4. «Давсувхўжаликназорат» давлат инспекцияси ўз фаолиятида Ўзбекистон Республикаси Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Вазирлар Маҳкамасининг қарорлари ва фармойишларига, шунингдек, ушбу Низомга ва бошқа қонунчилик ҳужжатларига амал қилади.

5. «Давсувхўжаликназорат» давлат инспекцияси ўз фаолиятини тегишли давлат бошқаруви органлари, хўжалик бирлашмалари, маҳаллий ижро этувчи ҳокимият органлари ва бошқа ташкилотлар билан ўзаро ҳамкорликда амалга оширади.

6. «Давсувхўжаликназорат» давлат инспекциясининг ўз ваколати ва қонунчилик доирасида қабул қилган қарорлари ва кўрсатмалари давлат бошқаруви органлари, хўжалик бирлашмалари, маҳаллий ижро этувчи ҳокимият органлари, бошқа ташкилотлар ва уларнинг мансабдор шахслари, шунингдек, фуқаролар томонидан бажарилиши мажбурий ҳисобланади.

7. «Давсувхўжаликназорат» давлат инспекцияси юридик шахс ҳисобланади, Ўзбекистон Республикаси Давлат герби тасвири туширилган ва ўз номи давлат тилида ёзилган муҳрга эга.

8. «Давсувхўжаликназорат» давлат инспекциясининг расмий номи:

а) давлат тилида:

тўлиқ номи — Ўзбекистон Республикаси Вазирлар Маҳкамаси ҳузуридаги Сув хўжалиги объектлари хавфсизлигини назорат қилиш давлат инспекцияси;

қисқартирилган номи — «Давсувхўжаликназорат» давлат инспекцияси;

б) рус тилида:

тўлиқ номи — Государственная инспекция по контролю за безопасностью объектов водного хозяйства при Кабинете Министров Республики Узбекистан;

қисқартирилган номи — «Госводхознадзор»;

в) инглиз тилида:

тўлиқ номи — State Inspection for control of safety of water management facilities under the Cabinet of Ministers of the Republic of Uzbekistan;

қисқартирилган номи — «Statewatermanaginspection».

9. «Давсувхўжаликназорат» давлат инспекциясининг жойлашган жойи (почта манзили): 100128, Тошкент шаҳри, Шайхонтоҳур тумани, Туркқўрғон кўчаси, 26-уй.

2-боб. «Давсувхўжаликназорат» давлат инспекциясининг тизими

10. «Давсувхўжаликназорат» давлат инспекцияси тизимига қуйидагилар киради:

«Давсувхўжаликназорат» давлат инспекциясининг марказий аппарати;

Қорақалпоғистон Республикаси ва вилоятлар ҳудудий инспекторлари ҳамда бош мутахассислари (кейинги ўринларда — ҳудудий инспекторлар ва бош мутахассислар);

«Гидротехника иншоотларининг диагностикаси маркази» давлат унитар корхонаси (кейинги ўринларда — Диагностика маркази).

3-боб. «Давсувхўжаликназорат» давлат инспекциясининг асосий вазифалари ва функциялари

1-§. «Давсувхўжаликназорат» давлат инспекциясининг асосий вазифалари ва функциялари

11. Қуйидагилар «Давсувхўжаликназорат» давлат инспекциясининг асосий вазифалари ҳисобланади:

хавф даражаси юқори бўлган сув хўжалиги объектларининг хавфсизлигини, ишончли ишлашини ҳамда қўриқланишини назорат қилиш;

хавф даражаси юқори бўлган сув хўжалиги объектларини жойлаштириш ва лойиҳалаш бўйича топшириқларни ҳамда улардан фойдаланиш бўйича қоидаларни келишиш, шунингдек, уларнинг хавфсизлиги қоидалари ва мезонларини ишлаб чиқиш;

хавф даражаси юқори бўлган сув хўжалиги объектларини қуриш, реконструкция қилиш, уларни фойдаланишга қабул қилиш, консервациялаш ва тугатиш ишларида иштирок этиш ҳамда тегишли хулосалар бериш;

хавф даражаси юқори бўлган сув хўжалиги объектларининг хавфсизлик даражасини аниқлаш ишларига замонавий технологиялар ва илғор тажрибаларни жорий қилиш;

фавқулодда вазиятларда хавф даражаси юқори бўлган сув хўжалиги объектларининг аҳолига ва иқтисодиёт тармоқларига салбий таъсирини юмшатиш бўйича комплекс чора-тадбирларни амалга оширишда иштирок этиш.

12. «Давсувхўжаликназорат» давлат инспекцияси ўзига юкланган вазифаларга мувофиқ қуйидаги функцияларни амалга оширади:

а) хавф даражаси юқори бўлган сув хўжалиги объектларининг хавфсизлигини, ишончли ишлашини ҳамда қўриқланишини назорат қилиш соҳасида:

тегишли вазирликлар, идоралар ва ташкилотлар билан биргаликда гидротехника иншоотларининг техник ҳолати ҳамда бехатар ишлаши билан боғлиқ ҳодисаларнинг олдини олишга доир таклифларни ишлаб чиқади;

тегишли вазирликлар, идоралар ва ташкилотлар билан биргаликда гидротехника иншоотларининг техник ҳолати ишончлилигини ҳамда бехатар ишлашини, уларнинг барча жараёнларда экспертизадан ўтказилишини назорат қилади;

гидротехника иншоотларининг ҳолатини ва уларнинг хавфсизлик декларацияларига ва мезонларига мувофиқлигини текширишни ташкил этади;

гидротехника иншоотларининг техник ҳолатини жойида ўрганишни, натурада кузатишни ва диагностикасини амалга оширади;

тегишли вазирликлар, идоралар ва ташкилотлар билан биргаликда давлатлараро ва чегаравий сув хўжалиги объектларидан фойдаланиш масалаларини чегарадош давлатлар билан тартибга солишда иштирок этади;

гидротехника иншоотлари хавфсизлигини таъминлаш масалалари бўйича халқаро ҳамкорликни амалга оширади;

хўжалик фаолиятини ёки бошқа фаолиятни амалга ошириш учун гидротехника иншоотлари ҳудудларидан, дарёлар ўзанлари ва уларга туташ иншоотларнинг қуйи ва юқори ҳудудларидан (сув муҳофазаси зоналарида ер участкалари бериш бундан мустасно) фойдаланишни келишади;

ваколатли органларга сув муҳофазаси зоналарини, сув омборлари, дарёлар, каналлар ва коллекторларнинг соҳилбўйи минтақаларини белгилаш ишларини ташкил этишда кўмаклашади, ушбу зоналар ва чизиқларга қўйиладиган талабларнинг бажарилиши юзасидан назоратни амалга оширади;

б) хавф даражаси юқори бўлган сув хўжалиги объектларини жойлаштириш ва лойиҳалаш бўйича топшириқларни ҳамда улардан фойдаланиш бўйича қоидаларни келишиш, шунингдек, уларнинг хавфсизлиги қоидалари ва мезонларини ишлаб чиқиш соҳасида:

гидротехника иншоотларини жойлаштириш ва уларнинг лойиҳаларини ишлаб чиқишга доир техник топшириқларни ҳамда фойдаланиш бўйича қоидаларни келишади;

гидротехника иншоотларининг хавфсизлик декларацияларини давлат экспертизасидан ўтказади ва белгиланган тартибда тасдиқлайди;

гидротехника иншоотлари кадастрини юритади;

гидротехника иншоотларининг хавфсизлик қоидалари ва мезонларини ишлаб чиқади;

гидротехника иншоотларининг хавфсизлиги соҳасида қонунчилик ҳужжатлари лойиҳаларини ишлаб чиқишда иштирок этади;

в) хавф даражаси юқори бўлган сув хўжалиги объектларини қуриш, реконструкция қилиш, уларни фойдаланишга қабул қилиш, консервациялаш ва тугатиш ишларида иштирок этиш ҳамда тегишли хулосалар бериш соҳасида:

гидротехника иншоотларини қуриш ва реконструкция қилиш ишларини лойиҳачи, буюртмачи ва пудратчи ташкилотлар ҳамда тегишли вазирликлар, идоралар ва ташкилотлар мутахассисларини жалб этган ҳолда ўрганади ҳамда тегишли таклиф ва хулосалар беради;

гидротехника иншоотларини фойдаланишга қабул қилиш бўйича ишчи ва давлат комиссиялари таркибида иштирок этади ҳамда тегишли таклиф ва хулосалар беради;

гидротехника иншоотларини консервациялаш ва тугатиш бўйича лойиҳаларни ўрганиб чиқади ҳамда тегишли таклиф ва хулосалар беради;

г) хавф даражаси юқори бўлган сув хўжалиги объектларининг хавфсизлик даражасини аниқлаш ишларига замонавий технологиялар ва илғор тажрибаларни жорий қилиш соҳасида:

гидротехника иншоотлари хавфсизлиги соҳасида замонавий технологиялар ва илғор тажрибаларни ўрганиб боради;

«Давсувхўжаликназорат» давлат инспекцияси моддий-техника базасини замонавий асбоб-ускуналар билан бутлайди, гидротехника иншоотлари хавфсизлиги бўйича янги технологиялар ва тажрибаларни ўзлаштириб боради;

хавф даражаси юқори бўлган сув хўжалиги объектлари хавфсизлик даражасини ўрганиш, натурада кузатиш ва диагностика ишларини амалга оширишда замонавий технологиялар ва илғор тажрибаларни жорий қилади ҳамда уларнинг хавфсизлик даражасини баҳолаш ишлари сифатини яхшилаб боради;

гидротехника иншоотлари хавфсизлигини ошириш ва ишончли кузатувини олиб бориш бўйича лойиҳачи ва сув хўжалиги объектларининг фойдаланувчи ташкилотларига таклифлар киритиб боради;

д) фавқулодда вазиятларда хавф даражаси юқори бўлган сув хўжалиги объектларининг аҳолига ва иқтисодиёт тармоқларига салбий таъсирини юмшатиш бўйича комплекс чора-тадбирларни амалга оширишда иштирок этиш соҳасида:

фавқулодда вазиятларда хавф даражаси юқори бўлган сув хўжалиги объектларининг аҳолига ва иқтисодиёт тармоқларига салбий таъсирини ўрганиш бўйича ишчи гуруҳлар ишида иштирок этади;

фавқулодда вазиятларда хавф даражаси юқори бўлган сув хўжалиги объектларининг аҳолига ва иқтисодиёт тармоқларига салбий таъсирини юмшатиш бўйича комплекс чора-тадбирларни ишлаб чиқишда ҳамда уларни амалга оширишда бевосита қатнашади;

Ўзбекистон Республикаси Гидрометеорология хизмати марказининг ёғингарчилик ва сел тошқинлари тўғрисидаги прогнозига асосан гидротехника иншоотларида юзага келиши мумкин бўлган вазиятларни олдиндан таҳлил қилади ва баҳолайди;

гидротехника иншоотларининг техник жиҳатдан ишончлилиги ва хавфсизлиги билан боғлиқ бўлган идоралараро ва давлатлараро комиссиялар ишларида иштирок этади.

«Давсувхўжаликназорат» давлат инспекцияси қонунчилик ҳужжатларига мувофиқ бошқа функцияларни ҳам амалга оширади.

13. «Давсувхўжаликназорат» давлат инспекцияси ўзига юкланган вазифалар ва функцияларни бевосита ёки ҳудудий инспекторлар ва бош мутахассислар ҳамда Диагностика маркази орқали амалга оширади.

2-§. «Давсувхўжаликназорат» давлат инспекцияси марказий аппаратининг асосий вазифалари ва функциялари

14. Қуйидагилар «Давсувхўжаликназорат» давлат инспекцияси марказий аппаратининг асосий вазифалари ҳисобланади:

ҳудудий инспекторлар ва бош мутахассислар ҳамда Диагностика маркази билан биргаликда «Давсувхўжаликназорат» давлат инспекциясига юкланган вазифалар ва функциялар самарали бажарилишини таъминлаш;

«Давсувхўжаликназорат» давлат инспекцияси марказий аппарати, ҳудудий инспекторлар ва бош мутахассислар ҳамда Диагностика маркази фаолияти самарадорлиги ва натижадорлигини танқидий таҳлил қилиш ва таҳлил натижалари асосида зарур чоралар кўриш;

гидротехника иншоотларининг хавфсизлиги соҳасидаги қонунчилик ҳужжатлари лойиҳаларини ишлаб чиқиш ва белгиланган тартибда Вазирлар Маҳкамасига киритиш.

15. Қуйидагилар «Давсувхўжаликназорат» давлат инспекцияси марказий аппаратиниг асосий функциялари ҳисобланади:

гидротехника иншоотлари хавфсизлигини баҳолаш бўйича мониторинг тизимини юритади ва таҳлил қилиб боради;

«Давсувхўжаликназорат» давлат инспекцияси ва унинг раҳбарияти фаолиятини ташкилий ва ахборот-таҳлил жиҳатидан таъминлайди;

ҳудудий инспекторлар ва бош мутахассислар ҳамда Диагностика маркази томонидан Ўзбекистон Республикаси қонунлари, Ўзбекистон Республикаси Президентининг фармонлари, қарорлари ва фармойишлари, Вазирлар Маҳкамасининг қарорлари ва фармойишлари бажарилиши тизимли назорат қилинишини таъминлайди;

ҳудудий инспекторлар ва бош мутахассислар ҳамда Диагностика маркази фаолиятини мувофиқлаштиради ва методик назоратни амалга оширади;

«Давсувхўжаликназорат» давлат инспекцияси ўз ваколатига тегишли тезкор, ташкилий, кадрлар, молиявий ва бошқа масалаларни ҳал қилади.

3-§. Ҳудудий инспекторлар ва бош мутахассисларнинг асосий вазифалари ва функциялари

16. Қуйидагилар ҳудудий инспекторлар ва бош мутахассисларнинг асосий вазифалари ҳисобланади:

«Давсувхўжаликназорат» давлат инспекциясига юкланган вазифалар ва функциялар самарали бажарилишини таъминлашда иштирок этиш;

гидротехника иншоотларининг хавфсизлигини, ишончли ишлашини ҳамда қўриқланишини назорат қилиш;

гидротехника иншоотларини жойлаштириш ва уларнинг лойиҳаларини ишлаб чиқишга доир техник топшириқларни келишиш;

гидротехника иншоотларини қуриш, реконструкция қилиш, уларни фойдаланишга қабул қилиш, консервациялаш ва тугатиш ишларида иштирок этиш ҳамда тегишли хулосалар бериш;

фавқулодда вазиятларда гидротехника иншоотларининг аҳолига ва иқтисодиёт тармоқларига салбий таъсирини юмшатиш бўйича комплекс чора-тадбирларни ишлаб чиқиш ва амалга оширишда иштирок этиш.

17. Қуйидагилар ҳудудий инспекторлар ва бош мутахассисларнинг асосий функциялари ҳисобланади:

Ўзбекистон Республикаси қонунлари, Ўзбекистон Республикаси Президентининг фармонлари, қарорлари ва фармойишларини, Вазирлар Маҳкамасининг қарорлари ва фармойишларини бажаради;

маҳаллий ижро этувчи ҳокимият органлари, сув хўжалиги объектларининг фойдаланувчи ташкилотлари, тегишли идора ва ташкилотлар билан биргаликда гидротехника иншоотлари техник ҳолати ҳамда бехатар ишлаши билан боғлиқ ҳодисаларнинг олдини олишга доир таклифларни ишлаб чиқади;

гидротехника иншоотларининг техник ҳолати ҳамда бехатар ишлаши бўйича инспекторлик текширувларини ўтказади;

гидротехника иншоотларининг ҳолатини ва уларнинг хавфсизлик декларацияларига мувофиқлигини текширишни ташкил этади;

гидротехника иншоотларининг техник ҳолати ҳамда бехатар ишлаши билан боғлиқ бўлган ҳудудий ишчи гуруҳлар ишида иштирок этади;

гидротехника иншоотларининг хавфсизлик декларациялари белгиланган тартибда сифатли ишлаб чиқилишини ва экспертизага тақдим этилишини назорат қилади;

гидротехника иншоотларининг хавфсизлиги соҳасида норматив-ҳуқуқий ҳужжатлар лойиҳаларини ишлаб чиқиш жараёнида иштирок этади;

ваколатли органларга сув муҳофазаси зоналарини, сув омборлари, сел-сув омборлари, дарёлар, каналлар ва коллекторларнинг соҳилбўйи минтақаларини белгилаш ишларини ташкил этишда кўмаклашади, ушбу зоналар ва чизиқларга қўйиладиган талабларнинг бажарилиши юзасидан назоратни амалга оширади;

гидротехника иншоотларида авария ҳолатларини ва табиий офатларни бартараф этиш ишларида иштирок этади;

гидротехника иншоотларининг хавфсизлигини баҳолаш бўйича мониторинг тизимини юритади.

