (резюме);
ўқиш ёки иш жойидан берилган ижодий тавсифнома ва маълумотнома;
танловда иштирок этиш учун ижро дастури (асар ва мусиқа номи, саҳна либоси муаллифи ва балетмейстернинг фамилияси, исми ва отасининг исмини кўрсатган ҳолда).
Ижрочиларнинг паспорти (идентификацияловчи ID-картаси), маълумот тўғрисидаги ҳужжат тўғрисидаги маълумотлари, ўқиш ва иш жойидан маълумотлар, фотосурати «Рақамли ҳукумат» тизимининг идоралараро интеграциялашув платформаси орқали мустақил равишда олинади»;
в) 3-илованинг 11-банди қуйидаги таҳрирда баён этилсин:
«11. Танловда иштирок этишни истаган ижрочилар танлов бошланишидан ўттиз кун олдин Ўзбек миллий мақом санъати марказига қуйидаги ҳужжатларни тақдим этишлари лозим:
танловда иштирок этиш учун маълумотнома (резюме);
ўқиш ёки иш жойидан берилган ижодий тавсифнома ва маълумотнома;
танловда иштирок этиш учун ижро дастури.
Ижрочиларнинг паспорти (идентификацияловчи ID-картаси), маълумот тўғрисидаги ҳужжат тўғрисидаги маълумотлари, ўқиш ва иш жойидан маълумотлар, фотосурати «Рақамли ҳукумат» тизимининг идоралараро интеграциялашув платформаси орқали мустақил равишда олинади».
19. Вазирлар Маҳкамасининг 2019 йил 29 апрелдаги 365-сон қарори билан тасдиқланган Ўзбекистон Республикаси Иқтисодиёт ва молия вазирлиги ҳузуридаги Божхона қўмитасининг Божхона институти магистратурасига ўқишга қабул қилиш тартиби тўғрисидаги низомнинг 6-банди қуйидаги таҳрирда баён этилсин:
«6. Номзодлар бўйича қуйидаги ҳужжатлар тақдим этилади:
билдирги (мутахассислик йўналиши кўрсатилган ҳолда);
ҳудудий божхона бошқармаси бошлиғининг номзодга берган тавсифномаси (Божхона қўмитасининг раиси ўринбосарининг Божхона қўмитасининг марказий аппарати ходимига берган тавсифномаси);
ходимнинг маълумотнома-сўровномаси;
хорижий тилларни билиш даражаси бўйича камида В2 даражадаги халқаро сертификат нусхаси;
Номзодларнинг паспорти (идентификацияловчи ID-картаси), олий маълумот тўғрисидаги диплом маълумотлари ва фотосурати, хорижий тилларни билиш даражаси бўйича камида В2 даражадаги миллий сертификати «Рақамли ҳукумат» тизимининг идоралараро интеграциялашув платформаси орқали мустақил равишда олинади.
Бунда номзодлар томонидан хорижий тилларни билиш даражаси бўйича тақдим этиладиган сертификатлар Ўзбекистон Республикасида олий таълим муассасалари магистратура мутахассисликларига ҳужжат топширишда талаб этиладиган бу турдаги сертификатларга қўйилган талабларга мос бўлиши лозим».
20. Вазирлар Маҳкамасининг 2019 йил 24 июлдаги 620-сон қарори билан тасдиқланган Хорижий давлатларда таълим олганлик тўғрисидаги ҳужжатларни тан олиш тартиби ҳақидаги низомда:
а) 4-банднинг иккинчи ва учинчи хатбошилари қуйидаги таҳрирда баён этилсин:
«умумий ўрта ва ўрта таълим олганлик тўғрисидаги ҳужжатлар Қорақалпоғистон Республикаси Мактабгача ва мактаб таълими вазирлиги, вилоятлар ҳамда Тошкент шаҳри мактабгача ва мактаб таълими бошқармалари (кейинги ўринларда — ҳудудий бошқармалар) томонидан;
касбий таълим, олий таълим, кадрларни қайта тайёрлаш ва малака ошириш таълимини олганлик тўғрисидаги ҳужжатларни тан олиш — Ўзбекистон Республикаси Олий таълим, фан инновациялар вазирлиги ҳузуридаги Билим ва малакаларни баҳолаш агентлиги (кейинги ўринларда — Агентлик) томонидан тан олинади»;
б) 6 ва 7-бандлар қуйидаги таҳрирда баён этилсин:
«6. Хорижий давлатларда таълим олганлик тўғрисидаги ҳужжатларни тан олиш бўйича давлат хизматини кўрсатганлик учун қуйидаги миқдорда тўлов ундирилади:
касбий таълим тўғрисидаги ҳужжатларни тан олиш бўйича электрон ариза юборишда — базавий ҳисоблаш миқдорининг икки баравари;
олий таълим, кадрларни қайта тайёрлаш ва малака ошириш таълими ҳақидаги ҳужжатларни тан олиш бўйича электрон ариза юборишда — базавий ҳисоблаш миқдорининг уч баравари;
«Ижтимоий ҳимоя ягона реестри» ахборот тизимида рўйхатга олинган ёки «Камбағал оилалар реестри» ахборот модулининг сариқ тоифасига киритилган оилаларнинг аъзоларига, шунингдек, I ва II гуруҳ ногиронлиги бўлган шахсларга мазкур банднинг иккинчи — учинчи хатбошиларида белгиланган тўловнинг 50 фоиз миқдорида, «Камбағал оилалар реестри» ахборот модулининг қизил тоифасига киритилган оилаларнинг аъзоларига белгиланган тўловнинг 75 фоизи миқдорида чегирма қўлланилади.
Ягона интерактив давлат хизматлари портали орқали мурожаат қилинганда, давлат хизматини кўрсатганлик учун белгиланган тўловнинг 90 фоизи ундирилади.
Ундирилган тўлов қуйидаги тартибда тақсимланади:
а) Давлат хизматлари марказларига талабгорларнинг ўзлари келиб мурожаат қилганда, ундирилган тўловнинг:
18 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармасига;
20 фоизи — Ўзбекистон Республикасининг Давлат бюджетига;
11,75 фоизи — «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасида очилган махсус ҳисобварағига;
0,5 фоизи — «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасида очилган махсус ҳисобварағига;
қолган қисми — Билим ва малакаларни баҳолаш агентлигининг ривожлантириш жамғармаси ҳисобварағига;
б) Ягона интерактив давлат хизматлари портали орқали мурожаат қилинганда, ундирилган тўловнинг:
10 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармасига;
11,75 фоизи — «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасида очилган махсус ҳисобварағига;
0,5 фоизи — «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасида очилган махсус ҳисобварағига;
20 фоизи — Ўзбекистон Республикасининг Давлат бюджетига;
қолган қисми — Билим ва малакаларни баҳолаш агентлигининг ривожлантириш жамғармаси ҳисобварағига ўтказилади.
7. Хорижий давлатларда таълим олганлик тўғрисидаги ҳужжатлар қуйидаги ҳолларда тўғридан-тўғри (синовларсиз) тан олинади:
хорижий давлатларда умумий ўрта, касбий таълим ва малака ошириш таълимини олган талабгорларнинг хорижий давлатларда таълим олганлик тўғрисидаги ҳужжатлари;
Ўзбекистон Республикаси ҳудудида алоҳида бўлинмалари (филиаллари) ёки қўшма таълим дастурлари асосида фаолияти йўлга қўйилган хорижий таълим ташкилотларида таълим олган талабгорларнинг ҳужжатлари;
рўйхати ҳар йили Таълим сифатини таъминлаш миллий агентлиги ва Олий таълим, фан ва инновациялар вазирлигининг қўшма қарори билан тасдиқланадиган халқаро эътироф этилган ташкилотларнинг (Quacquarelli Symonds World University Rankings, Times Нigher Education, Academic Ranking of World Universities) рейтингида олий таълим ташкилотлари орасида биринчи 1 000 ўринни эгаллаган хорижий олий таълим ташкилотларида таълим олган талабгорларнинг ҳужжатлари (бунда талабгор таълимнинг бутун даврида мазкур рейтингга кирувчи олий таълим ташкилотида таълим олган бўлиши лозим);
хорижий олий таълим ташкилотларида мутахассисларни мақсадли тайёрлаш учун Ўзбекистон Республикаси вазирликлари, идоралари ҳамда давлат улуши 50 фоиз ва ундан юқори бўлган корхоналарнинг маблағлари (йўлланмалари) ҳисобидан таълим олган талабгорларнинг ҳужжатлари;
1992 йил 1 январгача хорижий таълим ташкилотларига ўқишга кирган талабгорларнинг ҳужжатлари;
Олий таълимда сифатни кафолатлаш Европа ассоциациясининг (European Association for Quality Assurance in Nigher Education) тўлақонли аъзолари — ваколатли ташкилотлар томонидан аккредитация қилинган таълим ташкилотларида таълим олган талабгорларнинг ҳужжатлари;
Америка Қўшма Штатлари, Австралия Иттифоқи, Исроил Давлати, Канада, Сингапур Республикаси, Жанубий Корея, Хитой, Япония, Буюк Британия, Германия, Франция, Италия давлатларининг ушбу давлатлар ваколатли ташкилотлари томонидан аккредитация қилинган таълим ташкилотларида таълим олган талабгорларнинг ҳужжатлари;
Ўзбекистон Республикасининг халқаро шартномалари, Ўзбекистон Республикаси Президенти ва Ўзбекистон Республикаси Вазирлар Маҳкамасининг қарорларида назарда тутилган ҳолларда таълим олганлик тўғрисидаги ҳужжатлар»;
в) 9 ва 15-бандлардаги тегишли келишикдаги «Давлат инспекцияси» сўзлари тегишли келишикдаги «Агентлик» сўзи билан алмаштирилсин;
г) 10-банднинг олтинчи хатбошиси қуйидаги таҳрирда баён этилсин:
«Шунингдек, зарур ҳолларда ваколатли орган томонидан талабгордан у ўқиш даврида хорижий давлатда бўлганини асословчи ҳужжатлар (миграция ёки божхона ёзувлари, вақтинчалик яшаш гувоҳномаси ва бошқалар) сўраб олиниши мумкин»;
д) 12-банднинг иккинчи хатбошисидаги «Давлат инспекцияси» сўзлари «Агентлик» сўзи билан, «таълим муассасалари» сўзлари «таълим ташкилотлари» сўзлари билан алмаштирилсин;
е) 16-бандда:
«тақдим этилмаган» сўзларидан кейин «, камчиликлари мавжуд бўлган» сўзлари билан тўлдирилсин;
«Давлат инспекцияси» сўзлари «Агентлик» сўзи билан алмаштирилсин;
ж) 22-банддаги «Давлат инспекциясига» сўзлари «Мактабгача ва мактаб таълими вазирлигига» сўзлари билан алмаштирилсин;
з) 23-банд қуйидаги таҳрирда баён этилсин:
«23. Хорижий давлатларда касбий таълим, олий таълим, кадрларни қайта тайёрлаш ва малака ошириш таълимини олганлик тўғрисидаги ҳужжатларни (кейинги ўринларда — хорижий таълим тўғрисидаги ҳужжатлар деб аталади) тан олиш учун Агентликда хорижий таълим тўғрисидаги ҳужжатларни тан олиш учун тақдим этиладиган ҳужжатларни ўрганиш бўйича эксперт гуруҳлари ташкил этилади.
Ҳужжатлар Давлат хизматлари марказлари ёки Ягона интерактив давлат хизматлари портали орқали келиб тушган пайтдан бошлаб Агентлик томонидан бир иш куни мобайнида сўровнома ва унга илова қилинган ҳужжатларнинг тўлиқлиги текширилади. Ҳужжатлар тўлиқ бўлган тақдирда, экспертиза учун бир иш кунидан кечиктирмасдан, махсус ахборот тизими орқали тегишли таълим соҳаси бўйича эксперт гуруҳи аъзосига юборилади»;
и) 24 — 26-бандлар қуйидаги таҳрирда баён этилсин:
«24. Эксперт гуруҳлари Агентлик директорининг буйруғи билан тегишли таълим соҳалари бўйича 7 кишидан кам бўлмаган таркибда ташкил этилади. Эксперт гуруҳлари таркибига вазирликлар ва идоралар тизимидаги ташкилотлар ҳамда муассасаларнинг етакчи олимлари ва мутахассислари киритилади.
Эксперт гуруҳларининг таркиби ва уларнинг иш тартиби Агентлик директори томонидан тасдиқланадиган регламентга мувофиқ белгиланади.
25. Эксперт гуруҳлари аъзолари ўн иш куни ичида талабгорларнинг ҳужжатларини хорижий давлатда эгалланган таълим стандартларининг ёки таълим дастурларининг Ўзбекистон Республикасида амалда бўлган давлат таълим стандартлари ва таълим дастурларига мувофиқлиги нуқтаи назаридан кўриб чиқиб, тақдим этилган ҳужжатни тан олишга қўйилган талабга мувофиқ ёки мувофиқ эмаслиги ҳақида эксперт хулосасини тайёрлайди.
Эксперт гуруҳлари аъзолари ўзлари берган хулосаларнинг тўғрилиги ва ҳаққонийлиги учун жавобгар ҳисобланади.
Ҳужжатни кўриб чиқиш якуни бўйича берилган хулосалар эксперт гуруҳи аъзоси томонидан махсус ахборот тизими орқали QR-код (матрик штрихли код) қўйилган ҳолда Агентликка тақдим этилади.
