Хусусийлаштириш кўламларини чуқурлаштириш ва кенгайтириш, давлат мулкини сотишдан давлат бюджетига маблағлар тушишини кўпайтириш, қимматли қоғозлар бозорини янада ривожлантириш мақсадида Вазирлар Маҳкамаси қарор қилади:

1. Ўзбекистон Республикаси Президентининг 1998 йил 6 августдаги Ф-880-сон фармойиши билан ташкил этилган Ҳукумат комиссияси томонидан тақдим этилган:

Хусусийлаштириладиган корхоналарни ва давлат мулки негизида ташкил этилган акциядорлик жамиятлари акцияларини сотиш бўйича давлат тендер комиссияси тўғрисидаги низом 1-иловага мувофиқ;

1999-2000 йилларда давлат тасарруфидан чиқариладиган ва хусусийлаштириладиган корхоналар рўйхати 2-иловага* мувофиқ тасдиқлансин.

2. Маълумот ва амал қилиш учун қабул қилинсинки, давлат мулкини давлат тасарруфидан чиқариш ва хусусийлаштиришдан тушадиган маблағлар Вазирлар Маҳкамасининг «Давлат мулкини давлат тасарруфидан чиқариш, хусусийлаштиришдан тушган маблағларни ҳисобга олиш, тақсимлаш ва улардан фойдаланишни назорат қилиш тартибини тасдиқлаш тўғрисида» 1998 йил 22 августдаги 362-сон қарорига мувофиқ тақсимланади.

3. Қуйидагиларга:

Ўзбекистон Республикаси Давлат мулки қўмитаси, Молия вазирлиги, вазирликлар, идоралар, концернлар, компаниялар, корпорациялар ва уюшмаларнинг 1999-2000 йилларда давлат тасарруфидан чиқариладиган корхоналарнинг акцияларини сотишдан тушумлар прогнозлари бўйича таклифларига 3-иловага* мувофиқ ҳамда давлатга тегишли акциялар улуши бўйича дивидендлар прогнозлари бўйича таклифларига 4-иловага* мувофиқ;

Ўзбекистон Республикаси Молия вазирлиги ва Давлат мулки қўмитасининг давлат тасарруфидан чиқариш ва хусусийлаштиришдан кутилаётган пул маблағлари тушуми прогнози тўғрисидаги таклифларига 5-иловага* мувофиқ розилик берилсин.

4. 1999-2000 йилларда қимматли қоғозлар бозорининг фаолиятини такомиллаштириш, давлат мулкини хусусийлаштириш жараёнлари самарадорлигини ошириш бўйича тадбирлар 6-иловага* мувофиқ маъқуллансин.

5. Белгилансинки, янги хусусийлаштирилаётган корхоналар мол-мулкини баҳолаш қиймати халқаро стандартлар талабларини ва шаклланаётган бозор нархларини ҳисобга олган ҳолда миллий валютада, уни баҳолаш пайтида Ўзбекистон Республикаси Марказий банки томонидан белгиланган курс бўйича эркин алмаштириладиган валютада қайд қилган ҳолда белгиланади.

6. Ўзбекистон Республикаси Ҳукуматининг 7 ва 8-иловаларга мувофиқ айрим қарорлари ўз кучини йўқотган деб ҳисоблансин ва уларга ўзгартиришлар киритилсин.

7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари В. А. Чжен, Вазирлар Маҳкамасининг тармоқ комплекслари раҳбарлари ва Ўзбекистон Республикаси Молия вазири Р. С. Азимов зиммасига юклансин.

1. Ушбу Низом Вазирлар Маҳкамасининг «Давлат мулкини хусусийлаштиришда хорижий сармояларни жалб қилишни рағбатлантириш чора-тадбирлари тўғрисида» 1998 йил 18 ноябрдаги 477-сон қарорига мувофиқ ишлаб чиқилган.

2. Мазкур Низом Ўзбекистон Республикаси Вазирлар Маҳкамаси томонидан белгиланадиган давлат корхоналарини ва давлатга тегишли акциялар пакетларини хорижий инвесторларга — Ўзбекистон Республикаси норезидентларига сотиш бўйича тендер савдолари ўтказиш давлат тендер комиссияси (бундан кейин — Комиссия)нинг вазифалари, ҳуқуқлари ва мажбуриятларини белгилаб беради.