4-боб. «Давсувхўжаликназорат» давлат инспекцияси ва унинг ҳудудий инспекторлари ва бош мутахассисларининг ҳуқуқлари ва жавобгарлиги

1-§. «Давсувхўжаликназорат» давлат инспекциясининг ҳуқуқлари ва жавобгарлиги

18. «Давсувхўжаликназорат» давлат инспекцияси ўзига юкланган вазифалар ва функцияларни бажариш учун қуйидаги ҳуқуқларга эга:

гидротехника иншоотларига монеликсиз кириш, уларнинг хавфсизлиги ва ишончли ишлаши юзасидан техник назоратни ташкил этиш масалалари, уларнинг қўриқланиши ҳамда муҳофаза зоналари ва соҳилбўйи минтақалари белгиланганлиги тўғрисидаги материаллар билан танишиш;

ўз ваколати доирасида қонунчиликда белгиланган тартибда тегишли вазирликлар, идоралар ва ташкилотлар томонидан гидротехника иншоотларидан фойдаланишнинг техник ва хавфсизлик ҳолати бўйича назорат ўрнатилганлигини текшириш;

гидротехника иншоотларининг ҳолати, улардан фойдаланиш ва уларнинг хавфсизлигини таъминлаш билан боғлиқ масалалар юзасидан тегишли вазирликлар, идоралар ва ташкилотлар раҳбарларининг ахборотини эшитиш;

тегишли вазирликлар, идоралар ва ташкилотларнинг гидротехника иншоотлари техник ҳолатининг ишончлилиги, улардан фойдаланиш ва уларнинг хавфсизлигини таъминлаш билан боғлиқ масалалар бўйича қонунчилик ҳужжатлари, тадбирлар режалари, буйруқлар, йўриқномалар, маълумотлар ва бошқа материалларни талаб қилиш ва олиш, зарурат бўлганда, вазирликлар ва идоралар мутахассисларини жалб этиш;

назоратидаги сув хўжалиги объектларини техник соз ҳолатда сақлаш ва муҳофаза қилиш, уларнинг хавфсизлигини ва ишончли ишлашини таъминлаш ҳамда аниқланган камчиликларни, шунингдек, уларнинг келиб чиқишига сабаб бўлган шарт-шароитларни бартараф этиш тўғрисида тегишли вазирликлар, идоралар ва ташкилотларга бажарилиши шарт бўлган тақдимнома ҳамда кўрсатмалар киритиш;

гидротехника иншоотлари хавфсизлиги нормалари ва қоидалари қўпол равишда бузилган ҳолатларда гидротехника иншоотларини лойиҳалаштирувчи, қурувчи ва улардан фойдаланувчи ташкилотларга кўрсатмалар бериш ва уларни бажармаган тақдирда, лойиҳалаштириш, қуриш ва фойдаланишни вақтинча тўхтатиш тўғрисида таклифлар киритиш;

назоратидаги сув хўжалиги объектларидан фойдаланиш ёхуд дарёлар ўзанлари ва уларга туташ иншоотларнинг қуйи ва юқори ҳудудларида хўжалик ва бошқа фаолиятни амалга ошираётган ташкилотлар фаолиятини, агар мазкур фаолият гидротехника иншоотларининг хавфсизлигига салбий таъсир кўрсатиши мумкин бўлса, белгиланган тартибда тақиқлаш ёки чеклаш;

назоратидаги сув хўжалиги объектларидан фойдаланувчи ташкилотлар раҳбарлари ва хавфсизлик талаблари учун масъул бўлган раҳбар-мутахассисларнинг малакасини назорат қилиш, уларни яхшилаш бўйича тегишли равишда юқори турувчи идораларга таклифлар киритиш.

«Давсувхўжаликназорат» давлат инспекцияси қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

19. «Давсувхўжаликназорат» давлат инспекцияси ўзига юкланган вазифаларнинг самарали бажарилиши учун жавобгардир.

2-§. «Давсувхўжаликназорат» давлат инспекцияси марказий аппаратининг ҳуқуқлари ва жавобгарлиги

20. «Давсувхўжаликназорат» давлат инспекцияси марказий аппарати ўзига юкланган вазифалар ва функцияларни бажариш учун қуйидаги ҳуқуқларга эга:

ҳудудий инспекторлар ва бош мутахассислар ҳамда Диагностика марказидан «Давсувхўжаликназорат» давлат инспекцияси марказий аппаратида кўриб чиқиладиган масалаларни таҳлил қилиш ва ишлаб чиқиш учун зарур бўлган материаллар ва маълумотларни сўраш ва олиш;

«Давсувхўжаликназорат» давлат инспекциясида кўриб чиқиладиган масалаларни ишлаб чиқиш, ахборот ва таҳлилий материаллар, шунингдек, норматив-ҳуқуқий ҳужжатлар ва бошқа ҳужжатларни тайёрлаш учун белгиланган тартибда ҳудудий инспекторлар ва бош мутахассислар ҳамда Диагностика маркази раҳбарлари ва вакилларини жалб қилиш, бу мақсадларда эксперт ва ишчи гуруҳларни тузиш;

ҳудудий инспекторлар ва бош мутахассислар ҳамда Диагностика маркази раҳбарлари ва вакиллари иштирокида йиғилишлар ўтказиш;

тезкор ҳал этиш талаб қилинадиган ва «Давсувхўжаликназорат» давлат инспекциясига юкланган вазифалар ва функцияларни бажариш билан боғлиқ масалалар бўйича белгиланган тартибда ҳудудий инспекторлар ва бош мутахассисларга ҳамда Диагностика маркази раҳбарига топшириқ бериш;

ҳудудий инспекторлар ва бош мутахассислар ҳамда Диагностика маркази раҳбари томонидан марказий аппарат ва унинг раҳбарияти топшириқлари бажарилишини белгиланган тартибда ўрганиш ва текшириш;

«Давсувхўжаликназорат» давлат инспекцияси марказий аппарати қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

21. «Давсувхўжаликназорат» давлат инспекцияси марказий аппарати:

ҳудудий инспекторлар ва бош мутахассислар билан биргаликда «Давсувхўжаликназорат» давлат инспекциясига юкланган вазифалар ва функцияларнинг сифатли ва ўз вақтида самарали бажарилиши, марказий аппарат ходимлари ишини ташкил этиш, «Давсувхўжаликназорат» давлат инспекцияси фаолияти билан боғлиқ прогноз кўрсаткичларга эришишни таъминлаш;

назоратидаги гидротехника иншоотлари хавфсизлиги бўйича назорат тизимини ривожлантириш, шунингдек, ижтимоий-иқтисодий ривожланиш ва бошқа муаммоли масалалар бўйича дастурлар, тадбирлар режалари, «йўл хариталари»нинг самарали амалга оширилиши ва ўзига юкланган вазифаларнинг самарали бажарилиши учун жавобгардир.

3-§. Ҳудудий инспекторлар ва бош мутахассисларнинг ҳуқуқлари ва жавобгарлиги

22. Ҳудудий инспекторлар ва бош мутахассислар ўзларига юкланган вазифалар ва функцияларни бажариш учун қуйидаги ҳуқуқларга эга:

«Давсувхўжаликназорат» давлат инспекцияси марказий аппарати, тегишли идоралар ва ташкилотлардан ўзларига юкланган вазифаларни комплекс амалга ошириш учун зарур бўлган материалларни олиш;

назоратидаги гидротехника иншоотларига монеликсиз кириш, уларнинг хавфсизлиги ва ишончли ишлаши юзасидан техник назоратни ташкил этиш масалалари, уларнинг қўриқланиши ҳамда муҳофаза зоналари ва соҳилбўйи минтақалари белгиланганлиги тўғрисидаги материаллар билан танишиш;

режали инспекторлик текширувларини ўтказиш учун «Давсувхўжаликназорат» давлат инспекцияси марказий аппарати мутахассисларини жалб қилиш;

назоратидаги сув хўжалиги объектларини техник соз ҳолатда сақлаш ва муҳофаза қилиш, уларнинг хавфсизлигини ва ишончли ишлашини таъминлаш ҳамда аниқланган камчиликларни, шунингдек, уларнинг келиб чиқишига сабаб бўлган шарт-шароитларни бартараф этиш тўғрисида бажарилиши шарт бўлган тақдимнома ҳамда кўрсатмалар киритиш;

назоратидаги гидротехника иншоотларининг хавфсизлиги нормалари ва қоидалари қўпол равишда бузилган ҳолатларда гидротехника иншоотларини лойиҳалаштириш, қуриш ва улардан фойдаланишни вақтинча тўхтатиш тўғрисида таклифлар киритиш;

назоратидаги сув хўжалиги объектларидан фойдаланувчи ташкилотлар раҳбарлари ва хавфсизлик талаблари учун масъул бўлган раҳбар-мутахассисларнинг малакасини назорат қилиш, уларни яхшилаш бўйича тегишли равишда «Давсувхўжаликназорат» давлат инспекциясига таклифлар киритиш.

Ҳудудий инспекторлар ва бош мутахассислар қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

23. Ҳудудий инспекторлар ва бош мутахассислар:

«Давсувхўжаликназорат» давлат инспекцияси марказий аппарати билан биргаликда «Давсувхўжаликназорат» давлат инспекциясига юкланган вазифалар ва функцияларнинг ўз вақтида ва сифатли бажарилишини таъминлаш;

5-боб. «Давсувхўжаликназорат» давлат инспекцияси раҳбарларининг асосий функционал вазифалари

24. Қуйидагилар «Давсувхўжаликназорат» давлат инспекцияси бошлиғининг асосий функционал вазифалари ҳисобланади:

«Давсувхўжаликназорат» давлат инспекцияси фаолиятига умумий раҳбарлик қилиш, Ўзбекистон Республикаси Президентининг ва Вазирлар Маҳкамасининг тегишли ҳужжатлари ҳамда бошқа қонунчилик ҳужжатлари билан «Давсувхўжаликназорат» давлат инспекциясига юкланган вазифалар ва функциялар бажарилишини ташкил этиш;

«Давсувхўжаликназорат» давлат инспекцияси, шунингдек, ҳудудий инспекторлар ва бош мутахассислар ҳамда Диагностика маркази фаолиятига тегишли прогноз кўрсаткичларга сўзсиз эришишни таъминлаш бўйича амалий чора-тадбирларнинг ишлаб чиқилишини ташкил этиш ва амалга ошириш;

ўз ўринбосарининг ваколатларини белгилаш, «Давсувхўжаликназорат» давлат инспекцияси бошқа мансабдор шахслари ваколатларини белгилаш, ўз ўринбосари ва бошқа мансабдор шахсларнинг «Давсувхўжаликназорат» давлат инспекцияси фаолиятининг алоҳида қисмларига раҳбарлик қилиши учун уларнинг шахсий масъулияти даражаларини белгилаш;

«Давсувхўжаликназорат» давлат инспекцияси фаолиятини режалаштиришни ташкил этиш, узоқ муддатли ва жорий иш режаларини, иқтисодий ва ижтимоий ривожланиш прогнозларини тасдиқлаш, уларнинг бажарилишини назорат қилишни таъминлаш;

«Давсувхўжаликназорат» давлат инспекцияси тизимида кадрларни танлаш ва жой-жойига қўйиш, уларнинг самарали фаолияти учун зарур шарт-шароитлар яратиш, «Давсувхўжаликназорат» давлат инспекциясининг кадрлар захирасини шакллантириш;

фаолият соҳасига оид норматив-ҳуқуқий ҳужжатларнинг лойиҳалари юқори сифатли ишлаб чиқилишини ташкил этиш, уларни Вазирлар Маҳкамасига ўз вақтида «Норматив-ҳуқуқий ҳужжатлар тўғрисида»ги, «Қонунлар лойиҳаларини тайёрлаш ва Ўзбекистон Республикаси Олий Мажлиснинг Қонунчилик палатасига киритиш тартиби тўғрисида»ги Ўзбекистон Республикаси қонунларига, Ўзбекистон Республикаси Президенти Администрациясининг Регламенти ва Вазирлар Маҳкамасининг Регламенти талабларига мувофиқ равишда тақдим этиш, уларни Вазирлар Маҳкамасида ишлаб чиқишда, Вазирлар Маҳкамаси раҳбарияти ҳузурида ҳимоя қилишда, Ўзбекистон Республикаси Президенти Администрациясида кўриб чиқишда иштирок этиш;

«Давсувхўжаликназорат» давлат инспекцияси қонунчилик фаолиятини «Норматив-ҳуқуқий ҳужжатлар тўғрисида», «Қонунлар лойиҳаларини тайёрлаш ва Ўзбекистон Республикаси Олий Мажлисининг Қонунчилик палатасига киритиш тартиби тўғрисида»ги Ўзбекистон Республикаси қонунларига ҳамда Вазирлар Маҳкамасининг 2016 йил 17 октябрдаги 345-сон қарори билан тасдиқланган Давлат ва хўжалик бошқаруви органлари, маҳаллий ижро этувчи ҳокимият органларининг қонун лойиҳаларига доир фаолиятининг намунавий регламентига мувофиқ равишда ташкил этиш;

«Давсувхўжаликназорат» давлат инспекцияси ваколатига тегишли масалалар бўйича буйруқлар чиқариш, кўрсатмалар бериш ва зарур ҳолларда бошқа вазирликлар ва идоралар билан биргаликда тегишли қарорларни қабул қилиш;

«Давсувхўжаликназорат» давлат инспекциясига тақдим этилган таклифлар ва қонунчилик ҳужжатлари лойиҳаларининг тўлиқ ва ҳар томонлама кўриб чиқилишини таъминлаш, уларни пухта иқтисодий, молиявий, ҳуқуқий ва бошқа экспертизадан ўтказиш, шунингдек, Вазирлар Маҳкамасининг 2019 йил 22 мартдаги 242-сон қарори билан тасдиқланган Ўзбекистон Республикаси Вазирлар Маҳкамасининг Регламентида белгиланган муддатларда келишиш;

«Давсувхўжаликназорат» давлат инспекцияси раҳбарлари ва ходимларининг хизмат сафарларини Ўзбекистон Республикаси Президентининг «Мансабдор шахсларнинг хорижий мамлакатларга чиқиш тартибини такомиллаштириш чоралари тўғрисида» 2014 йил 5 мартдаги ПҚ-2142-сон ва «Хорижий хизмат сафарларида бўлиш самарадорлиги ва хорижий делегацияларнинг Ўзбекистон Республикасига ташрифларини ташкил этиш учун мансабдор шахсларнинг шахсий масъулиятини янада ошириш чора-тадбирлари тўғрисида» 2017 йил 3 августдаги ПҚ-3170-сон қарорлари талабларига тўлиқ мос равишда амалга ошириш ва ташкил этиш, хизмат сафарларининг асосланганлиги, самарадорлиги ва натижадорлигини, сафар учун ажратиладиган маблағлардан мақсадли ва оқилона фойдаланишни таъминлаш;

«Давсувхўжаликназорат» давлат инспекцияси ходимларини рағбатлантириш ва интизомий жавобгарликка тортиш масалаларини ҳал қилиш;

«Давсувхўжаликназорат» давлат инспекцияси ходимлари томонидан Вазирлар Маҳкамасининг 2016 йил 2 мартдаги 62-сон қарори билан тасдиқланган Давлат бошқаруви органлари ва маҳаллий ижро этувчи ҳокимият органлари ходимларининг одоб-ахлоқ намунавий қоидалари асосида тасдиқланган «Давсувхўжаликназорат» давлат инспекцияси ходимларининг одоб-ахлоқ қоидалари талабларига риоя этилишини назорат қилиш;

«Коррупцияга қарши курашиш тўғрисида»ги Ўзбекистон Республикаси Қонуни талабларига мувофиқ «Давсувхўжаликназорат» давлат инспекцияси тизимида коррупция ва бошқа қонунбузарликларнинг олдини олиш чораларини кўриш, шунингдек, ҳуқуқ амалиёти ва қонунчиликни такомиллаштириш бўйича чора-тадбирларни ишлаб чиқиш ва амалга ошириш йўли билан уларни аниқлаш, таҳлил қилиш, уларни юзага келтирувчи сабаблар ва шарт-шароитларни бартараф этиш;

«Электрон ҳукумат тўғрисида»ги Ўзбекистон Республикаси Қонунини амалга ошириш доирасида замонавий ахборот-коммуникация технологияларидан фойдаланиш;

жисмоний ва юридик шахсларнинг мурожаатларини кўриб чиқиш бўйича ишларни «Жисмоний ва юридик шахсларнинг мурожаатлари тўғрисида»ги Ўзбекистон Республикаси Қонуни, Вазирлар Маҳкамасининг 2018 йил 7 майдаги 341-сон қарори билан тасдиқланган Давлат органларида, давлат муассасаларида ва давлат иштирокидаги ташкилотларда жисмоний ва юридик шахсларнинг мурожаатлари билан ишлаш тартиби тўғрисидаги намунавий низомга мувофиқ самарали ташкил этиш, жамоатчилик билан бевосита ва очиқ мулоқот ўрнатиш, шахсий қабулларни мунтазам равишда ўтказиш, шу жумладан, жисмоний ва юридик шахсларнинг вакилларини жойларга бориб қабул қилишни белгиланган муддатда ва тартибда амалга ошириш;

Ўзбекистон Республикаси Президентининг Халқ қабулхоналари билан самарали ҳамкорликни, уларнинг фаолиятида «Давсувхўжаликназорат» давлат инспекцияси ходимлари ва раҳбарларининг фаол иштирок этишини ташкил этиш, жисмоний ва юридик шахсларнинг Ўзбекистон Республикаси Президенти Виртуал қабулхонасидан тушган мурожаатлари ўз вақтида ва тўлиқ кўриб чиқилишини таъминлаш;

давлат сирига киритилган маълумотлар ва махфий ахборот билан ишлашда қонунчилик ҳужжатлари талабларига риоя қилиш;

марказий аппарат ходимлари, ҳудудий инспекторлар ва бош мутахассислар ҳамда Диагностика маркази раҳбарини белгиланган тартибда ишга қабул қилиш ва улар билан меҳнат шартномасини бекор қилиш;

Диагностика маркази устави ва штат жадвалини тасдиқлаш;

ўз ваколатлари доирасида «Давсувхўжаликназорат» давлат инспекцияси тизими ходимлари томонидан бажарилиши мажбурий бўлган буйруқлар чиқариш ва кўрсатмалар бериш;

«Давсувхўжаликназорат» давлат инспекциясига юкланган вазифалар ижросини таъминлаш доирасида давлат органлари ва бошқа ташкилотлар, лойиҳа ташкилотлари, илмий ва таълим муассасалари, шунингдек, халқаро ташкилотлар ва хорижий компанияларнинг юқори малакали мутахассисларини эксперт сифатида жалб қилиш;

зарур ҳолларда, ходимларнинг штатдаги белгиланган умумий сони доирасида «Давсувхўжаликназорат» давлат инспекцияси тузилмасига ўзгартиришлар киритиш;

гидротехника иншоотларининг хавфсизлиги соҳасида ягона давлат сиёсати амалга оширилишини таъминлаш.