26. Эксперт гуруҳи хорижий таълим тўғрисидаги ҳужжатни тан олишни рад этиш ҳақида хулоса берган тақдирда, Агентликнинг масъул ходими бир иш куни ичида тақдим этилган ҳужжатни тан олишни рад этиш ҳақидаги хабарномани Давлат хизматлари марказларига ёки Ягона интерактив давлат хизматлари портали орқали талабгорга юборади»;
к) 27-бандда:
биринчи хатбошидаги «эксперт комиссияларининг» сўзлари «эксперт гуруҳи аъзосининг» сўзлари билан алмаштирилсин;
иккинчи хатбошидаги «Давлат инспекциясидан» сўзлари «Агентликдан» сўзи билан алмаштирилсин;
олтинчи хатбошидаги «эксперт комиссиясига» сўзлари «Агентликка» сўзи билан алмаштирилсин;
л) 28 ва 47-бандлардаги тегишли келишикдаги «таълим муассасалари» сўзлари тегишли келишикдаги «таълим ташкилотлари» сўзлари билан алмаштирилсин;
м) 30-банд қуйидаги таҳрирда баён этилсин:
«30. Агентлик томонидан хорижий таълим тўғрисидаги ҳужжатда кўрсатилган таълим ташкилотининг ўша давлатда тан олинганлиги, хорижий таълим тўғрисидаги ҳужжат ушбу ҳужжатда кўрсатилган таълим ташкилоти томонидан берилганлиги текширилиши, зарур ҳолларда тегишли таълим ташкилоти, маҳаллий ва хорижий ташкилотлардан аниқлаштирувчи ҳужжатлар сўраб олиниши мумкин»;
н) 32-банд ўз кучини йўқотган деб ҳисоблансин;
о) 33-банд қуйидаги таҳрирда баён этилсин:
«33. Эксперт гуруҳлари аъзоларига ҳамда эксперт гуруҳлари фаолиятига жалб этиладиган мутахассисларга Агентлик билан тузиладиган фуқаролик-ҳуқуқий шартномалар асосида ҳар битта хорижий таълим тўғрисидаги ҳужжат экспертизаси учун базавий ҳисоблаш миқдорининг бешдан бир қисми миқдорида ҳақ тўланади»;
п) 34-банднинг иккинчи хатбошисидаги «таълим муассасаси» сўзлари «таълим ташкилоти» сўзлари билан алмаштирилсин;
р) 35-банддаги «Давлат инспекцияси» сўзлари «Агентлик» сўзи билан, «эксперт комиссиялари» сўзлари «эксперт гуруҳлари» сўзлари билан алмаштирилсин;
с) 36-банд қуйидаги таҳрирда баён этилсин:
«36. Хорижий таълим тўғрисидаги ҳужжатларни тан олиш қуйидаги ҳолларда рад этилади:
а) хорижий давлатларда касбий маълумот тўғрисида ҳужжат берадиган таълимнинг умумий меъёрий даври (тўлиқ умумий ўрта ёки ўрта маълумот олингандан кейин) Ўзбекистон Республикаси таълим стандартларида назарда тутилган даврдан икки йилдан кам бўлса;
б) хорижий таълим тўғрисидаги ҳужжат берилган давлатда мазкур ҳужжатнинг эгасига Ўзбекистон Республикасидагига қараганда таълим олиш ва (ёки) касбий фаолият билан шуғулланиш учун кам ҳуқуқлар берилган бўлса (ҳужжат эгаси таълимнинг кейинги босқичида ўқишни давом эттириш, касбий фаолият билан шуғулланиш ҳуқуқига эга бўлмаса);
в) маълумот Ўзбекистон Республикаси қонунчилигида назарда тутилмаган таълим шаклида олинган бўлса;
г) олий таълим босқичларида:
бакалавриат бўйича Европа таълим тизими асосида ўқиш давомида ўқиган ҳар бир ўқув йилига ўрта ҳисобда 60 дан кам кредит тўплаган бўлса, бунда ўқишнинг норматив муддати кундузги ва масофавий (Ўзбекистон Республикасида масофавий таълим шакли жорий этиш мумкин бўлмаган бакалавриат таълим йўналишлари ва магистратура мутахассисликлари бундан мустасно) таълим шакли бўйича 3 йилдан, сиртқи таълим шакли бўйича эса тафовут Ўзбекистон Республикаси таълим стандартларида назарда тутилган даврдан бир йилдан кўп бўлмаслиги лозим;
малака амалиёти учун ажратилган вақт Таълим соҳасига оид йўналишлар бўйича ўқув дастури учун ажратилган умумий ўқув юкламасининг 10 фоизидан, Соғлиқни сақлаш таълим соҳасига оид йўналишлар бўйича эса 6 фоизидан кам бўлса;
магистратура бўйича ўқиш муддати бир йилдан кам бўлса;
д) тўғридан-тўғри (синовларсиз) тан олинадиган хорижий давлатларда таълим олганлик тўғрисидаги ҳужжатлар ушбу Низомнинг 7-бандида кўрсатилган талабларга тўғри келмаса.
Хорижий таълим тўғрисидаги ҳужжатларни тан олишни бошқа асослар бўйича рад этиш тақиқланади.
Хорижий давлатлар таълим тизими асосида тўпланган кредитлар Европа таълим тизими бўйича тўпланиши лозим бўлган минимал кредит миқдорига (ҳар бир ўқув йили учун ўрта ҳисобда 60 кредитдан кам бўлмаган) қиёсланган ҳолда аниқланади»;
т) 38 ва 39-бандлар қуйидаги таҳрирда баён этилсин:
«38. Эксперт гуруҳлари томонидан ижобий хулоса берилган хорижий давлатларда олий таълим ва кадрларни қайта тайёрлаш таълими олганлик тўғрисидаги ҳужжатлари тан олиш учун ҳужжат топширган талабгорлар учун Агентлик томонидан тест синовлари ташкил этилади (хорижий давлатларда таълим олганлик тўғрисидаги ҳужжатлар тўғридан-тўғри (синовларсиз) тан олинадиган ҳолатлар бундан мустасно).
Тест синовларининг ўтказилиш вақтлари ҳақидаги маълумот синовлар бошланишидан камида ўн кун олдин Агентликнинг Интернет жаҳон ахборот тармоғидаги расмий веб-сайтига жойлаштирилади.
Эксперт гуруҳи аъзосининг ижобий хулосасига эга бўлган талабгорлар Агентликнинг махсус ахборот дастури орқали тест синовида иштирок этиш муддати ва ҳудуди ҳамда тест синовини топшириш тилини (ўзбек, рус, инглиз) мустақил равишда танлайди.
39. Хорижий давлатларда олий таълим ва кадрларни қайта тайёрлаш таълимини олганлик тўғрисидаги ҳужжатлари бўйича эксперт гуруҳлари томонидан ижобий хулоса берилган талабгорларга тест синовлари ўтказилиши ҳақидаги хабарнома ариза берувчининг Ягона интерактив давлат хизматлари порталидаги шахсий кабинетига юборилади. Бунда хабарнома келиб тушган пайтдан бошлаб кўпи билан уч ой давомида тест синовларида иштирок этмаса, талабгорнинг хорижий давлатда таълим олганлик тўғрисидаги ҳужжатни тан олиш бўйича аризасини кўриб чиқиш рад этилади.
Бундай ҳолатда талабгор хорижий давлатда таълим олганлик ҳақидаги ҳужжатни тан олиш бўйича тест синовида иштирок этиш учун сўровнома тўлдирган ҳолда белгиланган тартибда қайтадан мурожаат қилиши мумкин»;
у) қуйидаги мазмундаги 411-банд билан тўлдирилсин:
«411. Қуйидаги ҳолатлар талабгорни тест синовлари жараёнидан четлаштирилиб, унинг тест синови натижасини инобатга олмасликка ҳамда хорижий давлатда таълим олганлик ҳақидаги ҳужжатини кўриб чиқиш тўғрисидаги аризасини рад этишга ва амалга оширилган тўлов қайтарилмаслигига асос бўлади:
тест синовлари ўтказиладиган бинога микрокалькулятор, луғат, жадвал, китоб, мобил телефон, компьютер, телекоммуникация қурилмалари ва бошқа воситалар, шпаргалкалар олиб кирса ёки улардан тест синовлари давомида фойдаланса;
тест синовлари жараёнида бир-бири билан гаплашса»;
ф) 42-банднинг иккинчи ва учинчи хатбошилари қуйидаги таҳрирда баён этилсин:
«Талабгорлар тест синовларини қайта топшириш учун мурожаат қилганда, уларнинг хорижий давлатларда таълим олганлик тўғрисидаги ҳужжатлари эксперт гуруҳи томонидан қайта кўриб чиқилмайди.
Тест синовларини қайта топшириш учун талабгорлардан базавий ҳисоблаш миқдорининг бир ярим баравари миқдорида тўлов ундирилади»;
х) 43-бандда:
иккинчи хатбошидаги «эксперт комиссиясининг» сўзлари «эксперт гуруҳининг» сўзлари билан алмаштирилсин;
тўртинчи хатбошидаги «Давлат инспекциясига» сўзлари «Агентликка» сўзи билан алмаштирилсин;
бешинчи хатбошидаги «Давлат инспекцияси бошлиғининг» сўзлари «Агентлик директорининг» сўзлари билан алмаштирилсин;
олтинчи хатбошидаги «эксперт комиссиялари» сўзлари «эксперт гуруҳлари» сўзлари билан алмаштирилсин;
ч) 44-банднинг биринчи хатбошисидаги «Эксперт комиссиялари» ва «Давлат инспекцияси бошлиғи» сўзлари тегишлича «Эксперт гуруҳлари» ва «Агентлик директори» сўзлари билан алмаштирилсин;
ш) 45-банднинг биринчи хатбошиси қуйидаги таҳрирда баён этилсин:
«45. Агентлик директорининг хорижий таълим тўғрисидаги ҳужжатларни тан олиш ҳақидаги гувоҳнома бериш ҳақидаги буйруғига асосан тегишли гувоҳномалар тайёрланади ҳамда Агентлик масъул ходими томонидан электрон рақамли имзо билан тасдиқланган ва QR-код қўйилган ҳолда тасдиқланиб, уч иш куни ичида тегишлилигига кўра Давлат хизматлари марказларига ёки Ягона интерактив давлат хизматлари портали орқали талабгорларга юборилади»;
э) 46-банддаги «Давлат инспекцияси» сўзлари «Агентлик» сўзи билан, «таълим муассасасига» сўзлари «таълим ташкилотига» сўзлари билан алмаштирилсин;
ю) 48-банд қуйидаги таҳрирда баён этилсин:
«48. Ҳудудий бошқармалар ва Агентлик хорижий давлатлар томонидан тан олинган хорижий таълим ташкилотлари тўғрисидаги маълумотларни тайёрлаб қўйиш чораларини кўрадилар.
Ўзбекистон Республикаси Ташқи ишлар вазирлиги хорижий давлатларнинг умумий ўрта, ўрта, касбий таълим, олий таълим, кадрларни қайта тайёрлаш ва малака ошириш таълими ташкилотлари тўғрисидаги маълумотларни олишда ҳудудий бошқармалар ва Агентликка кўмаклашади»;
я) 52-банднинг биринчи хатбошисидаги «Давлат инспекцияси» сўзлари «Агентлик» сўзи билан, «эксперт комиссиялари» сўзлари «эксперт гуруҳлари» сўзлари билан алмаштирилсин;
я1) 53 ва 54-бандлар қуйидаги таҳрирда баён этилсин:
«53. Хорижий давлатларда таълим олганлик тўғрисидаги ҳужжатларни тан олиш ҳақидаги гувоҳномалар реестри Агентликнинг «Агентлик томонидан тақдим қилинадиган сертификатларнинг маълумотлар базасини яратиш тизими»да юритилади.
Мактабгача ва мактаб таълими вазирлиги ҳамда Агентлик Рақамли технологиялар вазирлиги билан ҳамкорликда хорижий давлатларда таълим олиш бўйича маълумотнома ёки гувоҳнома берилган жисмоний шахслар ҳақидаги маълумотларни Давлат хизматларини кўрсатишда ва идоралараро электрон ҳамкорлик қилишда марказий маълумотлар базаларидаги маълумотлардан фойдаланиш бўйича «Электрон ҳукумат» тизимининг идоралараро интеграциялашув платформаси орқали тегишли вазирлик ва идораларнинг ахборот дастурларига интеграция қилинишини таъминлайди.
54. Давлат хизматлари марказлари, Рақамли технологиялар вазирлиги, ҳудудий бошқармалар ва Агентлик талабгорлар ҳақидаги маълумотларнинг махфийлигини таъминлаши лозим»;
я2) қуйидаги мазмундаги 55-банд билан тўлдирилсин:
«55. 1992 йил 1 январгача бўлган муддатда хорижий давлатда таълим олган фуқаролар таълим тўғрисидаги маълумотларни тегишли вазирлик ва идораларнинг ахборот дастурларига киритиш учун Агентликка хорижий давлатда таълим олганлик ҳақида уларга берилган ҳужжат, унга илова ҳамда уларнинг Ўзбекистон Республикасидаги давлат тилига таржима қилинган нусхаларини илова қилган ҳолда, ариза билан мурожаат қилишлари мумкин.
Агентлик зарур ҳолларда, тақдим этилган ҳужжат ҳақида аниқлаштирувчи маълумотларни олиш учун хорижий давлатдаги ваколатли ташкилотга сўровнома юбориши мумкин.
Агентлик мурожаатни ўрганиб чиқиб, хорижий давлатларда таълим олганлик ҳақидаги маълумотларни тегишли вазирлик ва идораларнинг ахборот дастурларига киритиш чораларини кўради ҳамда бу ҳақида мурожаат этувчига ёзма равишда жавоб юборади»;
я3) 1-илова қуйидаги таҳрирда баён этилсин:
«Хорижий давлатларда таълим олганлик тўғрисидаги ҳужжатларни тан олиш тартиби ҳақидаги низомга
1-ИЛОВА
Хорижий давлатларда таълим олганлик тўғрисидаги ҳужжатларни тан олиш
СХеМАСИ