3. Комиссиянинг ўз ваколатлари доирасида қабул қилинган қарорлари давлат бошқарув ва маҳаллий ҳокимият органлари, мулкчилик шаклларидан қатъи назар, хўжалик юритувчи субъектлар ва уларнинг бирлашмалари (хўжалик уюшмалари), мансабдор шахслар томонидан бажарилиши мажбурий ҳисобланади.

4. Қуйидагилар комиссиянинг асосий вазифалари ҳисобланади:

корхоналарни ва акцияларнинг давлат пакетларини сотиб олишга хорижий талабгорларнинг энг фойдали таклифларини танлаб олиш;

тендерлар қатнашчилари учун ошкоралик, холис баҳолаш ва ягона талаблар асосида тенг рақобат шароитлари яратиш;

тендер объектларини сотиш масалалари бўйича ваколатли давлат органларининг, хусусийлаштириладиган корхоналар раҳбарларининг, юридик шахслар бирлашмалари, эмитентлар, банклар, маҳаллий ҳокимият ва бошқарув органларининг биргаликдаги фаолиятини ташкил этиш.

5. Комиссия қуйидаги ҳуқуқларга эга:

ўз ишлари тартибини мустақил равишда ишлаб чиқиш ва тасдиқлаш;

корхоналар мулкини баҳолаш, келгусида корхонани тендер асосида хорижий инвесторларга сотиш мажбуриятларини инвестиция банкларига юклаган ҳолда хусусийлаштириш усулларини ишлаб чиқиш учун халқаро нуфузга эга бўлган хорижий баҳолаш компанияларини ва инвестиция банкларини тендер асосида жалб этиш;

акцияларни хорижий инвесторларга сотиш бўйича халқаро тендерлар ташкил қилиш учун идоралараро ишчи гуруҳлар ташкил этиш;

тендер ҳужжатларини, тендер объектларининг сотилиш баҳосини, тендер объектларини сотишга жалб этиладиган инвестиция банкларини танлаш шартлари ва мезонларини, улар учун белгиланадиган мукофотлар миқдорини тасдиқлаш;

давлат бошқарув органларидан, давлат ҳокимияти ва бошқаруви маҳаллий органларидан, юридик шахслар ва хусусийлаштириладиган корхоналар бирлашмаларидан ўзига юкланган вазифаларнинг бажарилишини таъминлаш учун зарур ахборотларни олиш.

6. Комиссия қуйидагиларга мажбурдир:

Ўзбекистон Республикаси Ҳукуматининг тендер объектларини сотишни ташкил қилишга доир қарорларини бажариш;

ҳар бир корхона бўйича алоҳида ишлаб чиқиладиган тендер ҳужжатларининг ўз вақтида тарқатилишини назорат қилиш;

тендер савдолари якунларига кўра Комиссия қарорларининг бажарилиши устидан мониторингни амалга ошириш.

7. Тендер, шу жумладан инвестиция савдоларини ташкил этиш ва ўтказиш Ўзбекистон Республикаси Вазирлар Маҳкамасининг «Акциялар пакетларини жойлаштиришни такомиллаштириш ҳамда давлат мулки негизида ташкил этилган акциядорлик жамиятларини бошқаришда акциядорлар ролини ошириш чора-тадбирлари тўғрисида» 1997 йил 18 августдаги 404-сон қарорига 3-иловада белгиланган тартибда амалга оширилади.

8. Комиссия мажлислари заруратга қараб вақти-вақти билан, аъзоларининг камида тўртдан уч қисми иштирокида ўтказилади. Комиссия қарорлари мажлисда қатнашаётган Комиссия аъзоларининг оддий кўпчилик овози билан қабул қилинади. Овозлар тенг бўлган тақдирда Комиссия раисининг овози ҳал қилувчи ҳисобланади. Комиссия қарорлари овоз беришда қатнашган Комиссия аъзолари имзолайдиган ва унинг раиси ёки ўринбосари тасдиқлайдиган мажлис баёни билан расмийлаштирилади. Комиссия аъзолари мажлис баёнини имзолаш чоғида ўзининг алоҳида фикрини билдиришга ҳақлидирлар.

9. Тендер объектини унинг ғолибларига бериш Комиссиянинг тегишли қарорига биноан Ўзбекистон Республикаси Давлат мулки қўмитаси томонидан амалга оширилади.