«Давсувхўжаликназорат» давлат инспекцияси қонунчилик ҳужжатларига мувофиқ бошқа функционал вазифаларига ҳам эга бўлиши мумкин.

25. Қуйидагилар «Давсувхўжаликназорат» давлат инспекцияси бошлиғи ўринбосарининг асосий функционал вазифалари ҳисобланади:

«Давсувхўжаликназорат» давлат инспекцияси бошлиғи вақтинча бўлмаганда, тегишли буйруқ асосида унинг вазифаларини бажариш;

«Давсувхўжаликназорат» давлат инспекциясининг ўзи назорат қиладиган таркибий бўлинмалари фаолиятини мувофиқлаштириш, назорат қилиш ва бевосита бошқариш, уларнинг ходимлари ўртасида вазифаларни тақсимлаш;

ўзи назорат қиладиган таркибий бўлинмалар томонидан прогноз кўрсаткичларнинг сўзсиз бажарилишини таъминлаш чораларини кўриш, бўлинмалар раҳбарларининг ҳисоботларини мунтазам равишда эшитиб бориш ва ушбу кўрсаткичларга эришиш учун уларнинг шахсий масъулиятини ошириш;

ўзи назорат қиладиган таркибий бўлинмалар раҳбарларининг иш режаларини тасдиқлаш, уларнинг бажарилиши юзасидан назоратни таъминлаш;

Ўзбекистон Республикаси Президентининг фармонлари, қарорлари, фармойишлари, Вазирлар Маҳкамасининг қарорлари, фармойишлари ва топшириқлари ижросини таъминлаш, ўзи назорат қиладиган таркибий бўлинмаларда ижро интизомини мустаҳкамлаш бўйича комплекс амалий чора-тадбирларни амалга ошириш, Ўзбекистон Республикаси Президентининг «Қонунчилик ҳужжатлари ижросини самарали ташкил этишда давлат бошқаруви органлари ва маҳаллий ижро этувчи ҳокимият органлари раҳбарларининг шахсий жавобгарлигини кучайтиришга доир қўшимча чора-тадбирлар тўғрисида» 2021 йил 10 февралдаги ПФ-6166-сон Фармонига, «Ўзбекистон Республикаси Президентининг ҳужжатлари ва топшириқлари самарали ва натижали ижро этилиши, ижро интизоми мустаҳкамланиши учун Ўзбекистон Республикаси Президенти Давлат маслаҳатчиларининг, Вазирлар Маҳкамаси ва унинг комплекслари, давлат бошқаруви органлари, хўжалик бирлашмалари, шунингдек, барча даражалардаги ҳокимликлар раҳбарларининг шахсий жавобгарлиги тўғрисида» 2017 йил 11 апрелдаги ПҚ-2881-сон ва «Ijro.gov.uz» ижро интизоми идоралараро ягона электрон тизими самарали фаолият кўрсатишини таъминлашга қаратилган қўшимча чора-тадбирлар тўғрисида» 2021 йил 31 майдаги ПҚ-5132-сон қарорларига мувофиқ таркибий бўлинма раҳбарларининг шахсий масъулиятини ошириш чораларини кўриш;

«Давсувхўжаликназорат» давлат инспекциясининг йиғилиши қарорлари, «Давсувхўжаликназорат» давлат инспекцияси бошлиғининг буйруқлари ва топшириқлари ўз вақтида ва сифатли бажарилишини таъминлаш;

хизмат сафарларини Ўзбекистон Республикаси Президентининг «Мансабдор шахсларнинг хорижий мамлакатларга чиқиш тартибини такомиллаштириш чоралари тўғрисида» 2014 йил 5 мартдаги ПҚ-2142-сон ва «Хорижий хизмат сафарларида бўлиш самарадорлиги ва хорижий делегацияларнинг Ўзбекистон Республикасига ташрифларини ташкил этиш учун мансабдор шахсларнинг шахсий масъулиятини янада ошириш чора-тадбирлари тўғрисида» 2017 йил 3 августдаги ПҚ-3170-сон қарорлари талабларига тўлиқ мос равишда амалга ошириш, хизмат сафарларининг асосланганлиги, самарадорлиги ва натижадорлигини, сафар учун ажратиладиган маблағлардан мақсадли ва оқилона фойдаланишни таъминлаш.

26. Қуйидагилар «Давсувхўжаликназорат» давлат инспекцияси марказий аппарати ходимларининг асосий функционал вазифалари ҳисобланади:

«Давсувхўжаликназорат» давлат инспекцияси марказий аппаратига юкланган вазифалар ва функцияларнинг бажарилишини ташкил этиш;

ўз ваколатлари доирасида ҳудудий инспекторлар ва бош мутахассислар ҳамда Диагностика маркази фаолиятини мувофиқлаштириш;

прогноз кўрсаткичларнинг бажарилишини мунтазам таҳлил қилиш, ҳудудий инспекторлар ва бош мутахассислар ҳамда Диагностика маркази ушбу кўрсаткичларга сўзсиз эришишини таъминлашга қаратилган қўшимча чора-тадбирларни амалга ошириш бўйича таклифларни «Давсувхўжаликназорат» давлат инспекцияси бошлиғи ўринбосарига киритиш;

«Давсувхўжаликназорат» давлат инспекциясининг йиғилиши қарорлари, бошлиқ ва унинг ўринбосарининг буйруқлари ва топшириқлари ўз вақтида ва сифатли бажарилишини таъминлаш;

ходимларнинг ҳар чораклик иш режалари ишлаб чиқилишини, уларнинг тасдиқлаш учун киритилишини, уларда кўрсатилган вазифалар ва тадбирларнинг ўз вақтида ва сифатли бажарилишини таъминлаш;

ходимлар фаолиятига оид масалалар юзасидан қонунчилик ҳужжатларини такомиллаштириш бўйича таклифларни ишлаб чиқиш ва уларни кўриб чиқиш учун «Давсувхўжаликназорат» давлат инспекцияси раҳбариятига киритиш;

хизмат сафарларини Ўзбекистон Республикаси Президентининг «Мансабдор шахсларнинг хорижий мамлакатларга чиқиш тартибини такомиллаштириш чоралари тўғрисида» 2014 йил 5 мартдаги ПҚ-2142-сон ва «Хорижий хизмат сафарларида бўлиш самарадорлиги ва хорижий делегацияларнинг Ўзбекистон Республикасига ташрифларини ташкил этиш учун мансабдор шахсларнинг шахсий масъулиятини янада ошириш чора-тадбирлари тўғрисида» 2017 йил 3 августдаги ПҚ-3170-сон қарорлари талабларига тўлиқ мос равишда амалга ошириш, хизмат сафарларининг асосланганлиги, самарадорлиги ва натижадорлигини, хизмат сафари учун ажратиладиган маблағлардан мақсадли ва оқилона фойдаланишни таъминлаш;

Вазирлар Маҳкамасининг 2016 йил 2 мартдаги 62-сон қарори билан тасдиқланган Давлат бошқаруви органлари ва маҳаллий ижро этувчи ҳокимият органлари ходимларининг одоб-ахлоқ намунавий қоидалари асосида тасдиқланган «Давсувхўжаликназорат» давлат инспекцияси ходимларининг одоб-ахлоқ қоидалари талабларига риоя этиш, таркибий бўлинмалар ходимлари томонидан ушбу қоидаларга риоя этилишини таъминлаш;

жисмоний ва юридик шахсларнинг мурожаатларини «Жисмоний ва юридик шахсларнинг мурожаатлари тўғрисида»ги Ўзбекистон Республикаси Қонуни, Вазирлар Маҳкамасининг 2018 йил 7 майдаги 341-сон қарори билан тасдиқланган Давлат органларида, давлат муассасаларида ва давлат иштирокидаги ташкилотларда жисмоний ва юридик шахсларнинг мурожаатлари билан ишлаш тартиби тўғрисидаги намунавий низомга мувофиқ кўриб чиқиш, жамоатчилик билан бевосита ва очиқ мулоқот ўрнатиш, шахсан қабул қилишни мунтазам равишда ўтказиш, шу жумладан, жисмоний ва юридик шахсларнинг вакилларини жойларга бориб қабул қилишни белгиланган муддатда ва тартибда амалга ошириш;

Ўзбекистон Республикаси Президентининг Халқ қабулхоналари билан самарали ҳамкорлик қилиш, Ўзбекистон Республикаси Президентининг «Жисмоний ва юридик шахсларнинг мурожаатлари билан ишлаш тизимини тубдан такомиллаштиришга доир чора-тадбирлар тўғрисида» 2016 йил 28 декабрдаги ПФ-4904-сон Фармонига мувофиқ уларнинг фаолиятида фаол иштирок этиш, жисмоний ва юридик шахсларнинг Ўзбекистон Республикаси Президенти Виртуал қабулхонасидан тушган мурожаатлари ўз вақтида ва тўлиқ кўриб чиқилишини таъминлаш.

27. Қуйидагилар «Давсувхўжаликназорат» давлат инспекциясининг ҳудудий инспекторлари ва бош мутахассисларининг асосий функционал вазифалари ҳисобланади:

ўз фаолиятига тегишли прогноз кўрсаткичларга сўзсиз эришишни таъминлаш бўйича амалий чора-тадбирларни ишлаб чиқиш ва амалга ошириш;

«Давсувхўжаликназорат» давлат инспекциясининг йиғилиши қарорлари, «Давсувхўжаликназорат» давлат инспекцияси бошлиғи ва унинг ўринбосарининг буйруқлари ва топшириқлари ўз вақтида ва сифатли бажарилишини таъминлаш;

«Коррупцияга қарши курашиш тўғрисида»ги Ўзбекистон Республикаси Қонуни талабларига мувофиқ коррупция ва бошқа қонунбузарликларнинг олдини олиш чораларини кўриш, шунингдек, қонунчиликни такомиллаштириш бўйича чора-тадбирларни ишлаб чиқиш ва амалга ошириш йўли билан уларни аниқлаш, таҳлил қилиш, уларни юзага келтирувчи сабаблар ва шарт-шароитларни бартараф этиш;

жисмоний ва юридик шахсларнинг мурожаатларини «Жисмоний ва юридик шахсларнинг мурожаатлари тўғрисида»ги Ўзбекистон Республикаси Қонуни, Вазирлар Маҳкамасининг 2018 йил 7 майдаги 341-сон қарори билан тасдиқланган Давлат органларида, давлат муассасаларида ва давлат иштирокидаги ташкилотларда жисмоний ва юридик шахсларнинг мурожаатлари билан ишлаш тартиби тўғрисидаги намунавий низомга мувофиқ кўриб чиқиш, жамоатчилик билан бевосита ва очиқ мулоқот ўрнатиш, шахсан қабул қилишни мунтазам равишда ўтказиш, шу жумладан, жисмоний ва юридик шахсларнинг вакилларини жойларга бориб қабул қилишни белгиланган муддатларда ва тартибда амалга ошириш;

6-боб. «Давсувхўжаликназорат» давлат инспекцияси раҳбарларининг жавобгарлиги

28. «Давсувхўжаликназорат» давлат инспекцияси бошлиғи:

«Давсувхўжаликназорат» давлат инспекциясига юкланган вазифалар ва функцияларнинг бажарилиши;

ушбу Низомнинг 24-бандида кўрсатилган ўз функционал вазифаларининг сифатли бажарилиши учун шахсан жавобгардир.

29. Бошлиқ ўринбосари:

мутасаддилик қилинадиган ходимлар томонидан «Давсувхўжаликназорат» давлат инспекциясига юкланган вазифалар ва функцияларнинг бажарилиши;

ушбу Низомнинг 25-бандида кўрсатилган ўз функционал вазифаларининг сифатли бажарилиши учун шахсан жавобгардир.

30. Марказий аппарат ходимлари:

марказий аппарат ходимларига юкланган вазифалар ва функцияларнинг бажарилиши;

ушбу Низомнинг 26-бандида кўрсатилган ўз функционал вазифаларининг сифатли бажарилиши учун шахсан жавобгардир.

31. Ҳудудий инспекторлар ва бош мутахассислар:

ҳудудий инспекторлар ва бош мутахассисларга юкланган вазифалар ва функцияларнинг бажарилиши;

ушбу Низомнинг 27-бандида кўрсатилган ўз функционал вазифаларининг сифатли бажарилиши учун шахсан жавобгардир.

7-боб. «Давсувхўжаликназорат» давлат инспекцияси фаолиятини ташкил этиш

1-§. «Давсувхўжаликназорат» давлат инспекцияси раҳбарияти

32. «Давсувхўжаликназорат» давлат инспекциясига Вазирлар Маҳкамаси тақдимномасига кўра Ўзбекистон Республикаси Президенти томонидан лавозимга тайинланадиган ва лавозимдан озод этиладиган бошлиқ раҳбарлик қилади.

«Давсувхўжаликназорат» давлат инспекцияси бошлиғининг ўринбосари Вазирлар Маҳкамаси томонидан лавозимга тайинланади ва лавозимдан озод этилади.

«Давсувхўжаликназорат» давлат инспекцияси ходимлари меҳнатга ҳақ тўлаш шартлари бўйича:

бошлиқ — вазирга;

бошлиқ ўринбосари — вазир ўринбосарига;

катта мутахассислар — вазирликнинг бош бошқарма бошлиғига;

мутахассислар — вазирликнинг бўлим бошлиғига;

ҳудудий инспекторлар — вилоятлар ҳокимликларининг бошқарма бошлиқларига;

ҳудудий бош мутахассислар — вилоятлар ҳокимликларининг бош мутахассисларига тенглаштирилади.

33. Бошлиқ:

«Давсувхўжаликназорат» давлат инспекцияси марказий аппарати ходимларини, ҳудудий инспекторлар ва бош мутахассисларни ишга қабул қилади ва улар билан меҳнат шартномасини бекор қилади;

ўз ваколатига кирувчи масалалар бўйича ўтказиладиган Вазирлар Маҳкамаси Раёсати мажлисларида, йиғилишларида белгиланган тартибда иштирок этади.

Бошлиқ қонунчилик ҳужжатларига мувофиқ бошқа ваколатларни ҳам амалга ошириши мумкин.

34. Ҳудудий инспекторлар ўз фаолиятини «Давсувхўжаликназорат» давлат инспекцияси бошлиғи томонидан тасдиқланган низом ва иш режалари асосида амалга оширади.

Ҳудудий инспекторлар функционал вазифаларини амалий ёрдам кўрсатадиган ҳудудий бош мутахассислар билан биргаликда бажаради.

