Ҳужжат кучини йўқотган " " 22.02.2021

Ўзбекистон Республикаси Вазирлар Маҳкамасининг

қарори

Навоий шаҳри ва «Навоий кон-металлургия комбинати» давлат корхонаси ташкил топганлигининг 60 йиллигини кенг нишонлаш тўғрисида

Мамлакат иқтисодиётида муҳим ўрин тутувчи Навоий шаҳри ва «Навоий кон-металлургия комбинати» давлат корхонаси ташкил топганлигининг 60 йиллигини кенг миқёсда нишонлаш мақсадида Вазирлар Маҳкамаси қарор қилади:

1. Навоий вилояти ҳокимлиги ва «Навоий кон-металлургия комбинати» давлат корхонаси маъмуриятининг 2018 йил октябрь-ноябрь ойларида Навоий шаҳри ва «Навоий кон-металлургия комбинати» давлат корхонаси ташкил топганлигининг 60 йиллигини кенг нишонлаш (кейинги ўринларда тадбир деб аталади) тўғрисидаги таклифи маъқуллансин.

2. Қуйидагилар:

Навоий шаҳри ва «Навоий кон-металлургия комбинати» давлат корхонаси ташкил топганлигининг 60 йиллигини кенг нишонлашга тайёргарлик кўриш ва уни ўтказиш бўйича ташкилий қўмита таркиби 1-иловага мувофиқ;

Навоий шаҳри ва «Навоий кон-металлургия комбинати» давлат корхонаси ташкил топганлигининг 60 йиллигини кенг нишонлашга тайёргарлик кўриш ва уни ўтказиш бўйича чора-тадбирлар режаси 2-иловага мувофиқ тасдиқлансин.

3. Навоий шаҳри ва «Навоий кон-металлургия комбинати» давлат корхонаси ташкил топганлигининг 60 йиллигини кенг нишонлашга тайёргарлик кўриш ва уни ўтказиш бўйича ташкилий қўмитага қуйидаги вазифалар юклатилсин:

тадбирга бағишланган байрам тантаналарига юқори даражада тайёргарлик кўриш ва юксак савияда ўтказиш;

2018 йил ноябрь ойида кон-металлургия соҳасини инновацион ривожлантириш истиқболларига бағишланган халқаро илмий-амалий анжуман ташкил қилиш;

тадбирнинг молиялаштириш манбаларини аниқлаштириш ва уларнинг мақсадли сарфланишини назорат қилиш. Бунда тадбирни «Навоий кон-металлургия комбинати» давлат корхонаси, Навоий вилояти маҳаллий бюджети маблағлари ва ҳомийлик хайриялари ҳисобидан амалга оширилиши назарда тутилсин.

4. Навоий вилояти ҳокимлиги Навоий шаҳар ҳокимлиги ва «Навоий кон-металлургия комбинати» давлат корхонаси билан биргаликда икки ҳафта муддатда Навоий шаҳри ва «Навоий кон-металлургия комбинати» давлат корхонасининг ташкил топиши ва ривожланишига муносиб ҳисса қўшган фуқароларни давлат мукофотлари билан тақдирлаш бўйича таклифларни Ўзбекистон Республикаси Президентининг Администрациясига киритсин.

5. Ўзбекистон Миллий телерадиокомпанияси, Ўзбекистон Миллий ахборот агентлиги ва бошқа оммавий ахборот воситаларига тадбирни кенг ёритиш тавсия этилсин.

6. Мазкур қарорнинг бажарилишини назорат қилишни ўз зиммамда қолдираман.

Ўзбекистон Республикасининг Бош вазири А. АРИПОВ

Тошкент ш.,

2018 йил 18 октябрь,

833-сон

Вазирлар Маҳкамасининг 2018 йил 18 октябрдаги 833-сон қарорига
1-ИЛОВА

ТАРКИБИ

1.	А. Арипов	—	Ўзбекистон Республикасининг Бош вазири, ташкилий қўмита раиси
2.	А. Султанов	—	Ўзбекистон Республикаси Бош вазирининг ўринбосари, ташкилий қўмита раисининг ўринбосари
3.	Ф. Махмудов	—	Ўзбекистон Республикаси Президенти маслаҳатчисининг ўринбосари (келишилган ҳолда)
4.	Қ. Турсунов	—	Навоий вилояти ҳокими
5.	Қ. Санақулов	—	«Навоий кон-металлургия комбинати» давлат корхонаси бош директори
6.	А. Хайдаров	—	Ўзбекистон Республикаси молия вазирининг биринчи ўринбосари
7.	Б. Асадов	—	Ўзбекистон Республикаси ташқи ишлар вазирининг биринчи ўринбосари
8.	Д. Назармухамедов	—	Ўзбекистон Республикаси ички ишлар вазирининг биринчи ўринбосари
9.	М. Базаров	—	Навоий шаҳар ҳокими
10.	Л. Тангриев	—	Ўзбекистон Матбуот ва ахборот агентлиги бош директори
11.	А. Ходжаев	—	Ўзбекистон Миллий телерадиокомпанияси раиси в.б.
12.	А. Кучимов	—	Ўзбекистон Миллий ахборот агентлиги бош директори

Изоҳ. Ташкилий қўмита аъзолари бошқа ишга ўтган тақдирда унинг таркибига ушбу лавозимларга янги тайинланган шахслар ёхуд зиммасига тегишли функцияларни бажариш юкланган шахслар киритилади.

