Ўзбекистон Республикасининг Солиқ кодекси, «Бухгалтерия ҳисоби тўғрисида»ги ва «Темир йўл транспорти тўғрисида»ги қонунларига мувофиқ Ўзбекистон Республикаси Иқтисодиёт ва молия вазирлиги, Солиқ қўмитаси ва Транспорт вазирлиги қарор қилади:

1. Ўзбекистон Республикаси Молия вазирлиги, Давлат солиқ қўмитаси ва «Ўзбекистон темир йўллари» давлат акциядорлик темир йўл компаниясининг 2007 йил 30 майдаги 61, 2007-36 ва 151-Н-сон қарори (рўйхат рақами 1696, 2007 йил 7 июль) (Ўзбекистон Республикаси қонун ҳужжатлари тўплами, 2007 й., 27-28-сон, 291-модда) билан тасдиқланган Халқаро темир йўл алоқаларидаги ҳисоб-китобларда темир йўл маъмуриятлари ўртасидаги ўзаро ҳисоблашишлар тартиби тўғрисидаги низомга иловага мувофиқ ўзгартиришлар киритилсин.

2. Мазкур қарор расмий эълон қилинган кундан эътиборан кучга киради.

1. Муқаддима қуйидаги таҳрирда баён этилсин:

«Мазкур Низом халқаро темир йўл алоқаларида темир йўл ташишлари ва ҳисоб-китобларни тартибга солувчи халқаро битимлар, шартномалар ва қоидаларда иштирок этадиган «Ўзбекистон темир йўллари» акциядорлик жамияти (бундан буён матнда «Ўзбекистон темир йўллари» АЖ деб юритилади) ва бошқа темир йўл маъмуриятлари ўртасидаги ўзаро ҳисоблашишлар тартибини белгилайди.».

2. 1-банд қуйидаги таҳрирда баён этилсин:

«1. Мазкур Низом талаблари «Ўзбекистон темир йўллари» АЖнинг — Халқаро юк ва йўловчи темир йўл алоқаларида ҳисоб-китоблар қоидалари тўғрисида шартнома, Халқаро юк ва йўловчи темир йўл алоқаларида ҳисоб-китоблар тўғрисида қоидалар, Халқаро йўловчи алоқалари тўғрисида келишув, Халқаро темир йўл юк алоқалари тўғрисида келишув, МДҲ, Грузия, Латвия, Литва, Эстония Республикалари темир йўл маъмуриятлари ўртасидаги комплекс ҳисоб-китоблар қоидалари, бошқа давлатлар мулки бўлган юк ташувчи вагонлардан фойдаланганлик учун ҳисоб-китоблар, рақамли ҳисоб ва эксплуатация қоидалари, Халқаро алоқаларда вагонлардан фойдаланиш қоидалари ва Халқаро алоқаларда вагонлардан фойдаланиш қоидалари тўғрисида шартнома, Иқтисодий жавобгарлик тўғрисида келишув ва халқаро темир йўл алоқаларидаги ҳисоб-китобларда темир йўл маъмуриятлари ўртасидаги ўзаро ҳисоблашишларни тартибга солувчи бошқа халқаро қоидалар ва келишувлар (кейинги ўринларда матнда Халқаро Қоидалар деб юритилади) иштирокчилари билан халқаро темир йўл алоқаларидаги ҳисоблашишларни амалга оширишда татбиқ қилинади.».

3. 2, 5, 6, 8, 11, 12, 19, 20, 26 ва 35-бандлардаги «Ўзбекистон темир йўллари» ДАТК» деган сўзлар «Ўзбекистон темир йўллари» АЖ» деган сўзлар билан алмаштирилсин.

4. 3, 27 ва 29-бандлардаги «Ўзбекистон темир йўллари» ДАТКнинг» деган сўзлар «Ўзбекистон темир йўллари» АЖнинг»га алмаштирилсин.

5. 32-банд ўз кучини йўқотган деб топилсин.

6. VII бўлим ўз кучини йўқотган деб топилсин.