Ўзбекистон Республикаси Президентининг «Пахтанинг комплекс қайта ишланишини таъминлаш борасидаги чора-тадбирлар тўғрисида» 1996 йил 30 декабрдаги ПФ-1691-сон Фармонини бажариш юзасидан Вазирлар Маҳкамаси қарор қилади:

1. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг пахта ва пахта толасини қайта ишловчи корхоналарни қуриш ва уларни қайта ихтисослаштиришга доир таклифларини кўриб чиқиш бўйича Вазирлар Маҳкамасининг Комиссияси 1-иловага* мувофиқ таркибда ташкил этилсин.

Кўрсатиб ўтилган Комиссияга Комиссиянинг кўриб чиқиши учун киритиладиган лойиҳалар бўйича эксперт хулосалар тайёрлаш ва бериш учун мутахассислардан ишчи гуруҳлар ташкил этиш ҳуқуқи берилсин.

Комиссияга пахта толаси ишлаб чиқариш ва уни тақсимлаш баланси бўйича таклифлар ишлаб чиқиш ва Вазирлар Маҳкамасига киритиш вазифаси юклансин.

2. Пахта ва пахта толасини комплекс қайта ишловчи корхоналарни қуришга ва уларни қайта ихтисослаштиришга доир таклифлар киритиш тартиби 2-иловага мувофиқ тасдиқлансин.

3. Пахтани қайта ишлаш саноатида ягона техника ва технология сиёсатини ўтказиш, пахта толасини комплекс ва чуқур қайта ишлаш таъминланишига доир чора-тадбирларни мувофиқлаштириш, шунингдек, пахтани қайта ишловчи корхоналар қурилиши ва реконструкцияси лойиҳаларини мустақил экспертизадан ўтказиш бўйича бош ташкилотчи функцияси «Ўзенгсанлойиҳа» (4-ДЛИ) лойиҳа институтига юклансин.

4. Белгилаб қўйилсинки:

янги ишлаб чиқаришлар қурилиши ва бошқа тармоқлар объектларини пахта толасини қайта ишлашга қайта ихтисослаштириш экспортга йўналтирилган, жаҳон бозорида рақобатга бардошли маҳсулот ишлаб чиқарилиши устун даражада таъминланган тақдирда ва кўрсатиб ўтилган Комиссиянинг қароридан келиб чиққан ҳолда Ўзбекистон Республикаси Вазирлар Маҳкамасининг фармойиши асосида амалга оширилиши мумкин;

пахта ва пахта толасини қайта ишлайдиган корхоналар қурилишини ва уларни қайта ихтисослаштиришни маблағ билан таъминлаш банклар томонидан Ўзбекистон Республикаси Вазирлар Маҳкамасининг фармойиши ва объект қурилиши ёки уни қайта ихтисослаштиришнинг техник-иқтисодий мақсадга мувофиқлиги тўғрисида бош ташкилот — «Ўзенгсанлойиҳа» (4-ДЛИ) лойиҳа институти томонидан бериладиган эксперт хулосаси асосида амалга оширилади.

Объектларни лойиҳалаштириш, қуриш ва қайта ихтисослаштиришнинг белгиланган тартиби бузилган тақдирда кўрсатиб ўтилган корхоналарни қуриш тўғрисида қарор қабул қилган айбдор мансабдор шахслар амалдаги қонунчиликка мувофиқ жавобгарликка, шу жумладан, жиноий жавобгарликка тортилади.

5. «Ўзистиқболстат» давлат қўмитаси «Ўзенгсанлойиҳа» (4-ДЛИ) лойиҳа институти ва бошқа манфаатдор ташкилотлар билан биргаликда шу йил август ойига қадар, мавжудларини реконструкция қилиш, техника билан қайта жиҳозлашни ҳамда экспортга йўналтирилган маҳсулот ишлаб чиқарадиган, пахта чуқур ва комплекс қайта ишланишини таъминлайдиган янги корхоналарни қуришни ҳисобга олган ҳолда, пахтани қайта ишловчи корхоналарни жойлаштириш схемасини ишлаб чиқсин.

6. Ўзбекистон Республикаси Вазирлар Маҳкамасининг «Пахта толаси ресурсларидан комплекс фойдаланиш чора-тадбирлари тўғрисида» 1994 йил 25 августдаги 435-сон қарори ўз кучини йўқотган деб ҳисоблансин.

7. Мазкур қарорнинг бажарилишини назорат қилиш Ўзбекистон Республикасининг Бош вазири Ў.Т. Султонов зиммасига юклансин.

Пахта ва пахта толасини комплекс қайта ишловчи корхоналарни қуришга ва уларни қайта ихтисослаштиришга доир таклифлар киритишнинг мазкур тартиби Ўзбекистон Республикаси Президентининг «Пахтани комплекс қайта ишлашни таъминлаш чора-тадбирлари тўғрисида» 1996 йил 30 декабрдаги ПФ-1691-сон фармонига мувофиқ ишлаб чиқилган ва тасдиқланган.