10. Ўзбекистон Республикаси Давлат мулки қўмитаси Комиссиянинг тендер савдоларини ўтказишни амалда ташкил этишни (тушадиган таклифларни баҳолашни, реклама ишларини ташкил қилишни, тендер ва Комиссия ҳужжатларини расмийлаштиришни) амалга оширувчи ишчи органи ҳисобланади.

Ўзбекистон Республикаси Давлат мулки қўмитаси Комиссия ишларини юритади, тендер таклифларини жўнатади, тўплайди ҳамда қонунчилик ва ушбу Низом асосида ишлайди.

11. Тендер объектини сотишга хорижий баҳолаш компанияси ёки инвестиция банки жалб этилган тақдирда Комиссия ўзи билан Якка тартибда хусусийлаштириш бюроси ўртасида (тендер танлови якунларига кўра) тузиладиган шартномани кўриб чиқади, унинг мазмуни қуйидагилардан иборат бўлади:

техник топшириқ;

мукофотлаш суммаси;

томонларнинг мажбуриятлари ва шартноманинг амалда бўлишини тўхтатиш шартлари.

Шартнома уни Комиссия раиси ёки унинг ўринбосари тасдиқлагандан кейин кучга киради.

12. Тендер таклифларини кўриб чиқиш ва баҳолаш тўғрисидаги ахборот баҳолаш тартиботларига расман дахлдор бўлмаган шахсларга маълум қилинмайди. Комиссия аъзолари ушбу ахборотни ошкора қилганлик учун қонунчиликда белгиланган тартибда жавоб берадилар.

13. Комиссиянинг тендерларни ташкил этиш ва ўтказиш, шунингдек тендер асосида хорижий баҳолаш компанияларини ва инвестиция банкларини танлаш ҳамда уларга мукофотлар тўлаш бўйича харажатлари:

Жаҳон банкининг институционал қайта ўзгартиришларни амалга оширишга берган қарзлари бўйича;

давлат мулки объектларини давлат тасарруфидан чиқариш ва хусусийлаштиришдан (шу жумладан тендер объектларини сотишдан) тушадиган маблағлар ҳисобидан тўланади.

1. Вазирлар Маҳкамасининг «Маҳаллий саноат, аҳолига маиший хизмат кўрсатиш, давлат савдоси ҳамда умумий овқатланиш корхоналари ва ташкилотларини давлат тасарруфидан чиқариш ва хусусийлаштиришни ташкил этиш чора-тадбирлари тўғрисида» 1992 йил 23 сентябрдаги 443-сон қарори 13-бандининг учинчи хатбоши.

2. Вазирлар Маҳкамасининг «Ўзбекистон пахтани қайта ишлаш ва пахта маҳсулотларини сотиш давлат-акционерлик уюшмаси («Ўздавпахтасаноатсотиш») фаолиятини ташкил этиш масалалари тўғрисида» 1992 йил 10 ноябрдаги 517-сон қарори 12-бандининг иккинчи хатбоши.

3. Вазирлар Маҳкамасининг «Ўзбекистон енгил саноат моллари ишлаб чиқариш давлат уюшмаси («Ўзбекенгилсаноат») бошқарув тузилмасини такомиллаштириш ҳамда унинг корхоналари ва ташкилотларини давлат тасарруфидан чиқариш ва хусусийлаштириш чора-тадбирлари тўғрисида» 1992 йил 28 ноябрдаги 558-сон қарори 5-бандининг учинчи хатбоши.

4. Вазирлар Маҳкамасининг «Маҳаллий саноат, аҳолига маиший хизмат кўрсатиш, давлат савдоси ва умумий овқатланиш корхоналарини давлат тасарруфидан чиқариш ва хусусийлаштиришни жадаллаштириш юзасидан қўшимча чора-тадбирлар тўғрисида» 1993 йил 6 январдаги 3-сон қарорининг 2-банди.

5. Вазирлар Маҳкамасининг «Ўзбекистон автомобиль транспорти («Ўзавтотранс») давлат-акционерлик корпорациясини ташкил этиш ва унинг фаолияти масалалари» тўғрисида 1993 йил 12 январдаги 21-сон қарори 6-бандининг тўртинчи хатбоши.