Босқичлар

Субъектлар

Тадбирлар

Муддат

I. Хорижий давлатларда умумий ўрта ва ўрта таълим олганлик тўғрисидаги ҳужжатларни тан олиш

1-босқич

Хорижий давлатларда таълим олганлик тўғрисидаги ҳужжатларини тан олиш ҳақида мурожаат этган шахс,

Давлат хизматлари марказлари

1. Хорижий давлатларда умумий ўрта ва ўрта таълим олганлик тўғрисидаги ҳужжатларни тан олиш учун бевосита Давлат хизматлари марказлари орқали ёки Ягона интерактив давлат хизматлари порталида рўйхатдан ўтган ҳолда мурожаат қилади ҳамда ҳужжатларни топширади.

Заруратга кўра

2. Талабгорлар томонидан топширилган ҳужжатларни қабул қилиб олади ҳамда тегишлича Қорақалпоғистон Республикаси Мактабгача ва мактаб таълими вазирлиги, вилоятлар ҳамда Тошкент шаҳри мактабгача ва мактаб таълими бошқармаларига юборади.

Ҳужжатлар топширилгандан сўнг дарҳол

2-босқич

Қорақалпоғистон Республикаси Мактабгача ва мактаб таълими вазирлиги,

вилоятлар ҳамда Тошкент шаҳри мактабгача ва мактаб таълими бошқармалари

Ҳужжатларни уларнинг тўлиқлигини текширган ҳолда:

а) тақдим этилган ҳужжатлар тўлиқ бўлса — уларни тегишлича Қорақалпоғистон Республикаси Мактабгача ва мактаб таълими вазирлиги, вилоятлар ҳамда Тошкент шаҳри мактабгача ва мактаб таълими бошқармаларида ташкил этиладиган комиссияларга тақдим этади;

б) тақдим этилган ҳужжатлар белгиланган талабларга жавоб бермаса — уларни камчиликларини кўрсатган ҳолда Давлат хизматлари марказларига ёки Ягона интерактив давлат хизматлари портали орқали талабгорга қайтариб юборади;

в) қалбаки ҳужжат аниқланган тақдирда — тақдим этилган ҳужжатларни қонунчилик ҳужжатларига мувофиқ чора кўриш учун ҳуқуқни муҳофаза қилувчи органларга жўнатади.

Бир иш кунида

3-босқич

Қорақалпоғистон Республикаси Мактабгача ва мактаб таълими вазирлиги,

вилоятлар ҳамда Тошкент шаҳри мактабгача ва мактаб таълими бошқармаларида ташкил этиладиган комиссиялар

Хорижий давлатда умумий ўрта ва ўрта таълим олганлик тўғрисидаги ҳужжатларни экспертизадан ўтказиш натижасида хорижий давлатда умумий ўрта ва ўрта таълим олганлик тўғрисидаги ҳужжатларни тан олиш ёки тан олишни рад этиш ҳақида хулоса тайёрлайди ҳамда тегишлича Қорақалпоғистон Республикаси Мактабгача ва мактаб таълими вазирлиги, вилоятлар ҳамда Тошкент шаҳри мактабгача ва мактаб таълими бошқармаларига юборади.

Бир иш кунида

4-босқич

Қорақалпоғистон Республикаси Мактабгача ва мактаб таълими вазирлиги,

вилоятлар ҳамда Тошкент шаҳри мактабгача ва мактаб таълими бошқармалари

Қорақалпоғистон Республикаси Мактабгача ва мактаб таълими вазирлиги, вилоятлар ҳамда Тошкент шаҳри мактабгача ва мактаб таълими бошқармаларида ташкил этилган комиссияларнинг тегишли хулосасига кўра:

а) хорижий давлатларда умумий ўрта ва ўрта таълим олганлик тўғрисидаги ҳужжатлари тан олишга тавсия этилган талабгорларга маълумотнома бериш ҳақида Қорақалпоғистон Республикаси мактабгача ва мактаб таълими вазири, вилоятлар ҳамда Тошкент шаҳри мактабгача ва мактаб таълими бошқармалари бошлиқларининг буйруқларини қабул қилади ҳамда тегишли намунадаги маълумотномани тайёрлайди;

б) хорижий давлатларда умумий ўрта ва ўрта таълим олганлик тўғрисидаги ҳужжат белгиланган талабларга жавоб бермаслиги ҳақидаги тегишли хабарномани тайёрлайди;

в) тегишли маълумотнома (хабарнома)ни Давлат хизматлари марказларига жўнатади ёки Ягона интерактив давлат хизматлари портали орқали талабгорга юборади.

Бир иш кунида

5-босқич

Давлат хизматлари марказлари

Қорақалпоғистон Республикаси Мактабгача ва мактаб таълими вазирлиги, вилоятлар ҳамда Тошкент шаҳри мактабгача ва мактаб таълими бошқармалари масъул ходимининг электрон рақамли имзоси билан тасдиқланган маълумотномаларни талабгорга юборади.

Бир иш кунида

II. Хорижий давлатларда касбий таълим олганлик тўғрисидаги ҳужжатларни тан олиш

1-босқич

Хорижий давлатларда таълим олганлик тўғрисидаги ҳужжатларини тан олиш ҳақида мурожаат этган шахс,

давлат хизматлари марказлари

1. Хорижий давлатларда касбий таълим олганлик тўғрисидаги ҳужжатларни тан олиш учун бевосита Давлат хизматлари марказлари орқали ёки Ягона интерактив давлат хизматлари порталида рўйхатдан ўтган ҳолда Олий таълим, фан ва инновациялар вазирлиги ҳузуридаги Билим ва малакаларни баҳолаш агентлигига мурожаат қилади ҳамда ҳужжатларни топширади.

Заруратга кўра

2. Ҳужжатларни қабул қилиб олади ҳамда Олий таълим, фан ва инновациялар вазирлиги ҳузуридаги Билим ва малакаларни баҳолаш агентлигига юборади.

Ҳужжатлар топширилгандан сўнг дарҳол

2-босқич

Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги

Ҳужжатларни уларнинг тўлиқлигини текширган ҳолда:

а) тақдим этилган ҳужжатлар тўлиқ бўлса — уларни Олий таълим, фан ва инновациялар вазирлиги ҳузуридаги Билим ва малакаларни баҳолаш агентлигида ташкил этиладиган эксперт гуруҳларига тақдим этади;

б) тақдим этилган ҳужжатлар белгиланган талабларга жавоб бермаса — уларни камчиликларини кўрсатган ҳолда Давлат хизматлари марказларига ёки Ягона интерактив давлат хизматлари портали орқали талабгорга қайтариб юборади;

в) қалбаки ҳужжат аниқланган тақдирда — тақдим этилган ҳужжатларни қонунчилик ҳужжатларига мувофиқ чора кўриш учун ҳуқуқни муҳофаза қилувчи органларга жўнатади.

Бир иш кунида

3-босқич

Олий таълим, фан ва инновациялар вазирлиги ҳузуридаги Билим ва малакаларни баҳолаш агентлигида ташкил этиладиган эксперт гуруҳлари

Хорижий давлатда касбий таълим олганлик тўғрисидаги ҳужжатларни экспертизадан ўтказиш натижасида ушбу ҳужжатларни тан олиш ёхуд тан олишни рад этиш ҳақида хулоса тайёрлайди ҳамда Олий таълим, фан ва инновациялар вазирлиги ҳузуридаги Билим ва малакаларни баҳолаш агентлигига юборади.

Ўн иш кунида

4-босқич

Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги

Олий таълим, фан ва инновациялар вазирлиги ҳузуридаги Билим ва малакаларни баҳолаш агентлигида ташкил этиладиган эксперт гуруҳларининг тегишли хулосасига кўра:

а) хорижий давлатларда касбий таълим олганлик тўғрисидаги ҳужжатлари тан олишга тавсия этилган талабгорларга гувоҳнома бериш ҳақида Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги директорининг буйруғини қабул қилади ҳамда тегишли намунадаги гувоҳномани тайёрлайди;

б) хорижий давлатларда касбий таълим олганлик тўғрисидаги ҳужжат белгиланган талабларга жавоб бермаслиги ҳақидаги тегишли хабарнома тайёрлайди;

в) тегишли гувоҳнома (хабарнома)ни Давлат хизматлари марказларига жўнатади ёки Ягона интерактив давлат хизматлари портали орқали талабгорга юборади.

Беш иш кунида

5-босқич

Давлат хизматлари марказлари

Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги масъул ходимининг электрон рақамли имзоси билан тасдиқланган гувоҳнома (хабарнома)ни талабгорга юборади.

Бир иш кунида

III. Хорижий давлатларда олий таълим ва кадрларни қайта тайёрлаш таълимини олганлик тўғрисидаги ҳужжатларни тан олиш

1-босқич

Хорижий давлатларда таълим олганлик тўғрисидаги ҳужжатларини тан олиш ҳақида мурожаат этган шахс,

давлат хизматлари марказлари

Заруратга кўра

1. Хорижий давлатларда олий таълим ва кадрларни қайта тайёрлаш таълимини олганлик тўғрисидаги ҳужжатларни тан олиш учун бевосита Давлат хизматлари марказлари орқали ёки Ягона интерактив давлат хизматлари порталида рўйхатдан ўтган ҳолда мурожаат қилади ҳамда ҳужжатларни топширади.

2. Ҳужжатларни қабул қилиб олиш ҳамда Олий таълим, фан ва инновациялар вазирлиги ҳузуридаги Билим ва малакаларни баҳолаш агентлигига юборади.

Ҳужжатлар топширилган заҳоти

2-босқич

Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги

Ҳужжатларни уларнинг тўлиқлигини текширган ҳолда:

а) тақдим этилган ҳужжатлар тўлиқ бўлса — уларни Олий таълим, фан ва инновациялар вазирлиги ҳузуридаги Билим ва малакаларни баҳолаш агентлигида ташкил этиладиган эксперт гуруҳларига тақдим этади;

б) тақдим этилган ҳужжатлар белгиланган талабларга жавоб бермаса — уларни камчиликларини кўрсатган ҳолда Давлат хизматлари марказларига ёки Ягона интерактив давлат хизматлари портали орқали талабгорга қайтариб юборади;

в) қалбаки ҳужжат аниқланган тақдирда — тақдим этилган ҳужжатларни қонунчилик ҳужжатларига мувофиқ чора кўриш учун ҳуқуқни муҳофаза қилувчи органларга жўнатади.

Бир иш кунида

3-босқич

Олий таълим, фан ва инновациялар вазирлиги ҳузуридаги Билим ва малакаларни баҳолаш агентлигида ташкил этиладиган эксперт гуруҳлари

Тақдим этилган ҳужжатлар бўйича:

а) хорижий давлатларда олий таълим ва кадрларни қайта тайёрлаш таълимини олганлик тўғрисидаги тўғридан-тўғри (синовларсиз) тан олинадиган ҳужжатларни экспертизадан ўтказади ва тан олиш ҳақида хулоса тайёрлайди ҳамда Олий таълим, фан ва инновациялар вазирлиги ҳузуридаги Билим ва малакаларни баҳолаш агентлигига юборади;

б) хорижий давлатда олий таълим ва кадрларни қайта тайёрлаш таълимини олганлик тўғрисидаги ҳужжатларини экспертизадан ўтказиш натижасида талабгорни тест синовларига тавсия этади;

в) хорижий давлатда олий таълим ва кадрларни қайта тайёрлаш таълимини олганлик тўғрисидаги ҳужжатларни тан олишни рад этиш ҳақида хулоса тайёрлайди ҳамда Олий таълим, фан ва инновациялар вазирлиги ҳузуридаги Билим ва малакаларни баҳолаш агентлигига юборади.

Ўн иш кунида

4-босқич

Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги

Олий таълим, фан ва инновациялар вазирлиги ҳузуридаги Билим ва малакаларни баҳолаш агентлигида ташкил этилган эксперт гуруҳининг хулосаси асосида:

а) хорижий давлатларда олий таълим ва кадрларни қайта тайёрлаш таълимини олганлик тўғрисидаги тўғридан-тўғри (синовларсиз) тан олинадиган ҳужжатлар бўйича — хорижий давлатларда олий таълим ва кадрларни қайта тайёрлаш таълимини олганлик тўғрисидаги ҳужжатни тан олиш ҳақида буйруқни қабул қилади ҳамда тегишли намунадаги гувоҳномани тайёрлайди;

Беш иш кунида

б) эксперт гуруҳлари томонидан ижобий хулоса берилган тақдирда — талабгорларни тест синовларидан ўтказади;

Тасдиқланган жадвал асосида

в) эксперт гуруҳлари томонидан салбий хулоса берилган тақдирда — хорижий давлатда олий таълим ва кадрларни қайта тайёрлаш таълимини олганлик тўғрисидаги ҳужжатларни тан олишни рад этиш ҳақида хабарнома тайёрлайди ҳамда Давлат хизматлари марказларига ёки Ягона интерактив давлат хизматлари портали орқали талабгорларга юборади.