35. Ҳудудий бош мутахассислар:

ҳудудий инспектор вақтинча бўлмаганда «Давсувхўжаликназорат» давлат инспекцияси бошлиғининг тегишли буйруғи асосида унинг вазифаларини бажаради;

назоратдаги объектларнинг техник ҳолатини аниқлаш бўйича диагностика ишларини ташкил этишда иштирок этади;

гидротехника иншоотларининг умумий техник ҳолатини аниқлаш ва натижалари бўйича ташкилотларга тақдимнома хамда кўрсатмалар ёзишда инспекторга таклифлар киритади;

ҳудудий инспекторнинг функционал мажбуриятлари бажарилишида амалий ёрдам кўрсатади.

36. Диагностика маркази гидротехника иншоотларининг техник ҳолати ишончлилигини диагностика қилади, жойларда ўрганади, натурада кузатув ишларини амалга оширади ва кадастрларни юритиш ишларини, шунингдек, хавфсизлик декларацияси экспертизасини амалга оширади.

Диагностика маркази «Давсувхўжаликназорат» давлат инспекцияси томонидан сув хўжалиги объектларидан фойдаланувчи ташкилотлар ва бошқа буюртмачилар билан тузилган шартномаларга мувофиқ бажарилган ишлар ҳамда кўрсатилган хизматлардан олинадиган даромадлар ҳамда қонунчиликда тақиқланмаган бошқа манбалар ҳисобига молиялаштирилади.

2-§. «Давсувхўжаликназорат» давлат инспекцияси марказий аппарати ходимларининг ҳудудий инспекторлар ва бош мутахассислар билан ўзаро ҳамкорлиги тартиби

37. «Давсувхўжаликназорат» давлат инспекциясининг марказий аппарати ходимларининг ҳудудий инспекторлар ва бош мутахассислар билан ўзаро ҳамкорлиги «Давсувхўжаликназорат» давлат инспекцияси бошлиғи ва унинг ўринбосари томонидан таъминланади.

38. «Давсувхўжаликназорат» давлат инспекцияси марказий аппарати ходимлари ҳудудий инспекторлар ва бош мутахассислар ҳамда Диагностика маркази билан ўз фаолияти йўналишлари бўйича ҳамкорлик қилиш соҳасида:

ҳудудий инспекторлар ва бош мутахассисларга ҳамда Диагностика марказига раҳбарият топшириқларини етказади ҳамда уларнинг бажарилишини назорат қилади;

«Давсувхўжаликназорат» давлат инспекциясининг ҳудудий инспекторлари ва бош мутахассислари ҳамда Диагностика марказига уларнинг бевосита фаолияти бўйича сўровлар юборади ҳамда уларнинг ижро этилишини назорат қилади;

«Давсувхўжаликназорат» давлат инспекциясининг ҳудудий инспекторлари ва бош мутахассислари ҳамда Диагностика маркази фаолиятини текширади ва ўрганади, умумлаштиради, уни такомиллаштиришга қаратилган чора-тадбирларни ишлаб чиқади;

«Давсувхўжаликназорат» давлат инспекциясининг ҳудудий инспекторлари ва бош мутахассислари ҳамда Диагностика маркази фаолиятини ташкил этиш ва фаолияти натижалари тўғрисида ҳисобот ва ахборот материаллари, статистика маълумотлари ва бошқа маълумотларни тўплашни ташкил этади;

«Давсувхўжаликназорат» давлат инспекциясининг ҳудудий инспекторлари ва бош мутахассислари ҳамда Диагностика маркази иш режаларини таҳлил қилади, уларнинг фаолиятини режалаштиришни такомиллаштиришга доир чоралар кўради;

«Давсувхўжаликназорат» давлат инспекциясининг ҳудудий инспекторлари ва бош мутахассислари ҳамда Диагностика марказидан тушган таклифларни кўриб чиқади.

39. «Давсувхўжаликназорат» давлат инспекциясининг ҳудудий инспекторлари ва бош мутахассислари ҳамда Диагностика маркази марказий аппарати ходимлари билан ҳамкорлик қилади, шу жумладан:

«Давсувхўжаликназорат» давлат инспекцияси раҳбарияти топшириқлари ижроси ҳақида ахборот беради;

ўз иши натижалари тўғрисидаги ҳисоботларни белгиланган тартибда ва муддатларда «Давсувхўжаликназорат» давлат инспекцияси марказий аппаратига тақдим қилади;

гидротехника иншоотлари хавфсизлигини таъминлашга қаратилган таклифларни «Давсувхўжаликназорат» давлат инспекцияси марказий аппаратига юборади.

40. «Давсувхўжаликназорат» давлат инспекциясининг марказий аппарати ходимлари, ҳудудий инспекторлари ва бош мутахассислари ҳамда Диагностика марказининг ўзаро ҳамкорлиги жараёнида юзага келадиган келишмовчиликлар «Давсувхўжаликназорат» давлат инспекцияси бошлиғининг топшириғига биноан унинг ўринбосари томонидан кўриб чиқилади. Агар кўриб чиқишдан кейин келишмовчиликлар тартибга солинмаса, у бўйича қарор бевосита «Давсувхўжаликназорат» давлат инспекцияси бошлиғи томонидан қабул қилинади.

3-§. «Давсувхўжаликназорат» давлат инспекциясининг бошқа давлат бошқаруви органлари, хўжалик бирлашмалари, маҳаллий ижро этувчи ҳокимият органлари ва бошқа ташкилотлар билан ўзаро ҳамкорлиги

41. «Давсувхўжаликназорат» давлат инспекцияси ўз вазифалари ва функцияларини амалга оширишда бошқа давлат бошқаруви органлари, маҳаллий ижро этувчи ҳокимият органлари, идоралар ва бошқа ташкилотлар билан ҳамкорлик қилади.

42. «Давсувхўжаликназорат» давлат инспекциясининг ҳудудий инспекторлари ва бош мутахассислари ўз ваколатлари доирасида бошқа давлат бошқаруви органларининг ҳудудий бўлинмалари, маҳаллий ижро этувчи ҳокимият органлари, идоралар ва бошқа ташкилотлар билан ҳамкорлик қилади.

4-§. «Давсувхўжаликназорат» давлат инспекцияси ҳузуридаги Экспертлар кенгаши

43. «Давсувхўжаликназорат» давлат инспекцияси ҳузурида Ўзбекистон Республикаси Фавқулодда вазиятлар вазирлиги, Ички ишлар вазирлиги, Мудофаа вазирлиги, Миллий гвардия, Сув хўжалиги вазирлиги, Энергетика вазирлиги ва бошқа ваколатли идораларнинг раҳбариятидан иборат бўлган Экспертлар кенгаши тузилади.

«Давсувхўжаликназорат» давлат инспекцияси бошлиғи лавозимига кўра Экспертлар кенгаши раиси ҳисобланади.

Экспертлар кенгашининг таркиби ва Низоми Вазирлар Маҳкамаси томонидан тасдиқланади.

Экспертлар кенгаши ўз ишини Вазирлар Маҳкамаси томонидан тасдиқланадиган Низом асосида амалга оширади.

8-боб. «Давсувхўжаликназорат» давлат инспекциясини молиялаштириш ва моддий-техник таъминлаш, унинг ходимлари меҳнатига ҳақ тўлаш ва уларни моддий рағбатлантириш

44. «Давсувхўжаликназорат» давлат инспекцияси ва унинг ҳудудий инспекторлари ва бош мутахассислари моддий-техник таъминоти, тизим ходимлари меҳнатига ҳақ тўлаш Ўзбекистон Республикаси Давлат бюджети маблағлари ва бюджетдан ташқари маблағлар ҳисобидан амалга оширилади.

9-боб. «Давсувхўжаликназорат» давлат инспекциясининг Вазирлар Маҳкамасига, Ўзбекистон Республикаси Президенти Администрациясининг тегишли таркибий бўлинмасига ва Ўзбекистон Республикаси Президентига ҳисобот бериши

45. «Давсувхўжаликназорат» давлат инспекцияси бошлиғи «Давсувхўжаликназорат» давлат инспекциясининг фаолияти тўғрисида Вазирлар Маҳкамасига, Ўзбекистон Республикаси Президенти Администрациясининг тегишли таркибий бўлинмасига ва Ўзбекистон Республикаси Президентига мунтазам равишда ҳисобот беради.

46. Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича ўринбосари «Давсувхўжаликназорат» давлат инспекцияси томонидан Ўзбекистон Республикаси қонунлари, Ўзбекистон Республикаси Олий Мажлиси палаталарининг қарорлари ва бошқа ҳужжатлари, парламент ва депутат сўровлари, Ўзбекистон Республикаси Президенти ҳужжатлари ва топшириқлари бажарилиши мониторингини олиб боради, шунингдек, жойларда ишларнинг реал ҳолатини мунтазам ўрганади, муаммоларни ҳар томонлама таҳлил қилади ҳамда шу асосда стратегик ва устувор вазифаларни амалга ошириш юзасидан комплекс таклифларни ишлаб чиқади. «Давсувхўжаликназорат» давлат инспекцияси фаолиятининг самарадорлигига холисона баҳо беради.

47. Мониторинг ва баҳолаш натижаларига кўра «Давсувхўжаликназорат» давлат инспекциясининг алоҳида ўрнак кўрсатган раҳбарлари, мансабдор шахслари ва ходимлари рағбатлантирилади ёхуд йўл қўйилган жиддий камчиликлар учун эгаллаб турган лавозимидан озод этишгача бўлган жавобгарликка тортилади.

10-боб. Якунловчи қоида

48. «Давсувхўжаликназорат» давлат инспекцияси қонунчилик ҳужжатларида белгиланган тартибда қайта ташкил этилади ва тугатилади.

Вазирлар Маҳкамасининг 2021 йил 17 августдаги 525-сон қарорига
2-ИЛОВА

Ўзбекистон Республикаси Вазирлар Маҳкамаси ҳузуридаги Сув хўжалиги объектлари хавфсизлигини назорат қилиш давлат инспекцияси ҳузуридаги Экспертлар кенгаши тўғрисида

НИЗОМ

1-боб. Умумий қоидалар

1. Мазкур Низом Ўзбекистон Республикаси Вазирлар Маҳкамаси ҳузуридаги Сув хўжалиги объектлари хавфсизлигини назорат қилиш давлат инспекцияси ҳузуридаги Экспертлар кенгашининг (кейинги ўринларда — Экспертлар кенгаши) асосий вазифалари, ҳуқуқлари ва мажбуриятларини, шунингдек, фаолиятини ташкил этиш тартибини белгилайди.

2. Экспертлар кенгаши гидротехника иншоотларидан бехатар фойдаланиш ва уларнинг ишончли ишлашининг энг муҳим масалаларини кўриб чиққан ҳолда улардан фойдаланишни белгиловчи коллегиал орган ҳисобланади.

Экспертлар кенгаши Ўзбекистон Республикаси Президентининг «Ўзбекистон Республикаси Вазирлар Маҳкамаси ҳузуридаги Сув хўжалиги объектлари хавфсизлигини назорат қилиш давлат инспекцияси фаолиятини ташкил этиш чора-тадбирлари тўғрисида» 2021 йил 22 апрелдаги ПҚ-5090-сон қарорига, Вазирлар Маҳкамасининг «Гидротехника иншоотларининг хавфсизлиги тўғрисида» Ўзбекистон Республикаси Қонунини амалга ошириш чора-тадбирлари тўғрисида» 1999 йил 16 ноябрдаги 499-сон қарорига ҳамда ушбу Низомга мувофиқ фаолият юритади.

3. Экспертлар кенгаши ўз фаолиятида Ўзбекистон Республикаси Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Вазирлар Маҳкамасининг қарорлари ва фармойишларига, шунингдек, ушбу Низомга ва бошқа қонунчилик ҳужжатларига амал қилади.

2-боб. Экспертлар кенгашининг асосий вазифалари

4. Қуйидагилар Экспертлар кенгашининг асосий вазифалари ҳисобланади:

хавф даражаси юқори бўлган сув хўжалиги объектларининг хавфсизлиги бўйича идоралараро самарали ҳамкорликни таъминлаш;

хавф даражаси юқори бўлган сув хўжалиги объектларининг хавфсизлиги ва ишончли ишлаши бўйича устувор масалаларни кўриб чиқиш;

хавф даражаси юқори бўлган сув хўжалиги объектларининг хавфсиз ва ишончли ишлаши учун уларни реконструкция қилиш ва қайта жиҳозлаш бўйича кечиктириб бўлмайдиган ишларни амалга ошириш юзасидан тавсиялар бериш;

хавф даражаси юқори бўлган сув хўжалиги объектларининг хавфсизлик декларацияси экспертизаси натижалари бўйича қарорлар қабул қилиш.

5. Экспертлар кенгаши:

а) хавф даражаси юқори бўлган сув хўжалиги объектлари рўйхатига қўшимча ва ўзгартиришлар киритиш бўйича таклифларни кўриб чиқади ҳамда хулоса беради;

б) қуйидагиларни:

гидротехника иншоотларининг хавфсизлиги декларацияларининг экспертиза хулосаларини;

гидротехника иншоотлари диагностикаси ва хавфсизлик декларациялари экспертизаси билан боғлиқ меҳнат сарфлари нормалар (меъёрлар)ини;

гидротехника иншоотларининг хавфсизлигини таъминлаш талабларини ўз ичига олган стандартлар ва бошқа техник жиҳатдан тартибга солиш соҳасидаги норматив ҳужжатларни;

гидротехника иншоотларининг ҳолати ва хавфсизлигини таъминлаш бўйича техник талабларни;

гидротехника иншоотларининг ҳолати ва хавфсизлигини таъминлашга қаратилган дастурлар ва тадбирларни;

гидротехника иншоотлари хавфсизлик декларацияларини ва уларнинг хавфсизлиги билан боғлиқ бошқа ҳужжатларни экспертиза қилувчи экспертлар таркибини ҳар уч йилда бир марта;

экспертлар таркибини танлаш бўйича тартибни тасдиқлайди.

3-боб. Экспертлар кенгашининг ҳуқуқлари

6. Экспертлар кенгаши қуйидаги ҳуқуқларга эга:

ўз ваколати доирасига кирувчи масалалар бўйича хулосалар, тавсиялар, таклифлар бериш ва қарорлар қабул қилиш;

давлат бошқаруви органларидан ва маҳаллий ижро этувчи ҳокимият органларидан Экспертлар кенгаши ваколатига кирувчи масалаларни ҳал этишга доир маълумотларни белгиланган тартибда сўраб олиш;

гидротехника иншоотларининг техник ҳолатини, хавфсиз ишлашини таъминлаш билан боғлиқ масалалар бўйича тегишли давлат бошқаруви органларидан ва маҳаллий ижро этувчи ҳокимият органларидан қабул қилинган қарорлар, буйруқлар, тасдиқланган иш режалари, кўрсатмалар ва бошқа тегишли маълумотларни талаб қилиб қилиш, зарур ҳолларда тегишли вазирликлар, идоралар ва ташкилотлар мутахассисларини Экспертлар кенгаши ишига жалб қилиш;

гидротехника иншоотларининг хавфсизлик қоидалари қўпол равишда бузилган тақдирда гидротехника иншоотларини лойиҳалаштириш, қуриш ва улардан фойдаланишни вақтинча тўхтатиш бўйича таклифлар киритиш;

сув хўжалиги объектларидан фойдаланиш ёхуд дарёлар ўзанлари ва уларга туташ иншоотларнинг қуйи ва юқори ҳудудларида хўжалик ва бошқа фаолиятни амалга ошираётган ташкилотлар фаолиятини, агар мазкур фаолият гидротехника иншоотларининг хавфсизлигига салбий таъсир кўрсатиши мумкин бўлса, белгиланган тартибда тақиқлаш ёки чеклаш тўғрисида таклифлар киритиш.

7. Экспертлар кенгаши аъзоларининг асосий вазифалари ва функциялари қуйидагилардан иборат:

Экспертлар кенгаши йиғилишида иштирок этиш;

хизмат сафарида ва бетоб бўлганда ёки бошқа холисона сабаблар билан Экспертлар кенгаши йиғилишида қатнашиш имкони бўлмаган тақдирда раис билан ёзма келишилган ҳолда ўрнига ўзининг ваколатли вакили иштирокини таъминлаш;

Экспертлар кенгашининг йиғилишида фаол иштирок этиш, кун тартибидаги масалалар, шунингдек, йиғилиш қарори лойиҳалари бўйича ўзининг таклифларини ўз вақтида бериш ҳамда қарор лойиҳаларини белгиланган тартибда келишиш.

4-боб. Экспертлар кенгаши фаолиятини ташкил этиш

8. Экспертлар кенгаши мазкур Низомга иловада келтирилган таркибдан иборат бўлади.

9. «Давсувхўжаликназорат» давлат инспекциясининг бошлиғи Экспертлар кенгаши раиси (кейинги ўринларда — раис) ҳисобланади.