1. Пахта ва пахта толасини комплекс қайта ишловчи корхоналарни қуришга ва уларни қайта ихтисослаштиришга доир таклифлар, корхоналарнинг қувватидан, уларнинг идоравий бўйсуниши ва мулкчилик шаклларидан қатъи назар, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан «Ўзистиқболстат» давлат қўмитаси қуйидагилар асосида киритилади:

манфаатдор вазирликлар ва идораларнинг, инвестор корхоналарнинг тегишли шаҳар, туман ҳокимликлари билан келишилган илтимосномалари;

ишлаб чиқариш кучларини жойлаштириш ҳудудий комиссиянинг ижобий қарори;

инвестор (буюртмачи) томонидан тақдим этилган маблағ билан таъминлаш манбалари мавжудлигини, маҳсулот ташқи бозорда сотилишини тасдиқловчи ҳужжатлар (маблағ билан таъминловчи банкнинг буюртмачида инвестиция ресурслари мавжудлиги тўғрисидаги хулосаси, объект қурилиши кредит бериш учун қабул қилинганлиги, хорижий ҳамкорнинг маҳсулотнинг сотилиши тўғрисидаги белгиланган тартибда легаллаштирилган ёки апостиль қўйган ҳолда мажбуриятлари ва кафолатлари ва бошқалар).

2. «Ўзистиқболстат» давлат қўмитаси Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг пахта ва пахта толасини қайта ишлайдиган корхоналарни қуриш ва уларни қайта ихтисослаштириш тўғрисидаги таклифларини кўриб чиқишда ишлаб чиқариш мўлжалланаётган маҳсулотнинг экспортга йўналтирилганлигини ва жаҳон бозорида рақобатбардошлилигини, тўқимачилик саноати мавжуд бўлмаган ёки суст ривожланган туманлар ва шаҳарларда тўқимачилик корхоналари ташкил этилишига устунлик берган ҳолда минтақаларда бундай корхоналар ва бўш меҳнат ресурслари мавжудлигини эътиборга олсин.

«Ўзистиқболстат» давлат қўмитаси томонидан Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг таклифлари ўн кун муддатда «Ўзенгсанлойиҳа» (4-ДЛИ) лойиҳа институтига юборилади.

3. «Ўзенгсанлойиҳа» (4-ДЛИ) лойиҳа институти бир ой муддатда лойиҳа буюртмачиси билан биргаликда шартнома асосида инвестиция олди тадқиқотлари ўтказади ҳамда «Ўзистиқболстат» давлат қўмитасига йиғма эксперт хулосаси беради, унда қуйидаги масалалар ҳар томонлама ёритилади:

пахта комплекс, чуқур қайта ишланиши, юқори сифатли тайёр маҳсулот ишлаб чиқаришни ташкил этиш таъминланиши;

ташкил этилаётган корхона замонавий техника ва технологиялар билан жиҳозланиши;

устун даражада экспортга йўналтирилган, рақобатбардошли маҳсулот ишлаб чиқариш имконини берадиган ихчам, тез қайта созланадиган корхоналар ташкил этилиши, ташкил этилаётган корхонанинг «Ўзистиқболстат» давлат қўмитаси томонидан белгиланган рўйхат бўйича техник-иқтисодий ва бошқа кўрсаткичлари.

4. «Ўзенгсанлойиҳа» (4-ДЛИ) лойиҳа институти корхона қурилиши ёки уни қайта ихтисослаштириш мақсадга мувофиқлиги тўғрисидаги йиғма эксперт хулосани «Ўзистиқболстат» давлат қўмитасига юборади, қўмита икки ҳафта муддатда уларни манфаатдор вазирликлар ва идоралар иштирокида кўриб чиқади ҳамда қуйидаги ҳужжатлар туркуми билан биргаликда Вазирлар Маҳкамаси Комиссиясига таклиф киритади:

Вазирлар Маҳкамаси Комиссиянинг қарори лойиҳаси;

Вазирлар Маҳкамаси фармойиши лойиҳаси;

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг таклифлари;

«Ўзенгсанлойиҳа» (4-ДЛИ) лойиҳа институтининг йиғма эксперт хулосаси;

маблағ билан таъминлаш манбалари мавжудлигини тасдиқловчи ҳужжатлар.

8. Буюртмачи республика Вазирлар Маҳкамасининг ижобий қарори олингандан кейингина барча зарур лойиҳа ҳужжатлари ишлаб чиқилишини ташкил этади.

9. «Ўзенгсанлойиҳа» (4-ДЛИ) лойиҳа институтининг эксперт хулосаларига мувофиқ Республика комиссияси томонидан олдин берилган рухсатномалар бўйича пахта толасини қайта ишлаш объектларини қуриш ва уларни реконструкция қилиш ҳуқуқи вазирликлар, идоралар ва корхоналарда сақлаб қолинсин.