Мамлакатимиз мустақиллигини мустаҳкамлаш, унинг иқтисодий, сиёсий, ижтимоий, илмий, маънавий салоҳиятини ва мудофаа қудратини юксалтириш, давлатимиз сарҳадларининг дахлсизлигини таъминлаш, демократик ислоҳотларни амалга ошириш, жамиятимизда ҳукм сураётган миллатлараро дўстлик ва тотувликни, тинчлик ва барқарорликни асраш, миллий маданиятимиз ва санъатимизни ривожлантириш, соғлом ва баркамол авлодни вояга етказиш, ёшларимизни ватанпарварлик ва истиқлол ғояларига садоқат руҳида тарбиялаш ишларига қўшган муносиб ҳиссаси учун, шунингдек, Ўзбекистон Республикаси Конституциясининг 25 йиллиги байрам қилиниши муносабати билан Вазирлар Маҳкамаси қарор қилади:

Ўзбекистон Республикаси Президентининг ««Ўзбекистон Конституциясига 25 йил» эсдалик нишонини таъсис этиш тўғрисида» 2017 йил 10 октябрдаги ПФ-5201-сон Фармонига ҳамда Ўзбекистон Республикаси Президентининг ««Ўзбекистон Конституциясига 25 йил» эсдалик нишони билан мукофотлаш тўғрисида» 2017 йил 29 ноябрдаги Ф-5124 фармойишига мувофиқ давлат ва хўжалик бошқаруви, маҳаллий давлат хокимияти органлари, жамоат ташкилотлари ва бирлашмалари томонидан тақдим этилган «Ўзбекистон Конституциясига 25 йил» эсдалик нишони билан тақдирланадиган зиёлилар, фан ва санъат арбоблари, ишчи ва хизматчилар, тадбиркорлар, фермерлар, меҳнат фахрийлари, ҳарбий хизматчилар, ҳуқуқни муҳофаза қилувчи идоралар ходимлари ва бошқа шахслар рўйхатлари иловага мувофиқ тасдиқлансин