Ижтимоий-иқтисодий ва маданий ривожланиш масалаларини ҳал қилишга хотин-қизларни кенг жалб этиш, уларнинг давлат ва жамиятни бошқаришдаги иштирокини кенгайтириш, оила, оналик ва болаликнинг ижтимоий муҳофаза этилганлигини кучайтириш, шунингдек вазирликлар, идоралар, ҳудудий бошқарув органлари ва жамоат ташкилотларининг ушбу йўналишдаги фаолиятини мувофиқлаштириш мақсадида:

1. Ўзбекистон Республикаси Бош вазирининг ўринбосари янги лавозими жорий этилсин, унинг зиммасига хотин-қизларнинг жамият ҳаётидаги ролини янада ошириш билан боғлиқ масалаларни бошқариш юклансин. Белгилаб қўйилсинки, Ўзбекистон Республикаси Хотин-қизлар қўмитаси раиси айни пайтда Бош вазирнинг ўринбосари этиб тайинланади.

2. Қорақалпоғистон Республикаси Вазирлар Кенгаши Раисининг ўринбосари, ҳокимларнинг ўринбосарлари лавозимларини жорий этсинлар. Белгилаб қўйилсинки, мазкур лавозимларни тегишли хотин-қизлар қўмиталарининг раислари эгаллайдилар.

4. Ўзбекистон Республикаси Молия вазирлиги жорий этиладиган лавозимларни ва ишчи органларни таъминлаш учун зарур маблағлар ажратсин.

5. Мазкур Фармоннинг бажарилишини назорат қилиш Ўзбекистон Республикасининг Бош вазири А. Муталов зиммасига юклансин.