6. Вазирлар Маҳкамасининг «Ўзбекмебель» Ўзбекистон давлат-акционерлик бирлашмасини ташкил этиш тўғрисида» 1993 йил 25 январдаги 47-сон қарори 7-бандининг учинчи хатбоши.

7. Вазирлар Маҳкамасининг «Ўзбекистон автомобиль йўллари қуриш ва фойдаланиш («Ўзавтойўл») давлат-акционерлик концернини ташкил этиш ва унинг фаолияти масалалари тўғрисида» 1993 йил 5 февралдаги 58-сон қарори 8-бандининг учинчи хатбоши.

8. Вазирлар Маҳкамасининг «Ўзбекистон давлат транспорт қурилиши корхоналари уюшмаси («Ўзбектрансқурилиш») фаолиятини ташкил этиш масалалари тўғрисида» 1993 йил 8 февралдаги 65-сон қарори 4-бандининг тўртинчи хатбоши.

9. Вазирлар Маҳкамасининг «Ўзбекистон фармацевтика («Ўзфармсаноат») давлат-акционерлик концернини ташкил этиш ва унинг фаолияти масалалари тўғрисида» 1993 йил 17 июндаги 290-сон қарори 4-бандининг учинчи хатбоши.

10. Вазирлар Маҳкамасининг «Ўздонмаҳсулот» давлат-акционерлик корпорациясини ташкил этиш ва унинг фаолияти масалалари тўғрисида» 1994 йил 20 июндаги 311-сон қарори 4-бандининг олтинчи хатбоши.

11. Вазирлар Маҳкамасининг «Ўзбалиқ» давлат-акционерлик корпорациясини ташкил этиш тўғрисида» 1994 йил 18 августдаги 427-сон қарори 6-бандининг тўртинчи хатбоши.

12. Вазирлар Маҳкамасининг «В.П.Чкалов номидаги Тошкент авиация ишлаб чиқариш бирлашмасини акционерлик жамиятига айлантириш тўғрисида» 1996 йил 18 апрелдаги 156-сон қарори 6-бандининг тўртинчи хатбоши.

13. Вазирлар Маҳкамасининг «Қишлоқ хўжалиги ишлаб чиқаришига агрокимё хизмати кўрсатишни такомиллаштириш чора-тадбирлари тўғрисида» 1996 йил 7 августдаги 274-сон қарори 4-бандининг учинчи хатбоши.

14. Вазирлар Маҳкамасининг «Тошкент трактор заводи» ишлаб чиқариш бирлашмасини акциялаштириш тўғрисида» 1996 йил 19 сентябрдаги 327-сон қарорининг 7-банди.

15. Вазирлар Маҳкамасининг «Савдо соҳасида монополиядан чиқаришни чуқурлаштириш чора-тадбирлари тўғрисида» 1997 йил 24 декабрдаги 561-сон қарори 3-бандининг бешинчи хатбоши.

16. Вазирлар Маҳкамасининг «Ўзбекистон Республикаси Давлат мулкини бошқариш ва тадбиркорликни қўллаб-қувватлаш давлат қўмитаси тузилмасини такомиллаштириш тўғрисида» 1998 йил 27 мартдаги 133-сон қарорига 3-илованинг 5, 24, 25, 28-бандлари.

17. Вазирлар Маҳкамасининг «Ўзқишлоқхўжаликмаш-холдинг» холдинг компаниясини ташкил этиш тўғрисида» 1996 йил 31 январдаги 45-сон қарори 8-бандининг иккинчи хатбоши.

18. Вазирлар Маҳкамасининг «Республика мева-сабзавот хўжалигида монополиядан чиқариш ва ихтисослаштиришни чуқурлаштириш чора-тадбирлари тўғрисида» 1997 йил 18 июлдаги 363-сон қарорига 6-илованинг 8-бўлими.

19. Вазирлар Маҳкамасининг «Сабзавот ва мевалардан болалар таомлари ишлаб чиқаришни ташкил этиш тўғрисида» 1997 йил 7 январдаги 4-сон қарорига 1-илова.

