2001 йил 1 январдан бошлаб Ўзбекистон Республикаси Ижтимоий таъминот вазирлиги ҳузуридаги Пенсия жамғармаси Ўзбекистон Республикасининг бюджетдан ташқари Пенсия жамғармасига айлантирилганлиги муносабати билан Вазирлар Маҳкамаси қарор қилади:

1. Ўзбекистон Республикаси Вазирлар Маҳкамасининг иловага мувофиқ айрим қарорларига ўзгартириш ва қўшимчалар киритилсин.

2. Меҳнат ва аҳолини ижтимоий муҳофаза қилиш вазирлиги Давлат солиқ қўмитаси, Молия вазирлиги ва Адлия вазирлиги билан биргаликда бир ой муддатда Вазирлар Маҳкамасининг 1998 йил 28 январдаги 47-сон қарори билан тасдиқланган Юридик шахс бўлмасдан тадбиркорлик фаолияти билан шуғулланувчи жисмоний шахсларнинг меҳнат стажини ҳисобга олиш ва уларнинг Пенсия жамғармасига бадаллар ажратиши тартибининг ва Вазирлар Маҳкамасининг 1998 йил 9 июлдаги 289-сон қарори билан тасдиқланган Деҳқон хўжаликлари аъзоларини ижтимоий суғурталаш ва уларнинг ижтимоий таъминоти тўғрисидаги низомнинг янги таҳририни тасдиқлаш учун Вазирлар Маҳкамасига киритсин.

3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.С. Азимов зиммасига юклансин.

1. Ўзбекистон Республикаси Олий Кенгаши Раёсати ва Ўзбекистон Республикаси Вазирлар Маҳкамасининг «Чернобиль ҳалокатидан зиён кўрган Ўзбекистон Республикасида истиқомат қилувчи фуқароларни ижтимоий ҳимоялаш ҳақида» 1992 йил 6 апрелдаги 170-сон қарорининг (Ўзбекистон Республикаси ҚТ, 1992 й., 4-сон, 10-модда) 2-бандида «Ўзбекистон Республикаси Ижтимоий таъминот вазирлиги ҳузуридаги Пенсия жамғармаси» сўзлари «Ўзбекистон Республикасининг бюджетдан ташқари пенсия жамғармаси» сўзлари билан алмаштирилсин.

6. Ўзбекистон Республикаси Вазирлар Маҳкамасининг 1994 йил 11 майдаги 249-сон қарори билан тасдиқланган «Фуқароларнинг давлат пенсия таъминоти тўғрисида» Ўзбекистон Республикаси Қонуни 66-моддасининг 2 ва 3-қисмларига мувофиқ «Пенсия тўлашга сарфланадиган харажатларни қоплаш тартиби»да:

1) 1-банддаги «Ўзбекистон Республикаси Ижтимоий таъминот вазирлиги ҳузуридаги Пенсия жамғармасига» сўзлари «Ўзбекистон Республикасининг бюджетдан ташқари Пенсия жамғармасига» сўзлари билан алмаштирилсин;

2) 2-банддаги «Пенсия жамғармасининг ваколатли» сўзлари «давлат солиқ хизматининг» сўзлари билан алмаштирилсин;

3) 4 ва 5-бандлардаги «Пенсия жамғармасига» сўзлари «Бюджетдан ташқари Пенсия жамғармасига» сўзлари билан алмаштирилсин;

4) 6-банддаги:

тўртинчи — ўн иккинчи хатбоши чиқариб ташлансин;

ўн учинчи ва ўн бешинчи хатбошидаги «Ижтимоий суғурта жамғармасига» сўзлари «Бюджетдан ташқари Пенсия жамғармасига» сўзлари билан алмаштирилсин;

ўн тўртинчи хатбошидаги «(шакли илова қилинмоқда)» сўзлари чиқариб ташлансин, «Ижтимоий суғурта жамғармасининг ваколатли вакили томонидан» сўзлари «солиқ органлари томонидан» сўзлари билан алмаштирилсин, шунингдек мазкур хатбоши «Зарур бўлганда ушбу ишга туманлар (шаҳарлар) ижтимоий таъминот бўлимлари ходимлари жалб этилиши мумкин» жумласи билан тўлдирилсин;

5) 7-банддаги «Пенсия жамғармаси» ва «жамғарма» сўзлари «давлат солиқ хизмати» сўзлари билан, «Меҳнат вазирлигининг» сўзлари эса «Меҳнат ва аҳолини ижтимоий муҳофаза қилиш вазирлигининг» сўзлари билан алмаштирилсин;