Бир иш кунида

5-босқич

Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги

Тест синовлари натижаларига кўра:

а) етарли балл тўплай олмаган талабгорларга — хорижий давлатларда олий таълим ва кадрларни қайта тайёрлаш таълимини олганлик тўғрисидаги ҳужжатни тан олишни рад этади ва бу ҳақида Давлат хизматлари марказларига ёки Ягона интерактив давлат хизматлари портали орқали талабгорларга хабарнома юборади;

Бир иш кунида

б) тест синовларидан муваффақиятли ўтган талабгорларга — хорижий давлатларда олий таълим ва кадрларни қайта тайёрлаш таълимини олганлик тўғрисидаги ҳужжатларини тан олиш тўғрисида гувоҳнома бериш ҳақида буйруқ қабул қилади ҳамда гувоҳномани Давлат хизматлари марказларига ёки Ягона интерактив давлат хизматлари портали орқали талабгорга юборади.

Уч иш кунида

6-босқич

Давлат хизматлари марказлари

Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги масъул ходимининг электрон рақамли имзоси билан тасдиқланган гувоҳнома (хабарнома)ни талабгорга юборади.

Бир иш кунида

IV. Хорижий давлатларда малака ошириш таълимини олганлик тўғрисидаги ҳужжатларни тан олиш

1-босқич

Талабгор,

Давлат хизматлари марказлари

1. Хорижий давлатларда малака ошириш таълими олганлик тўғрисидаги ҳужжатларни тан олиш учун бевосита Давлат хизматлари марказлари орқали ёки Ягона интерактив давлат хизматлари порталида рўйхатдан ўтган ҳолда, Билим ва малакаларни баҳолаш агентлигига мурожаат қилади ҳамда ҳужжатларни топширади.

Заруратга кўра

2. Ҳужжатларни қабул қилиб олади ҳамда Олий таълим, фан ва инновациялар вазирлиги ҳузуридаги Билим ва малакаларни баҳолаш агентлигига юборади.

Ҳужжатлар топширилгандан сўнг дарҳол

2-босқич

Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги

Ҳужжатларни уларнинг тўлиқлигини текширган ҳолда:

а) тақдим этилган ҳужжатлар тўлиқ бўлса — уларни Олий таълим, фан ва инновациялар вазирлиги ҳузуридаги Билим ва малакаларни баҳолаш агентлигида ташкил этилган эксперт гуруҳларига тақдим этади;

б) тақдим этилган ҳужжатлар белгиланган талабларга жавоб бермаса — уларни камчиликларини кўрсатган ҳолда Давлат хизматлари марказларига ёки Ягона интерактив давлат хизматлари портали орқали талабгорга қайтариб юборади;

в) қалбаки ҳужжат аниқланган тақдирда — тақдим этилган ҳужжатларни қонунчилик ҳужжатларига мувофиқ чора кўриш учун ҳуқуқни муҳофаза қилувчи органларга жўнатади.

Бир иш кунида

3-босқич

Олий таълим, фан ва инновациялар вазирлиги ҳузуридаги Билим ва малакаларни баҳолаш агентлигида ташкил этиладиган эксперт гуруҳлари

Хорижий давлатда малака ошириш таълими олганлик тўғрисидаги ҳужжатларни экспертизадан ўтказиш натижасида ушбу ҳужжатларни тан олиш ёхуд тан олишни рад этиш ҳақида хулоса тайёрлайди ҳамда Олий таълим, фан ва инновациялар вазирлиги ҳузуридаги Билим ва малакаларни баҳолаш агентлигига юборади.

Ўн иш кунида

4-босқич

Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги

Олий таълим, фан ва инновациялар вазирлиги ҳузуридаги Билим ва малакаларни баҳолаш агентлигида ташкил этилган эксперт гуруҳларининг тегишли хулосасига кўра:

а) хорижий давлатларда малака ошириш таълими олганлик тўғрисидаги ҳужжатлари тан олишга тавсия этилган талабгорларга гувоҳнома бериш ҳақида Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги директорининг буйруғини қабул қилади ҳамда тегишли намунадаги гувоҳномани тайёрлайди;

б) хорижий давлатларда малака ошириш таълими олганлик тўғрисидаги ҳужжат белгиланган талабларга жавоб бермаслиги ҳақида тегишли хабарнома тайёрлайди;

в) тегишли гувоҳнома (хабарнома)ни Давлат хизматлари марказларига жўнатади ёки Ягона интерактив давлат хизматлари портали орқали талабгорга юборади.

Беш иш кунида

5-босқич

Давлат хизматлари марказлари

Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги масъул ходимининг электрон рақамли имзоси билан тасдиқланган гувоҳнома (хабарнома)ни талабгорга юборади.

Уч иш кунида

»;

я4) 3, 4, 5 ва 6-иловалардаги гувоҳномалар шаклларида:
«Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекцияси» сўзлари «Ўзбекистон Республикаси Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги» сўзлари билан алмаштирилсин;
«Давлат инспекцияси бошлиғи» сўзлари «Агентлик директори» сўзлари билан алмаштирилсин.
21. Вазирлар Маҳкамасининг «Кадастр соҳасида айрим давлат хизматлари кўрсатишнинг маъмурий регламентларини тасдиқлаш тўғрисида» 2020 йил 2 сентябрдаги 535-сон қарорида:
а) 2-илованинг 6-банди қуйидаги мазмундаги иккинчи хатбоши билан тўлдирилсин:
«Суд томонидан кўчмас мулкка бўлган ҳуқуқни давлат рўйхатидан ўтказиш учун асос бўлган ҳуқуқни белгиловчи ҳужжат ҳақиқий эмас деб топилиши натижасида олдинги ҳуқуқ эгасининг кўчмас мулкка бўлган ҳуқуқи тикланган тақдирда, ушбу ҳуқуқни давлат рўйхатидан ўтказганлик учун тўлов ундирилмайди»;
б) 3-илованинг 22-банди қуйидаги мазмундаги хатбошилар билан тўлдирилсин:
«Вояга етмаган шахс кўчмас мулк мулкдори бўлганда далолатномани унинг номидан ота-онаси, шунингдек, ота-онаси бўлмаган ҳолатларда васийлик ва ҳомийлик тўғрисидаги қонунчилик ҳужжатларига мувофиқ бошқа қонуний вакил (васий ёки ҳомий) томонидан тасдиқланади.
Бунда вояга етмаган шахснинг ота-онаси, васий ёки ҳомийси ҳақидаги маълумотлар «Рақамли ҳукумат» тизимининг идоралараро интеграциялашув платформаси воситасида аниқланади.
Вояга етмаган шахснинг васий ёки ҳомийси ҳақидаги маълумотлар «Рақамли ҳукумат» тизимининг идоралараро интеграциялашув платформаси воситасида аниқланмаган тақдирда, манфаатдор шахс вояга етмаган шахсга нисбатан васий ёки ҳомий эканлигини тасдиқловчи ҳужжатларни Давлат хизматлари марказига тақдим этади ва далолатномани тасдиқлайди».
22. Вазирлар Маҳкамасининг 2020 йил 12 октябрдаги 646-сон қарори билан тасдиқланган Умумтаълим фанини билиш даражаси тўғрисидаги сертификат матни қуйидаги таҳрирда баён этилсин:
23. Вазирлар Маҳкамасининг 2021 йил 29 январдаги 41-сон қарори билан тасдиқланган Давлат харидларида маҳаллий ишлаб чиқарилган товарларга (ишлар, хизматларга) преференция бериш тартиби тўғрисидаги низомнинг 12-банди тўртинчи хатбошисидаги «экспертиза хулосаси» сўзлари «экспертиза хулосасининг рақами ва санаси» сўзлари билан алмаштирилсин.
24. Вазирлар Маҳкамасининг 2021 йил 19 апрелдаги 222-сон қарори билан тасдиқланган Ёш олимларни етакчи хорижий илмий ташкилотларга қисқа муддатли илмий стажировкаларга юбориш тартиби тўғрисидаги низомда:
а) номи «Ёш олимларни етакчи хорижий» сўзларидан кейин «олий таълим ва» сўзлари билан тўлдирилсин;
б) 2-бандда:
иккинчи хатбоши «тавсия этиладиган» сўзларидан кейин «, илмий ва инновацион фаолият турлари билан шуғулланадиган шахсларга бериладиган шахсий идентификация рақамига эга бўлган» сўзлари билан тўлдирилсин;
учинчи хатбошидаги «Инновацион ривожланиш вазирлигининг коллегиал органи» сўзлари «Ўзбекистон Республикаси Олий таълим, фан ва инновациялар вазирлиги ҳузуридаги Инновацион ривожланиш агентлиги» сўзлари билан алмаштирилсин;
тўртинчи хатбошидаги «Инновацион ривожланиш вазирлиги (кейинги ўринларда — Вазирлик) ташаббусига кўра илм-фан соҳасида етакчи хорижий» сўзлари «Олий таълим, фан ва инновациялар вазирлиги ҳузуридаги Инновацион ривожланиш агентлиги ташаббусига кўра илм-фан соҳасида етакчи хорижий олий таълим ва» сўзлари билан алмаштирилсин;
қуйидаги мазмундаги олтинчи — саккизинчи хатбошилар билан тўлдирилсин:
«буюртмачи — олий таълим ва илмий, шунингдек, инновацион соҳада фаолият юритадиган юридик шахс;
қабул қилувчи ташкилот — танловдан муваффақиятли ўтган номзодлар стажировкага юбориладиган хорижий илмий муассаса ёки таълим ташкилоти;
махсус ахборот тизими — танловлар ва стажировкаларни ташкил этишнинг барча жараёнларида ахборотларнинг электрон шаклда алмашинувини таъминлайдиган комплекс — дастурий маҳсулот»;
в) қуйидаги мазмундаги 21-банд билан тўлдирилсин:
«21. Агентлик Ўзбекистон Республикасининг ижтимоий-иқтисодий ривожлантириш дастурлари, қабул қилинган стратегиялари ҳамда устувор йўналишларидан келиб чиқиб, Ташқи ишлар вазирлиги ва соҳа бўйича фаолият кўрсатаётган халқаро ташкилотлар орқали ҳамкорлик ўрнатиладиган қабул қилувчи ташкилотлар сонини кўпайтириш чораларини кўради»;
г) 3 ва 4-бандлар қуйидаги таҳрирда баён этилсин:
«3. Стажировка ўташга юбориш мақсадида Олий таълим, фан ва инновациялар вазирлиги (кейинги ўринларда — Вазирлик) ҳузуридаги Инновацион ривожланиш агентлиги (кейинги ўринларда — Агентлик) даврий равишда, календарь йилида камида бир маротаба 1 июлга қадар танлов эълон қилади.
Ҳужжатлар танлов эълон қилинган санадан бошлаб, камида бир ой давомида махсус ахборот тизими орқали қабул қилинади.
Ёш олимларни қабул қилувчи ташкилотларга стажировкаларга юбориш бўйича танловларни ташкил этиш, ўтказиш, саралаш ва молиялаштириш Агентлик ва Илм-фанни молиялаштириш ва инновацияларни қўллаб-қувватлаш жамғармаси (кейинги ўринларда — Жамғарма) томонидан биргаликда амалга оширилади.
4. Стажировка якка тартибда ёки жамоавий шаклда бир ойдан олти ойгача бўлган муддатда ташкил этилиши мумкин.
Бир ойдан кам (15 календарь кундан кам бўлмаган) бўлган муддатга стажировка ўташга махсус эксперт гуруҳи хулосаси асосида маъқулланган тақдирда юборилади.
Стажировканинг шакли танловнинг эълон матнида кўрсатилади»;
д) қуйидаги мазмундаги 41 , 42 ва 43-бандлар билан тўлдирилсин:
«41. Жамоавий стажировка қабул қилувчи ташкилот билан эришилган дастлабки келишувга мувофиқ ўтказилади.
Дастлабки келишув Вазирлик, Агентлик ва Жамғарма томонидан қабул қилувчи ташкилот ўртасида стажировкани ташкил этишни назарда тутувчи икки ва кўп томонлама ҳужжатни имзолаш орқали амалга оширилади.
42. Якка тартибдаги стажировка буюртмачи ва қабул қилувчи ташкилот ўртасида эришилган дастлабки келишув асосида танлов натижаларига кўра ўтказилади.
43. Стажировканинг бошланиш вақти танлов натижалари эълон қилинган кундан бошлаб бир календарь йилдан ошиб кетмаслиги лозим.
Белгиланган муддатда стажировка ўташ бошланмаган тақдирда, илмий стажировка бекор қилинган деб ҳисобланади.»;
е) 9-банднинг биринчи хатбошисидаги «Вазирлик» ва «Вазирликнинг расмий веб-сайтига» сўзлари тегишлича «Агентлик» ва «Агентликнинг расмий веб-сайти ва махсус ахборот тизимига» сўзлари билан алмаштирилсин;
ж) 10-банднинг бешинчи хатбошисидаги «боғланиш учун масъул ходимлар телефони ва электрон почта манзили» сўзлари «стажировка шакли ва йўналишлари» сўзлари билан алмаштирилсин;
з) 11-банд қуйидаги таҳрирда баён этилсин:
«11. Буюртмачилар стажировка ўташга тавсия этилган номзодлар тўғрисида Агентликка қуйидаги маълумот (ҳужжат)ларни тақдим этадилар:
мазкур Низомга 1-иловага мувофиқ шаклдаги стажировка режаси;
буюртмачиларнинг коллегиал органи (илмий кенгаш, кенгаш, илмий-техникавий кенгаш, илмий-мувофиқлаштирувчи кенгаш ва бошқа шаклларда бўлиши мумкин) қароридан кўчирма;
якка тартибдаги стажировкалар бўйича эълон қилинган танловда иштирок этиш учун номзод томонидан қўшимча равишда қабул қилувчи ташкилотнинг розилик (таклифнома) хати ва дастлабки келишув бўйича ҳужжат нусхаси ҳамда стажировка даврида амалга ошириладиган ишлар дастури тақдим этилади;
илмий даражаси (фан номзоди, PhD ва фан доктори), илмий унвонини (катта илмий ходим, доцент, профессор) тасдиқловчи диплом(лар)нинг нусхаси, агар мавжуд бўлса;
стажировканинг мақсадга мувофиқлиги, асосий вазифалари, кутилаётган натижалари ҳамда илмий фаолиятига таъсирини асословчи таҳлилий маълумотлар баён этилган асоснома;
хорижий тиллардан билим даражасини белгиловчи амалдаги миллий ёки халқаро сертификат (Миллий квалификация сертификати, IELTS, TOEFL ва шу кабилар, муддати ўтган ҳужжатлар бундан мустасно), агар мавжуд бўлса.
Номзодларнинг фуқаролик паспорти ёки идентификацияловчи ID-картаси нусхаси, олий таълим муассасасини тугатганлигини тасдиқловчи диплом маълумотлари ва фотосурати, хорижий тилларни билиш даражаси бўйича миллий сертификати «Рақамли ҳукумат» тизимининг идоралараро интеграциялашув платформаси орқали мустақил равишда олинади»;
и) 12-банднинг биринчи ва иккинчи хатбошилари, 15 ва 29-бандларнинг биринчи ва иккинчи хатбошилари, 32, 47 ва 49-бандлардаги тегишли келишикдаги «Вазирлик» сўзи тегишли келишикдаги «Агентлик» сўзи билан алмаштирилсин;
к) 13-банддаги «чоп этилган шаклда Вазирликка тақдим этадилар ёки электрон шаклда Вазирликнинг электрон почта манзилига юборилади» сўзлари «махсус ахборот тизим орқали Агентликка тақдим этадилар» сўзлари билан алмаштирилсин;
л) 16-банд ва 21-банднинг иккинчи хатбошисидаги «инновацион ривожланиш вазирининг» сўзлари «Агентлик директорининг» сўзлари билан алмаштирилсин;
м) 17-банддаги «вазир ўринбосари даражасидаги раҳбарга» сўзлари «Агентлик директорига» сўзлари билан алмаштирилсин;
н) 28-бандда:
тўртинчи хатбошидаги «Вазирлик веб-сайтида» сўзлари «Агентлик веб-сайти ва махсус ахборот тизимига» сўзлари билан алмаштирилсин;
қуйидаги мазмундаги бешинчи хатбоши билан тўлдирилсин:
«Танлов шартларига мувофиқ номзодлар камида 3 кун олдин махсус ахборот тизими орқали танловнинг кейинги босқичига ўтганлиги, суҳбат ўтказилиш вақти ва манзили ҳақида хабардор қилинади»;
бешинчи — ўн иккинчи хатбошилар тегишлича олтинчи — ўн учинчи хатбошилар деб ҳисоблансин;
о) 31-банддаги «Вазирликнинг расмий веб-сайтида» сўзлари «Агентликнинг расмий веб-сайти ва махсус ахборот тизимига» сўзлари билан алмаштирилсин;
п) 37-банддаги «Вазирлик» сўзи «Агентлик» сўзи билан алмаштирилсин;
р) 46-банддаги «қоғоз ва электрон шаклда Вазирликка» сўзлари «махсус ахборот тизими орқали Агентликка» сўзлари билан алмаштирилсин;
с) 50-банддаги «ўртача иш ҳақи» сўзлари «стипендия ёки ўртача иш ҳақи» сўзлари билан алмаштирилсин;
т) Низомга 2-илова қуйидаги таҳрирда баён этилсин:
«Ёш олимларни етакчи хорижий олий таълим ва илмий ташкилотларга қисқа муддатли илмий стажировкаларга юбориш тартиби тўғрисидаги низомга
2-ИЛОВА
Ёш олимларни етакчи хорижий олий таълим ва илмий ташкилотларга қисқа муддатли илмий стажировкаларга юбориш мақсадида танловларни ташкил этиш, ўтказиш, саралаш, молиялаштириш ва стажировка якуни бўйича ҳисобот тақдим этиш
СХЕМАСИ