1. Ўзбекистон Республикаси Вазирлар Маҳкамасининг «Озиқовқат-саноат» қандолатчилик, чой ва пиво-алкоголсиз ичимликлар саноати корхоналари уюшмасини ташкил этиш ва унинг фаолияти тўғрисида» 1994 йил 26 сентябрдаги 483-сон қарори 5-бандининг иккинчи хатбошидаги «шунингдек, ушбу акциялар бўйича дивидендларнинг бир қисмини шартнома асосида унга берсин» сўзлари чиқариб ташлансин.

2. Вазирлар Маҳкамасининг «Ўзавтосаноат» Ўзбекистон автомобилсозлик корхоналари уюшмасини ташкил этиш ва унинг фаолияти масалалари тўғрисида» 1994 йил 17 мартдаги 143-сон қарори 4-бандининг иккинчи хатбошидаги «шунингдек, давлатга тегишли акциялар бўйича дивидендларнинг бир қисмини шартномавий асосда уюшмага ўтказсин» сўзлари чиқариб ташлансин.

3. Вазирлар Маҳкамасининг «Ўзэлтехсаноат» Ўзбекистон радиоэлектроника, электротехника ва асбобсозлик саноати корхоналари уюшмасини ташкил этиш ва унинг фаолияти масалалари тўғрисида» 1994 йил 17 мартдаги 144-сон қарори 4-бандининг иккинчи хатбошидаги «шунингдек, давлатга тегишли акциялар бўйича дивидендларнинг бир қисмини шартномавий асосда уюшмага ўтказсин» сўзлари чиқариб ташлансин.

4. Вазирлар Маҳкамасининг «Ўзбекистон машинасозлик корхоналари уюшмаси («Ўзмашсаноат»)ни ташкил этиш ва унинг фаолияти масалалари тўғрисида» 1994 йил 19 мартдаги 147-сон қарори 4-бандининг иккинчи хатбошидаги «шунингдек, давлатга тегишли акциялар бўйича дивидендларнинг бир қисмини шартномавий асосда уюшмага ўтказсин» сўзлари чиқариб ташлансин.

5. Вазирлар Маҳкамасининг «Ўзбекистон кимё саноати корхоналари («Ўзкимёсаноат») уюшмасини ташкил этиш ва унинг фаолияти масалалари тўғрисида» 1994 йил 19 мартдаги 149-сон қарори 4-бандининг иккинчи хатбошидаги «шунингдек, давлатга тегишли акциялар бўйича дивидендларнинг бир қисмини шартномавий асосда уюшмага ўтказсин» сўзлари чиқариб ташлансин.

6. Вазирлар Маҳкамасининг «Ўзбекистон олтин қазиб олиш ва олмосга ишлов бериш корхоналари («Ўзолмосолтин») уюшмасини ташкил этиш ва унинг фаолияти масалалари тўғрисида» 1994 йил 19 мартдаги 150-сон қарори 5-бандининг иккинчи хатбошидаги «шунингдек, давлатга тегишли акциялар бўйича дивидендларнинг бир қисмини шартномавий асосда уюшмага ўтказсин» сўзлари чиқариб ташлансин.

7. Вазирлар Маҳкамасининг «Ёғмойтамакисаноат» ёғ-мой ва тамаки саноати корхоналари уюшмасини ташкил этиш ва унинг фаолияти тўғрисида» 1994 йил 26 сентябрдаги 482-сон қарори 5-бандининг иккинчи хатбошидаги «шунингдек, ушбу акциялар бўйича дивидендларнинг бир қисмини шартнома асосида унга берсин» сўзлари чиқариб ташлансин.

8. Вазирлар Маҳкамасининг «Акциядорлик жамиятларини бошқариш тизимини такомиллаштиришга доир чора-тадбирлар тўғрисида» 1998 йил 22 августдаги 361-сон қарорида:

а) 1-илова — «Акциядорларнинг умумий йиғилиши тўғрисида Намунавий низом»да:

2.1. банддаги «р» кичик банди қуйидаги таҳрирда баён қилинсин:

«р) йирик битишувларни содир этиш, улар қуйидагилар ҳисобланади:

бундай битишувлар тузиш тўғрисида қарор қабул қилинган санада қиймати жамият активлари баланс қийматининг эллик фоизидан ортиқни ташкил этувчи мол-мулкни жамият томонидан тўғридан-тўғри ёки билвосита сотиб олиш ёки бегоналаштириш, ёхуд бегоналаштириш имконияти билан боғлиқ битишувлар ёки ўзаро бир-бирига боғлиқ бир неча битишувлар, одатдаги хўжалик фаолиятини амалга ошириш жараёнида содир этиладиган битишувлардан ташқари;