Вазирлар Маҳкамасининг 2018 йил 18 октябрдаги 833-сон қарорига
2-ИЛОВА

Навоий шаҳри ва «Навоий кон-металлургия комбинати» давлат корхонаси ташкил топганлигининг 60 йиллигини кенг нишонлашга тайёргарлик кўриш ва уни ўтказиш бўйича

ЧОРА-ТАДБИРЛАР РЕЖАСИ

Т/р	Тадбир номи	Муддати	Ижро учун масъуллар
1.	«Навоий кон-металлургия комбинати» давлат корхонаси ва Навоий шаҳри ҳақида телекўрсатувлар ва радиоэшиттиришлар ташкил этиш ва оммавий ахборот воситаларида ёритиш.	2018 йил октябрь — декабрь	Ўзбекистон Миллий телерадиокомпанияси, Ўзбекистон Матбуот ва ахборот агентлиги, Ўзбекистон Миллий ахборот агентлиги, «Дунё» ахборот агентлиги
2.	«Навоий кон-металлургия комбинати» давлат корхонаси ташкил топганлигининг 60 йиллигига бағишланган китоб-альбом нашр этиш.	2018 йил октябрь	«Навоий кон-металлургия комбинати» давлат корхонаси, Ўзбекистон Матбуот ва ахборот агентлиги
3.	«Навоий кон-металлургия комбинати» давлат корхонаси ва Навоий шаҳрининг тарихи ва мустақиллик йилларидаги ривожланиши ҳақида публицистик очерк ва мақолалар тўпламини нашр этиш.	2018 йил октябрь	«Навоий кон-металлургия комбинати» давлат корхонаси, Ўзбекистон Матбуот ва ахборот агентлиги
4.	«Навоий кон-металлургия комбинати» давлат корхонаси ва Навоий шаҳрининг тарихи, бугунги ривожланиш босқичлари ҳақида ҳужжатли фильм яратиш.	2018 йил октябрь	«Навоий кон-металлургия комбинати» давлат корхонаси, Навоий вилояти ҳокимлиги, Навоий шаҳар ҳокимлиги, Ўзбекистон Миллий телерадиокомпанияси
5.	«Ўзбекистон кончилик хабарномаси» журнали ва «Дўстлик байроғи», «Знамя дружбы», «Кончилар ҳаёти», «Навоий зиёси» газеталарининг Навоий шаҳри ва «Навоий кон-металлургия комбинати» давлат корхонаси ташкил топганлигининг 60 йиллигига бағишланган махсус сонини тайёрлаш ва чоп эттириш.	2018 йил октябрь	Навоий вилояти ҳокимлиги, Навоий шаҳар ҳокимлиги, «Навоий кон-металлургия комбинати» давлат корхонаси, Ўзбекистон Матбуот ва ахборот агентлиги
6.	Навоий шаҳри ва «Навоий кон-металлургия комбинати» давлат корхонаси ташкил топганлигининг 60 йиллигига бағишланган байрам тантаналарига МДҲ давлатларида истиқомат қилаётган меҳнат фахрийларини таклиф этиш.	2018 йил октябрь	Навоий вилояти ҳокимлиги, Навоий шаҳар ҳокимлиги, «Навоий кон-металлургия комбинати» давлат корхонаси, Ташқи ишлар вазирлиги, Ички ишлар вазирлиги
7.	«Навоий кон-металлургия комбинати» давлат корхонасининг хорижий ҳамкор компаниялари вакилларини байрам тадбирларига таклиф этиш.	2018 йил октябрь	«Навоий кон-металлургия комбинати» давлат корхонаси, Ташқи ишлар вазирлиги
8.	Навоий шаҳри ва «Навоий кон-металлургия комбинати» давлат корхонаси 60 йиллиги муносабати билан хорижий ва республика оммавий ахборот воситалари ходимлари учун Медиа тур ва матбуот анжуманини ташкил этиш.	2018 йил октябрь	Навоий вилояти ҳокимлиги, Навоий шаҳар ҳокимлиги, «Навоий кон-металлургия комбинати» давлат корхонаси, Ўзбекистон Миллий телерадиокомпанияси, Ўзбекистон Миллий ахборот агентлиги, «Дунё» ахборот агентлиги
9.	Навоий шаҳри ва «Навоий кон-металлургия комбинати» давлат корхонаси 60 йиллиги муносабати билан байрам тадбири иштирокчилари учун эсдалик совғаларини тайёрлаш ва топшириш.	2018 йил октябрь	Навоий вилояти ҳокимлиги, Навоий шаҳар ҳокимлиги, «Навоий кон-металлургия комбинати» давлат корхонаси
10.	«Кон-металлургия соҳасини инновацион ривожлантириш истиқболлари» мавзусида халқаро илмий-амалий анжуман ўтказиш.	2018 йил ноябрь	«Навоий кон-металлургия комбинати» давлат корхонаси, Инновацион ривожланиш вазирлиги, Фанлар академияси, Олий ва ўрта махсус таълим вазирлиги
11.	Навоий шаҳри ва «Навоий кон-металлургия комбинати» давлат корхонаси ташкил топганлигининг 60 йиллигига бағишланган байрам тантаналарини ўтказиш: «Навоий кон-металлургия комбинати» давлат корхонасига қарашли «Фарход» маданият саройида тантанали йиғилиш ўтказиш ва мазкур маданият саройи ҳамда Навоий вилоятининг ижодий жамоалари иштирокида концерт дастурларини ташкил қилиш; Навоий шаҳридаги Алишер Навоий номидаги истироҳат боғида халқ сайилларини ташкил этиш.	2018 йил ноябрь	Навоий вилояти ҳокимлиги, Навоий шаҳар ҳокимлиги, «Навоий кон-металлургия комбинати» давлат корхонаси, Mаданият вазирлиги

(Қонун ҳужжатлари маълумотлари миллий базаси, 19.10.2018 й., 09/18/833/2069-сон)