Босқичлар

Субъектлар

Тадбирлар

Муддатлар

1-босқич

Инновацион ривожланиш агентлиги (Агентлик)

Республикадаги ёш олимларни стажировкаларга юбориш бўйича Агентлик веб-сайти ва махсус ахборот тизимида танлов тўғрисида эълон жойлаштиради.

Танлов бошланишидан камида бир ой олдин

2-босқич

Юборувчи ташкилотлар

1. Номзодлар рўйхатини шакллантириш ва дастлабки саралаш танловини ўтказади.

2. Номзодлар тўғрисида маълумот ва ҳужжатларни йўлланма хати билан махсус ахборот тизими орқали Агентликка тақдим этади.

Танловда белгиланган муддатда

3-босқич

Агентлик

Номзодларни саралаб олиш учун Агентлик ҳузурида Махсус эксперт гуруҳини тузади.

Ҳар йили январь ойида

4-босқич

Махсус эксперт гуруҳи

Номзодларнинг саралаш танлов босқичларини ўтказиб, якуний хулосани Агентликка тақдим этади.

Камида бир ой муддатда

5-босқич

Илм-фанни молиялаштириш ва инновацияларни қўллаб-қувватлаш жамғармаси Кузатув кенгаши

Ғолиб номзодлар стажировкасини молиялаштириш мақсадида Жамғарма Кузатув кенгашининг тегишли қарорини қабул қилади.

Агентлик йўлланма хати киритилгандан сўнг камида бир ой муддатда

6-босқич

Агентлик

Танлов ғолибларини Агентликнинг расмий веб-сайти ва махсус ахборот тизимида эълон қилади.

5-босқич якунлангандан сўнг камида ўн кун муддатда

7-босқич

Юборувчи ташкилотлар

Стажировка якуни бўйича молиявий ва илмий ҳисоботлар тақдим этади.

Молиявий ҳисобот: стажировка ўтаб келган кундан ўн иш кунида;

Илмий ҳисобот: коллегиал орган қарори чиққан кундан ўн иш кунида

».