жамият томонидан илгари жойлаштирилган оддий (одатдаги) акцияларнинг эллик фоиздан ортиқни ташкил этувчи оддий (одатдаги) акцияларга конвертация қилинадиган оддий (одатдаги) акцияларни ёхуд имтиёзли акцияларни жойлаштириш билан боғлиқ битишув ёки ўзаро бир-бирига боғлиқ бир неча битишув. Йирик битишув мавзуси ҳисобланган мол-мулк қийматини белгилаш жамият Кузатувчи кенгаши томонидан амалга оширилади;»;

2.1. банддаги охирги хатбоши қуйидаги таҳрирда баён қилинсин:

«а», «б», «в», «г», «д», «е», «з», «л», «м», «р», «с» кичик бандларида назарда тутилган масалалар бўйича қарорлар Акциядорлар умумий йиғилишида қатнашувчиларнинг камида 75 фоиздан иборат кўпчилик овози билан қабул қилинади»;

3.14 - банд қуйидаги таҳрирда баён қилинсин: «Акцияларнинг номинал эгаси Акциядорлар умумий йиғилишида акциялар эгаси билан тузилган шартномага мувофиқ қатнашади»;

6.5 - банд қуйидаги таҳрирда баён қилинсин: «Агар такрорий йиғилишда кворум тўпланмаса, у ҳолда акциядорлар ташаббуси билан чақирилаётган йиғилиш бўлиб ўтмаган деб ҳисобланади ва бундан кейин чақирилмайди; жамият Кузатувчи кенгаши, тафтиш комиссияси ёки аудиторининг ташаббуси билан чақирилаётган йиғилиш акциядорлар умумий сонининг камида 60 фоизи ҳозир бўлиши таъминланмагунгача шунча марта чақирилади»;

б) 2-илова - «Акциядорлик жамиятининг Кузатувчи кенгаши тўғрисида Намунавий низом»да:

2.1 - банддаги учинчи хатбоши қуйидаги таҳрирда баён қилинсин:

«-жамият акциядорларининг йиллик ва навбатдан ташқари Умумий йиғилишларини чақириш, қонун ҳужжатларида назарда тутилган ҳоллар бундан мустасно;»;

в) 3-илова — «Акциядорлик жамиятининг ижро этувчи органи ҳақида Намунавий низом»да 1.1 - банд қуйидаги таҳрирда баён қилинсин: «Мазкур Низом акциядорлик жамияти ижро этувчи органининг мақомини белгилайди ва унинг ишини, аъзоларини тайинлаш тартибини, шунингдек ҳар бир аъзосининг ҳуқуқ ва мажбуриятларини тартибга солади. Ижро этувчи орган деганда яккабошчилик қиладиган ижро этувчи орган (директор), коллегиал ижро этувчи орган (бошқарув, дирекция), тушунилади. Акциядорларнинг умумий йиғилиши томонидан тасдиқланадиган Кузатувчи кенгаш қарорига кўра ижро этувчи орган ваколатлари шартнома бўйича тижорат ташкилотига (бошқарувчи ташкилотга) ёки якка тадбиркорга (бошқарувчига) берилиши мумкин. Шартнома шартлари Кузатувчи кенгаш томонидан белгиланади.»;

г) 5-илова — «Давлатга тегишли акциялар пакетларини ишончли бошқарувга бериш тартиби»да 2.2 - банд қуйидаги мазмундаги хатбоши билан тўлдирилсин: «Бунда депозитарий ишончли бошқарувчи томонидан кўрсатиб ўтилган акциялар пакетини тасарруф этиш имкониятини истисно қилувчи тарзда акциялар пакетини муҳофаза қилади».

9. Вазирлар Маҳкамасининг «Сабзавот ва мевалардан болалар таомлари ишлаб чиқаришни ташкил этиш тўғрисида» 1997 йил 7 январдаги 4-сон қарорининг 1-бандидаги «1-иловага мувофиқ устав жамғармаси тузилмаси бўлган» сўзлари чиқариб ташлансин.

2-илова тегишли равишда 1-илова деб ҳисоблансин.