[ ОКОЗ:1.02.00.00.00 Давлат бошқаруви асослари / 02.03.00.00 Республика давлат бошқаруви органлари ва хўжалик бошқаруви органлари / 02.03.04.00 Агентликлар, инспекциялар ва бошқа идоралар; 2.09.00.00.00 Тадбиркорлик ва хўжалик фаолияти / 09.05.00.00 Биржа фаолияти / 09.05.02.00 Биржа фаолиятини давлат томонидан тартибга солиш. Биржа фаолиятини лицензиялаш; 3.09.00.00.00 Тадбиркорлик ва хўжалик фаолияти / 09.17.00.00 Савдо / 09.17.02.00 Савдо соҳасини бошқариш] [ ТСЗ:1.Давлат ва жамият қурилиши / Давлат ҳокимияти органлари. Давлат ва хўжалик бошқаруви органлари] Ўзбекистон Республикаси Президентининг ЎЗБЕКИСТОН ШАРТНОМАЛАР ВА САВДО БЎЙИЧА ДАВЛАТ-АКЦИОНЕРЛИК УЮШМАСИ «ЎЗШАРТНОМАСАВДО»НИ ТУГАТИШ ҲАМДА ЎЗБЕКИСТОН УЛГУРЖИ ВА БИРЖА САВДОСИ БЎЙИЧА РЕСПУБЛИКА АКЦИОНЕРЛИК УЮШМАСИ — «ЎЗУЛГУРЖИБИРЖАСАВДО»НИ ТАЪСИС ЭТИШ ТЎҒРИСИДА Иқтисодий ислоҳотларни чуқурлаштириш, товар ишлаб чиқарувчиларнинг, истеъмолчилар ва тадбиркорларнинг товар ресурслари бозорида эркин ҳамда тенг ҳуқуқли тарзда иштирок этиши учун зарур тармоқлар мажмуини вужудга келтириш мақсадида: 1. Ўзбекистон шартномалар ва савдо бўйича давлат-акционерлик уюшмаси тугатилиб, уюшманинг таркибий бўлинмалари ва объектлари амалдаги қонунларга мувофиқ очиқ усулдаги акционерлик жамиятларига айлантирилсин. (2 ва 3-бандлар Ўзбекистон Республикаси Президентининг 2001 йил 27 апрелдаги ПФ-2836-сон Фармонига мувофиқ ўз кучини йўқотган — Олий Мажлис Ахборотномаси, 2001 й., 4-сон, 70-модда) 4. Ўзбекистон Республикасининг Иқтисодиёт вазирлиги зиммасига қуйидаги вазифалар юклатилсин: энг муҳим маҳсулот турлари, хом ашё ва материаллар ишлаб чиқариш, уларга бўлган эҳтиёж ва таклифларнинг балансларини ишлаб чиқиш; халқ хўжалигини моддий ресурслар билан таъминлашнинг устувор йўналишларини, давлат эҳтиёжлари учун маҳсулот етказиб беришнинг экспорт-импорт квоталари ва ҳажмларининг миқдорларини аниқлаб, сўнгра республика Ҳукуматининг кўриб чиқиши учун тақдим этиш. (4-банд Ўзбекистон Республикаси Президентининг 2003 йил 15 январдаги ПФ-3194-сон Фармони таҳририда — Ўзбекистон Республикаси Қонун ҳужжатлари тўплами, 2003 й., 1-2-сон, 3-модда) 5. Ўзбекистон Республикаси Ташқи иқтисодий алоқалар, инвестициялар ва савдо вазирлигининг зиммасига: (5-банднинг биринчи хатбошиси Ўзбекистон Республикаси Президентининг 2005 йил 20 сентябрдаги ПФ-3661-сон Фармони таҳририда — Ўзбекистон Республикаси Қонун ҳужжатлари тўплами, 2005 й., 37-38-сон, 282-модда) Иқтисодиёт вазирлиги билан биргаликда ҳукуматлараро савдо-иқтисодий битимларнинг лойиҳаларини тузишга оид ишларни ташкил этиш, ҳукуматлараро мажбуриятлар бўйича маҳсулот етказиб берилишини тартибга солиш ва уни назорат қилишни таъминлаш; (5-бандининг учинчи хатбошиси Ўзбекистон Республикаси Президентининг 2017 йил 17 июлдаги ПФ-5115-сонли Фармонига асосан чиқарилган) 6. Ўзбекистон Республикасининг Вазирлар Маҳкамаси ушбу Фармонни бажариш юзасидан 10 кун муддат ичида тегишли қарор қабул қилсин. [ ОКОЗ:1.02.00.00.00 Давлат бошқаруви асослари / 02.03.00.00 Республика давлат бошқаруви органлари ва хўжалик бошқаруви органлари / 02.03.04.00 Агентликлар, инспекциялар ва бошқа идоралар; 2.09.00.00.00 Тадбиркорлик ва хўжалик фаолияти / 09.17.00.00 Савдо / 09.17.02.00 Савдо соҳасини бошқариш] 7. Ўзбекистон Республикаси Президентининг «Ўзбекистон шартномалар ва савдо бўйича давлат-акционерлик уюшмаси («Ўзшартномасавдо»)ни ташкил қилиш тўғрисида» 1992 йил 28 февралдаги Фармони ўз кучини йўқотган деб топилсин. Ўзбекистон Республикасининг Президенти И. КАРИМОВ (Ўзбекистон Республикаси Олий Кенгашининг Ахборотномаси, 1994 й., 3-сон, 81-модда; Ўзбекистон Республикаси Олий Мажлисининг Ахборотномаси, 2001 й., 4-сон, 70-модда; Ўзбекистон Республикаси қонун ҳужжатлари тўплами, 2003 й., 1-2-сон, 3-модда; 2005 й., 37-38-сон, 282-модда)
|