25. Вазирлар Маҳкамасининг 2021 йил 22 июндаги 389-сон қарори билан тасдиқланган Кўчмас мулк объектларига кадастр йиғмажилдини тайёрлаш тартиби тўғрисидаги низомнинг 5-бандида:
а) бешинчи хатбошидаги «тасдиқловчи» сўзи «белгиловчи» сўзи билан алмаштирилсин;
б) қуйидаги мазмундаги олтинчи хатбоши билан тўлдирилсин:
«Бунда кўчмас мулкка бўлган ҳуқуқларни белгиловчи ҳужжатлар уларни қабул қилган давлат органи томонидан тасдиқланган бўлиши, ҳужжатни қабул қилган орган ҳужжатни давлат архивига топширган тақдирда, давлат архивлари томонидан тасдиқланган бўлиши шарт (юридик шахснинг электрон рақамли имзоси билан тасдиқланган электрон ҳужжатлар бундан мустасно)»;
в) олтинчи хатбоши еттинчи хатбоши деб ҳисоблансин.
26. Вазирлар Маҳкамасининг 2021 йил 28 июндаги 395-сон қарори билан тасдиқланган Геодезия ва картография фаолияти билан шуғулланадиган мутахассисларнинг малакасини ошириш ва уларга малака сертификатини бериш тартиби тўғрисидаги низомда:
а) 8-банд қуйидаги таҳрирда баён этилсин:
«8. Малака ошириш курсларида қатнашиш учун онлайн тарзда ёки бевосита малака ошириш ташкилотига қуйидаги ҳужжатлар тақдим этилади:
паспорт, идентификацияловчи ID-карта ёки унинг ўрнини босувчи ҳужжат маълумотлари;
Бунда ҳужжатлар онлайн тарзда малака ошириш ташкилотининг Интернет жаҳон ахборот тармоғидаги расмий веб-сайти ёки махсус электрон дастурлар орқали топширилади.
Тингловчиларнинг паспорти, идентификацияловчи ID-картаси ёки унинг ўрнини босувчи ҳужжат маълумотлари, олий ёки ўрта махсус маълумот тўғрисидаги диплом маълумотлари, фотосурати, шартнома шартларига мувофиқ тўлов амалга оширилганлигини тасдиқловчи тўлов ҳужжати нусхаси «Рақамли ҳукумат» тизимининг идоралараро интеграциялашув платформаси орқали мустақил равишда олинади»;
б) 13-банд қуйидаги таҳрирда баён этилсин:
«13. Талабгор малака имтиҳонини топшириш учун Кадастр агентлигига қуйидаги ҳужжатларни тақдим этади:
мазкур Низомга 2-иловага мувофиқ шаклдаги ариза;
малака ошириш курсида ўқиганлиги тўғрисида маълумотнома.
Талабгорларнинг паспорти, идентификацияловчи ID-картаси ёки унинг ўрнини босувчи ҳужжат маълумотлари, олий ёки ўрта махсус маълумоти тўғрисидаги диплом маълумотлари ёки хорижий давлатда олий таълим олганлик тўғрисидаги ҳужжатни тан олиш ҳақидаги гувоҳнома нусхаси ёхуд геодезия ва картография соҳасида касбий қайта тайёргарлик дастури бўйича таълим олганлигини тасдиқловчи ҳужжат нусхаси, фотосурати «Рақамли ҳукумат» тизимининг идоралараро интеграциялашув платформаси орқали мустақил равишда олинади.
Талабгордан мазкур бандда назарда тутилмаган ҳужжатларни талаб қилишга йўл қўйилмайди».
27. Вазирлар Маҳкамасининг 2021 йил 6 августдаги 500-сон қарори билан тасдиқланган Ўзбекистон Республикаси Жамоат хавфсизлиги университетига номзодларни саралаб олиш ва ўқишга қабул қилиш тартиби тўғрисидаги низомда:
а) 21-банд қуйидаги таҳрирда баён этилсин:
«21. Университетга ўқишга киришни хоҳлаган номзодлар томонидан тегишли ҳудудий органларга қуйидаги ҳужжатлар тақдим этилади:
ариза (билдирги);
чақирилувчининг қайд этилганлиги тўғрисидаги гувоҳномаси ёки ҳарбий гувоҳномаси нусхаси;
таржимаи ҳол;
анкета;
хизматни ўташ жойидан (агар хизматни ўтаётган бўлса) тавсифнома;
ота-онасининг Университетга ўқишга киришига розилик хати;
хорижий тилларни билиш даражаси бўйича камида В2 даражадаги халқаро сертификат нусхаси (агар мавжуд бўлса).
«Халқаро ҳарбий ҳамкорликни ҳуқуқий таъминлаш» таълим йўналишига ўқишга киришни хоҳлаган номзодлар чет тилини билиш даражаси ҳақидаги халқаро тан олинган дастурлар — IELTS бўйича 5.5 балл ва ундан юқори, TOEFL бўйича 72 балл ва ундан юқори, TestDaF бўйича ТDN3 ва ундан юқори, DELF B2 ва ундан юқори сертификат ёки давлат намунасидаги В2 ва ундан юқори даражадаги малака сертификатига эга бўлганда, Университетга ўқишга кириш бўйича танловда иштирок этадилар.
Қуйидаги ҳужжатлар тегишли ҳудудий органлар томонидан тегишли давлат органлари ва ташкилотларидан мустақил равишда, шу жумладан «Рақамли ҳукумат» тизимининг идоралараро интеграциялашув платформаси орқали сўраб олинади:
шахсни тасдиқловчи ҳужжат нусхаси;
туғилганлик ҳақида гувоҳнома нусхаси;
шахснинг белгиланган шаклдаги фотосурати;
маълумоти тўғрисидаги (умумий ўрта, ўрта махсус, бошланғич профессионал, ўрта профессионал, ўрта махсус профессионал) ҳужжатлар (асли ва нусхаси) ҳамда рейтинг дафтарчаси (баҳолар табели) нусхаси;
ўқиш ёки иш жойидан (агар ўқиётган ёки ишлаётган бўлса) маълумотнома;
чет тилини билиш даражасини аниқлаш бўйича миллий сертификат ва университетга ўқишга киришда имтиёзлардан фойдаланиш ҳуқуқини тасдиқловчи бошқа ҳужжатлар нусхаси.
Университетга ўқишга киришда имтиёзлардан фойдаланиш ҳуқуқини тасдиқловчи ҳужжатлар нусхаси;
Номзодлар томонидан ҳужжатларни тақдим этишда паспорти (идентификацияловчи ID-картаси) ёки унинг ўрнини босувчи ҳужжат, туғилганлик ҳақида гувоҳнома, чақирилувчининг қайд этилганлиги тўғрисидаги гувоҳнома ёхуд чақирилувчининг ҳарбий гувоҳномаси шахсан кўрсатилади»;
б) 80-бандда:
еттинчи хатбоши чиқариб ташлансин;
саккизинчи — ўн биринчи хатбошилар тегишлича еттинчи — ўнинчи хатбошилар деб ҳисоблансин;
саккизинчи хатбошидаги «миллий ёки» сўзлари чиқариб ташлансин;
қуйидаги мазмундаги хатбоши билан тўлдирилсин:
«Номзодларнинг олий маълумот тўғрисидаги диплом (иловаси билан) ёки дипломдан кўчирмаси (Ўзбекистон Республикаси олий таълим муассасаларини давлат гранти бўйича ўқиб тугатганлар учун) ҳамда чет тилини билиш даражасини тасдиқловчи В2 ва ундан юқори даражадаги миллий сертификат «Рақамли ҳукумат» тизимининг идоралараро интеграциялашув платформаси орқали мустақил равишда олинади»;
в) 113-бандда:
учинчи хатбоши чиқариб ташлансин;
тўртинчи ва бешинчи хатбошилар тегишлича учинчи ва тўртинчи хатбошилар деб ҳисоблансин;
қуйидаги мазмундаги хатбоши билан тўлдирилсин:
«Номзоднинг олий маълумот тўғрисидаги дипломининг асли (ёки дипломдан кўчирма — Ўзбекистон Республикаси олий таълим муассасаларини давлат гранти бўйича ўқиб тугатганлар учун) ҳамда унинг иловаси «Рақамли ҳукумат» тизимининг идоралараро интеграциялашув платформаси орқали мустақил равишда олинади».
28. Вазирлар Маҳкамасининг «Расмий ҳужжатларга апостиль қўйиш тартибини янада такомиллаштириш чора-тадбирлари тўғрисида» 2021 йил 3 декабрдаги 732-сон қарорида:
а) 4-бандда:
бешинчи хатбоши қуйидаги таҳрирда баён этилсин:
«мактабгача, умумий ўрта ва мактабдан ташқари таълим ташкилотларидан чиқадиган расмий ҳужжатлар бўйича — Мактабгача ва мактаб таълими вазирлигига»;
қуйидаги мазмундаги олтинчи хатбоши билан тўлдирилсин:
«ўрта махсус, касбий, олий ва олий таълимдан кейинги таълим ҳамда кадрларни қайта тайёрлаш ва уларнинг малакасини ошириш бўйича таълим ташкилотларидан чиқадиган расмий ҳужжатлар бўйича — Билим ва малакаларни баҳолаш агентлигига»;
олтинчи хатбоши еттинчи хатбоши деб ҳисоблансин;
б) 5-банднинг биринчи хатбошиси қуйидаги таҳрирда баён этилсин:
«5. Адлия вазирлиги, Ташқи ишлар вазирлиги, Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги, Мактабгача ва мактаб таълими вазирлиги, Олий суд ва Бош прокуратура билан биргаликда:»;
в) 1-иловада:
4-бандда:
бешинчи хатбоши қуйидаги таҳрирда баён этилсин:
«мактабгача, умумий ўрта ва мактабдан ташқари таълим ташкилотларидан чиқадиган расмий ҳужжатлар бўйича — Мактабгача ва мактаб таълими вазирлигига»;
қуйидаги мазмундаги олтинчи хатбоши билан тўлдирилсин:
«ўрта махсус, касбий, олий ва олий таълимдан кейинги таълим ҳамда кадрларни қайта тайёрлаш ва уларнинг малакасини ошириш бўйича таълим ташкилотларидан чиқадиган расмий ҳужжатлар бўйича — Ўзбекистон Республикаси Олий таълим, фан ва инновациялар вазирлиги ҳузуридаги Билим ва малакаларни баҳолаш агентлигига»;
олтинчи хатбоши еттинчи хатбоши деб ҳисоблансин;
30-бандда:
«а» кичик бандда:
учинчи хатбошидаги «20» рақами «18» рақами билан алмаштирилсин;
тўртинчи хатбошидаги «Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига» сўзлари «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасида очилган махсус ҳисобварағига» сўзлари билан алмаштирилсин;
«б» кичик банднинг бешинчи хатбошисидаги «Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига» сўзлари «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасида очилган махсус ҳисобварағига» сўзлари билан алмаштирилсин;
«в» кичик банднинг иккинчи ва учинчи хатбошилари қуйидаги таҳрирда баён этилсин:
«ўрта махсус, касбий, олий ва олий таълимдан кейинги таълим ҳамда кадрларни қайта тайёрлаш ва уларнинг малакасини ошириш бўйича таълим ташкилотларидан чиқадиган расмий ҳужжатлар бўйича йиғим Олий таълим, фан ва инновациялар вазирлиги ҳузуридаги Билим ва малакаларни баҳолаш агентлигининг, мактабгача, умумий ўрта ва мактабдан ташқари таълим ташкилотларидан чиқадиган расмий ҳужжатлар бўйича йиғим Мактабгача ва мактаб таълими вазирлиги махсус ҳисобварағига ўтказилади ҳамда қуйидаги тартибда тақсимланади:
60 фоизи — тегишлилиги бўйича Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги ҳамда Мактабгача ва мактаб таълими вазирлигининг ҳисобварағига».
29. Вазирлар Маҳкамасининг 2022 йил 1 февралдаги 47-сон қарори билан тасдиқланган Кўп квартирали уйларни бошқариш учун бошқарувчи ташкилот ёки бошқарувчини танлаш бўйича очиқ танлов ўтказиш тартиби тўғрисидаги низомнинг 28-бандида:
бешинчи — саккизинчи хатбошилар чиқариб ташлансин;
қуйидаги мазмундаги хатбоши билан тўлдирилсин:
«Офферентларнинг танловга таклифлар тақдим қилинганда, кафолат сифатида базавий ҳисоблаш миқдорининг 30 баравари миқдоридаги маблағ танлов ташкилотчисининг махсус жамғармасига йўналтирилгани, танловда иштирок этиш учун таъминот суммаси тўлангани ва агар танловда кўрсатилган ишларни бажариш (хизматларни кўрсатиш) билан боғлиқ фаолият қонунчилик ҳужжатларига мувофиқ лицензияланадиган бўлса, тегишли лицензияси «Рақамли ҳукумат» тизимининг идоралараро интеграциялашув платформаси орқали мустақил равишда олинади».
30. Вазирлар Маҳкамасининг 2022 йил 21 февралдаги 80-сон қарори билан тасдиқланган Махсус электрон тизим орқали айрим фаолият турларини лицензиялаш тартиби тўғрисидаги ягона низомда:
а) 14-илова 5-позициясининг учинчи устуни «б» кичик банди қуйидаги таҳрирда баён этилсин:
«б) лицензияловчи орган қуйидаги маълумотларни мустақил тарзда ўзи олади:
ветеринария мутахассислиги бўйича олий ёки ўрта махсус маълумот тўғрисидаги диплом маълумотлари;
«Ягона миллий меҳнат тизими» идоралараро дастурий-аппарат комплексидан ходимларининг меҳнат дафтарчалари ҳақидаги маълумот»;
б) 18-иловада:
6-позициянинг учинчи устуни қуйидаги мазмундаги хатбоши билан тўлдирилсин:
«тезлаштирилган тартибда — базавий ҳисоблаш миқдорининг 2 баравари миқдорида»;
8-позициянинг учинчи устуни қуйидаги таҳрирда баён этилсин:
«умумий тартибда — 7 иш куни;
тезлаштирилган тартибда — 4 иш куни»;
в) 19-иловада:
6-позициянинг учинчи устуни қуйидаги мазмундаги хатбоши билан тўлдирилсин:
«тезлаштирилган тартибда — базавий ҳисоблаш миқдорининг 2 баравари миқдорида»;
8-позициянинг учинчи устуни қуйидаги таҳрирда баён этилсин:
«умумий тартибда — 10 иш куни;
тезлаштирилган тартибда — 5 иш куни»;
г) 20-иловада:
6-позициянинг учинчи устуни қуйидаги мазмундаги хатбоши билан тўлдирилсин:
«тезлаштирилган тартибда — базавий ҳисоблаш миқдорининг 2 баравари миқдорида»;
8-позициянинг учинчи устуни қуйидаги таҳрирда баён этилсин:
«умумий тартибда — 14 иш куни.
тезлаштирилган тартибда — 10 иш куни»;
д) 21-иловада:
6-позициянинг учинчи устуни қуйидаги мазмундаги хатбоши билан тўлдирилсин:
«тезлаштирилган тартибда — базавий ҳисоблаш миқдорининг 5 баравари миқдорида»;
8-позициянинг учинчи устуни қуйидаги таҳрирда баён этилсин:
«умумий тартибда — 7 иш куни;
тезлаштирилган тартибда — 3 иш куни»;
е) 23-илова 5-позициясининг учинчи устуни «и» кичик банди қуйидаги таҳрирда баён этилсин:
«и) лицензияловчи орган диний фанларни ўқитувчи шахсларнинг диний маълумоти тўғрисидаги маълумотларни мустақил тарзда ўзи олади».
31. Вазирлар Маҳкамасининг 2022 йил 22 февралдаги 86-сон қарори билан тасдиқланган Махсус электрон тизим орқали рухсат этиш хусусиятига эга айрим ҳужжатларни бериш тартиб-таомиллари тўғрисидаги ягона низомга 26-иловада:
а) 6-позициянинг учинчи устуни қуйидаги мазмундаги хатбоши билан тўлдирилсин:
«тезлаштирилган тартибда — базавий ҳисоблаш миқдорининг 1 баравари миқдорида»;
б) 8-позициянинг учинчи устуни қуйидаги таҳрирда баён этилсин:
«умумий тартибда — 10 кун;
тезлаштирилган тартибда — 5 иш куни».
32. Вазирлар Маҳкамасининг 2022 йил 25 февралдаги 88-сон қарори билан тасдиқланган Фаолиятни бошлаш ёки тугатиш учун ваколатли органни хабардор қилиш тартиби тўғрисидаги ягона низомда:
а) 11-илованинг 10-позицияси учинчи устунида:
қуйидаги мазмундаги бешинчи хатбоши билан тўлдирилсин:
«Умумий овқатланиш корхоналари томонидан алкоголь маҳсулотларини сотиш фаолиятини бошлаганлик тўғрисида хабарнома юборган шахслар томонидан пиво маҳсулотлари билан чакана савдо қилишни бошлаганлик ҳақида хабарнома юборилиши талаб этилмайди»;
бешинчи хатбоши олтинчи хатбоши деб ҳисоблансин;
б) 19-илованинг 10-позицияси учинчи устунида:
қуйидаги мазмундаги бешинчи хатбоши билан тўлдирилсин:
«Алкоголь маҳсулотлари билан чакана савдо қилишни бошлаганлик ҳақида хабарнома юборган шахслар томонидан пиво маҳсулотлари билан чакана савдо қилишни бошлаганлик ҳақида хабарнома юборилиши талаб этилмайди»;
бешинчи хатбоши олтинчи хатбоши деб ҳисоблансин;
в) 33-илованинг 11-позицияси учинчи устунида:
қуйидаги мазмундаги бешинчи хатбоши билан тўлдирилсин:
«Пиво маҳсулотлари чакана савдоси билан шуғулланувчилар томонидан фақат пиво маҳсулотларини чакана савдо қилиш учун қўшимча равишда алкоголь маҳсулотлари билан чакана савдо қилиш ҳамда умумий овқатланиш корхоналари томонидан алкоголь маҳсулотларини сотиш учун хабарнома юборилиши талаб этилмайди»;
бешинчи хатбоши олтинчи хатбоши деб ҳисоблансин.
33. Вазирлар Маҳкамасининг «Ер қаъри участкаларидан фойдаланиш ҳуқуқи учун рухсатномалар бериш тартибини янада такомиллаштириш чора-тадбирлари тўғрисида» 2022 йил 25 мартдаги 133-сон қарорида:
а) 1-иловада:
39-бандда:
«а» кичик банднинг учинчи хатбошисидаги «экспертиза хулосаси» сўзлари «экспертиза хулосасининг рақами ва санаси» сўзлари билан алмаштирилсин;
«б» кичик банднинг учинчи хатбошисидаги «экспертиза хулосаси» сўзлари «экспертиза хулосасининг рақами ва санаси» сўзлари билан алмаштирилсин;
Низомга 12-илова 5-позициясининг учинчи устуни 1-бандида:
«а» кичик банддаги «экспертиза хулосаси» сўзлари «экспертиза хулосасининг рақами ва санаси» сўзлари билан алмаштирилсин;
«б» кичик банддаги «экспертиза хулосаси» сўзлари «экспертиза хулосасининг рақами ва санаси» сўзлари билан алмаштирилсин;
б) 2-иловада:
32-банднинг тўртинчи хатбошисидаги «экспертиза хулосаси» сўзлари «экспертиза хулосасининг рақами ва санаси» сўзлари билан алмаштирилсин;
Низомга 5-илова 5-позициясининг учинчи устуни 1-банди тўртинчи хатбошисидаги «экспертиза хулосаси» сўзлари «экспертиза хулосасининг рақами ва санаси» сўзлари билан алмаштирилсин.
34. Вазирлар Маҳкамасининг 2022 йил 24 июндаги 346-сон қарори билан тасдиқланган Комплекс тадбиркорлик лицензияси (франшизинг) шартномаларини давлат рўйхатидан ўтказиш бўйича давлат хизматини кўрсатишнинг маъмурий регламентига 3-илованинг матни қуйидаги таҳрирда баён этилсин:

«Elektron hujjatning

identifikatsiya raqami

Kompleks tadbirkorlik litsenziyasi (franshizing) shartnomasi

davlat roʻyxatidan oʻtkazilganligi toʻgʻrisida

GUVOHNOMA

Roʻyxatdan oʻtkazilgan sana

Kompleks tadbirkorlik litsenziyasi (franshizing)

shartnomasining amal qilish muddati

I. Litsenziat toʻgʻrisidagi maʼlumotlar

1. Litsenziatning nomi:

2. Pochta manzili:

3. Tashkiliy-huquqiy shakli:

4. KTUT kodi:

5. STIR:

6. IFUT kodi:

7. Jismoniy shaxsning shaxsiy identifikatsiya raqami:

II. Litsenziar toʻgʻrisidagi maʼlumotlar

1. Litsenziarning nomi:

2. Pochta manzili:

3. Tashkiliy-huquqiy shakli:

4. KTUT kodi:

5. STIR:

6. IFUT kodi:

7. Jismoniy shaxsning shaxsiy identifikatsiya raqami:

8. Franshiza obyekti:

Guvohnomani bergan roʻyxatdan oʻtkazuvchi organ nomi:

QR-kod

».