6) 8-банддаги «Пенсия жамғармасининг ваколатли бўлимларига» сўзлари «давлат солиқ хизмати органларига» сўзлари билан алмаштирилсин;

7) 9-банддаги «Пенсия жамғармасининг ваколатли ҳудудий бўлинмаларига» сўзлари «Ўзбекистон Республикасининг бюджетдан ташқари Пенсия жамғармасига» сўзлари билан алмаштирилсин;

8) 10-банддаги «Пенсия жамғармаси» сўзлари «ижтимоий таъминот органлари тақдимномасига кўра давлат солиқ хизмати» сўзлари билан алмаштирилсин;

9) 11-банддаги «Пенсия жамғармасига муддати ўтказиб юборилган ҳар бир кун учун ҳисоблаб ўтказилиши лозим бўлган сумманинг 0,2 фоизи миқдорида пеня» сўзлари «Бюджетдан ташқари Пенсия жамғармасига муддати ўтказиб юборилган ҳар бир кун учун ҳисоблаб ўтказилиши лозим бўлган сумманинг қонунчилик билан белгиланган миқдорида пеня» сўзлари билан алмаштирилсин;

10) 12-банддаги «Пенсия жамғармаси» сўзлари «давлат солиқ хизмати» сўзлари билан алмаштирилсин;

11) 13-банддаги «ва Пенсия жамғармаси» сўзлари чиқариб ташлансин, «Жамғарма» сўзи «Бюджетдан ташқари Пенсия жамғармаси» сўзлари билан алмаштирилсин;

12) Ўзбекистон Республикаси Вазирлар Маҳкамасининг 1994 йил 11 майдаги 249-сон қарори билан тасдиқланган «Фуқароларнинг давлат пенсия таъминоти тўғрисида» Ўзбекистон Республикаси Қонуни 66-моддасининг 2 ва 3-қисмларига мувофиқ «Пенсия тўлашга сарфланадиган харажатларни қоплаш тартиби»га шакл чиқариб ташлансин.

7. Ўзбекистон Республикаси Вазирлар Маҳкамасининг «Имтиёзли шартларда пенсияга чиқиш ҳуқуқини берувчи ишлаб чиқаришлар, муассасалар, ишлар, касблар, лавозимлар ва кўрсаткичларнинг рўйхатини тасдиқлаш тўғрисида» 1994 йил 12 майдаги 250-сон қарорида:

1) 2-банднинг иккинчи ва учинчи хатбошидаги, 3 ва 4-бандлардаги «Ўзбекистон Республикаси Меҳнат вазирлиги», «Ўзбекистон Республикаси Меҳнат вазирлиги ва Ўзбекистон Республикаси Ижтимоий таъминот вазирлиги», «Ўзбекистон Республикаси Меҳнат вазирлиги ва Ижтимоий таъминот вазирлиги», «Ўзбекистон Республикаси Меҳнат вазирлиги» сўзлари тегишли равишда «Ўзбекистон Республикаси Меҳнат ва аҳолини ижтимоий муҳофаза қилиш вазирлиги» сўзлари билан алмаштирилсин;

2) 3-банддаги «Ўзбекистон Республикаси Вазирлар Маҳкамаси ҳузуридаги Ижтимоий суғурта жамғармаси билан» сўзлари чиқариб ташлансин.

11. Ўзбекистон Республикаси Вазирлар Маҳкамасининг «Ўзбекистонда театр ва мусиқа санъатини янада ривожлантиришни қўллаб-қувватлаш ва рағбатлантириш чора-тадбирлари тўғрисида»ги Фармонни амалга ошириш масалалари ҳақида» 1995 йил 28 октябрдаги 415-сон қарори 4-бандининг иккинчи хатбошидаги «Ўзбекистон Республикаси Ижтимоий таъминот вазирлиги ҳузуридаги Пенсия жамғармаси» сўзлари «Ўзбекистон Республикасининг бюджетдан ташқари Пенсия жамғармаси» сўзлари билан алмаштирилсин.

12. Ўзбекистон Республикаси Вазирлар Маҳкамасининг «Ўзбекистон Республикаси адвокатлик бирлашмаларида адвокатлик фаолияти билан шуғулланувчи шахсларни ижтимоий ҳимоя қилиш чора-тадбирлари тўғрисида» 1996 йил 15 июлдаги 250-сон қарори 1-бандидаги «Ўзбекистон Республикаси Ижтимоий таъминот вазирлиги ҳузуридаги Пенсия жамғармасига» сўзлари «Ўзбекистон Республикасининг бюджетдан ташқари Пенсия жамғармасига» сўзлари билан алмаштирилсин.