10. Экспертлар кенгашининг таркиби Ўзбекистон Республикаси Фавқулодда вазиятлар вазирлиги, Ички ишлар вазирлиги, Мудофаа вазирлиги, Миллий гвардия, Сув хўжалиги вазирлиги, Энергетика вазирлиги ва бошқа ваколатли идораларнинг раҳбариятидан иборат бўлади.

11. Экспертлар кенгашининг фаолияти унинг котиби томонидан ташкил этилади. Экспертлар кенгаши котиби кенгаш аъзоси ҳисобланмайди.

12. Экспертлар кенгаши котиби:

Экспертлар кенгашининг иш режалари бўйича таклифларни олади, таҳлил қилади ва иш режалари лойиҳаларини тайёрлайди ҳамда белгиланган тартибда тасдиқланишини ташкил қилади;

Экспертлар кенгашининг йиғилиши материаллари ва бошқа зарур ҳужжатлар лойиҳаларини ўз вақтида тайёрлайди, раис билан келишади;

Экспертлар кенгаши йиғилишларини ташкил этади, кенгаш аъзоларини йиғилишдан камида уч кун олдин йиғилиш санаси, вақти, жойи тўғрисида хабардор қилади, тегишли материалларни кўриб чиқиш учун етказади;

Экспертлар кенгаши йиғилиши якуни бўйича қабул қилинган қарорлар асосида кенгаш баённомаси лойиҳасини тайёрлайди, кенгаш аъзолари билан келишади ва белгиланган тартибда тасдиқланишини ҳамда Экспертлар кенгаши аъзолари ва тегишли ижрочиларга етказилишини таъминлайди;

Экспертлар кенгаши йиғилиши баённомалари ижроси юзасидан тизимли мониторинг олиб боради ҳамда раисга мунтазам равишда маълумот тақдим қилиб боради.

13. Экспертлар кенгаши йиғилиши Экспертлар кенгаши раиси ва унинг ўринбосари раҳбарлигида ҳамда кенгаш аъзоларининг камида 2/3 қисми иштирок этган тақдирда ўтказилади.

Экспертлар кенгашининг ҳар бир аъзоси умумий қарордан норози бўлган тақдирда, ўз фикрини билдириш ҳуқуқига эга ва бу баённомада қайд этилади. Баённомада ҳар бир масала бўйича овоз бериш натижалари кўрсатилади. Қўшимча таклиф этилган маслаҳатчилар, мутахассислар ва экспертлар овоз беришда иштирок этмайдилар.

14. Экспертлар кенгаши йиғилишлари унинг иш режасига мувофиқ, шунингдек, заруратга қараб ўтказилади.

15. Кенгаш йиғилишларида холисона сабабларга кўра унинг айрим аъзолари иштирок этмаган тақдирда, Экспертлар кенгаши раиси билан ёзма равишда келишилган ҳолда уларнинг ваколатли вакиллари қатнашади.

16. Экспертлар кенгаши баённомаси Экспертлар кенгаши котиби ва йиғилишда иштирок этган Экспертлар кенгаши барча аъзолари томонидан имзоланади ҳамда раис томонидан тасдиқланади ва кучга киради.

17. Экспертлар кенгашининг ўз ваколатига кирадиган масалалар бўйича қабул қилган қарорлари барча давлат ҳокимияти ва бошқаруви органлари, жамоат бирлашмалари ва бошқа ташкилотлар томонидан ижро этилиши мажбурий ҳисобланади.

5-боб. Якунловчи қоида

18. Экспертлар кенгаши қонунчилик ҳужжатларида белгиланган тартибда қайта ташкил этилади ва тугатилади.

Ўзбекистон Республикаси Вазирлар Маҳкамаси ҳузуридаги Сув хўжалиги объектлари хавфсизлигини назорат қилиш давлат инспекцияси ҳузуридаги Экспертлар кенгаши тўғрисидаги низомга
ИЛОВА

Ўзбекистон Республикаси Вазирлар Маҳкамаси ҳузуридаги Сув хўжалиги объектлари хавфсизлигини назорат қилиш давлат инспекцияси ҳузуридаги Экспертлар кенгаши

ТАРКИБИ

Лавозимига кўра	—	«Давсувхўжаликназорат» давлат инспекциясининг бошлиғи, Экспертлар кенгаши раиси
А.С. Назаров	—	сув хўжалиги вазирининг биринчи ўринбосари, Экспертлар кенгаши раисининг ўринбосари
А.Ҳ. Қўлдошев	—	фавқулодда вазиятлар вазирининг биринчи ўринбосари
М.Ж. Ғаниев	—	Миллий гвардия қўмондонининг ўринбосари
Б.Т. Амирсаидов	—	«Ўзбекгидроэнерго» АЖ бошқаруви раисининг биринчи ўринбосари
И.И. Боқижонов	—	Давлат экология қўмитаси раиси ўринбосари
О.А. Холхўжаев	—	«Сирдарё» ҳавзаси сув хўжалиги бирлашмаси бошлиғи
М.Я. Махрамов	—	«Амударё» ҳавзаси сув хўжалиги бирлашмаси бошлиғи
Ф.С. Агзамов	—	Гидрометеорология хизмати маркази ҳузуридаги Гидрометеорология илмий-тадқиқот институти директори в.в.б.
А.Б. Уразкелдиев	—	Сув хўжалиги вазирлиги ҳузуридаги Ирригация ва сув муаммолари илмий-тадқиқот институти директори в.б.
А.И. Ахмедов	—	«Гидролойиҳа» АЖ директори
М.Ф. Наджимов	—	«Ўзсувлойиҳа» АЖ бош директори
Ш.А. Примов	—	«Давсувхўжаликназорат» давлат инспекциясининг «Гидротехника иншоотларини диагностикаси маркази» ДУК бошлиғи
Ш.А. Исмоилов	—	«Давсувхўжаликназорат» давлат инспекциясининг Насос станциялари ҳамда гидроэлектрстанцияларнинг хавфсизлиги ва ишончли ишлашини назорат қилиш бўйича катта мутахассиси, Экспертлар кенгаши котиби

Изоҳ. Экспертлар кенгаши аъзолари бошқа ишга ўтган тақдирда, Экспертлар кенгаши таркибига ушбу лавозимларга янгидан тайинланган шахслар киритилади.

Вазирлар Маҳкамасининг 2021 йил 17 августдаги 525-сон қарорига
3-ИЛОВА

Ўзбекистон Республикаси Вазирлар Маҳкамаси ҳузуридаги Сув хўжалиги объектлари хавфсизлигини назорат қилиш давлат инспекцияси ходимларини моддий рағбатлантириш тартиби тўғрисида

НИЗОМ

1-боб. Умумий қоидалар

1. Ушбу Низом Ўзбекистон Республикаси Вазирлар Маҳкамаси ҳузуридаги Сув хўжалиги объектлари хавфсизлигини назорат қилиш давлат инспекцияси (кейинги ўринларда — Инспекция) ходимларини моддий рағбатлантириш тартибини белгилайди.

2. Инспекция ходимларини мукофотлаш ва уларга моддий ёрдам кўрсатиш қуйидаги маблағлар ҳисобидан амалга оширилади:

а) Ўзбекистон Республикаси Давлат бюджети маблағлари ҳисобидан ходимларга:

40 фоиз миқдорида меҳнатни рағбатлантириш коэффициенти;

узоқ муддат узлуксиз хизмати учун лавозим маошига устама;

йилда икки ойлик меҳнатга ҳақ тўлаш фонди миқдорида мукофот;

йилда бир марта ойлик меҳнатга ҳақ тўлаш фонди миқдорида моддий ёрдам;

бюджет муассасалари ва ташкилотлари ходимларини моддий рағбатлантириш махсус фонди ҳисобидан моддий ёрдам.

б) Ўзбекистон Республикаси Сув хўжалиги вазирлиги ҳузуридаги Сув хўжалигини ривожлантириш жамғармаси ( кейинги ўринларда — Жамғарма) маблағлари ҳисобидан марказий аппарат ходимларига:

байрам кунлари учун мукофотлар;

хизмат мажбуриятларини виждонан бажарганлиги учун лавозим маошларига устамалар;

соғлиғини тиклаш ва ижтимоий ҳимоя қилиш мақсадида моддий ёрдам;

йилига бир марта қишлоқ хўжалиги маҳсулотлари сотиб олиш учун моддий ёрдам.

2-боб. Жамғарма маблағлари ҳисобидан марказий аппарат ходимларини рағбатлантириш миқдори ва шартлари

3. Ўзбекистон Республикасининг Мустақиллик куни, Конституция куни, Янги йил ва Наврўз байрами учун ходимлар лавозим маошининг (рағбатлантирувчи коэффициентларни ҳисобга олган ҳолда) бир бараваригача миқдорда рағбатлантирилади.

4. Хизмат вазифаларини сидқидилдан ва самарали бажариб келаётган ташаббускор ходимларга лавозим маошининг (рағбатлантирувчи коэффициентни ҳисобга олган ҳолда) 200 фоизигача ҳар ойлик устамалар белгиланади.

Устаманинг аниқ миқдори:

Инспекция бошлиғига — Ўзбекистон Республикаси Вазирлар Маҳкамаси томонидан;

Инспекция бошлиғи ўринбосари ва марказий аппарат ходимларига — Инспекция бошлиғи томонидан белгиланади.

5. Ходимларни ижтимоий қўллаб-қувватлаш ва уларнинг иш самарадорлигини ошириш мақсадида ҳар ойда (жамоа шартномасига мувофиқ) йўл-транспорт харажатлари учун базавий ҳисоблаш миқдорининг бир бараваригача ҳамда ходимнинг овқатланиши харажатларига кўмаклашиш мақсадида базавий ҳисоблаш миқдорининг икки бараваригача миқдорда тўловлар амалга оширилади.

6. Зарур ҳолларда (рағбатлантирувчи коэффициентни ҳисобга олган ҳолда) икки ойлик лавозим маоши миқдорида (кам таъминланган оилалар, ходимнинг даволаниши, 50, 55, 60 юбилей ёши муносабати билан, шунингдек, пенсияга чиққанда, тўй, дафн маросими ва бошқалар учун) ходимларга касаба уюшмаси билан келишган ҳолда моддий ёрдам пули берилади.

7. Ходимларга қишлоқ хўжалиги маҳсулотлари сотиб олиш учун ҳар йили бир марта базавий ҳисоблаш миқдорининг 10 бараваригача миқдорда тўлов амалга оширилади.

3-боб. Ходимларни рағбатлантириш тадбирларини молиялаштириш

9. Қуйидагилар Инспекция ходимларини рағбатлантиришни молиялаштириш манбаи ҳисобланади:

Ўзбекистон Республикаси Давлат бюджети маблағлари;

Жамғарма маблағлари;

қонунчилик ҳужжатларида тақиқланмаган бошқа манбалар.

10. Ходимларни моддий рағбатлантиришни молиялаштириш манбалари ва миқдори қонунчилик ҳужжатларида белгиланган тартибда тасдиқланган харажатлар сметаси ҳамда бюджетдан ташқари жамғарма бўйича харажатлар сметаси асосида амалга оширилади.

Инспекция Жамғарма маблағлари ҳисобидан марказий аппарат ходимларини келгуси йилда рағбатлантириш бўйича таклифларини ҳар йили 1 июлга қадар Ўзбекистон Республикаси Сув хўжалиги вазирлигига тақдим қилади.

4-боб. Якунловчи қоида

11. Ушбу Низом талаблари бузилишида айбдор бўлган шахслар қонунчилик ҳужжатларига мувофиқ жавоб берадилар.