35. Вазирлар Маҳкамасининг 2022 йил 4 июлдаги 354-сон қарори билан тасдиқланган Ўзбекистон Республикаси ички ишлар органлари шахсий таркиби ва уларнинг оила аъзоларини ижтимоий ҳимоя қилиш тартиби тўғрисидаги низомнинг 162-банди қуйидаги мазмундаги бешинчи ва олтинчи хатбошилар билан тўлдирилсин:
«Ходим ва ҳарбий хизматчи хизмат вақтида ўзининг эҳтиётсизлиги оқибатида тан жароҳати олганда, унга тўланадиган бир марталик нафақа миқдори мазкур Низомнинг 189-бандига мувофиқ Ўзбекистон Республикаси ички ишлар вазири томонидан белгиланади.
Бунда ходим ва ҳарбий хизматчи хизмат вақтида ўзининг эҳтиётсизлиги оқибатида тан жароҳати олганда, унга тўланадиган бир марталик нафақа миқдори тан жароҳатининг оғирлик даражасига қараб, ушбу бандда кўрсатилган тегишли бир марталик нафақа миқдорининг 50 фоизидан кам бўлмаслиги лозим».
36. Вазирлар Маҳкамасининг «Тадбиркорлик субъектлари бўлмаган айрим юридик шахсларни ташкил этиш ва тугатишга доир норматив-ҳуқуқий ҳужжатларни тасдиқлаш тўғрисида» 2022 йил 28 сентябрдаги 542-сон қарорида:
а) 1-илованинг 4-банди қуйидаги мазмундаги хатбошилар билан тўлдирилсин:
«Давлат ташкилотининг номи ўзгарганлиги сабабли қайта рўйхатдан ўтказишда ариза берувчининг хоҳишига кўра автомототранспорт воситасини қайта рўйхатдан ўтказиш бўйича ариза композит тарзда ички ишлар органларига юборилиши мумкин.
Давлат ташкилоти хоҳишига кўра автомототранспорт воситаларини рўйхатга олиш ҳақида гувоҳномани ички ишлар органларига ўзи бориб ёки етказиб бериш хизматидан фойдаланган ҳолда олиши мумкин»;
б) 2-иловада:
4-банд қуйидаги мазмундаги хатбошилар билан тўлдирилсин:
«Юридик шахслар бирлашмаларининг номи ёки ташкилий-ҳуқуқий шакли ўзгарганлиги сабабли қайта рўйхатдан ўтказишда ариза берувчининг хоҳишига кўра автомототранспорт воситасини қайта рўйхатдан ўтказиш бўйича ариза композит тарзда ички ишлар органларига юборилиши мумкин.
Юридик шахслар бирлашмалари хоҳишига кўра автомототранспорт воситаларини рўйхатга олиш ҳақида гувоҳномани ички ишлар органларига ўзи бориб ёки етказиб бериш хизматидан фойдаланган ҳолда олиши мумкин»;
11-бандда:
«2 иш куни давомида» сўзларидан кейин «(тезлаштирилган тартибда 4 иш соати)» сўзлари билан тўлдирилсин;
қуйидаги мазмундаги хатбошилар билан тўлдирилсин:
«Тезлаштирилган тартибда берилган сўровномаларни кўриб чиққанлик учун базавий ҳисоблаш миқдорининг 1 баравари миқдорида йиғим ундирилади.
Ушбу йиғим суммаси қуйидаги тартибда тақсимланади:
а) Давлат хизматлари маркази орқали бевосита ўзи мурожаат қилганда:
0,5 фоизи — Ўзбекистон Республикаси Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги ҳузуридаги Ғазначилик хизмати қўмитасидаги махсус ҳисобварағига;
қолган маблағлар — Ўзбекистон Республикаси Адлия вазирлигининг Давлат хизматларини ривожлантириш жамғармасига ўтказилади;
б) Тизим орқали мурожаат этганда:
11,75 фоизи — Ўзбекистон Республикаси Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги Ғазначилик қўмитасидаги махсус ҳисобварағига (жумладан 0,5 фоизи — Ягона биллинг тизими орқали тасдиқлангани учун);
қолган маблағлар — Ўзбекистон Республикаси Адлия вазирлигининг Давлат хизматларини ривожлантириш жамғармасига ўтказилади»;
1-илованинг «3-босқич» позицияси «Бажариш муддатлари» устуни қуйидаги таҳрирда баён этилсин:
«2 иш куни (тезлаштирилган тартибда 4 иш соати) мобайнида»;
2-илова қуйидаги мазмундаги позиция билан тўлдирилсин:

«

Сўровномани тезлаштирилган тартибда кўриб чиқиш:

Ҳа

Йўқ

»;

в) 3-иловада:
4-банд қуйидаги мазмундаги хатбошилар билан тўлдирилсин:
«Адвокатлик тузилмасининг номи ёки ташкилий-ҳуқуқий шакли ўзгарганлиги сабабли қайта рўйхатдан ўтказишда ариза берувчининг хоҳишига кўра автомототранспорт воситасини қайта рўйхатдан ўтказиш бўйича ариза композит тарзда ички ишлар органларига юборилиши мумкин.
Адвокатлик тузилмаси хоҳишига кўра автомототранспорт воситаларини рўйхатга олиш ҳақида гувоҳномани ички ишлар органларига ўзи бориб ёки етказиб бериш хизматидан фойдаланган ҳолда олиши мумкин»;
11-банд қуйидаги таҳрирда баён этилсин:
«11. Ариза берувчи мазкур Регламентнинг 8-бандида назарда тутилган ҳужжатларни рўйхатдан ўтказувчи органга Тизим орқали электрон равишда юборади.
Рўйхатдан ўтказувчи орган ҳужжатлар келиб тушган санадан бошлаб:
1 иш куни (тезлаштирилган тартибда 1 иш соати) мобайнида муассисларнинг лицензиялари ва адвокат мақомига эга бўлмаган муассислар малака комиссияларининг адвокатнинг қасамёдини муассислар қабул қилганлигини тасдиқлаш тўғрисидаги қарорини адлия органлари ва Ўзбекистон Республикаси Адвокатлар палатасининг ҳудудий бошқармаларидан ўзаро электрон ахборот алмашинуви орқали сўраб олади. Бунда ушбу ташкилотлар маълумотнинг 1 иш куни (тезлаштирилган тартибда 2 иш соати) ичида тақдим этилиши учун масъул бўлади;
4 иш куни (тезлаштирилган тартибда 4 иш соати) давомида ҳужжатларнинг қонунчилик ҳужжатларига мувофиқлиги жиҳатидан кўриб чиқади ҳамда кўриб чиқиш натижалари бўйича Адвокатлик тузилмаларини давлат рўйхатидан (қайта рўйхатдан) ўтказиш (ҳисобга олиш) ёки мазкур Регламентнинг 13-бандида белгиланган ҳолатлар мавжуд бўлганда, давлат рўйхатидан (қайта рўйхатдан) ўтказишни рад қилиш ҳақида қарор қабул қилади.
Тезлаштирилган тартибда берилган сўровномаларни кўриб чиққанлик учун базавий ҳисоблаш миқдорининг 1 баравари миқдорида йиғим ундирилади.
Ушбу йиғим суммаси қуйидаги тартибда тақсимланади:
11,75 фоизи — Ахборот-коммуникация технологияларини ривожлантириш жамғармасининг Электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига (шу жумладан, 0,5 фоизи йиғим тўланганлиги Ягона биллинг тизими орқали тасдиқланганлиги учун);
қолган маблағлар — Ўзбекистон Республикаси Адлия вазирлигининг Давлат хизматларини ривожлантириш жамғармасига ўтказилади;
1-иловада:
«3-босқич» позициясининг «Тадбирлар» ва «Бажариш муддатлари» устунлари «1 иш куни» сўзларидан кейин «(тезлаштирилган тартибда 1 иш соати)» сўзлари билан тўлдирилсин;
«4-босқич» позициясининг «Бажариш муддатлари» устуни «4 иш куни» сўзларидан кейин «(тезлаштирилган тартибда 4 иш соати)» сўзлари билан тўлдирилсин;
2-илова қуйидаги мазмундаги позиция билан тўлдирилсин:

«

Сўровномани тезлаштирилган тартибда кўриб чиқиш:

Ҳа

Йўқ

»;

