Тошкент шаҳрининг ижтимоий-иқтисодий ривожлантириш бўйича қабул қилинган дастурларни ижросини таъминлаш, шаҳар инфраструктурасини такомиллаштириш, ҳудудларни ободонлаштириш ва кўкаламзорлаштириш, шунингдек аҳоли турмуш даражасини янада яхшилаш, уларнинг фаровонлигини таъминловчи кенг кўламли дастурлардаги тадбирларнинг амалга оширилишида қўшимча молиявий манбалардан самарали фойдаланиш мақсадида Вазирлар Маҳкамаси қарор қилади:
1. Тошкент шаҳар ҳокимлигининг «Тошкент шаҳрини ободонлаштириш ва фаровонлигини ошириш жамғармаси» ни (кейинги ўринларда — Жамғарма деб аталади) ташкил этиш тўғрисидаги таклифи маъқуллансин.
Тошкент шаҳар ҳокимлиги ҳамда унинг таъсисчилигида ташкил этилган хўжалик юритувчи субъектларнинг ажратмалари;
Олдинги таҳрирга қаранг.
(2-банднинг олтинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
Тошкент шаҳар инфраструктурасини яхшилаш, ҳудудларни ободонлаштириш ва кўкаламзорлаштириш, маҳаллий ички йўлларни таъмирлаш;
кўп қаватли турар жойларни умумфойдаланиладиган қисмини таъмирлаш, болалар ва спорт майдончаларини барпо этиш;
Олдинги таҳрирга қаранг.
кам таъминланган ва ёш оилаларга имтиёзли кредитлар олинишида бошланғич бадални қисман ёки тўлиқ қоплаб бериш ҳамда маиший техника воситаларига бўлган бирламчи эҳтиёжни қондириш;
маҳалла фуқаролар йиғинлари моддий-техника базасини мустаҳкамлаш, маҳаллалар ҳудудида кутубхоналар ташкил этиш ҳамда бадиий ва бошқа адабиётлар билан бойитиш.
4. Тошкент шаҳар ҳокимлиги Ўзбекистон Республикаси Молия вазирлиги билан биргаликда бир ой муддатда Тошкент шаҳрини ободонлаштириш ва фаровонлигини ошириш жамғармасини шакллантириш ҳамда унинг маблағларидан фойдаланиш тартиби тўғрисидаги низомни ишлаб чиқсин ва тасдиқласин.
5. Ўзбекистон Республикаси Бош вазирининг ўринбосари Ж.А. Қўчқоров Тошкент шаҳар ҳокимлиги билан биргаликда Жамғарманинг молиявий манбаларини кенгайтириш юзасидан икки ой муддатда таклифлар ишлаб чиқсин.
6. Мазкур қарорнинг ижросини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» АЖ бошқаруви раиси А.Ж. Раматов, Бош вазир ўринбосари Ж.А. Қўчқоров ва Тошкент шаҳар ҳокими Р.Ж. Усманов зиммасига юклансин.