Вазирлар Маҳкамасининг 2021 йил 17 августдаги 525-сон қарорига
4-ИЛОВА

Хавф даражаси юқори бўлган сув хўжалиги объектларининг

РЎЙХАТИ

Т/р	Иншоотлар номи	Синфи	Асосий техник кўрсаткичлари	Фойдаланувчи ташкилот (вазирликлар ва идоралар)
Қорақалпоғисон Республикаси
Каналлар
1.	Ўнг қирғоқ Туямўйин магистрал канали	II	Сув ўтказиш қобилияти — 200 м³/с Узунлиги — 31 км	Сув хўжалиги вазирлиги
2.	Пахта-арна канали	III	Сув ўтказиш қобилияти — 100 м³/с. Узунлиги — 27,5 км	Сув хўжалиги вазирлиги
3.	Суенли канали	II	Сув ўтказиш қобилияти — 121 м³/с. Узунлиги — 96,6 км	Сув хўжалиги вазирлиги
4.	Параллель канали	II	Сув ўтказиш қобилияти — 191 м³/с. Узунлиги — 36 км	Сув хўжалиги вазирлиги
5.	Достлиқ канали (развилка иншооти билан)	I	Сув ўтказиш қобилияти — 380 м³/с. Узунлиги — 24,5 км	Сув хўжалиги вазирлиги
6.	Кегейли канали	I	Сув ўтказиш қобилияти — 160 м³/с. Узунлиги — 55,4 км	Сув хўжалиги вазирлиги
7.	Анасай канали (Бессага ПК 134 иншооти билан)	III	Сув ўтказиш қобилияти — 342 м³/с. Узунлиги — 13,5 км	Сув хўжалиги вазирлиги
8.	Куаниш-жарма канали	I	Сув ўтказиш қобилияти — 200 м³/с. Узунлиги — 81,2 км	Сув хўжалиги вазирлиги
Гидроузеллар
9.	Тахиатош	I	Сув ўтказиш қобилияти — 11000 м³/с.	«Амударё» ҳавзаси сув хўжалиги бирлашмаси
10.	Пахта-арна канали бош иншооти	II	Сув ўтказиш қобилияти — 95 м³/с.	«Амударё» ҳавзаси сув хўжалиги бирлашмаси
Насос станциялари
11.	Бек-яб	II	Сув чиқариш қобилияти — 66 м3/с. Агрегатлар сони — 6 та	Сув хўжалиги вазирлиги
Коллекторлар
12.	Бош жанубий Қорақалпоқ (ГЮКК)	III	Сув ўтказиш қобилияти — 100 м³/с. Узунлиги — 111 км	Сув хўжалиги вазирлиги
Андижон вилояти
Сув омборлари
1.	Андижон	I	Лойиҳавий сув ҳажми — 1900 млн.м³ Тўғон баландлиги — 119 м Ўзанли	Сув хўжалиги вазирлиги
2.	Асака — адир	III	Лойиҳавий сув ҳажми — 3,5 млн.м³ Тўғон баландлиги — 24 м Қуйилма	Сув хўжалиги вазирлиги
Каналлар
3.	Шаҳрихонсой канали	II	Сув ўтказиш қобилияти — 240 м³/с. Узунлиги — 108,2 км	Сув хўжалиги вазирлиги
4.	Андижонсой канали	IV	Сув ўтказиш қобилияти — 50 м³/с. Узунлиги — 76,6 км	Сув хўжалиги вазирлиги
5.	Савай канали	III	Сув ўтказиш қобилияти — 44 м³/с. Узунлиги — 47,4 км	Сув хўжалиги вазирлиги
6.	Асака ташламаси	III	Сув ўтказиш қобилияти — 150 м³/с. Узунлиги — 75,8 км	Сув хўжалиги вазирлиги
Гидроузеллар
7.	ЖФК бош иншооти	II	Сув ўтказиш қобилияти — 180 м³/с.	Сув хўжалиги вазирлиги
8.	Кампирравот	III	Сув ўтказиш қобилияти — 380 м³/с.	Сув хўжалиги вазирлиги
9.	Куйганёр	I	Сув ўтказиш қобилияти — 1200 м³/с.	«Сирдарё» ҳавзаси сув хўжалиги бирлашмаси
10.	Тешиктош	I	Сув ўтказиш қобилияти — 1389 м³/с.	Сув хўжалиги вазирлиги
11.	Қуйқулоқ	III	Сув ўтказиш қобилияти — 139 м³/с.	Сув хўжалиги вазирлиги
12.	Олтинкўл	III	Сув ўтказиш қобилияти — 150 м³/с.	Сув хўжалиги вазирлиги
13.	Асака	II	Сув ўтказиш қобилияти — 150 м³/с.	Сув хўжалиги вазирлиги
Гидроэлектростанциялар
14.	Шаҳрихон ГЭС № 5А	III	Қуввати — 11,4 МВт Агрегатлар сони — 2 та	«Ўзбекгидроэнерго» АЖ
15.	Шаҳрихон ГЭС № 6А	III	Қуввати — 7,7 МВт Агрегатлар сони — 2 та	«Ўзбекгидроэнерго» АЖ
16.	ЖФК ГЭС — 1	III	Қуввати — 2,2 МВт Агрегатлар сони — 1 та	«Ўзбекгидроэнерго» АЖ
17.	ЖФК ГЭС — 3	III	Қуввати — 7,05 МВт Агрегатлар сони — 1 та	«Ўзбекгидроэнерго» АЖ
18.	Андижон 1 ГЭС	I	Қуввати — 140 МВт Агрегатлар сони — 4 та	«Ўзбекгидроэнерго» АЖ
19.	Андижон 2 ГЭС	II	Қуввати — 50 МВт Агрегатлар сони — 2 та	«Ўзбекгидроэнерго» АЖ
Бухоро вилояти
Сув омборлари
1.	Қуйимозор	II	Лойиҳавий сув ҳажми — 320 млн.м³ Тўғон баландлиги — 28 м Қуйилма	Сув хўжалиги вазирлиги
2.	Тўдакўл	II	Лойиҳавий сув ҳажми — 1389 млн.м³ Тўғон баландлиги — 11 м Қуйилма	Сув хўжалиги вазирлиги
3.	Шўркўл	III	Лойиҳавий сув ҳажми — 170 млн.м³ Тўғон баландлиги — 14,5 м Қуйилма	Сув хўжалиги вазирлиги
Каналлар
4.	Аму — Бухоро машина канали (АБМК)	II	Сув ўтказиш қобилияти — 350 м³/с. Узунлиги — 197 км	Сув хўжалиги вазирлиги
Гидроузеллар
5.	АБМК бош иншооти	II	Сув ўтказиш қобилияти — 350 м³/с.	«Амударё» ҳавзаси сув хўжалиги бирлашмаси
6.	Хархур	II	Сув ўтказиш қобилияти — 140 м³/с.	Сув хўжалиги вазирлиги
7.	Тошработ	III	Сув ўтказиш қобилияти — 402 м³/с.	Сув хўжалиги вазирлиги
8.	Хачкаб	II	Сув ўтказиш қобилияти — 59,6 м³/с.	Сув хўжалиги вазирлиги
Насос станциялари
9.	Аму — Бухоро — 1	III	Сув чиқариш қобилияти — 68,8 м3/с. Агрегатлар сони — 9 та	Сув хўжалиги вазирлиги
10.	Аму — Бухоро — 2	III	Сув чиқариш қобилияти — 105 м3/с. Агрегатлар сони — 10 та	Сув хўжалиги вазирлиги
11.	Қуйимозор	III	Сув чиқариш қобилияти — 100 м3/с. Агрегатлар сони — 6 та	Сув хўжалиги вазирлиги
12.	Қоровулбозор	III	Сув чиқариш қобилияти — 22 м3/с. Агрегатлар сони — 5 та	Сув хўжалиги вазирлиги
13.	Олот	III	Сув чиқариш қобилияти — 40,5 м3/с. Агрегатлар сони — 7 та	Сув хўжалиги вазирлиги
14.	Қоракўл	III	Сув чиқариш қобилияти — 35,4 м3/с. Агрегатлар сони — 6 та	Сув хўжалиги вазирлиги
15.	Қуйимозор ёрдамчи	III	Сув чиқариш қобилияти — 36,6 м3/с. Агрегатлар сони — 12 та	Сув хўжалиги вазирлиги
Коллекторлар
16.	Марказий Бухоро	III	Сув ўтказиш қобилияти — 40 м³/с. Узунлиги — 126,8 км	Сув хўжалиги вазирлиги
17.	Денгизкўл	III	Сув ўтказиш қобилияти — 35 м³/с. Узунлиги — 56,6 км	Сув хўжалиги вазирлиги
18.	Оғитма ташламаси	III	Сув ўтказиш қобилияти — 40 м³/с. Узунлиги — 68,7 км	Сув хўжалиги вазирлиги
Жиззах вилояти
Сув омборлари
1.	Жиззах	III	Лойиҳавий сув ҳажми — 100 млн.м³ Тўғон баландлиги — 25 м Қуйилма	Сув хўжалиги вазирлиги
2.	Қоровултепа	II	Лойиҳавий сув ҳажми — 53 млн.м³ Тўғон баландлиги — 40 м Қуйилма	Сув хўжалиги вазирлиги
3.	Зомин	II	Лойиҳавий сув ҳажми — 52 млн.м³ Тўғон баландлиги — 74 м Ўзанли	Сув хўжал??и вазирлиги
4.	Хўжамушкент	II	Лойиҳавий сув ҳажми — 8 млн.м³ Тўғон баландлиги — 44,5 м Ўзанли	Сув хўжалиги вазирлиги
5.	Сармич	II	Лойиҳавий сув ҳажми — 4,3 млн.м³ Тўғон баландлиги — 32 м Қуйилма	Сув хўжалиги вазирлиги
6.	Арнасой	II	Лойиҳавий сув ҳажми — 1000 млн.м³ Тўғон баландлиги — 12 м Қуйилма	Сув хўжалиги вазирлиги
7.	Оқбулоқ	IV	Лойиҳавий сув ҳажми — 1,8 млн.м³ Тўғон баландлиги — 20,0 м Қуйилма	Сув хўжалиги вазирлиги
Гидроузеллар
8.	Жиззах сув тақсимоти иншооти — № 1	III	Сув ўтказиш қобилияти — 540 м³/с.	Сув хўжалиги вазирлиги
9.	Жиззах сув тақсимоти иншооти — № 4	III	Сув ўтказиш қобилияти — 540 м³/с.	Сув хўжалиги вазирлиги
Канал
10.	ДМ — 1 канали ПК317+00 дан ПК987+00 гача	III	Сув ўтказиш қобилияти — 38,6 м³/с, Узунлиги — 67,0 км	Сув хўжалиги вазирлиги
Насос станциялари
11.	Жиззах бош насос станцияси ДМ — 1 канали билан ПК0 — 317+00 гача (ЖБНС)	II	Сув чиқариш қобилияти — 137,7 м3/с. Агрегатлар сони — 7 та	Сув хўжалиги вазирлиги
12.	Жиззах НС № 2	III	Сув чиқариш қобилияти — 90,8 м3/с. Агрегатлар сони — 6 та	Сув хўжалиги вазирлиги
13.	Жиззах НС № 3	IV	Сув чиқариш қобилияти — 22 м3/с. Агрегатлар сони — 4 та	Сув хўжалиги вазирлиги
14.	Арнасой НС № 1	IV	Сув чиқариш қобилияти — 34,6 м3/с. Агрегатлар сони — 14 та	Сув хўжалиги вазирлиги
15.	Арнасой НС № 2	IV	Сув чиқариш қобилияти — 33,7 м3/с. Агрегатларсони — 12 та	Сув хўжалиги вазирлиги
16.	Арнасой НС № 3	IV	Сув чиқариш қобилияти — 18 м3/с. Агрегатлар сони — 6 та	Сув хўжалиги вазирлиги
Коллекторлар
17.	Жиззах бош зовури	III	Сув ўтказиш қобилияти — 92 м³/с. Узунлиги — 68км	Сув хўжалиги вазирлиги
18.	Қли зовурида жойлашган иншоот (шаршара)	III	Сув ўтказиш қобилияти — 335 м³/с.	Сув хўжалиги вазирлиги
Қашқадарё вилояти
Сув омборлари
1.	Ҳисорок	I	Лойиҳавий сув ҳажми — 170 млн.м³ Тўғон баландлиги — 138,5 м Ўзанли	Сув хўжалиги вазирлиги
2.	Чимқўрғон	II	Лойиҳавий сув ҳажми — 500 млн.м³ Тўғон баландлиги — 33 м Ўзанли	Сув хўжалиги вазирлиги
3.	Пачкамар	II	Лойиҳавий сув ҳжми — 260 млн.м³ Тўғон баландлиги — 71 м Ўзанли	Сув хўжалиги вазирлиги
4.	Қалқама	III	Лойиҳавий сув ҳажми — 9,4 млн.м³ Тўғон баландлиги — 21 м Ўзанли	Сув хўжалиги вазирлиги
5.	Деҳқонобод	II	Лойиҳавий сув ҳажми — 34,9 млн.м³ Тўғон баландлиги — 48,6 м Ўзанли	Сув хўжалиги вазирлиги
6.	Қизилсув	II	Лойиҳавий сув ҳажми — 9,0 млн.м³ Тўғон баландлиги — 32,3 м Ўзанли	Сув хўжалиги вазирлиги
7.	Лангар	II	Лойиҳавий сув ҳажми — 7,3 млн.м³ Тўғон баландлиги — 34 м Ўзанли	Сув хўжалиги вазирлиги
8.	Шўробсой	IV	Лойиҳавий сув ҳажми — 2,0 млн.м³ Тўғон баландлиги — 12 м Қуйилма	Сув хўжалиги вазирлиги
9.	Қамаши	III	Лойиҳавий сув ҳажми — 25,0 млн.м³ Тўғон баландлиги — 14,9 м Қуйилма	Сув хўжалиги вазирлиги
10.	Янгиқўрғон	IV	Лойиҳавий сув ҳажми — 3,3 млн.м³ Тўғон баландлиги — 16 м Қуйилма	Сув хўжалиги вазирлиги
11.	Нўғайли	IV	Лойиҳавий сув ҳажми — 2,5 млн.м³ Тўғон баландлиги — 13,5 м Қуйилма	Сув хўжалиги вазирлиги
12.	Қорабоғ	II	Лойиҳавий сув ҳажми — 7,5 млн.м³ Тўғон баландлиги — 31,5 м Қуйилма	Сув хўжалиги вазирлиги
13.	Талимаржон	I	Лойиҳавий сув ҳажми — 1525 млн.м³ Тўғон баландлиги — 35 м Қуйилма	Сув хўжалиги вазирлиги
14.	Шўртан	III	Лойиҳавий сув ҳажми — 11,5 млн.м³ Тўғон баландлиги — 17 м Қуйилма	Энергитека вазирлиги «Шуртангазкимё» мажмуаси
15.	Гулдара	III	Лойиҳавий сув ҳажми — 3,0 млн.м³ Тўғон баландлиги — 34 м Ўзанли	Сув хўжалиги вазирлиги
Каналлар
16.	Қарши магистрал канали	I	Сув ўтказиш қобилияти — 350 м³/с. Узунлиги — 203 км	Сув хўжалиги вазирлиги
17.	Миришкор канали	II	Сув ўтказиш қобилияти — 150 м³/с. Узунлиги — 119 км	Сув хўжалиги вазирлиги
18.	Эски Анҳор канали	II	Сув ўтказиш қобилияти — 60 м³/с. Узунлиги — 122 км	Сув хўжалиги вазирлиги
Гидроузеллар
19.	Яккабоғ	III	Сув ўтказиш қобилияти — 510 м³/с.	Сув хўжалиги вазирлиги
20.	Оқ сув	II	Сув ўтказиш қобилияти — 240 м³/с.	Сув хўжалиги вазирлиги
21.	Ғузор	III	Сув ўтказиш қобилияти — 260 м³/с.	Сув хўжалиги вазирлиги
22.	Қарши	III	Сув ўтказиш қобилияти — 515 м³/с.	Сув хўжалиги вазирлиги
Насос станциялари
23.	ҚМК НС № 1	I	Сув чиқариш қобилияти — 195 м3/с. Агрегатлар сони — 6 та	Сув хўжалиги вазирлиги
24.	ҚМК НС № 2	I	Сув чиқариш қобилияти — 195 м3/с. Агрегатлар сони — 6 та	Сув хўжалиги вазирлиги
25.	ҚМК НС № 3	I	Сув чиқариш қобилияти — 195 м3/с. Агрегатлар сони — 6 та	Сув хўжалиги вазирлиги
26.	ҚМК НС № 4	I	Сув чиқариш қобилияти — 195 м3/с. Агрегатлар сони — 6 та	Сув хўжалиги вазирлиги
27.	ҚМК НС № 5	I	Сув чиқариш қобилияти — 195 м3/с. Агрегатлар сони — 6 та	Сув хўжалиги вазирлиги
28.	ҚМК НС № 6	I	Сув чиқариш қобилияти — 195 м3/с. Агрегатлар сони — 6 та	Сув хўжалиги вазирлиги
29.	ҚМК НС № 7	III	Сув чиқариш қобилияти — 155 м3/с. Агрегатлар сони — 7 та	Сув хўжалиги вазирлиги
Коллекторлар
30.	Жанубий	II	Сув ўтказиш қобилияти — 65 м³/с. Узунлиги — 103 км	Сув хўжалиги вазирлиги
31.	Шимолий	IV	Сув ўтказиш қобилияти — 55 м³/с. Узунлиги — 67,9 км	Сув хўжалиги вазирлиги
32.	Сичанкўл	II	Сув ўтказиш қобилияти — 43 м³/с. Узунлиги — 61,3 км	Сув хўжалиги вазирлиги
Гидроэлектр станциялар
33.	Ҳисорак ГЭС	I	Қуввати — 45 Мвт, Агрегатлар сони — 2 та	«Ўзбекгидроэнерго» АЖ
Навоий вилояти
Сув омборлари
1.	Кўксарой	III	Лойиҳавий сув ҳажми 7,5 млн.м³ Тўғон баландлиги 23,5 м Ўзанли	Сув хўжалиги вазирлиги
Каналлар
2.	Ўнг қирғоқ	II	Сув ўтказиш қобилияти — 45 м³/с. Узунлиги — 49,8 км	Сув хўжалиги вазирлиги
3.	АБК — 2 иншоотлари билан	II	Сув ўтказиш қобилияти — 150 м³/с. Узунлиги — 38 км	Сув хўжалиги вазирлиги
Гидроузеллар
4.	Кармана	III	Сув ўтказиш қобилияти — 550 м³/с.	Сув хўжалиги вазирлиги
5.	Навбаҳор	IV	Сув ўтказиш қобилияти — 358 м³/с.	Сув хўжалиги вазирлиги
6.	Навоий ИЭС	I	Сув ўтказиш қобилияти — 600 м³/с.	«Иссиқлик электр станциялари» АЖ
Насос станциялари
7.	Қизилтепа	II	Сув чиқариш қобилияти — 122 м3/с. Агрегатлар сони — 10 та	Сув хўжалиги вазирлиги
8.	Қизилтепа № 1	II	Сув чиқариш қобилияти — 41,6 м3/с. Агрегатлар сони — 26 та	Сув хўжалиги вазирлиги
9.	Навоий	IV	Сув чиқариш қобилияти — 22,8 м3/с. Агрегатлар сони — 12та	Сув хўжалиги вазирлиги
10.	Конимех — 1	IV	Сув чиқариш қобилияти — 18,4 м3/с. Агрегатлар сони — 9та	Сув хўжалиги вазирлиги
Коллекторлар
11.	Дул — дул	III	Сув ўтказиш қобилияти — 20 м³/с. Узунлиги — 48,8 км	Сув хўжалиги вазирлиги
Наманган вилояти
Сув омборлари
1.	Чортоқ	II	Лойиҳавий сув ҳажми — 30 млн.м³ Тўғон баландлиги — 21,5 м Ўзанли	Сув хўжалиги вазирлиги
2.	Эскиер	III	Лойиҳавий сув ҳажми — 18,5 млн.м³ Тўғон баландлиги — 28 м Қуйилма	Сув хўжалиги вазирлиги
3.	Кўксераксой	III	Лойиҳавий сув ҳажми — 6,4 млн.м³ Тўғон баландлиги — 41 м Қуйилма	Сув хўжалиги вазирлиги
4.	Варзик	II	Лойиҳавий сув ҳажми — 18,2 млн.м³ Тўғон баландлиги — 39 м Қуйилма	Сув хўжалиги вазирлиги
5.	Жийдалийсой	II	Лойиҳавий сув ҳажми — 47,7 млн.м³ Тўғон баландлиги — 65 м Қуйилма	Сув хўжалиги вазирлиги
6.	Ертикан	III	Лойиҳавий сув ҳажми — 20 млн.м³ Тўғон баландлиги — 28 м Қуйилма	Сув хўжалиги вазирлиги
7.	Қорасув	III	Лойиҳавий сув ҳажми — 3,0 млн.м³ Тўғон баландлиги — 25 м Ўзанли	Сув хўжалиги вазирлиги
8.	Резаксой	I	Лойиҳавий сув ҳажми — 300 млн.м³ Тўғон баландлиги — 90 м Қуйилма	Сув хўжалиги вазирлиги
Каналлар
9.	Шимолий Фарғона магистрал канали	II	Сув ўтказиш қобилияти — 110 м³/с. Узунлиги — 135 км	Сув хўжалиги вазирлиги
10.	Катта Наманган магистрал канали	III	Сув ўтказиш қобилияти — 61,2 м³/с. Узунлиги — 127 км	Сув хўжалиги вазирлиги
11.	Зардарё канали	III	Сув ўтказиш қобилияти — 70 м³/с. Узунлиги — 48 км	Сув хўжалиги вазирлиги
