LexUZ шарҳи
Мазкур қарор Ўзбекистан Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Пахта тозалаш саноатининг брезентга бўлган эҳтиёжини тўлароқ қондириш мақсадида Вазирлар Маҳкамаси қарор қилади:
1. «Ўздавпахтасаноатсотиш» уюшмаси, Тошкент «Каноп» жамоа корхонаси, «Технолен а.о.» ва «Марц ЛТД» чех фирмаларнинг Тошкент шаҳрида «Каноп» брезент ишлаб чиқарадиган қўшма корхона ташкил этиш тўғрисидаги таклифлари қабул қилинсин.
2. Қўшма корхонанинг устав фонди қуйидаги тартибда — Ўзбекистон томониники 49 фоиз, чех томониники 51 фоиз тақсимланишига розилик берилсин.
чех томони маҳсулот ишлаб чиқариш бошланган пайтдан бошлаб беш йил мобайнида қўшма корхона фаолиятидан олинган унга тегишли барча фойдани қўшма корхонани ривожлантиришга, кенгайтиришга ва техника билан қайта жиҳозлашга йўналтиради;
«Ўздавпахтасаноатсотиш» уюшмаси икки йил мобайнида белгиланган тартибда «Технолен а.о.» чех фирмасидан ҳар йили 1.5 млн квадрат метр брезент сотиб олади.
4. Қўшма корхона объектлари қурилиши бўйича буюртмачи функцияси Тошкент «Каноп» жамоа корхонасига бош пудратчи функцияси эса «Ўздеҳқончиликқурилиш» давлат-кооператив бирлашмасига юклансин.
Тошкент «Каноп» жамоа корхонасига 1995 йилда лойиҳалаш ишларини объектлар қурилиши билан бир вақтда бажаришга ва уларга ишчи ҳужжатлари ҳамда бажарилган ишлар ҳажми асосида ҳақ тўлашга рухсат берилсин.
5. «Ўзсаноатқурилишбанк» ва 1995 йилда Тошкент «Каноп» жамоа корхонасига қурилиши маблағ билан таъминлаш ва «Каноп» қўшма корхонасида брезент ишлаб чиқаришни ташкил этиш учун узоқ муддатли тижорат кредити ажратиш тавсия қилинсин.
6. Ўзбекистон Республикаси Молия вазирлиги, Ташқи иқтисодий алоқалар вазирлиги «Каноп» қўшма корхонасини белгиланган тартибда рўйхатдан ўтказсинлар.
7. «Ўзистиқбостат» давлат қўмитаси 1995 йил балансида Тошкент «Каноп» жамоа корхонасига ускуналар ҳақини тўлаш учун 1000 тонна пахта толасига квота ажратишни назарда тутсин.
8. Ўзбекистон Республикаси Қишлоқ хўжалиги вазирлиги «Ўздавпахтасаноатсотиш» Уюшмаси, Тошкент вилояти ҳокимлиги билан биргаликда 1996 йилдан бошлаб каноп толаси ишлаб чиқаришни кўпайтириш масаласини кўриб чиқсин ва ҳал қилсин.
9. Ўзбекистон Республикаси Олий ва ўрта махсус таълим вазирлиги «Ўздавпахтасаноатсотиш» уюшмасининг буюртманомаларига кўра шартнома асосида Тошкент тўқимачилик институтида канопни дастлабки қайта ишлаш мутахассисларини тайёрлаш масалаларини ҳал этсин.