LexUZ шарҳи
Мазкур қарор Ўзбекистон Республикаси Давлат божхона қўмитаси ва Ички ишлар вазирлигининг 2010 йил 28 октябрдаги 01-02/12-8, 20-сонли «Ўзбекистон Республикаси ҳудудига олиб кирилаётган транспорт воситаларини божхона расмийлаштирувидан ўтказиш ва Ўзбекистон Республикаси ички ишлар вазирлиги ҳудудий давлат йўл ҳаракати хавфсизлиги хизмати органларида рўйхатга олиш тартиби тўғрисидаги низомни тасдиқлаш ҳақида»ги қарорига (рўйхат рақами 2156, 19.11.2010 й.) асосан ўз кучини йўқотган.
Ўзбекистон Республикасининг «Давлат божхона хизмати тўғрисида»ги Қонунини 6-моддасига мувофиқ Ўзбекистон Республикаси Давлат божхона қўмитаси ва Ички ишлар вазирлиги қарор қилади:
1. Ўзбекистон Республикаси божхона ҳудудига олиб кирилаётган транспорт воситаларини расмийлаштириш тартиби тўғрисидаги низом иловага* мувофиқ тасдиқлансин.
* Илова рус тилидаги матнда берилган.
2. 1997 йил 27 мартда 317-рақам билан Ўзбекистон Республикаси Адлия вазирлигидан рўйхатдан ўтган Ўзбекистон Республикаси божхона ҳудудига олиб кирилаётган транспорт воситаларини расмийлаштириш тартиби тўғрисидаги вақтинчалик йўриқнома, унга 1998 йил 23 июнда 317-1 рақам ва 2000 йил 25 августда 317-2 рақам билан киритилган ўзгартиришлар ва Ўзбекистон Республикаси Давлат божхона қўмитасининг 1993 йил 14 октябрдаги 3-рақам билан Ўзбекистон Республикаси Адлия вазирлигидан рўйхатдан ўтган буйруғини III-бўлими ўз кучини йўқотган деб ҳисоблансин.
3. Мазкур қарор Ўзбекистон Республикаси Адлия вазирлигида давлат рўйхатига олинган кундан ўн кун ўтгандан сўнг кучга киради.