12.	Қўшимча тўйинтириш канали (КДП), Ҳаққулобод сув узели, КАК бош иншооти	I	Сув ўтказиш қобилияти — 330 м³/с. Узунлиги — 13,7 км	«Сирдарё» ҳавзаси сув хўжалиги бирлашмаси
Гидроузеллар
13.	Учқўрғон	I	Сув ўтказиш қобилияти — 2720 м³/с.	«Сирдарё» ҳавзаси сув хўжалиги бирлашмаси
14.	КФК бош иншооти билан	II	Сув ўтказиш қобилияти — 150 м³/с.	«Сирдарё» ҳавзаси сув хўжалиги бирлашмаси
15.	Нанай	I	Сув ўтказиш қобилияти — 100 м³/с.	Сув хўжалиги вазирлиги
16.	Ғовосой	IV	Сув ўтказиш қобилияти — 110 м³/с.	Сув хўжалиги вазирлиги
17.	Тешиктош	IV	Сув ўтказиш қобилияти — 320 м³/с.	Сув хўжалиги вазирлиги
18.	Чодаксой	III	Сув ўтказиш қобилияти — 120 м³/с.	Сув хўжалиги вазирлиги
19.	Зардарё канали, бош қисми иншооти билан	II	Сув ўтказиш қобилияти — 75 м³/с.	«Сирдарё» ҳавзаси сув хўжалиги бирлашмаси
20.	Қуқимбой	IV	Сув ўтказиш қобилияти — 330 м³/с.	Сув хўжалиги вазирлиги
Насос станциялари
21.	Наманган	III	Сув чиқариш қобилияти — 40 м3/с. Агрегатлар сони — 8 та	Сув хўжалиги вазирлиги
Гидроэлектр станциялар
22.	КФК — 1 кичик ГЭС	III	Қуввати — 6 МВт Агрегатлар сони — 2 та	«Ўзбекгидроэнерго» АЖ
23.	КФК — 2 кичик ГЭС	III	Қуввати — 6 МВт Агрегатлар сони — 2 та	«Ўзбекгидроэнерго» АЖ
24.	Қамчиқ	III	Қуввати — 26 МВт Агрегатлар сони — 4 та	«Ўзбекгидроэнерго» АЖ
Самарқанд вилояти
Сув омборлари
1.	Каттақўрғон	II	Лойиҳавий сув ҳажми — 900 млн.м³ Тўғон баландлиги — 31,2 м Қуйилма	Сув хўжалиги вазирлиги
2.	Қоратепа	II	Лойиҳавий сув ҳажми — 24 млн.м³ Тўғон баландлиги — 36 м Ўзанли	Сув хўжалиги вазирлиги
3.	Тусунсой	II	Лойиҳавий сув ҳажми — 52,1 млн.м³ Тўғон баландлиги — 42 м Ўзанли	Сув хўжалиги вазирлиги
4.	Қорасув	III	Лойиҳавий сув ҳажми — 29 млн.м³ Тўғон баландлиги — 15,2 м Ўзанли	Сув хўжалиги вазирлиги
5.	Собирсой	IV	Лойиҳавий сув ҳажми — 8 млн.м³ Тўғон баландлиги — 8,6 м Қуйилма	Сув хўжалиги вазирлиги
6.	Оқ дарё	III	Лойиҳавий сув ҳажми — 130 млн.м³ Тўғон баландлиги — 20 м Ўзанли	Сув хўжалиги вазирлиги
7.	Камангарон	III	Лойиҳавий сув ҳажми — 1,5 млн.м³ Тўғон баландлиги — 32 м Ўзанли	Сув хўжалиги вазирлиги
8.	Акчабсой	III	Лойиҳавий сув ҳажми — 7,1 млн.м³ Тўғон баландлиги — 38 м Ўзанли	Сув хўжалиги вазирлиги
Каналлар
9.	Эски Туя — тартар канали	IV	Сув ўтказиш қобилияти — 50 м³/с. Узунлиги — 96 км	Сув хўжалиги вазирлиги
10.	Дарғом канали	IV	Сув ўтказиш қобилияти — 180 м³/с. Узунлиги — 92 км	Сув хўжалиги вазирлиги
11.	Нарпай канали	III	Сув ўтказиш қобилияти — 90 м³/с. Узунлиги — 90 км	Сув хўжалиги вазирлиги
Гидроузеллар
12.	Оқ — Қорадарё	II	Сув ўтказиш қобилияти — 880 м³/с.	Сув хўжалиги вазирлиги
13.	Нарпай	III	Сув ўтказиш қобилияти — 225 м³/с.	Сув хўжалиги вазирлиги
14.	Дамхўжа	III	Сув ўтказиш қобилияти — 560 м³/с.	Сув хўжалиги вазирлиги
15.	Ровотхўжа	II	Сув ўтказиш қобилияти — 1025 м³/с.	Сув хўжалиги вазирлиги
Гидроэлектр станциялар
16.	Хишрау	II	Қуввати — 21,9 МВт Агрегатлар сони — 3 та	«Ўзбекгидроэнерго» АЖ
17.	Иртишар	III	Қуввати — 6,4 МВт Агрегатлар сони — 2 та	«Ўзбекгидроэнерго» АЖ
18.	Толигулян — 1	III	Қуввати — 3 МВт Агрегатлар сони — 2 та	«Ўзбекгидроэнерго» АЖ
19.	Толигулян — 3	III	Қуввати — 8,8 МВт Агрегатлар сони — 2 та	«Ўзбекгидроэнерго» АЖ
20.	Ургут ГЭС	III	Қуввати — 3 МВт Агрегатлар сони — 6 та	«Ўзбекгидроэнерго» АЖ
Сирдарё вилояти
Сув омбори
1.	Гидротехника иншооти	I	Лойиҳавий сув ҳажми — 350 млн.м³ Тўғон баландлиги — 30 м Қуйилма	Сув хўжалиги вазирлиги
Каналлар
2.	Жанубий Мирзачўл	I	Сув ўтказиш қобилияти — 300 м³/с. Узунлиги — 124 км	Сув хўжалиги вазирлиги
3.	Дўстлик	II	Сув ўтказиш қобилияти — 260 м³/с. Узунлиги — 68,5 км	«Сирдарё» ҳавзаси сув хўжалиги бирлашмаси
4.	Дўстлик ўнг тармоқ	IV	Сув ўтказиш қобилияти — 52 м³/с. Узунлиги — 43 км	Сув хўжалиги вазирлиги
5.	Марказий тармоқ	II	Сув ўтказиш қобилияти — 164 м³/с. Узунлиги — 20 км	Сув хўжалиги вазирлиги
6.	Марказий ўнг тармоқ	II	Сув ўтказиш қобилияти — 55 м³/с. Узунлиги — 40 км	Сув хўжалиги вазирлиги
7.	Марказий чап тармоқ	II	Сув ўтказиш қобилияти — 65 м³/с. Узунлиги — 38 км	Сув хўжалиги вазирлиги
Гидроузеллар
8.	ЖМК бош иншооти ва 145 ПК даги иншооти билан	II	Сув ўтказиш қобилияти — 300 м³/с.	«Сирдарё» ҳавзаси сув хўжалиги бирлашмаси
Коллекторлар
9.	Шўрўзак	III	Сув ўтказиш қобилияти — 28 м³/с. Узунлиги — 76,5 км	Сув хўжалиги вазирлиги
10.	Марказий Мирзачўл	II	Сув ўтказиш қобилияти — 136 м³/с. Узунлиги — 76,4 км	Сув хўжалиги вазирлиги
Гидроэлектростанциялар
11.	Фарҳод ГЭСи ГТИ мажмуи	I	Қуввати — 126 МВт Агрегатлар сони — 4 та	«Ўзбекгидроэнерго» АЖ
Сурхондарё вилояти
Сув омборлари
1.	Дегрез	IV	Лойиҳавий сув ҳажми — 12,8 млн.м³ Тўғон баландлиги — 12,7 м Қуйилма	Сув хўжалиги вазирлиги
2.	Оқ тепа	IV	Лойиҳавий сув ҳажми — 120 млн.м³ Тўғон баландлиги — 14 м Қуйилма	Сув хўжалиги вазирлиги
3.	Учқизил	IV	Лойиҳавий сув ҳажми — 160 млн.м³ Тўғон баландлиги — 12 м Қуйилма	Сув хўжалиги вазирлиги
4.	Жанубий Сурхон	II	Лойиҳавий сув ҳажми — 503 млн.м³ Тўғон баландлиги — 30 м Ўзанли	Сув хўжалиги вазирлиги
5.	Тўполанг	I	Лойиҳавий сув ҳажми — 500 млн.м³ Тўғон баландлиги — 185 м Ўзанли	«Ўзбекгидроэнерго» АЖ
6.	Хангарансой	IV	Лойиҳавий сув ҳажми — 7,62 млн.м³ Тўғон баландлиги — 45,0 м Ўзанли	Сув хўжалиги вазирлиги
7.	Обширсой	IV	Лойиҳавий сув ҳажми — 0,8 млн.м³ Тўғон баландлиги — 18,0 м Ўзанли	Сув хўжалиги вазирлиги
Каналлар
8.	Шеробод машина канали (ШМК)	III	Сув ўтказиш қобилияти — 150 м³/с. Узунлиги — 88,2 км	Сув хўжалиги вазирлиги
9.	Аму — Занг канали	II	Сув ўтказиш қобилияти — 120 м³/с. Узунлиги — 57 км	Сув хўжалиги вазирлиги
10.	Занг канали	III	Сув ўтказиш қобилияти — 86 м³/с, Узунлиги — 53,8 км	Сув хўжалиги вазирлиги
11.	Боботоғ канали	IV	Сув ўтказиш қобилияти — 30 м³/с. Узунлиги — 43,1 км	Сув хўжалиги вазирлиги
12.	Жайхун канали	II	Сув ўтказиш қобилияти — 90 м³/с. Узунлиги — 18,1 км	Сув хўжалиги вазирлиги
13.	Ҳазарбоғ канали	II	Сув ўтказиш қобилияти — 110 м³/с. Узунлиги — 53,6 км	Сув хўжалиги вазирлиги
Гидроузеллар
14.	Тўполанг	I	Сув ўтказиш қобилияти — 600 м³/с.	Сув хўжалиги вазирлиги
15.	Жарқўрғон	I	Сув ўтказиш қобилияти — 1000 м³/с.	Сув хўжалиги вазирлиги
16.	Шеробод	I	Сув ўтказиш қобилияти — 525 м³/с.	Сув хўжалиги вазирлиги
Насос станциялари
17.	Шеробод канали	III	Сув чиқариш қобилияти — 120 м3/с. Агрегатлар сони — 6 та	Сув хўжалиги вазирлиги
18.	Аму — Занг — 1 канали	II	Сув чиқариш қобилияти — 125м3/с. Агрегатлар сони — 5 та	Сув хўжалиги вазирлиги
19.	Аму — Занг — 2 канали	II	Сув чиқариш қобилияти — 97 м3/с. Агрегатлар сони — 8 та	Сув хўжалиги вазирлиги
20.	Жайхун канали	III	Сув чиқариш қобилияти — 95 м3/с. Агрегатлар сони — 7 та	Сув хўжалиги вазирлиги
21.	Боботоғ канали	II	Сув чиқариш қобилияти — 30,4 м3/с. Агрегатлар сони — 8 та	Сув хўжалиги вазирлиги
Коллекторлар
22.	Сув ташлаш тракти (ВСТ)	IV	Сув ўтказиш қобилияти — 92,3 м³/с. Узунлиги — 22 км	Сув хўжалиги вазирлиги
Гидроэлектр станциялар
23.	Тўполанг ГЭС	I	Қуввати — 175 МВт Агрегатлар сони — 4 та	«Ўзбекгидроэнерго» АЖ
Тошкент вилояти
Сув омборлари
1.	Оҳангарон	I	Лойиҳавий сув ҳажми — 200 млн.м³ Тўғон баландлиги — 100 м Ўзанли	Сув хўжалиги вазирлиги
2.	Тошкент	II	Лойиҳавий сув ҳажми — 250 млн.м³ Тўғон баландлиги — 36,5 м Қуйилма	Сув хўжалиги вазирлиги
Каналлар
3.	Тошкент магистрал канали	II	Сув ўтказиш қобилияти — 87 м³/с. Узунлиги — 61,6 км	Сув хўжалиги вазирлиги
4.	Чап қирғоқ Қорасув канали	II	Сув ўтказиш қобилияти — 200 м³/с. Узунлиги — 89,9 км	Сув хўжалиги вазирлиги
5.	Паркент канали	II	Сув ўтказиш қобилияти — 57 м³/с. Узунлиги — 88,5 км	Сув хўжалиги вазирлиги
6.	Ҳамдам канали	III	Сув ўтказиш қобилияти — 31 м³/с. Узунлиги — 74 км	Сув хўжалиги вазирлиги
7.	Хон канали	III	Сув ўтказиш қобилияти — 27,4 м³/с. Узунлиги — 44,1 км	Сув хўжалиги вазирлиги
8.	Жун канаи	III	Сув ўтказиш қобилияти — 50 м³/с. Узунлиги — 18,2 км	Сув хўжалиги вазирлиги
Гидроузеллар
9.	Шархия	III	Сув ўтказиш қобилияти — 610 м³/с.	Сув хўжалиги вазирлиги
10.	Юқори Чирчиқ	II	Сув ўтказиш қобилияти — 1600 м³/с.	«Сирдарё» ҲСХБ
11.	Оққўрғон	III	Сув ўтказиш қобилияти — 1020 м³/с.	Сув хўжалиги вазирлиги
Гидроэлектр станциялар
12.	Чорвоқ	I	Қуввати — 666,0 МВт Агрегатлар сони — 4 та	«Ўзбекгидроэнерго» АЖ
13.	Хўжакент	II	Қуввати — 165 МВт Агрегатлар сони — 3 та	«Ўзбекгидроэнерго» АЖ
14.	Ғазалкент	II	Қуввати — 120 МВт Агрегатлар сони — 3 та	«Ўзбекгидроэнерго» АЖ
15.	Товоқсой	II	Қуввати — 72 МВт Агрегатлар сони — 4 та	«Ўзбекгидроэнерго» АЖ
16.	Чирчиқ	II	Қуввати — 84 МВт Агрегатлар сони — 4 та	«Ўзбекгидроэнерго» АЖ
17.	Оқ — қовоқ — 1	II	Қуввати — 34,7 МВт Агрегатлар сони — 2 та	«Ўзбекгидроэнерго» АЖ
18.	Оқ — қовоқ — 2	III	Қуввати — 9 МВт Агрегатлар сони — 2 та	«Ўзбекгидроэнерго» АЖ
19.	Қибрай	III	Қуввати — 11,2 МВт Агрегатлар сони — 1 та	«Ўзбекгидроэнерго» АЖ
20.	Қадрия	III	Қуввати — 15,4 МВт Агрегатлар сони — 4 та	«Ўзбекгидроэнерго» АЖ
21.	Салар	III	Қуввати — 11,2 МВт Агрегатлар сони — 1 та	«Ўзбекгидроэнерго» АЖ
22.	Бўзсув	III	Қуввати — 4 МВт Агрегатлар сони — 4 та	«Ўзбекгидроэнерго» АЖ
23.	Шайхонтоҳур	III	Қуввати — 3,6 МВт Агрегатлар сони — 3 та	«Ўзбекгидроэнерго» АЖ
24.	Бўржар	III	Қуввати — 6,4 МВт Агрегатлар сони — 2 та	«Ўзбекгидроэнерго» АЖ
25.	Оқ тепа	II	Қуввати — 16,6 МВт Агрегатлар сони — 2 та	«Ўзбекгидроэнерго» АЖ
26.	Қуйи Бўзсув ГЭС — 1	III	Қуввати — 15 МВт Агрегатлар сони — 2 та	«Ўзбекгидроэнерго» АЖ
27.	Қуйи Бўзсув ГЭС — 2	III	Қуввати — 7 МВт Агрегатлар сони — 3 та	«Ўзбекгидроэнерго» АЖ
28.	Қуйи Бўзсув ГЭС — 3	III	Қуввати — 11,2 МВт Агрегатлар сони — 2 та	«Ўзбекгидроэнерго» АЖ
29.	Қуйи Бўзсув ГЭС — 4	III	Қуввати — 17,6 МВт Агрегатлар сони — 2 та	«Ўзбекгидроэнерго» АЖ
30.	Қуйи Бўзсув ГЭС — 6	III	Қуввати — 4,4 МВт Агрегатлар сони — 2 та	«Ўзбекгидроэнерго» АЖ
31.	Оҳангарон ГЭС	III	Қуввати — 21 МВт Агрегатлар сони — 2 та	«Ўзбекгидроэнерго» АЖ
32.	Туябуғуз ГЭС	III	Қуввати — 11,4 МВт Агрегатлар сони — 2 та	«Ўзбекгидроэнерго» АЖ
Фарғона вилояти
Сув омборлари
1.	Гидротехника иншооти	I	Лойиҳавий сув ҳажми — 350,0 млн.м³ Тўғон баландлиги — 24,0 м Қуйилма	Сув хўжалиги вазирлиги
2.	Каркидон	I	Лойиҳавий сув ҳажми — 216 млн.м³ Тўғон баландлиги — 70 м Ўзанли	Сув хўжалиги вазирлиги
3.	Қўрғонтепа	II	Лойиҳавий сув ҳажми — 28,6 млн.м³ Тўғон баландлиги — 45 м Ўзанли	Сув хўжалиги вазирлиги
Каналлар
4.	Катта Фарғона магистрал канали	II	Сув ўтказиш қобилияти — 147 м³/с. Узунлиги — 249 км	Сув хўжалиги вазирлиги
5.	Катта Андижон магистрал канали	II	Сув ўтказиш қобилияти — 200 м³/с. Узунлиги — 109 км	Сув хўжалиги вазирлиги
6.	Жанубий Фарғона магистрал канали	II	Сув ўтказиш қобилияти — 110 м³/с. Узунлиги — 119 км	Сув хўжалиги вазирлиги
	Гидроузеллар
7.	Водил	II	Сув ўтказиш қобилияти — 390 м³/с.	Сув хўжалиги вазирлиги
8.	Полмон	III	Сув ўтказиш қобилияти — 250 м³/с.	Сув хўжалиги вазирлиги
9.	Сариқўрғон	II	Сув ўтказиш қобилияти — 360 м³/с.	Сув хўжалиги вазирлиги
10.	Қўқон	III	Сув ўтказиш қобилияти — 260 м³/с.	Сув хўжалиги вазирлиги
11.	Файзобод	III	Сув ўтказиш қобилияти — 340 м³/с.	Сув хўжалиги вазирлиги
Коллекторлар
12.	Ачиқкўл	III	Сув ўтказиш қобилияти — 90 м³/с. Узунлиги — 31,6 км	Сув хўжалиги вазирлиги
Хоразм вилояти
Сув омборлари
1.	Туямўйин гидроузел комплекси	I	Лойиҳавий сув хажми — 7800 млн.м³ Тўғон баландлиги — 34 м Ўзанли	Сув хўжалиги вазирлиги
Каналлар
2.	Туямўйин чап қирғоқ магистрал канали	I	Сув ўтказиш қобилияти — 250 м³/с. Узунлиги — 21,1 км	Сув хўжалиги вазирлиги
3.	Туранги — сака канали	II	Сув ўтказиш қобилияти — 125 м³/с. Узунлиги — 17,1 км	«Амударё» ҳавзаси сув хўжалиги бирлашмаси
4.	Тошсака канали	II	Сув ўтказиш қобилияти — 500 м³/с. Узунлиги — 32 км	«Амударё» ҳавзаси сув хўжалиги бирлашмаси
5.	Қиличниёзбой канали	II	Сув ўтказиш қобилияти — 160 м³/с. Узунлиги — 51,9 км	«Амударё» ҳавзаси сув хўжалиги бирлашмаси
6.	Дарёлик — арна канали	II	Сув ўтказиш қобилияти — 60 м³/с. Узунлиги — 38 км	Сув хўжалиги вазирлиги, «Амударё» ҳавзаси сув хўжалиги бирлашмаси
7.	Байрам — сака канали	III	Сув ўтказиш қобилияти — 40 м³/с. Узунлиги — 16,7 км	«Амударё» ҳавзаси сув хўжалиги бирлашмаси
8.	Р — 7а канали	III	Сув ўтказиш қобилияти — 70 м³/с. Узунлиги — 35 км	Сув хўжалиги вазирлиги
9.	Р — 8 канали	III	Сув ўтказиш қобилияти — 60 м3/с. Узунлиги — 27 км	Сув хўжалиги вазирлиги
10.	Шовот канали	III	Сув ўтказиш қобилияти — 150 м3/с. Узунлиги — 73 км	«Амударё» ҳавзаси сув хўжалиги бирлашмаси
11.	Полвон — Ғозовот канали	III	Сув ўтказиш қобилияти — 130 м3/с, Узунлиги — 35 км	«Амударё» ҳавзаси сув хўжалиги бирлашмаси
12.	Полвон канали	III	Сув ўтказиш қобилияти — 60 м3/с. Узунлиги — 13 км	Сув хўжалиги вазирлиги
13.	Гурлан тармоғи канали	III	Сув ўтказиш қобилияти — 50 м3/с. Узунлиги — 27 км	Сув хўжалиги вазирлиги
Гидроузел
14.	Урганч — арна	II	Сув ўтказиш қобилияти — 60 м³/с.	«Амударё» ҳавзаси сув хўжалиги бирлашмаси
Коллекторлар
15.	Кўлларни мувозанатлаштирувчи	II	Сув ўтказиш қобилияти — 140 м³/с. Узунлиги — 233 км	Сув хўжалиги вазирлиги
16.	Диванкўл	III	Сув ўтказиш қобилияти — 80 м³/с. Узунлиги — 40,3 км	Сув хўжалиги вазирлиги
Гидроэлектр станциялар
17.	Туямўйин ГЭС	I	Қуввати — 150 МВт Агрегатлар сони — 6 та	«Ўзбекгидроэнерго» АЖ
Дарё ҳимоя дамбалари
18.	Амударё қирғоқ ҳимоя дамбалари	II	1, 2, 3 қатор ҳимоя дамбалар узунлиги — 826 км, 119 та шпора	Сув хўжалиги вазирлиги