г) 4-илованинг 4-банди қуйидаги мазмундаги хатбошилар билан тўлдирилсин:
«Ширкатнинг номи ёки ташкилий-ҳуқуқий шакли ўзгарганлиги сабабли қайта рўйхатдан ўтказишда ариза берувчининг хоҳишига кўра автомототранспорт воситасини қайта рўйхатдан ўтказиш бўйича ариза композит тарзда ички ишлар органларига юборилиши мумкин.
Ширкат хоҳишига кўра автомототранспорт воситаларини рўйхатга олиш ҳақида гувоҳномани ички ишлар органларига ўзи бориб ёки етказиб бериш хизматидан фойдаланган ҳолда олиши мумкин».
37. Вазирлар Маҳкамасининг «Ўзбекистон Республикаси Ҳуқуқни муҳофаза қилиш академиясида олий таълим ва олий таълимдан кейинги таълимга қабул қилиш ва ўқитиш тартибини белгилаш чора-тадбирлари тўғрисида» 2023 йил 6 апрелдаги 143-сон қарорида:
а) 2-илованинг 16-банди қуйидаги таҳрирда баён этилсин:
«16. Магистратурага ўқишга қабул қилиш учун номзодлардан қуйидаги ҳужжатлар талаб этилади:
ташқи номзодлар учун — чет тилини билиш даражасини тасдиқловчи В2 ва ундан юқори даражадаги халқаро сертификатларнинг электрон нусхаси (ички номзодлар учун мавжуд бўлганда);
ваколатли давлат органлари ходимлари учун — номзоднинг бевосита раҳбари томонидан имзоланган тавсиянома ва маълумотнома-объективка.
Номзодларнинг шахсни тасдиқловчи ҳужжат (паспорт ёки идентификацияловчи ID-картаси) нусхаси, олий маълумот тўғрисидаги диплом маълумотлари ҳамда чет тилини билиш даражасини тасдиқловчи В2 ва ундан юқори даражадаги миллий сертификат «Рақамли ҳукумат» тизимининг идоралараро интеграциялашув платформаси орқали мустақил равишда олинади»;
б) 3-иловада:
16-банд қуйидаги таҳрирда баён этилсин:
«16. Таянч докторантурада ўқишга талабгорлар Академияга қуйидаги ҳужжатларни тақдим этадилар:
қисқача биографик маълумотнома;
тегишли халқаро сертификатнинг нусхаси;
нашр этилган илмий ишлар рўйхати, шунингдек уларнинг нусхалари.
Талабгорларнинг олий таълим муассасаси бакалавр ва магистратураси диплом маълумотлари, миллий сертификати «Рақамли ҳукумат» тизимининг идоралараро интеграциялашув платформаси орқали мустақил равишда олинади»;
18-бандда:
учинчи хатбошидаги «олий маълумот,» сўзлари чиқариб ташлансин;
қуйидаги мазмундаги хатбоши билан тўлдирилсин:
«Талабгорларнинг олий маълумот тўғрисидаги диплом маълумотлари «Рақамли ҳукумат» тизимининг идоралараро интеграциялашув платформаси орқали мустақил равишда олинади».
38. Вазирлар Маҳкамасининг «Қишлоқ хўжалиги, мелиорация ва йўл-қурилиш техникаларидан фойдаланиш соҳасида давлат хизматлари кўрсатиш тизимини такомиллаштириш чора-тадбирлари тўғрисида» 2023 йил 29 апрелдаги 170-сон қарорида:
а) 1-иловада:
18-банд қуйидаги мазмундаги бешинчи хатбоши билан тўлдирилсин:
«Бунда техникага бўлган мулк ҳуқуқини тасдиқловчи аукцион натижалари тўғрисидаги баённома (электрон онлайн-аукцион баённомаси) «Рақамли ҳукумат» тизимининг идоралараро интеграциялашув платформаси орқали мустақил равишда олинади»;
30-банд қуйидаги мазмундаги хатбоши билан тўлдирилсин:
«Бунда техникага бўлган мулк ҳуқуқини тасдиқловчи аукцион натижалари тўғрисидаги баённома (электрон онлайн-аукцион баённомаси) «Рақамли ҳукумат» тизимининг идоралараро интеграциялашув платформаси орқали мустақил равишда олинади»;
б) 6-иловада:
26-бандда:
тўртинчи хатбоши чиқариб ташлансин;
бешинчи — еттинчи хатбошилар тегишлича тўртинчи — олтинчи хатбошилар деб ҳисоблансин;
қуйидаги мазмундаги хатбоши билан тўлдирилсин:
«тиббий маълумотномаси (083-шакл)».
39. Вазирлар Маҳкамасининг 2023 йил 20 октябрдаги 550-сон қарори билан тасдиқланган Фуқаролик ҳолати далолатномаларини қайд этиш қоидаларида:
а) қуйидаги мазмундаги 121-банд билан тўлдирилсин:
«121. Жисмоний шахсларнинг фамилияси, исми, отасининг исми ёки туғилган санаси ўзгарган, шу жумладан, никоҳ қайд этилганлиги ёки никоҳдан ажралганлиги муносабати билан фамилияси ўзгарган тақдирда, гербли гувоҳномаларни расмийлаштириш билан бир вақтда жисмоний шахсга янги идентификацияловчи ID-карталарни расмийлаштириш бўйича ариза-анкеталар ФҲДЁ органи томонидан жисмоний шахснинг розилиги асосида композит шаклда ваколатли органларга юборилади.
Жисмоний шахснинг номидан янги идентификацияловчи ID-карталарни расмийлаштириш бўйича ариза-анкеталар ФҲДЁ органи томонидан тўлдирилади. Расмийлаштирилган ариза-анкеталар Ўзбекистон Республикаси Президентининг «Ўзбекистон Республикасида идентификацияловчи ID-карталарни жорий этиш чора-тадбирлари тўғрисида» 2020 йил 22 сентябрдаги ПФ-6065-сон Фармонига асосан жисмоний шахсга идентификацияловчи ID-карталарни расмийлаштириб бериш вазифаларини бажарувчи ваколатли органларга келиб тушганда, ушбу жисмоний шахсдан қўшимча ариза-анкета талаб қилинмайди.
Мазкур бандда назарда тутилган асосларда янги идентификацияловчи ID-карталарни расмийлаштиришда тўловларни амалга ошириш, биографик ва биометрик маълумотларни ҳамда қонунчилик ҳужжатларига мувофиқ талаб қилинадиган бошқа ҳужжатлар идентификацияловчи ID-карталарни расмийлаштириб бериш вазифаларини бажарувчи ваколатли органларга ташриф буюрилганда тақдим этилади»;
б) 149-бандда:
қуйидаги мазмундаги иккинчи ва учинчи хатбошилар билан тўлдирилсин:
«Фамилия, исм ва ота исмини ўзгартиришда ариза берувчининг хоҳишига кўра автомототранспорт воситасини қайта рўйхатдан ўтказиш бўйича ариза композит тарзда ички ишлар органларига юборилиши мумкин.
Ариза берувчи хоҳишига кўра автомототранспорт воситаларини рўйхатга олиш ҳақидаги гувоҳномани ички ишлар органларига ўзи бориб ёки етказиб бериш хизматидан фойдаланган ҳолда олиши мумкин»;
иккинчи — олтинчи хатбошилар тегишлича тўртинчи — саккизинчи хатбошилар деб ҳисоблансин.
40. Вазирлар Маҳкамасининг 2023 йил 20 ноябрдаги 612-сон қарори билан тасдиқланган Жисмоний ва юридик шахсларга маълумотномалар бериш бўйича давлат хизматларини кўрсатишнинг ягона маъмурий регламентида:
а) 18-иловада:
4-позициянинг иккинчи устуни 1-бандида:
қуйидаги мазмундаги бешинчи хатбоши билан тўлдирилсин:
«маълумотномани олиш тартиби — умумий ёки тезлаштирилган тартиб»;
бешинчи — ўн учинчи хатбошилар тегишлича олтинчи — ўн тўртинчи хатбошилар деб ҳисоблансин;
5-позициянинг иккинчи устуни қуйидаги таҳрирда баён этилсин:
«Умумий тартибда — бепул;
тезлаштирилган тартибда — базавий ҳисоблаш миқдорининг 50 фоизи.
Йиғимлар суммаси қуйидаги тартибда тақсимланади:
а) Давлат хизматлари марказлари орқали мурожаат этилганда:
18 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармасига;
0,5 фоизи — Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги Ғазначилик хизмати қўмитасидаги махсус ҳисобварағига (Ягона биллинг тизими орқали тасдиқлангани учун);
қолган маблағлар — «Ўзархив» агентлиги тизимидаги давлат хизматини кўрсатган давлат архивининг ҳисобварағига;
б) ЯИДХП орқали мурожаат этилганда:
10 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармасига;
11,75 фоизи — Рақамли технологиялар вазирлиги ҳузуридаги «Рақамли ҳукумат лойиҳаларини бошқариш маркази» давлат муассасасининг Иқтисодиёт ва молия вазирлиги Ғазначилик қўмитасидаги махсус ҳисобварағига (шу жумладан, 0,5 фоизи — Ягона биллинг тизими орқали тасдиқлангани учун);
қолган йиғимлар суммаси — давлат хизматини кўрсатган давлат архивининг ҳисобварағига ўтказилади»;
6-позициянинг иккинчи устуни қуйидаги таҳрирда баён этилсин:
«Иш стажини тасдиқлашга оид маълумотномалар учун — умумий тартибда 5 иш кунидан, тезлаштирилган тартибда 3 иш кунидан;
иш ҳақини тасдиқлашга оид маълумотномалар учун — умумий тартибда 20 иш кунидан, тезлаштирилган тартибда 10 иш кунидан ошмаган муддатда»;
б) 26-иловада:
4-позициянинг иккинчи устуни 1-бандида:
қуйидаги мазмундаги олтинчи хатбоши билан тўлдирилсин:
«маълумотномани олиш тартиби — умумий ёки тезлаштирилган тартиб»;
олтинчи хатбоши еттинчи хатбоши деб ҳисоблансин;
5-позициянинг иккинчи устунида:
биринчи хатбоши қуйидаги таҳрирда баён этилсин:
«Умумий тартибда — базавий ҳисоблаш миқдорининг 5 фоизи;
қуйидаги мазмундаги иккинчи хатбоши билан тўлдирилсин:
«тезлаштирилган тартибда — базавий ҳисоблаш миқдорининг 50 фоизи»;
иккинчи — олтинчи хатбошилар тегишлича учинчи — еттинчи хатбошилар деб ҳисоблансин;
6-позициянинг иккинчи устуни қуйидаги таҳрирда баён этилсин:
«Умумий тартибда — 2 иш куни;
тезлаштирилган тартибда — 1 иш куни».
41. Вазирлар Маҳкамасининг 2024 йил 3 июлдаги 382-сон қарори билан тасдиқланган Йўл ҳаракати қоидалари бузилишига доир чиқарилган қарор ва юборилган хабарномалар юзасидан Давлат йўл ҳаракати хавфсизлиги хизматига электрон мурожаат қилишнинг маъмурий регламентига 2-илованинг III бўлими 4-позицияси «ишончнома» сўзидан кейин «маълумотлари» сўзи билан тўлдирилсин.
42. Вазирлар Маҳкамасининг «Етим болалар ва ота-она қарамоғидан маҳрум бўлган болаларни жойлаштириш шакллари бўйича айрим норматив-ҳуқуқий ҳужжатларни тасдиқлаш тўғрисида» 2024 йил 27 декабрдаги 893-сон қарорида:
а) 3-бандда:
«б» кичик банднинг учинчи хатбошиси «сил касаллигига қарши курашиш» сўзларидан кейин «(Ўзбекистон Республикаси фуқаролари бундан мустасно)» сўзлари билан тўлдирилсин;
«в» кичик бандда:
қуйидаги мазмундаги олтинчи хатбоши билан тўлдирилсин:
«сил касаллиги бўйича ҳисобда туриш ёки турмаслиги бўйича маълумотнома»;
олтинчи хатбоши еттинчи хатбоши деб ҳисоблансин;
б) Етим болалар ва ота-она қарамоғидан маҳрум бўлган болаларни муқобил жойлаштириш шаклларига олиш истагини билдирган фуқароларни танлаш, ҳисобини юритиш ҳамда муқобил жойлаштириш шаклларига берилган болаларни кузатиш ва мониторинг қилиш тартиби тўғрисидаги низомга 3-иловада:
1-банднинг «в» кичик банди «сил касаллигига қарши курашиш» сўзларидан кейин «(Ўзбекистон Республикаси фуқаролари бундан мустасно)» сўзлари билан тўлдирилсин;
2-бандда:
биринчи хатбошидаги «Электрон» сўзи «Рақамли» сўзи билан алмаштирилсин;
қуйидаги мазмундаги «з» кичик банд билан тўлдирилсин:
«з) сил касаллиги бўйича ҳисобда туриш ёки турмаслиги бўйича маълумотнома».
43. Вазирлар Маҳкамасининг 2025 йил 2 майдаги 290-сон қарори билан «Work and travel» халқаро дастурларида иштирок этувчи талаба ёшларнинг ишлаш ва саёҳат қилиш мақсадида хорижий давлатларга бориши ва келиши билан боғлиқ харажатлар учун ссуда ажратиш бўйича давлат хизматларини кўрсатишнинг маъмурий регламенти 8-бандида:
«б» кичик бандда:
учинчи хатбошидаги «ЯИДХП орқали олинган сўнгги 12 ойлик иш ҳақи тўғрисида маълумот ва» сўзлари чиқариб ташлансин;
қуйидаги мазмундаги бешинчи хатбоши билан тўлдирилсин:
«Кафил жисмоний шахснинг ЯИДХП орқали олинган сўнгги 12 ойлик иш ҳақи тўғрисидаги маълумот «Рақамли ҳукумат» тизимининг идоралараро интеграциялашув платформаси орқали мустақил равишда олинади. Мазкур маълумот «Рақамли ҳукумат» тизимининг идоралараро интеграциялашув платформаси орқали аниқланмаган ҳолларда илова қилинади»;
бешинчи — еттинчи хатбошилар тегишлича олтинчи — саккизинчи хатбошилар деб ҳисоблансин.
44. Вазирлар Маҳкамасининг 2025 йил 18 июндаги 377-сон қарори билан тасдиқланган Автотранспорт воситаларини ногиронлиги бўлган шахслар эҳтиёжларига мослаштириш харажатларини қоплаш бўйича давлат хизматини кўрсатишнинг маъмурий регламентига 2-иловада:
а) Ариза берувчи — жисмоний шахсга тегишли сўровнома матнининг «II. Илова қилинадиган ҳужжатлар:» бўлимида:
иккинчи хатбоши чиқариб ташлансин;
учинчи хатбоши иккинчи хатбоши деб ҳисоблансин;
қуйидаги мазмундаги хатбоши билан тўлдирилсин:
«*автомототранспорт воситасининг рўйхатдан ўтказилгани ҳақидаги гувоҳнома маълумотлари «Рақамли ҳукумат» тизимининг идоралараро интеграциялашув платформаси орқали мустақил равишда олинади»;
б) Ариза берувчи — юридик шахсга тегишли сўровнома матнининг «II. Илова қилинадиган ҳужжатлар:» бўлимида:
иккинчи хатбоши чиқариб ташлансин;
учинчи ва тўртинчи хатбошилар тегишлича иккинчи ва учинчи хатбошилар деб ҳисоблансин;
қуйидаги мазмундаги хатбоши билан тўлдирилсин:
«*автомототранспорт воситасининг рўйхатдан ўтказилгани ҳақидаги гувоҳнома маълумотлари «Рақамли ҳукумат» тизимининг идоралараро интеграциялашув платформаси орқали мустақил равишда олинади».
45. Вазирлар Маҳкамасининг 2025 йил 31 июлдаги 479-сон қарори билан тасдиқланган Рақамли криминалистика соҳасида сертификатланган мутахассисларнинг ягона электрон реестрини юритиш тартиби тўғрисидаги низомнинг 8-банди еттинчи хатбошиси қуйидаги таҳрирда баён этилсин:
«илмий даража ва унвони тўғрисида маълумотлар (мавжуд бўлса маълумотлар ваколатли орган томонидан мустақил равишда «Рақамли ҳукумат» тизимининг идоралараро интеграциялашув платформаси орқали автоматик олинади)».
Вазирлар Маҳкамасининг 2025 йил 30 декабрдаги 840-сон қарорига
2-ИЛОВА
Ўзбекистон Республикаси Ҳукуматининг ўз кучини йўқотган деб ҳисобланаётган айрим қарорлари
РЎЙХАТИ
1. Вазирлар Маҳкамасининг «Ўзбекистон Республикаси Вазирлар Маҳкамаси ҳузуридаги Давлат тест маркази фаолиятини янада такомиллаштириш тўғрисида» 2018 йил 20 февралдаги 130-сон қарори.
2. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикаси Президентининг «Мамлакатни ижтимоий-иқтисодий ривожлантиришнинг стратегик вазифалари амалга оширилиши самарадорлиги учун Ўзбекистон Республикаси Вазирлар Маҳкамасининг масъулиятини оширишга доир биринчи навбатдаги чора-тадбирлар тўғрисида» 2019 йил 28 январдаги ПФ-5644-сон, «Ўзбекистон Республикаси Президентининг айрим ҳужжатларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида» 2019 йил 1 февралдаги ПФ-5650-сон фармонлари ва Ўзбекистон Республикаси Президентининг «Ўзбекистон Республикаси Ҳукумати ишини ташкил этишнинг сифат жиҳатидан янги тизимини жорий этиш тўғрисида» 2019 йил 28 январдаги ПҚ-4136-сон қарори)» 2019 йил 13 майдаги 397-сон қарорига илованинг 83-банди.
3. Вазирлар Маҳкамасининг «Олий таълим муассасаларига тест синовлари орқали қабул қилиш тизими такомиллаштирилиши муносабати билан Ўзбекистон Республикаси Вазирлар Маҳкамаси ҳузуридаги Давлат тест марказининг фаолиятини кучайтириш тўғрисида» 2019 йил 9 июлдаги 572-сон қарорига 2-илованинг 2-банди.
4. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Вазирлар Маҳкамасининг «Ўзбекистон Республикаси Президенти Администрацияси ҳузуридаги Тиббиёт бош бошқармаси фаолиятини ташкил этиш тўғрисида» 2019 йил 29 апрелдаги 366-сон қарори)» 2020 йил 20 январдаги 36-сон қарорига илованинг 7-банди.
5. Вазирлар Маҳкамасининг «Умумтаълим фанларини билиш даражасини баҳолашнинг миллий тест тизимини жорий этиш тўғрисида» 2020 йил 12 октябрдаги 646-сон қарорига 3-илованинг 2-банди.

(Қонунчилик маълумотлари миллий базаси, 06.01.2026 й., 09/26/840/0012-сон)