Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-son qarori, Oʻzbekiston Respublikasi Vazirlar Mahkamasining 2013-yil 19-martdagi “Oʻzbekiston Respublikasida suvdan foydalanish va suv isteʼmoli tartibi toʻgʻrisidagi Nizomni tasdiqlash haqida”gi 82-son qarori hamda “Mahalliy davlat hokimiyati toʻgʻrisida”gi Qonunning 6- va 24-moddalariga muvofiq, suv resurslaridan oqilona va samarali foydalanish, nosugʻorish mavsumida suv taqchilligini oldini olish, suv taqsimotida adolatli yondashuvni taʼminlash, suv tejovchi texnologiyalarni keng joriy etish, shuningdek quyi boʻgʻinda suv xoʻjaligini boshqarish tizimini isloh qilish maqsadida, Ishtixon tumani Adliya boʻlimining 2025-yil 28-oktyabrdagi 5/15-25-son xulosasiga hamda Xalq deputatlari Ishtixon tumani Kengashining yettinchi chaqiriq, 14-sessiyasi qaror qiladi:

1. Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish sarmaradorligini oshirish chora-tadbirlari toʻgʻrisida”gi PQ-5-sonli qarori maʼlumot va ijro uchun qabul qilinsin.

2. Ishtixon tumani “Suv yetkazib berish xizmati” davlat muassasasi direktori M.Shodiyevning Ishtixon tumanida 2025-yil sugʻorish mavsumi uchun ajratilgan suv miqdorini (limit) tasdiqlash toʻgʻrisidagi taklifi maʼqullansin va ilovalarga muvofiq tasdiqlansin.

3. Mazkur limitlar Oʻzbekiston Respublikasi Prezidentining PQ-5-son qarorida belgilangan:

Ishtixon tumani “Suv yetkazib berish xizmati” davlat muassasasi faoliyatini takomillashtirish;

-suv resurslari hisobini yuritishning raqamli tizimlarini joriy etish;

-suv taqsimotida shaffoflikni taʼminlash;

-suvdan foydalanish samaradorligi va intizomini kuchaytirish;

-yoʻnalishlari doirasida ishlab chiqilganligini inobatga olinsin.

4. Ishtixon tumani “Suv yetkazib berish xizmati” davlat muassasasiga quyidagi topshiriqlar yuklatilsin:

- suv limitlari ijrosini taʼminlash va suv taqsimotini qatʼiy nazorat ostiga olish;

- suvdan foydalanish hisobotlarini raqamli shaklda yuritish hamda har oyda tuman hokimligi va Kengashning agrar masalalar boʻyicha doimiy komissiyasiga maʼlumot taqdim etish;

- suvdan foydalanishda meʼyordan ortiq sarflanish holatlari boʻyicha choralar koʻrish hamda iqtisodiy ragʻbatlantirish va jarima tizimini qoʻllash;

- suv tejovchi texnologiyalarni joriy etgan xoʻjaliklar faoliyatini ragʻbatlantirish boʻyicha takliflar kiritish.

5. Ishtixon tuman Ekologiya, atrof-muhitni muhofaza qilish va iqlim oʻzgarishi boʻlimi suvdan foydalanishning ekologik taʼsirini baholab, tabiiy suv manbalarining holatini oʻrganish va suv resurslarini muhofaza qilish choralarini belgilash boʻyicha har chorakda tuman Kengashiga axborot kiritib borsin.

6. Ishtixon tumani hokimligi axborot xizmati rahbari-matbuot kotibi (M.Tursunov), “Ishtixon ovozi” gazetasi muharriri (M.Rabbimova)larga Ishtixon tumani boʻyicha 2025-2026-yillar nosugʻorish mavsumi uchun suv isteʼmolchilariga oʻrnatiladigan cheklangan suv miqdorini ommaviy axborot vositalari va internet tarmoqlarida keng yoritib borish tavsiya etilsin.

7. Mazkur qarorning ijrosini nazorat qilish Xalq deputatlari Ishtixon tumani Kengashining Agrar, qurilish, kommunal sohalar, ekologiya, sanoat va transport masalalari boʻyicha doimiy komissiyasi (E.Abdusalomov) zimmasiga yuklatilsin.

8. Mazkur qaror qabul qilingan kundan eʼtiboran kuchga kiradi.