Изоҳ. Мазкур рўйхатга Вазирлар Маҳкамаси ҳузуридаги Сув хўжалиги объектлари хавфсизлигини назорат қилиш давлат инспекцияси ҳузуридаги Экспертлар кенгашининг қарорига асосан Вазирлар Маҳкамаси томонидан ўзгартириш ва қўшимчалар киритилиши мумкин.

Вазирлар Маҳкамасининг 2021 йил 17 августдаги 525-сон қарорига
5-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартиришлар ва қўшимча

1. Вазирлар Маҳкамасининг «Гидротехника иншоотларининг хавфсизлиги тўғрисида» Ўзбекистон Республикаси Қонунини амалга ошириш чора-тадбирлари тўғрисида» 1999 йил 16 ноябрдаги 499-сон қарори (Ўзбекистон Республикаси ҚТ, 1999 й., 11-сон, 66-модда)да:

а) 2-банд қуйидаги таҳрирда баён қилинсин:

«2. Белгилансинки, I, II ва III синфга мансуб хавф даражаси юқори бўлган гидротехника иншоотларининг техник ҳолати ва бехатар ишлаши устидан назорат Ўзбекистон Республикаси Вазирлар Маҳкамаси ҳузуридаги «Давсувхўжаликназорат» давлат инспекцияси (кейинги ўринларда «Давсувхўжаликназорат» давлат инспекцияси) томонидан, III синфдан паст бўлган гидротехника иншоотлари бўйича эса — иншоотларнинг мансублигига кўра, Ўзбекистон Республикаси Сув хўжалиги вазирлиги, «Иссиқлик электр станциялари» АЖ, «Ўзбекгидроэнерго» АЖ ва бошқа ташкилотлар томонидан амалга оширилади»;

б) 5-банд қуйидаги таҳрирда баён қилинсин:

«5. Ўзбекистон Республикаси Сув хўжалиги вазирлиги, «Иссиқлик электр станциялари» АЖ, «Ўзбекгидроэнерго» АЖ, тизимида гидротехника иншоотлари бўлган ташкилотлар»;

в) 1-илованинг 2-банди иккинчи хатбошиси қуйидаги таҳрирда баён қилинсин:

«Давлат мулки бўлган, республика, минтақа, сув хўжалиги ва энергетика тизимига кирувчи I, II, III синфга мансуб хавф даражаси юқори бўлган сув гидротехника иншоотлари, шунингдек, рўйхати «Давсувхўжаликназорат» давлат инспекцияси билан келишган ҳолда декларациялайдиган ташкилот томонидан белгиланадиган фавқулодда вазиятларда юқори даражада хавф солувчи III синфдан паст бўлган гидротехника иншоотлари декларацияланиши керак»;

г) 2-иловада:

12 ва 13-бандлар қуйидаги таҳрирда баён қилинсин:

«12. Гидротехника иншоотлари кадастрининг мазмун бўйича аниқ гидротехника иншоотининг (сув омбори, сел-сув омбори, насос станцияси, гидроузел, канал, коллектор ва бошқалар) турига нисбатан қўлланиладиган шакллари Ўзбекистон Республикаси Сув хўжалиги вазирлиги, «Иссиқлик электр станциялари» АЖ, «Ўзбекгидроэнерго» АЖ билан келишган ҳолда «Давсувхўжаликназорат» давлат инспекцияси томонидан тасдиқланади.

13. I, II, III синфга мансуб ва давлат мулки бўлган, шунингдек, республика, минтақа, сув хўжалиги ва энергетика тизимига кирувчи хавф даражаси юқори бўлган гидротехника иншоотларининг кадастри «Давсувхўжаликназорат» давлат инспекцияси томонидан, III синфдан паст бўлган бошқа гидротехника иншоотлари бўйича — иншоотларнинг мансублигига қараб Ўзбекистон Республикаси Сув хўжалиги вазирлиги, «Иссиқлик электр станциялари» АЖ, «Ўзбекгидроэнерго» АЖ ва бошқа ташкилотлар томонидан юритилади».

(2-банд Ўзбекистон Республикаси Вазирлар Маҳкамасининг 2022 йил 26 октябрдаги 620-сонли қарорига асосан ўз кучини йўқотган — Қонунчилик маълумотлари миллий базаси, 27.10.2022 й., 09/22/620/0965-сон)

3. Вазирлар Маҳкамасининг «Ўзбекистон катта тўғонлар миллий қўмитаси фаолиятини ташкил этиш тўғрисида» 2011 йил 25 мартдаги 88-сон қарори (Ўзбекистон Республикаси ҚТ, 2011 й., 3-сон, 20-модда)да:

а) 4-бандда:

иккинчи хатбошидаги «Сув хўжалиги вазирлиги ҳузуридаги Катта ва алоҳида муҳим сув хўжалиги объектларининг техник ҳолатини ҳамда бехатар ишлашини назорат қилиш «Давсувхўжаликназорат» давлат инспекцияси» сўзлари «Вазирлар Маҳкамаси ҳузуридаги Сув хўжалиги объектлари хавфсизлигини назорат қилиш давлат инспекцияси (кейинги ўринларда — «Давсувхўжаликназорат» давлат инспекцияси)» сўзлари билан алмаштирилсин;

учинчи хатбошидаги «Давсувхўжаликназорат» инспекцияси» сўзлари «Давсувхўжаликназорат» давлат инспекцияси» сўзлари билан алмаштирилсин;

б) 2-иловада:

3-банд қуйидаги таҳрирда баён қилинсин:

«Ўзбекистон Республикаси Вазирлар Маҳкамаси ҳузуридаги Сув хўжалиги объектлари хавфсизлигини назорат қилиш давлат инспекцияси (кейинги ўринларда — «Давсувхўжаликназорат» давлат инспекцияси) Миллий қўмитанинг ижро этувчи органи ҳисобланади»;

13 ва 18-бандлардаги «Давсувхўжаликназорат» инспекцияси» сўзлари «Давсувхўжаликназорат» давлат инспекцияси» сўзлари билан алмаштирилсин.

4. Вазирлар Маҳкамасининг 2014 йил 14 августдаги 231-сон қарори (Ўзбекистон Республикаси ҚТ, 2014 й., 8-сон, 87-модда) билан тасдиқланган Ҳудудларнинг давлат кадастрини юритиш тартиби тўғрисидаги низомнинг 15-бандида:

а) 1¹-кичик банднинг учинчи хатбошисидаги «капиталлиги III классдан» сўзлари «III синфдан» сўзлари билан алмаштирилсин;

б) 17-кичик банд қуйидаги таҳрирда баён қилинсин:

«Ўзбекистон Республикаси Вазирлар Маҳкамаси ҳузуридаги «Давсувхўжаликназорат» давлат инспекцияси — гидротехника иншооотлари давлат кадастри (давлат мулкида бўлган, шунингдек, республика ва минтақавий сув хўжалиги ҳамда энергетика тизимларига кирадиган I, II, III синфга мансуб хавф даражаси юқори бўлган гидротехника иншоотлари бўйича) маълумотлари учун»;

в) 20-кичик банднинг:

биринчи хатбошисидаги «Ўзбекэнерго» давлат акциядорлик компанияси» сўзлари «Иссиқлик электр станциялари» АЖ» сўзлари билан алмаштирилсин;

учинчи хатбошисидаги «капиталлиги III классдан» сўзлари «III синфдан» сўзлари билан алмаштирилсин.

5. Вазирлар Маҳкамасининг «Аҳолини ва ҳудудларни табиий ҳамда техноген хусусиятли фавқулодда вазиятлардан муҳофаза қилиш, фуқаро муҳофазаси, шунингдек кичик ҳажмли кемалардан хавфсиз фойдаланиш соҳасида давлат назоратини олиб бориш тартиби тўғрисидаги низомни тасдиқлаш ҳақида» 2017 йил 19 сентябрдаги 744-сон қарори (Ўзбекистон Республикаси ҚҲТ, 2017 й., 38-сон, 1053-модда)да:

а) 2-банддан бешинчи хатбоши чиқариб ташлансин;

б) илованинг 5-банди бешинчи хатбошисидан «гидротехника иншоотлари» сўзлари чиқариб ташлансин;

в) илованинг 12-бандидан бешинчи хатбоши чиқариб ташлансин;

г) иловага схемада:

«Давлат назоратини амалга оширувчи мансабдор шахслар» блогидан «Ўздавсувхўжаликназорат» ДИ бошлиғи, бошлиқ ўринбосари, мутахассислари ва ҳудудий инспекторлари» сўзлари чиқариб ташлансин;

«Давлат назоратининг вазифалари» блогидан «Гидротехника иншоотлари» сўзлари чиқариб ташлансин.

6. Вазирлар Маҳкамасининг 2017 йил 21 декабрдаги 1009-сон қарори (Ўзбекистон Республикаси ҚТ, 12-сон, 297-модда) билан тасдиқланган Дарёлар ўзанларини тозалаш ва қирғоқларини мустаҳкамлаш ишларини амалга ошириш тартиби тўғрисидаги низомда:

а) 13-банднинг тўртинчи хатбошисидаги «Сув хўжалиги вазирлиги ҳузуридаги Катта ва алоҳида муҳим сув хўжалиги объектларининг техник ҳолатини ҳамда бехатар ишлашини назорат қилиш давлат инспекцияси (кейинги ўринларда «Давсувхўжаликназорат» ДИ деб аталади)» сўзлари «Вазирлар Маҳкамаси ҳузуридаги Сув хўжалиги объектлари хавфсизлигини назорат қилиш давлат инспекцияси (кейинги ўринларда — «Давсувхўжаликназорат» давлат инспекцияси)» сўзлари билан алмаштирилсин;

б) 24-банддаги «Давсувхўжаликназорат» ДИ» сўзлари «Давсувхўжаликназорат» давлат инспекцияси» сўзлари билан алмаштирилсин.

(7-банд Ўзбекистон Республикаси Вазирлар Маҳкамасининг 2023 йил 29 апрелдаги 171-сонли қарорига асосан ўз кучини йўқотган — Қонунчилик маълумотлари миллий базаси, 01.05.2023 й., 09/23/171/0234-сон)

Вазирлар Маҳкамасининг 2021 йил 17 августдаги 525-сон қарорига
6-ИЛОВА

Ўзбекистон Республикаси Ҳукуматининг ўз кучини йўқотган деб эътироф этилаётган қарорлари

1. Вазирлар Маҳкамасининг «Ўзбекистон Республикаси Вазирлар Маҳкамаси ҳузуридаги Катта ва алоҳида муҳим сув хўжалиги объектларининг техник ҳолатини ҳамда бехатар ишлашини назорат қилиш давлат инспекцияси («Давсувхўжаликназорат» инспекцияси)ни ташкил этиш ва унинг фаолияти масалалари тўғрисида» 1999 йил 30 мартдаги 143-сон қарори.

2. Вазирлар Маҳкамасининг «Ўзбекистон Республикаси Сув хўжалиги вазирлиги ҳузуридаги Катта ва алоҳида муҳим сув хўжалиги объектларининг техник ҳолатини ҳамда бехатар ишлашини назорат қилиш давлат инспекцияси тўғрисида низомни тасдиқлаш ҳақида» 2019 йил 12 мартдаги 215-сон қарорига 1-илова.

(Қонунчилик маълумотлари миллий базаси, 17.08.2021 й., 09/21/525/0803-сон; 27.10.2022 й., 09/22/620/0965-сон; 01.05.2023 й., 09/23/171/0234-сон)